المساعد الشخصي الرقمي

مشاهدة النسخة كاملة : بيتك جنتك و رضاء ربك مبتغاك 3

الصفحات : 1 2 3 4 [5]
سمراء الدنيا
2013-05-22, 21:15
بارك الله فيك خولة اديتي واجبك على اكمل وجه ...و لك في كل مرة مثل الدي دعوت به ان شاء الله
نايليةوافتخر
2013-05-22, 23:05
تطبيقي لنهار اليوم
نضت شوي روطار فاتني الفجر صليت وطيبت القهوة قريت الاذكار خملت صلحت غسلت الماعن وريحت عند الميكرو درت الغداخفيف


وبعد الغدا غسلت اماعن وصليت وريحت عند الميكرو البرد ماخدمت والو
هذا القاطو تاع البارح خدمتو
صابلي ام رامي وصابلي البيمو
http://im33.gulfup.com/9dUoD.jpg

http://im33.gulfup.com/EAdgk.jpg

وهذي الكيكة درتها في عيد ميلاد زوجي الاحد

درت العشا وبعد العشا غسلت الماعن وصليت ورجعت للميكرو
الجانب الجمالي 000000000000000000000
نايليةوافتخر
2013-05-22, 23:08
بارك الله فيك خولة اديتي واجبك على اكمل وجه ...و لك في كل مرة مثل الدي دعوت به ان شاء الله

شكرا سمورة هذالاشيء امام ماقدتيه انت والاخوات بارك الله فيكم
وردة الهوى
2013-05-23, 12:39
ما شاء الله و الله اثرت فيا هذه المدونة و راح اعمل بها ابتداءا من الغد و ادعيلي ربي يثبتني في الصلاة
fani09
2013-05-23, 12:50
السلام عليكم....يعطيكم الصحة
والله سجلت في المنتدي من اجل المشاركة في هذا الركن... وبالطبع المنتدي الكل رائع
لكن هنا وجدت المبتغئ
ارجو انكم تقبلوني معاكم ..............و اجركم عند الله ويحفظاكم اولادكم
و تستاهلي احسن تقييم
سمراء الدنيا
2013-05-23, 14:45
ما شاء الله و الله اثرت فيا هذه المدونة و راح اعمل بها ابتداءا من الغد و ادعيلي ربي يثبتني في الصلاة

السلام عليكم....يعطيكم الصحة
والله سجلت في المنتدي من اجل المشاركة في هذا الركن... وبالطبع المنتدي الكل رائع
لكن هنا وجدت المبتغئ
ارجو انكم تقبلوني معاكم ..............و اجركم عند الله ويحفظاكم اولادكم
و تستاهلي احسن تقييم

مرحبا بكما معنا ....
الدورة شارفت على نهايتها و قريبا نبدا دورة جديدة باذن الله ....نتمنى تكونو معانا و تابعونا هنا
http://www.djelfa.info/vb/showthread.php?t=1294383
fati 17
2013-05-23, 19:14
آمين .....آمين.......آمين...
امين امين اميييييييييييييييييييييييييييييين
fati 17
2013-05-23, 19:17
السلام عليكم....يعطيكم الصحة
والله سجلت في المنتدي من اجل المشاركة في هذا الركن... وبالطبع المنتدي الكل رائع
لكن هنا وجدت المبتغئ
ارجو انكم تقبلوني معاكم ..............و اجركم عند الله ويحفظاكم اولادكم
و تستاهلي احسن تقييم
اهلا وسهلا بيك انشاالله تلقاي معانا واش تتمناي
fani09
2013-05-23, 22:57
شكرا لك fati 17
على الترحيب وامنيتي ملمومين في الجنة صحبة طيبة ......نتعاونو على طاعة الله
سمراء الدنيا
2013-05-24, 09:46
جمعة مباركة للجميع
ام مريم الجزائرية
2013-05-25, 16:05
السلام عليكم واش راكم لبنات كامل واولا دكم
ام اريج حنونة ربي يجازيك ويفرحك فرحت بزاف بسؤالك وكلامك
الحمد لله راكم بخير ربي يدومه راني الحمد لله غير ظروف
ماعنديش مشاركات بزاف باه نبعث للخاص
سمراء الدنيا
2013-05-25, 21:40
تطبيقاتي للايام الماضية
الجانب الديني تمام و الحمد لله الصلواة في وقتها + صلاة الضحى ....التلاوة راني في سورة الانبياء...الحفظ ..60اية من سورة البقرة ...لكن الصيام راني مقصرة ...اللهم اعني على طاعتك و حسن عبادتك

الجانب التربوي الحمد لله الابن الصغير كمل الاختبارات و كان جيد و الكبار بداو و راني واقفة معاهم يبغو يحفظو الصباح بكري ربي ينجحهم

الجانب الجمالي ...دوش + تنظيف الاسنان + ترطيب اليدين و الرجلين فقط لا غير

التنظيفي ...اااااااااااااه قلبت الدار كامل ما خليتش فيها مكان ...بمساعدة اولادي و اولاد الجيران طلعت كل محتويات غرفة النوم الى الشمس و سيقتها مليح بالجافيل الرغوي و الازيس و الصانيبو (نجرتها ) و نفس الشيء مع الصالة الصغير و الاول من بعد نظفت المطبخ و الحوش للي معاه كما ينبغي و كملت بالدوش و التوالات رجعو يبرقو و هودت مع الدروج حكيتهم و المدخل و كملت بالgاراج و ضربت تبخيرة للدار و كافات نفسي بزلافة طعام هههه لعشية رجعت كل لفراش و ستيكيت الدار ...و الله على ريحة النظافة كان هاين عليا نصورليكم كل شبر في الدار من قوة اللي عجبتني و فرحت بيها بغيتكم تفرحو معايا
http://im37.gulfup.com/08b4j.jpg
http://im37.gulfup.com/3EDgQ.jpg
http://im37.gulfup.com/W6dIM.jpg
http://im37.gulfup.com/8wSAT.jpg
http://im37.gulfup.com/u4zUw.jpg


و خيطت بعض لخياطات لخفاف اللي كانو عندي
http://im37.gulfup.com/TMpxy.jpg
http://im37.gulfup.com/etCwc.jpg


و جربت بعض الاطباق منها مقلوبة المرقاز و العجينة السحرية غدا بادن الله نحط الصور
أم ايهاب 2013
2013-05-25, 22:23
السلام عليكم اعطوني رابط اللمة الجديدة
ماريا205
2013-05-25, 23:48
تطبيقي للايام الماضية
الجانب الديني الحمد لله الصلاة في وقتها التلاوة في سورة القصص والحفظ في الاية78 من سورة الكهف وراني نثبت فيها
الجانب التربوي بعدما حفظو اية الكرسي عادو يقراوها وحدهم قبل النوم وراني ناوية نحفضهم سور اخرى باذن الله
مع الصلاة طبعا مع اشراكهم لي في بعض الاعمال المنزلية كتفصاص الجلبانة غسيل الصاكادو
الجانب التجميلي عادي دوش و كحل ترطيب للرجلين وفرش اسنان
الجانب التنظيفي مع الاعمال الروتينية كل صباح من لمان البيوت ومسيح الغبرة والتسياق
يوم الاربعاء خصصتو لغسيل القش والصاكادوات والكروشي بديت في صدر الورقات طبعا الغداء والعشاء
اما يوم الخميس فخصصتو للمطبخ اولا عجنت الشخشوخة وخليتها ترتاح فرزت البلاكارات وغسلت السرافط و مسحت الكويزنيار من داخل ونظفت كامل البيت
بلا ما ننسا الغداء والعشاء كانو ضياف طيبت في الغداء روز وسلاطة وطيبت الشخشوخة وجدتها لنهار الجمعة والعشاء جلبانة وجربت مطلوع في الكوشة جاء خفيف
http://www14.0zz0.com/2013/05/25/22/610391229.jpg (http://www.0zz0.com)

http://www14.0zz0.com/2013/05/25/22/568616664.jpg (http://www.0zz0.com)
وحميص روعة
يوم الجمعة هو عيد ليا يعني ندلل فيه روحي الدار كانت نظيفة ورقاق الشخشوخة واجد بعد الفطورغسلت الماعن و نصبت المرقة خليتها تطيب على مهلها وخرجنا للسوق كي رجعنا تغدينا غسلت لماعن وصليت الضهروقريت سورة الكهف دوزنت الدجاجة وخليتها وفصصت الجلبانة بمساعدة بنتي وفي قرعة سعيدة والى الكونجلاتور ريحت شوي صلينا العصر لحت الدجاجة تطيب على نار ذليلة في الوسط وخرجنا حوسنا ورجعنا بعد المغرب لقيتها استوت بعد العشاء غسلت لماعن التسبيح والاستغفار والى النوم
يوم السبت ايضا كان حافل بالاشغال استيقضت على 4و30 صليت الفجرو رجعت بلاصتي سبحت واستغفرت حتى داني النوم كي نضنا وجدت الفطور بعدو غسلت لماعن شمخت لعدس لميت البيوت كنست ومسحت الغبرة حطيت بساط يترنخ
وسيقت الدار نصبت الغداء وغسلت البساط بعد الغداء غسلت لماعن صليت الضهر والى القيلولة كي نضنا شربنا الحليب بالبسبوسة دوشت لولاد وقعدت عند المكرو عشيتهم وراحو يرقدو وجيت
hajerty
2013-05-26, 11:11
:19: جميل جدا بارك الله فيك :19:
~ حراير ~
2013-05-26, 12:31
السلام عليكم واش راكم لبنات كامل واولا دكم
ام اريج حنونة ربي يجازيك ويفرحك فرحت بزاف بسؤالك وكلامك
الحمد لله راكم بخير ربي يدومه راني الحمد لله غير ظروف
ماعنديش مشاركات بزاف باه نبعث للخاص

ام مريم
الحمدلله على هاد الساعة الي طمنا فيها عليك
والله شوفي مجرد صدفة بصح حكمتك فيها
مع اشتياقي لكلامك الطيب زربت و رسلتلك
و قعدت نتمنى انك تقراي رسالتي
ايا الحمدلله الي راكي بخير
و ربي يفرج عليك و على كل مومن و ربي يفتحلك ابواب رزقه و ابواب رحمته
و نقلك كي تعود الصحة لاباس الباقي راهو ساهل غير نصبرو شوية

شوفي راكي تلقاينا هنا
نوجدو لرمضان
http://www.djelfa.info/vb/showthread.php?t=1294383

او هنا نتحكاو و نفرغو قلوبنا
http://www.djelfa.info/vb/showthread.php?t=1307018&page=4

عودي ساعا على ساع طمنينا عليك

ايا استهلي في رويحتك حبيبتي و ربي يهنيك و يسعدك
بنت الجزاير الغالية
2013-05-26, 15:00
تطبيقي لنهار أمس
نضت روطار على 7 و نص لأني في عطلة لميت الدار عادي و غسلت الماعن و سيقت الكوزينة و العشية درت خبز الدار و ملوخية و جربت الصابلي تاع أم رامي سخفتني فيه خولة و اليوم سيقت الدار كاملة و مسحت الغبرة وراني مع وليدي باش يمتحن بعد غدوة ما تنسوشو من دعواتكم
oum islam
2013-05-26, 16:03
السلام عليكم ورحمة الله وبركاته يارب ينجح ابنك وجميع الممتحنين ان شاء اللهتطبيقي لنهار أمس
نضت روطار على 7 و نص لأني في عطلة لميت الدار عادي و غسلت الماعن و سيقت الكوزينة و العشية درت خبز الدار و ملوخية و جربت الصابلي تاع أم رامي سخفتني فيه خولة و اليوم سيقت الدار كاملة و مسحت الغبرة وراني مع وليدي باش يمتحن بعد غدوة ما تنسوشو من دعواتكم
ام مريم الجزائرية
2013-05-26, 17:41
السلام عليكم
ام اريج اختي راكم دايرين كود ماحبوش يفتحو الروابط
قوليلي باه نجي نتقهوة معاكم
تياتي
نزهة الربيع
2013-05-26, 20:27
عيد ام سعيد لكل ام جزائرية وعربية
ماريا205
2013-05-27, 09:02
السلام عليكم ورحمة الله تعالى
سمراء الدنيا
2013-05-27, 09:18
السلام عليكم
ام اريج اختي راكم دايرين كود ماحبوش يفتحو الروابط
قوليلي باه نجي نتقهوة معاكم
تياتي
مرحبا بيك عزيزتي ام مريم ...يا رب يعطوك كود الغرفة و تجي عندنا تتعشي و تتغدي مش غير تشربي قهوة هههه

عيد ام سعيد لكل ام جزائرية وعربية
بارك الله فيك اختي و كل عام و الامهات بخير
السلام عليكم ورحمة الله تعالى

و عليك السلام و الرحمة ........كي صبحتي عزيزتي ماريا
أم ايهاب 2013
2013-05-27, 09:45
صباح الخير عليكم ياالحادقات وين راه النشاط راكم كامل راقدين
ام عبودة
2013-05-27, 11:30
اووووووووووه وراني عايشة
لمة حلوة معاكم راني داخلة بلا عرضة
سمراء الدنيا
2013-05-27, 15:52
صباح الخير عليكم ياالحادقات وين راه النشاط راكم كامل راقدين

ههههه....عطيتهم عطلة .....غاضوني تعبو بزاف الفترة الاخيرة

ما تنسيش بللي هاذي فترة امتحانات و السيدات راهم حاطين يديهم على قلوبهم
ربي ينجح اولادنا كامل و نفرحو بيهم
سمراء الدنيا
2013-05-27, 15:53
اووووووووووه وراني عايشة
لمة حلوة معاكم راني داخلة بلا عرضة

اهلا و سهلا و مرحبا بيك عزيزتي ام عبودة
رايحين نبدو دورة جديدة تمهيدية لشهر رمضان اتمنى تكوني معانا
ام امجد14
2013-05-27, 19:40
السلام عليكم
ام اريج اختي راكم دايرين كود ماحبوش يفتحو الروابط
قوليلي باه نجي نتقهوة معاكم
تياتي

توحشتك توحشتك توحشتك وين هذى الغيبة واش راكى واش راهم بنياتك والله ليك وحشة غير ربى الى يعلمه شعااااااااااااااال فرحت كى لقيتك
om anous
2013-05-28, 03:15
اهلا و سهلا و مرحبا بيك عزيزتي ام عبودة
رايحين نبدو دورة جديدة تمهيدية لشهر رمضان اتمنى تكوني معانا
السلام عليكم ورحمة الله وبركاته
كيف حالك سمراء ان شاء الله تكوني بخير ...حتى انا راني حابة نشارك ان شاء الله
متى تبدأ الدورة ؟
ام منيب
2013-05-28, 09:19
صباح الانوار
أم ايهاب 2013
2013-05-28, 13:32
صباح النور ام منيب وشراه وليدك
ماريا205
2013-05-28, 18:34
السلام1
تطبيقي لليومين الماضيين
الجانب الديني تمام والحمد لله الصلاة والتسبيح والاستغفار الترتيل وصلت صورة العنكبوت والحفظ راني في الاية93 من سورة الكهف
الجانب التربوي تعليم اولادي مشاركتي في الاعمال المنزلية وبديت نحفضهم في السور القرانية
الجانب التجميلي عاديييييييييييي من تنظيف اسنان وترطيب
الجانب التنظيفي الجو هاذ ليام مداير حالة بالغبار يوم الاحد صيقت الدار كامل بعد ما مسحت الغبرة وغسلت النوافذ والبيبان والباب الخارجي وغسلت الحصير طبعا مع الغداء والعشاء وخدمت شوي في الكروشي
يوم الاثنين نفس الشيء غسل ماعن الفطور لميت الدار ومسحت الغبرة وسيقت وقعدت مع الكروشي الغداء اوكلته لبنتي دارو فريت وحميص طبعا تحت مراقبتي وفي المساء سيقت الدروج ودرت العشاء دويدة مفورة وسلاطة جاوني ضياف
سمراء الدنيا
2013-05-29, 16:07
السلام عليكم ورحمة الله وبركاته
كيف حالك سمراء ان شاء الله تكوني بخير ...حتى انا راني حابة نشارك ان شاء الله
متى تبدأ الدورة ؟
اهلا عزيزتي ام انوس واش اخبارك اكيد رايحة نخبرك بمجرد ما نحط البرنامج
فايزة1207
2013-05-30, 12:49
اخت سمراء راني من متتبعي مشاركاتك لكن نلقى باللي كاين تواجد وكي نشوف للمشاركات نلقا مكتوب نتاع امس وينا موضوع راكي فيه باه نتبع معاكم
@ سنابل @
2013-05-31, 15:52
السلام عليكم
كنت دايما نتبعكم.. كنتو ناشطات بزااف و كنتو تحفزوني
لكن شوي هاذو ليام ماراكمش تبانو
نبض الفؤاد
2013-06-01, 10:45
كملنا البرنامج.....رايح يبدا برنامج خاص بالتحضير للشهر الكريم كونوا معنا.....وظرك رانا موجودين هنا

http://www.djelfa.info/vb/showthread.php?t=1294383
سمراء الدنيا
2013-06-01, 12:59
عزيزتي فايزة و عزيزتي سنابل راهي جاوبتكم اختي نبض الفؤاد بارك الله فيها و تقدرو تنظمو لينا و تشاركونا النقاش
سمراء الدنيا
2013-06-01, 14:32
السلام عليكم و رحمة الله و بركاته
هاذي بعض تطبيقاتي فقط لتشجيعكم ......
الجانب الديني الحمد لله ..الصلاة في وقتها ..الاذكار ...التلاوة راني في سورة الروم ...الحفظ راني في 60 اية من سورة البقرة (اللهم ثبتنا)

الجانب التنظيفي يوم الثلاثاء كانو عندي ضياف نضت الصباح بكري كملت الجانب الديني و جهزت الفطور و بديت نخرج لماعين للي نحتاجهم للضيوف غسلتهم الكل و حطيتهم في غرفة الاولاد و كل ما نتفكر حاجة نحطها تم باش كلشي يكون مع بعضو ..... جاب الزوج المصروف ..كل حاجة درتها في مكانها
http://im38.gulfup.com/pQMBv.jpg
http://im38.gulfup.com/AMPp7.jpg
هبطت للصالة التحت نفضتها و نظفتها و عاودت فرشتها و مسحت الغبرة و نظفت الطابي و غلقتها ..
طلعت للصالة الصغيرة عملت معاها نفس الشي و غلقتها ناضو لولاد فطرتهم و جا وقت لغدا درت شوربة فريك و الفلفلة و سلاطة .... بقاتلي ساعة على 12 نظفت فيها الحمام و التوالات اعزكم الله و كنست الدار ...حطيت لغدا تغدينا و صليت الظهر و رقدت نص ساعة ...نضت سيقت الدرج و امدخل البيت و جففت الدار بمساعدة الاولاد ...نصبت اللحم يطيب مع الحمص و نجرت الخضرة و بليت الطعام (الكسكس) ... و بنتي تمسح لماعين لي غسلناهم و توجد فيهم (ماعين لاتاي ...ماعين الطعام و نتاع الديسار و الكيسان و المغارف ...الخ كل حاجة في بلاصتها) ....
قطعت الفول و درتو يفور و رميت الخضرة طيب و في نفس الوقت الطعام يفور و قطعت البتيخ و غسلت الفاكية و درتها تبرد و gليت الكوكاو .....المهم تفاصيل كثيرة ....دخلت امي و 2 ضيلف معاها عملنا لاتاي و شربنا ...
كي اذن المغرب هبطت للصالة عاودت تفقدتها و بخرتها ...و طلعت وجدت لغسيل
http://im40.gulfup.com/Jjbvy.jpg
هدا ضروري عندنا نوجدوه هو الاول

و جاو الضياف غسلو يديهم و دفعنالهم الطعام و اللحم و الفول فاير و لحرور و البصل لمقطع
http://im38.gulfup.com/yz78C.jpg
http://im38.gulfup.com/nGbh6.jpg
و معاه المشروبات و الماء
http://im38.gulfup.com/K3GiA.jpg
من بعد الفاكية
http://im38.gulfup.com/9zqXu.jpg
و التمر و لحليب و اللبن
http://im38.gulfup.com/ZqekN.jpg
http://im40.gulfup.com/ocjoC.jpg
و في السهرة يشربو لاتاي و الكوكاو
http://im38.gulfup.com/9Znzz.jpg
http://im40.gulfup.com/L9a9U.jpg
قرا و الدعاء و خرجو مبسوطين و انا ما تشوفوش كوزينتي خرجت منها و رحت صليت و رقدت
و الصباح بكرتليها و حاتي يعطيا غير للعدو ...ما كملت حتى للعشية
و الحمد لله
ام امجد14
2013-06-01, 18:26
الله يبارك عليك صليحة بصح عديتينى انا الجمعة جاونى الضياف نزلت خملت الصالة و نقيتها و جاء الراجل من السوق رافد و مخمل
جاب اللحم للشربة و جاب الجاجة كى البقرة لكن مشى مريشة و انا نكررررررررررره الترياش ههههههههههه
المهم ريشتها و عملتلهمحريرة رووووووووووووووعة احم احم هههههههههه و مطلوع طاجين الضرة للاخت ام امانى و سلطة للاخت فلة تخلعو فيها خاصها غير الشمع و تولى تارت ههههههههههههه
وطاجين الجلبانة بالجاج و الحلو برقوق و اناناس و كوى و سلطة فاكهة فراز بلاكرام شونى وحبسلى الباتور يدى ماتووووووووو
وفاكهة بنان و تفاح و خوخ و شاربات
حطيت للرجال و من بعد حطيت للنساء
ومن بعد حطيت لاولاد و نسيت روحى
الحاجة الى غاضنى انى رقدت و خليت الكوزينة تخخخخخخخخخخخخخخخخوف بنتى فاتلها وقت النوم و حكمتها هيستيريا تاع بكاء

قلت نرقدها و نخمل المطبخ مستحييييييييل نرقد و نخلى كوزينى هكا ياويلىىىىىىىىى
رقدت بنتى ورقدت معاها ما فطنتش حتى الراجل قالى راهى 8 نوضى قتلو لا حبت العشرة ما نوضش هههههههه
تعبااااااااااااااااانة زدت شوي و كى تفكرت الكوزينتى نضت و انا باغية نبكى منيييييييييين نبداك
ما سلكتهاش على ساعتين هههههههههههههه
الحاجة الى فرحتنى راجاى اصبح يعيطلى السيدة رزقى ههههههههههههه
وجهو كان منور قدام الضياف وهو فرحان
قتلو فى قلبى يشدلك فى منتدى ااجلفة ههههههههههههه
نايليةوافتخر
2013-06-02, 12:33
الله الله عليكم سمراء وام امجد فحلات ربي يهنيكم وييوفقكم
والله غير تطلعو المورال
بنت الجزاير الغالية
2013-06-02, 15:50
أم أمجد و صليحة راكم جايبينها
أنا كنت معروووووووووضة ههههههمانيش عارضة و حوست يومين و الحاجة اللي خدمتها و تبان نقيت التابل و الكروية و رحيتهم هذا ماكان و خدمة الروتين العادية
oummalak
2013-06-04, 14:03
اين انتن يا بنات
وردة الهوى
2013-06-26, 18:46
السلام عليكم....يعطيكم الصحة
والله سجلت في المنتدي من اجل المشاركة في هذا الركن... وبالطبع المنتدي الكل رائع
لكن هنا وجدت المبتغئ
ارجو انكم تقبلوني معاكم ..............و اجركم عند الله ويحفظاكم اولادكم
و تستاهلي احسن تقييم
يا 100000 مرحبا بالغوالي شرفت على العين و الراس
تائبة لله تعالى
2013-11-10, 08:35
شكرا على الكلمات الصادقة
تائبة لله تعالى
2013-11-10, 16:15
اهدي لكن افتخاري بكن يا بنات ونساء الجزاءر وارجو ان اكون واحدة منكن في هذا الموضوع المميز
chemseddine
2013-11-11, 05:23
بارك الله فيك يا أخي
chemseddine
2013-11-11, 05:25
عدرا بارك الله فيك يا أختي
وهج الايمان.
2014-03-27, 19:52
السلام عليكم

ممكن.نشارك.معكم
وهج الايمان.
2014-03-27, 19:55
ارجو انكم تقبلوني معاكم
راجية غفران ربها
2014-05-01, 18:07
وين رلكم يا البنلت راني من الوافدات الجدد