لنتشارك للتحضير بهدوء للشهر الفضيل

[nabila222]

عفوا علا الكتبة راهي مقلوبة هذي لي عندها الذراري وليدي حاب يكتب معايا

[nahir]

السلام عليكم.من الممكن تخزين الطمام.و ذلك بغسلها ثم تقشيرها و هرسا ثم غليها حتئ تنضج.وحين تبرد نتبلها بالملح و نضعها في des boites et en les fait congelé.bisous

[سامو حنان]

ناضج وتنقيه ودائما الليمون بجانبك مرة على مرة امسحيهم وكي تكملي حطيهم في كسكاس وحطي في طباخ انتاع الكساس الليمونات لي مسحتي بيهم وزيدي عصير حبة ولا زوج حسب الكمية لي عندك ومن بعد حطيهم في ساشي ماشي بورتمونجي على خاطرش الساشي يتنحالك بسهولة وما يتكسرش ,اما عن طريقة التحضير لازم كي تكوني رايحة ديري دولمة ما تخليش ديكونجيرا نحي القلاص من الوسط يعني تفتحي الحنفية اسخونة وتمسحيهة في الوسط ومن بعد نشفيها بواسطة اوراق المطبخ واحشيها عادي وكي تحطيها في الطبخة انتاعك ما تحركيهاش بزاف يعني تقدري تحكمي الطنجرة ودوريها فقط اما اذا كنتي حابة ديريها مع الجلبانة كي تجبديها من الكونجيلاتور حطيها ديراكت مع الجلبانة وهذي الطريقة مجربة فقط دعوت خير
موضوع في القمة وفي وقته اما بلنسبة للاخت ليطلبت ترقيد القرنون انا عندي3سنين ونا نرقد فيه وناجح معايا وما حوستش علي كيفية اخرى وهي ,تنقي القرنون انتاعك ولازم يكون


بارك الله فيك

[nabila222]

بارك الله فيك
وفيكي بركة راني هنا :mh92:

[ام ريما]

الموضوع جد قيم شكرااااا لكن انا راني خبيت الجلبانة و الطماطم و التمر و الحامض و درت الثوم غبرة و شريت الزبيب و العينة ة المشماش و تاني شريت الانناس و الكيوي بلا ما ننسى الطماطم المصبرة و القرنون نمسحو بالحامض و ندير كل حاجة ف صاشي و الى المجمد و حتى الدبشة و الحار خبيتهم اللهم بلغنا رمضان

[sarra5]

أولا راكم سخفتوني خلاص و فاتوني صفحات بزاف ان شاء الله كا مانقعد نقرا شوية باه نستفيد معكن.....انا مازالنا ماوجدنا والو تقريب عندنا عرس في جوان تع سلفتي....كي يكمل ان شاء الله نوجد...هاداك هوا نكون لميت الافكار....خبينا برك الجلبانة و القرنون و خبيت شوية زاست تع البرتقال ....أكيد نضفت الكوزينة مليح (مازالت جهة برك) كي ان شاء الله يفوت العرس حابة ندير شوية حميض مشوي نخبيه لرمضان باه في رمضان مانضيعش فيه الوقت و ندير شوية عجينة مورقة تاني نخبيها منين نحتاج نجبد نخدم بيها....مازال اليمون ماخبيتش (نموت عليه) و بالمناسبة عجبني الثوم الغبرة بالاك ندير...يخي يصلح نضيفوه في الأكل (في البرمة) مش غير تع المشاوي؟؟؟ و ندير تاني هريسة خضراء شفتها هنا في المنتدى سخفت عليها......ربي يبلغنا رمضان بخير و عافية

بارك الله فيك

فكرتيني نعمل العجينة المورقة لانها تحكم اليد و رمضان مايكفيناش الوقت باه نعملوها

[sarra5]

حبيباتي

ماما جمدت الفول لفترة قصيرة يمكن اسبوعين لما خرجناه من المجمد باه نفوروه وناكلوه

طعمه اصبح ماسط و لونه تغير

لكنه غير فاسد

بصح ماشي مثل الاول

فنصيحة لا داعي لتجميده

على فكرة جمدته وهو مفرك ليس بقشوره

[yalaloulou]

وجدت الفريك برك الجلبانة عندي ومانقدرش ناكلها في رمضان والحمد لله رمضان يجي بخيرو

[< اللؤلؤة البيضآء >]

و عليكم السلام

هذه طريقة لحفظ اللوبيا الخضراء

طريقة الحفاظ على اللوبيا الخضراء في الثلاجة
في بعض الأحيان نريد الحفاظ على اللوبيا لا تكون في الموسم بأكمله ونريد الحفاظ عليها لكن بدون جدوى ،وموقع نسوة جاء بفكرة رائعة وصحية للحفاظ على اللوبيا الخضراء التي تستعمل غالبا في السلطات وكذا الأكل
http://4.bp.blogspot.com/-Ttmgwf3kEQo/UYwGGDLuwmI/AAAAAAAADiY/7pvpRMV2Rxo/s1600/1.jpg
نغسل اللوبيا الخضراء جيدا
http://3.bp.blogspot.com/-nM1nlYd-SpI/UYwGGefRb4I/AAAAAAAADic/wsYdHyb-guk/s1600/3.jpg
نقطع الأطراف
http://2.bp.blogspot.com/-Dae8jQgFfi4/UYwGIMGt-MI/AAAAAAAADiw/DsWuNlOXqcY/s1600/4.jpg
ثم نقطع الأجزاء
http://3.bp.blogspot.com/-aSNFyc-u4NI/UYwGHs592WI/AAAAAAAADis/g5GizU28q9E/s1600/5.jpg
نسلقها
http://4.bp.blogspot.com/-m0OWLWHigLg/UYwGIdzZbRI/AAAAAAAADi0/vVhB5zO83Es/s1600/6.jpg
نضعها في الثلج
http://1.bp.blogspot.com/-oNf2SR4HPWo/UYwGI57I6wI/AAAAAAAADjA/h8SXt5ZntVc/s1600/7.jpg
نضعها في الثلاجة

[ndj]

السلام عليكم هذه اول مشاركة لي و بما ان الموضوع اعجبني و قد استفدت منه اردت ان اشارك بما اعرفه عسى تستفيد مني الاخوات الفضليات

بالنسبة للتحضيرات اول شيء التنظيف الكامل للمنزل le grand nettoyage كما نسميه نحن الجزائريات هذا بالنسبة للمنزل اما فيما يخص تحضير مستلزمات الاكل فانني اقوم عادة بشراء الثوم اربطها بعد تنقيتها من الاوراق الفاسدة و اعلقها في البالكون الى ان تجف - ثوم العلا- و من ثم اقوم بترحيتها في الميكسور مع كمية معتبرة من الملح حتى تحتفظ بطراوتها حين اجمدها في اكواب بلاستيكية الصغيرة تباع 20دج للواحدة هي رائعة للتجميد
اشتري ايضا الجلبانة اقوم بتنقيتها و حفظها في اكواب بلاستيكية متوسطة الحجم او في اكياس بلاستيكية و تجميدها
اشتري الحمص انقعه في الماء ثم اقوم بطبخه في طنجرة الضغط و حين يبرد احتفظ به في اكياس بلاستيكية
اشتري ايضا الشاي مهم جدا في رمضان القرنفل القرفة و النعناع اقوم بتجفيفه في الشمس و ارحيه عندما اعد الشاي استعمل المجفف اذا لم يكن لدي الطازج و عند التقديم استعمل الاوراق الناضجة ربطة نعناع 10دج او 15دج حسب الاماكن.
اعد ايضا العسل طريقة امي صراحة رائعة اذ تستعمل 1كغ سكر مع 1ل ماء + قرنفل + 1/2 حبة ليمون تغليه الى ان يكتسب اللون الذهبي انزعيه من على النار و اضيفي 1/2ل + 1/8ل ماء وارجعيه على النار دعيه يغلي قليلا و اطفئي النار. و الله عسل رائع جربوه و رجعولي بالخبر.

و قبل اسبوع من رمضان اشتري 24 حبة ديول و اعد الحشو كالتالي

لحم مرحي ماشي طايب +ملح+فلفل اسود+كمون+ارز طايب في الماء+ كثير من حشيش مقطفة الدبشة + كثير من المعدنوس + قليل من طماطم مصبرة + هريسة
غلي حبات بيض و فتتي الابيض وحده و الاصفر وحده
خذي ورقة ديول ضعي بالطول قليل من الحشو اضيفي قليل من الصفار و قليل من البياض ممكن حسب الذوق اضافة زيتون اخضر مقطع صغير و جبن و لفي البوراك.
خذي اكياس بلاستيكية و ضعي في كل كيس حسب عدد الافراد و ضعي في المجمد

في رمضان عند اذان العصر انزعي كيس واحد اتركيه يذوب ثم اقلي البوراك على نار هادئة جدا و الله رائع جربوه و ادعولها لامي بالصحة و طول العمر ان شاء الله.
كذلك يمكن لكن اعداد les cigares aux cacahuetes و تجميدها اسبوع قبل رمضان نفس طريقة البوراك اجبديهم تلقايهم واجدين مع الشاي.
اتمنى استفدتم من الموضوع

[< اللؤلؤة البيضآء >]

كيف تحافظين على الأطعمة لكي لاتتلف

الطماطم: قومي بتخزين الطماطم النهضجة في درجة حرارة الغرفة، لمدة ثلاثة أيام، لأنها تصبح أكثر طراوة و نضجا، و تفقد نكهتها عند وضعها في الثلاجة.
البطاطس و البصل: يمكن تغليفهما بورق، قماش أو خيوط شبكية في مكان بارد و مظلم لمدة شهر، و لكن قومي بتخزينهما بشكل منفصل، أي أن تقومي بتخزين البصل بعيدا عن البطاطس، لأن البصل يمتص الرطوبة من البطاطس، و يقوم ببعث غاز "الإثلين" مما يسرع من عملية نمو و تعفن البطاطس.
التفاح: يبقى التفاح مقرمشا لمدة ستة أسابيع، إذا تم وضعه داخل حقيبة بلاستيكية غير موضوعة في الثلاجة.
الأعشاب: يمكن وضع البقدونس و القزبر و النعناع، في حقيبة بلاستيكية مغلقة داخل الثلاجة لمدة أسبوع، أما الزعتر و اليازير و الثوم، فيمكن تخزينهما بتلك الطريقة لمدة أسبوعين.
الفاكهة: قومي بوضع معظمالفاكهة في الثلاجة دون غسلها، و اغسليها مباشرة قبل تناولها.

[كنت طفلة]

ماشاء الله عليكم
راكم قايمين بيها

مشكورة اختي صاحبة الموضوع و كل الاخوات

افكار جميلة

درتولي الهمة انا تاني تعرفو مازال ما وجدت والوووو

بالنسبة للفريك اختي هي اللي تشريه لي لانها تعرفلو مليح

اما الخضر راها متوفرة في هذا الصيف ان شاء الله الطماطم و الفلفل و الفاصوليا في وقتها في رايي ماكان لاه نجمدوها تفقد بنتها باطل
اما الجلبانة و القرنون راحت عليا ما خبيتش لانو حتى زوجي ما يحبش الكونجلي نعيا ما نكذب عليه بالصح يفيق لي ههههههههههه


انا رايحه نحضر ان شاء الله العجينة المورقة و نقطعها قطع بالطول و نفصل بينها بالساشي تاع الكونجيلاسيون ومنبعد نحطها كامل فوق بعضها في p m كي نسحق نجبد منها بالشوي

عجبتني تاني فكرة ليتاغتولات توفر الوقت

و تاني كون نسبقو في الحلوى في الايام الاولى مليح
مثلا الحلويات الجافة و مقروط الكوشة كل ما يقعد يولي بنين اكثر



طبعا فكرة الحصالة هااااااااااااااااايلة

وان شاء الله نوفرو تاني شويا حسنات و نشدو فامنا احنا النسا في هذا رمضان


بالتوفيق

[nokia111]

السلام عليكم هدا وين صحلي نريح المهم انا وجدت اللوبياء الخضرا شريتها رخيصة ووجدت لاصوص تومات وتاني شريت البشاميل غير 5 علب راكم عارفين رمضان العباد يحبو يكلو لارض واتاني شريت الفرماج كنت كل مرة نشر ونقص ومنبعد البدل القديم بالجديد وهكا حتى تولي عندي كمية مليحة شر يت انواع تاع السمك المجمد ودرتها في الكونجلاتور وزيد الجلبانة
انا في رمضان منكش بزاف غير الحريرة والسلاطة بصح نعرض بزاف ونحب الملمة على داك نخاف ميكونش عند راجلي ويروح يدير الكريدي
اما الدجاج فانا نشري وكل مرة نوخر حق الضيف مرة فخد ومرة سردة ومرة على مرة نبدل كي يجي رمضان نكون مخبيا شي 15 جاجة لحم نشري انا وشيخي ونقسمو الخروف نقطع الهبرة وحدها والعضم للحريرة والبزلوف والدوارة لنهار العيد مانشريش لحوايج تاع العيد نلبس غير حوايجي وتاني الماعن نستغرب منين نلقى العباد كامل يشرو نقول هدو فاش كانو يطيبو لي زيبيس نشريهم من قبل حب ومن بعد نطحن روحي الخضرا نشري الجزر نمسحو مليح ونخبيه في الفريجيدار وتاني البطاطا نردمها في الرمل تبقى جديدة

ان شاء الله نستفادو من بعض والله غير رمضان شهر العبادة اللهم بلغنا رمضان

[*ام عبد الكريم*]

السلام عليكم
الموضوع عجبني بزاف شكرا للاخت راضية
و كما قالت الاخت nokia111 رمضان هو شهر للعبادة و لكن هدا لا يمنع من تحضير بعض الاشياء له على سبيل توفير الوقت او الدراهم
انا اغسل الجلبانة و انشفها مليح و نوضعها في علب انتاع ياقوا (يايورت حجم كبير) و نحطها في الثلاجة ...و نفور الفول (لزم يكون طري بزاف) كي يبرد نكونجليه في علب كي الجلبانة وصفة مجربة و مضمونة ...و نحضر لحميص قبل رمضان نشوي الفلفل و الطماطم و الثوم نغسلهم لكن نحاول ما نكثرش الماء باش ما يمصاتش ثم نقصو و نخليه يقطر مليح و نحطو في علب في الثلاجة كي نجبدو نضيفلو الزيت و الملح و يجي بنين .
وصفة مجربة و توفر الوقت ...اما الاعشاب نيبس النعناع (راهو 50د في قسنطينة) و نشري التوابل .دواء البرمة و الفلفل لحلو والكمون و الزنجبيل و الكركم (الفلفل الكحل ما يبغيهش راجلي )...و بقية الاعشاب مثل المعدنوس و الدبشة و الكرافس نقطعهم قطع صغيرة و نحطهم في مكعبات اانتاع الثلج و نملهم بكمية من الماء و كل مرة نجبد مكعب (هده الطريقة استعملها لكمية انتاع اسبوع فقط لكي لا تفقد مكوناتها)
و كدلك احضر لعسيلة و نشري لفريك نغربلو و نقيه ...و فيما يخص اللحم كل رمضان رجلي يشرك مع صحبو في خروف و قد وجدنا هده الطريقة احسن من شراء اللحم كل مرة ...و اشري الدجاج (على حساب ما عندنا دراهم) و اضع كل قطع مع بعض مثلا لفخاد مع بعض و الصدور مع بعض...و نكوجليهم متفرقين شكرا لكم...و فكرة الحصالة اكثر من رائعة
اللهم بلغنا رمضان

[Spring Flower]

السلام عليكم هدا وين صحلي نريح المهم انا وجدت اللوبياء الخضرا شريتها رخيصة ووجدت لاصوص تومات وتاني شريت البشاميل غير 5 علب راكم عارفين رمضان العباد يحبو يكلو لارض واتاني شريت الفرماج كنت كل مرة نشر ونقص ومنبعد البدل القديم بالجديد وهكا حتى تولي عندي كمية مليحة شر يت انواع تاع السمك المجمد ودرتها في الكونجلاتور وزيد الجلبانة
انا في رمضان منكش بزاف غير الحريرة والسلاطة بصح نعرض بزاف ونحب الملمة على داك نخاف ميكونش عند راجلي ويروح يدير الكريدي
اما الدجاج فانا نشري وكل مرة نوخر حق الضيف مرة فخد ومرة سردة ومرة على مرة نبدل كي يجي رمضان نكون مخبيا شي 15 جاجة لحم نشري انا وشيخي ونقسمو الخروف نقطع الهبرة وحدها والعضم للحريرة والبزلوف والدوارة لنهار العيد مانشريش لحوايج تاع العيد نلبس غير حوايجي وتاني الماعن نستغرب منين نلقى العباد كامل يشرو نقول هدو فاش كانو يطيبو لي زيبيس نشريهم من قبل حب ومن بعد نطحن روحي الخضرا نشري الجزر نمسحو مليح ونخبيه في الفريجيدار وتاني البطاطا نردمها في الرمل تبقى جديدة

ان شاء الله نستفادو من بعض والله غير رمضان شهر العبادة اللهم بلغنا رمضان

يعطيك الصحة بصح ما فهمتش كيفاش تردمي البطاطا في الرمل يا ريت تفهميني ولك جزيل الشكر

[نواليت]

السلام على الحبيبات أنا أول شيئ نقوم به هو شراء التوابل من الشرق مع الفريك خاصة من مدينة برج بوعريريج قبلها نكون كونجليت الجلبانة و نشر الاواني و نوجد كل الكيفيات و نقسم اجزاء القران حتىى نختمو اكثر من مرة انشاءالله

[نواليت]

السلام على الحبيبات أنا أول شيئ نقوم به هو شراء التوابل من الشرق مع الفريك خاصة من مدينة برج بوعريريج قبلها نكون كونجليت الجلبانة و نشري الاواني و نوجد كل الكيفيات و نقسم اجزاء القران حتىى نختمو اكثر من مرة انشاءالله

[قطر الندى00]

شكرا للجميع.... لقد استفدنا الكثير والاحمل هو التفاعل بين العضوات ....اللهم بلغنا رمضان

[سامية حكيم]

السلام عليكم واش راكم لبنات راني حابة ندير العجينة المورقة حبيت نسقسي ممكن نديرها بالزبدة العادية والا لازم زبدة التوريق شكرا

[أم ريمة*]

السلام عليكم واش راكم لبنات راني حابة ندير العجينة المورقة حبيت نسقسي ممكن نديرها بالزبدة العادية والا لازم زبدة التوريق شكرا
وعليكم السلام العجينة المورقة لازم مرقرينالخاصة بالتوريق مثلا- صالحة او لذيذ او

[كنت طفلة]

السلام عليكم واش راكم لبنات راني حابة ندير العجينة المورقة حبيت نسقسي ممكن نديرها بالزبدة العادية والا لازم زبدة التوريق شكرا

و عليكم السلام اختي لازم تاع التوريق و الاحسن لذيذ راه طلع شانها ولات دير 10 آلاف بعد ما كانت تبقى في المحلات وما تتباعش المهم ننصحك تاني بفرينة سيم لان لابال تطرى تم تم و هذا يؤثر على التوريق

موفقة اختي

[سامية حكيم]

وعليكم السلام العجينة المورقة لازم مرقرينالخاصة بالتوريق مثلا- صالحة او لذيذ او

شكرا اختي ربي يجازيك خير

[بثينة 123]

بارك الله فيك

[زهرة الخليج _05_]

انا تاني نحب نوجد قبل حوايج القاطو باينين اللي مش رح يفسدو والماعن نشري كل منخرج ونخبيهم باه متجينيش كلش مع بعضاه اما التوابل فانا شخصيا نحب نشري من حانوت بوشوشة عندهم افخر انواع التوابل والاسعار جد معقولة وكنشري من عندهم ينصحوني بالكميةاللي نشريها وانشالله كنشري نصورهم

[نورانيات]

الفكرة راهي هايلة للطرفين الغني يتعلم الصدقة و المتوسط يتعلم الادخارا ادا كنا من الاحياء اتكون فكرتك افادت كثيرورتي يجعلها في ميزان حسناتك انشاء الله

أختي شكرا على الفكرة أنا متبعتها عندي خمسة أشهر تقريبا وكلما يبقالي صرف آخر الأسبوع نرميه فيها والله تفيدك بزاف في الأوقا الحرجة اللي يتقطع فيها مصروف الدار ننصح الأخوات بتجربتها

[فاطمة مدمجة أوقفوها]

السلام عليكم كان تحضيرنا للشهر الكريم كما يلي:
ـ نظفنا المنزل و الأفرشة
ـ إشترينا خضر من سوق الجملة حضرناها و إشترينا أكياس كما يلي:
ـ الفلفة شويناها ونضفناها وقطعناها ووضعناها في أكياس
ـ بذور الجلبانة ونوزعها في أكياس
ـ اللوبياء الخضراء تقطع وتوزع في أكياس
ـ القصبر ينزع من أغصانه ويطحن في آلة التقطيع ونقسم الكمية المقطعة والتي نحتاجها كل يوم على حسب الأيام ونضعها في مربعات ألمنيوم ونحكم إغلاقها(ترمى في آخر مراحل تحضير الحريرة)والأغصان لا ترمى هي كذلك تقسم إلى ربطات وتلم جيدا بخيط وتوضع في الألمنيوم والتي نرمي كل ربطة عندما نرمي التشيشة
ـ الزيتون وضعناه في الفرينة لمدة ليلة كاملة وفي الغد فيضناه ثم صفيناه وقسمناه في الأكياس
ـ طماطم وضعنا كل 3 حبات في كيس
ـ هرشنا الخبز اليابس لنحصل على chaplur ووضعناه في علبة
ـ عندما يبقي يوم نذبح ويقطع اللحم إلى قطع عل حسب الأيام وتوضع في أكياس
ـ السفة
ـ التوابل وضعناها في علب زجاجية
ـ ما تبقي حصيناها وستشترى من محلات البيع بالجملة
وبذلك نكون قد إقتصدنا في الوقت لنتفرغ للعبادة نتمنى من الله عز وجل أن يبلغنا الشهر مع أهلنا ونحن في خير وبصحة وعافية وسائر المسلمين تصومو بالصحة

[ام فريال]

انا تاني نحب نوجد قبل حوايج القاطو باينين اللي مش رح يفسدو والماعن نشري كل منخرج ونخبيهم باه متجينيش كلش مع بعضاه اما التوابل فانا شخصيا نحب نشري من حانوت بوشوشة عندهم افخر انواع التوابل والاسعار جد معقولة وكنشري من عندهم ينصحوني بالكميةاللي نشريها وانشالله كنشري نصورهم

اهلا يازهرة الخليج وشحال ايدير كيلو نتاع فلفل احمر مرحي عند بوشوشة شكرا

[زهرة الخليج _05_]

اجابة للاخت أم فريال الكلغ نتع الفلفل الاحمر الارطب 70 الف وطبعا جديد والصراحة اناكشريت من عندهم ساعدوني بزاف وعطاوني حوايج زايدة من عندهم

[ام فريال]

شكرا على رد يابنت بلادي

[حنين الروح *]

آآآآآآآآآآآآآآآآآآآآه كون يعرف بوشوشة راكم تهدرو عليه في الجلفة هههههههه

يعطيكم الصحة يا حراير والله عجبني الموضوع ربي يبارك

[زهرة الخليج _05_]

هذا حانت سبيسيال نتع توابل ناس بريكة كامل يعرفوه ويشريومن عندهم ننصح الناس كامل بيه لانهم امانة وتوابلهم مش مخلطة بالصبغة

[حنين الروح *]

حتى أنا نعرفو زهرة الخليج .. لكني نفضل نخدم التوابل اللي نطبخ بيها بيدي ....

[زهرة الخليج _05_]

اختي حنين الروح علبالي بلي المخدومين ملاح حنا تاني نخدومهم في الدار وانما تعجبني انو يقولولك قداش الكمية مثلا الفريك نتع الحضنة وكاين نتع الصحرا حنا شرينا نتع الحضنة ربعي اللي منعرفش قداش يساوي بالكيلو والمرمز تاني والفلفل الاحمر الارطب شريناه واجد وامي غربلاتومن الحصالة اما الدوا رقيق او راس الحانوت فشرينا حب قدر كغ يعني هوما اللي يقوللك قداش الكمية اما اللي متعرفش تخدمهم فتشري الواجد والصراحة الباقي شريناه واجد كيما القرقة والفلفل الابيض والاسود والكمون والكركم والكاري وتاني التوابل الصحيحة كيما جوزة الطيب والهيل والاعواد القرفة والطيب وربي يبلغنا رمضان امنين سالمين

[anna glauben]

انا تاني نحب نوجد قبل حوايج القاطو باينين اللي مش رح يفسدو والماعن نشري كل منخرج ونخبيهم باه متجينيش كلش مع بعضاه اما التوابل فانا شخصيا نحب نشري من حانوت بوشوشة عندهم افخر انواع التوابل والاسعار جد معقولة وكنشري من عندهم ينصحوني بالكميةاللي نشريها وانشالله كنشري نصورهم

الله يبارك يا أختي
حص حوانت بوشوشة الناس كامل يشكرو فيهم

[hadjer djeddou]

الله يبارك راني نستفاد منكم بزااااف
فكرة رائعة سهاتوا عليا رجعت نخرج علابالي واش لازم نجيب بوقت قصير و تعب قليل
من قبل لقيت موضوع في المنتدى يتحدث على كيفية التصرف في الشهرية بطريقة جيدة بصح مقدرتش نزيد نلقاه

[noor hassenl]

merciiiiiiiiiiiiiiiiiiiiii

[issam2013]

رمضان مبارك اختي ام راضية ولكل الشاطرات صاحبات الافكر المفيدة

[○•ميسون•○]

هاذا فطورنا لليومين اللي فاتو




http://www.4algeria.com/vb/attachments/attachment.44027d1374685441/ http://www.4algeria.com/vb/attachments/attachment.44028d1374685516/ http://www.4algeria.com/vb/attachments/attachment.44029d1374685516/ http://www.4algeria.com/vb/attachments/attachment.44030d1374685545/ http://www.4algeria.com/vb/attachments/attachment.44031d1374685576/ http://www.4algeria.com/vb/attachments/attachment.44032d1374685595/ http://www.4algeria.com/vb/attachments/attachment.44033d1374685609/ http://www.4algeria.com/vb/attachments/attachment.44034d1374685632/ http://www.4algeria.com/vb/attachments/attachment.44035d1374685658/ http://www.4algeria.com/vb/attachments/attachment.44036d1374685670/ http://www.4algeria.com/vb/attachments/attachment.44037d1374685690/ http://www.4algeria.com/vb/attachments/attachment.44038d1374685713/ http://www.4algeria.com/vb/attachments/attachment.44039d1374685756/ http://www.4algeria.com/vb/attachments/attachment.44040d1374685769/ http://www.4algeria.com/vb/attachments/attachment.44041d1374685794/ http://www.4algeria.com/vb/attachments/attachment.44042d1374685806/

[○•ميسون•○]

http://www.4algeria.com/vb/attachments/attachment.44024d1374684879/

[ام راضية]

اللهم تقبل منا ومنكم الصيام والقيام
اللهم بلغنا رمضان 2014

[ام راضية]

رمضان 2014 لله علي الابواب ان شاء الله يفيدكم هدا الموضوع

[om assem et loudjain]

allah ibarek alikom akhawati

hna aktar haja nwejdoha ljilbana tani w tmatam

w lila kbal ramdan na3ajnou bzf lmatlou3 bech yekfi li semana lowla

wnjamdouh , rakom 3arfine ki tejbdih iji khirmen jdid

[michkcha]

انا في رمضان كي نشري الدجاج ولا اللحم ننقيه ونقطعه كيفما نحب نتاع العجائن نتاع الشربة نتاع القلي و نحطه في الكنجيلاتوغ نفرش ساشي ولا بلاستيك ونستفهم كل قطعة على حدى يباتو ويوم الغد تكون كل قطعة يابسة و حدها نجمعهم في ساشي و كل مانحب ندير اي وصفة نخرجلها القطع اللي نحتاجهم بلا عذاب انشاء الله تعجبكم فكرتي

[abdelsamed bed]

السلام عليكم حاجة مليحة انكم تخموا تقتصدوا لكن احنا عندنامثل يقول -/ اللي يفكر في غداه وعشاه كافر بالله / مابالك شهر او مايزيد احنا غير كي يكون ليلة الشك نشروا قبل اسبوع او اقل ورمضان الصيف يجي غير بالعطش وز يادة نقتلوا الفراغ في سحق العقاقير وصنع الاشياء الاخري ونذكروا ونتنافسوا على اكبر عدد من ختمة القران و فرصة نكفروا عن ذنوب و التقرب من الله والعام كامل الواحد يخمم و البطن لا تشبع من الزين او الشين وكل واحد و التفكير ديالو وان شاء الله غير الخير و اللهم بلغنا رمضان و شكرا

[أم هبوبة]

شكرا أختي الكريمة على الاقتراح الشسق و المفيد

أدخل الله علينا هدا الشهر الكريم بالخير و نرجو منه تعالى تقبل صيامنا و قيامنا و أصلح به بالنا و حالنا

أنا خبيت جلبانة في قروع سعيدة و نشوي الفلفلة و نخبيها حتى هيا و راني ناوية إن شاء الله نخدم ليباركات مالحين و

حلوين و نخبيهم حتى هما و نشرى كدلك لابات فايتي و نخبيها في الكونجيلاتوغ و نحضر صلصة الطماطم للحريرة. و نشري

للبكري شوية برقوق و زبيب و مشماش يابس . و مازال راني نفكر نوجد حوايج باش نربح الوقت في رمضان إن شاء الله و خاصة أني إمرأة عاملة.

[سهيلة21]

السلام عليكم ان شاء الله يدخل علينا بالصحة ويعطينا ربي القوة لعبادته
بالنسبة ليا راني بديت بالجلبانة نقولكم على طريقتي نقيه من القضور بلا ماتغسليه ديريه في ساشي حاولي تخرجي منها الهوا وديريها في الكونجيلاتور حذاري من قرع الماء وحدة نعرفها عمرت قرعة بالجلبان وكي جات تحلها حركتها مليح وكي حاولت تفتحتها طار البلاع وضربلها عينه غير ربي ستر سال الدم من عينها كان فيها بريسيون بالنسبة ليا مناكلوش الجلبان في رمضان دسيته لبعد رمضان
شريت الثوم حاولي تنحي الفصوص عن بعضهم بال ما تقشريه وديريه في علبة في الكونجيلاتور كي تبغي تخدمي بيه اجبدي فدر ما تستحقي خليه بجنب يديكونجلا من بعد قشلريه يقعد كما شريتيه جربوه وشوفو انا منحبش المرابي لي ينزاد عليه الزيت مادامه في الفريجيدار يزيد يحرار انا ندذس كميه كبيرة من التوم تفوتلي الشتا
اما تحضيرا ما قبل رمضان نشري الكرافس نقيه مليه ونفركته في سلة يبات في الصباح نلقاه نشف نديره ربطات صغار ونحكمهم بالخيط ونديرهم في ساش الكونجيلاسيون كل مرة ندير الحريرة نجبد ربطة واجدة
اما المعدنوس نقيه بنفس طريقة الكرافس بعد ما ينشف نقطعه رقيق ونديره في علبة الكونجيلاسيون
اما القصبر كي نشريه لازم تكون يدي ناشفه نديره في علبة ناشفه ونغلقها مليح ونديره التحت لان القصبر نحتاجوه اكتر
فيما يخص السلاطة احنا نتصحرو بيها قبل رمضان يجيبلي البيطراف نغليه كي يبرد بلا ما نقيه نديره في علبة ونحطه في الثلاجة وكل يوم كي نحب ندير سلاطة نجبد ونقطعه حتى الروز نغلي كمية كبيرة ونديرها في علبة كي نحتاج نجبد
انا راجلي في رمضان يحب الحوت راني حابه نكونجليه يا ريت لي تعرف طريقة تفيدنا
نسيت العام اللي فات سمعت على وحدة قريبتي كونجلات البوراك كمية كبيرة بلا طياب وكل يوم تجبد وتطيبه وخالتي الله يرحمها كانت تشري البوزلوف تنقيه وتغليه تقطعه وديره في الكونجيلاتور
عجبتني طريقة menu لوكان نتعاونو ونديره مينو كل وحدة تقترح menu لكل نهار والحمد لله المنتدى مليء بالوصفات نوجدو قبل رمضان هكا نتفرغو شوية للعبادة خاصة لي تكون عائلتها صغيرة كيما حالاتي كل يوم تبحرلي

[سهيلة21]

السلام عليكم حاجة مليحة انكم تخموا تقتصدوا لكن احنا عندنامثل يقول -/ اللي يفكر في غداه وعشاه كافر بالله / مابالك شهر او مايزيد احنا غير كي يكون ليلة الشك نشروا قبل اسبوع او اقل ورمضان الصيف يجي غير بالعطش وز يادة نقتلوا الفراغ في سحق العقاقير وصنع الاشياء الاخري ونذكروا ونتنافسوا على اكبر عدد من ختمة القران و فرصة نكفروا عن ذنوب و التقرب من الله والعام كامل الواحد يخمم و البطن لا تشبع من الزين او الشين وكل واحد و التفكير ديالو وان شاء الله غير الخير و اللهم بلغنا رمضان و شكرا


يااختي اراكي مفهمتيناش رانا نحاول نقسو من اشغال رمضان باش يبقالنا الوقت للعبادة مكانش لي ميحبش تكون طابلته مزينة في رمضان هذا ميعنيش بلي نحبو غير الماكلة ونهملو العبادات ربي عالم بكل عباده نفهمك نوجدو لي نقدرو عليه قبل ونها ر رمضان منقضيوش نهارنا في الكوزينة

[مريم يوسفي]

Allahoma balighna ramadan

[ام سوهيل]

اللهم تقبل منا ومنكم الصيام والقيام
اللهم بلغنا رمضان 2014

[mimi marame]

بسم الله الرحمن الرحيم
اشكرك اختي على هذه المبادرة الطيبة .اولا ربي يعين كل السيدات على التحضير وانا لست خبيرة في هذه الامور لكن حبيت نشارك معاكم فقط .وفي امان الله

[aridj 23]

اللهم تقبل منا ومنكم الصيام والقيام
اللهم بلغنا رمضان 2014
انا كل عام ندير قائمة ل30 يوم في رمضان و نخصص وقت للعبادة ايضا:mh31::mh31:

[oum islem]

merci om radia ana khabit jelbana garnoune frik et mermez les epices confiture dorange et citron et cobia ndir bihom jus nzid ghir lma et yagurt wa banana wla habet mechmech khabit tani margarine sokar wa malabis laid lilawled allahoma balighna ramadhan wa a3inna ala siami wa lkiami amin ya rab

[باسم وبيسان]

مساء الخير اتقبلونى معكم

[pharmajiji]

اللهم تقبل منا ومنكم الصيام والقيام
اللهم بلغنا رمضان 2014
انا كل عام ندير قائمة ل30 يوم في رمضان و نخصص وقت للعبادة ايضا

يا ريت لو تعطينا هذه القائمة باش ندو افكار

[adminiation]

شكرااااااااااااااااااااااا

برنامج للطبخ لكل المناطق في العالم العربي و الغربي
التحميل :
http://www.mediafire.com/download/s5...mc/*****ng.rar (http://www.mediafire.com/download/s5b7vnc390mznmc/*****ng.rar)

[عائشة فرح]

4444444444444444444444444444444 هذا الموضوع

[loulou aya]

الموضوع من 2013

[فرج قريب]

سخفتوني سخفتوني الغربة الغربة السامطة لا توجاد لاوالوا كل شيء واجد يتباع ،إلا الكسبر مع رمضان يغلوا فيه العرب الي نشريه و نكنجوليه،والتوابل يبعتوهلي من البلاد،و الميناج تاني نديروا بالنسبة العجبن المورقة انا نجمدها عادي،و حتى الكوكا نطيبها و نجمدها ومن بعد نسخنها في الفور تخرج جديدة إن شاء اللّٰه تكون استفدتوا و لو بالقليل

[najah120]

بارك الله فيك على الموضوع الرائع

[اشرقت نفسي]

يعطيك الصحة

[ام راضية]

السلام عليكم ورحمة الله وبركاته
ان شاء الله تكونو بخير اخواتي
ما اشبه اليوم بالبارحة
كان هدا الموضوع من حوالي اربع سنوات
اردت اثرائه بعد ما عرفته المعيشة من غلاء ليكون مرجع للسيدات في كيفية تسيير ميزانية البيت والتحضير للشهر الفضيل

[bouchra55]

والله ياام راضية ربي و رحمته و ان شاء الله سيدنا رمضان لما يجي ايجيب خيره وربي يجعل الخير

[arwa alaa]

موضوع مميز شكرا على المجهود

[celia16]

شكرا لصاحبة الموضوع .حقا موضوع رائع يهم كل العضوات.