فجئة وجدت نفسي في مشكلة كبيرة

[القذافي999]

السلام عليكم




كل ميلود وانتم بخير


مشكلتي اني بينما انا جالس في رحمة ربي في الجامعة جاو ليا زوج بنات يقراو معايا بداو يحكولي على وحدة صحبتهم انها تحبني بزاف بزاف بزاف بزاف كيما قالو باينة بلي انا فرحت بزاف بهاذ الهدرة وبقاو يحكولي على الاشياء الي اديرها على جالي و وراولي وحد الكراس كاتبة فيه عن كل مرة شافتني فيه فمثلا في احد الصفحات كاتبة تاريخ اللقاء و اني ابتسمت لها و قاتلي صباح الخير ورديتلها و مرة اني سالتها على الاستاذ وهكذا و بداو يحلفولي البنات انها جامي حبت واحد قبلي و انها عاقلة بزاف وهكذا لحد الان كل شي هايل





الا ان جاء الخبر الغريب الطفلة هاذي الي تحوس عليا مافيها حتى نقطة تع زين و سمرا بزاف ز فيها شوية حب وماهيش زينة قع انا دهشت مالقيت ماندير و بعد شوي جات الطفلة وهيا حشمانة وقعدت معايا و البنات راحو و انا استقبلتها مليح و بدات تهدر وانا مضم الوقت ساكت و حكاتلي انها خبرت ماماها عليا و انا مصدوم لاني على بالي انو وحدة كيما هيا ماتناسبنيش قع وراني في حيرة كبيرة كبيرة كبييييييييرة لعدة اسباب



1. لان الطفلة حبتني من قلبها و مانيش حاب نجرح مشاعرها

2. حاس انو هاذ الطفلة كيما الي كنت متمنيها في العقالة و التربة ويخصها غي الزين


3. اشعر بالانانية


4. راني نتخيل في روحي مكانها



في الاخير حبيت نمد نصيحة لكل الشباب باه ماتضرالهمش نفس القصة الي صراتلي تجنبو المداسرة تع البنات وماتبتسموش معا الجميع لانك ربما لا اراديا ستجل نفسك معشوق احدى البنات وانت لاتدري وراكم عارفين انو حرام الواحد يلعب بقلوب الناس



في الاخير راني نحوس على الاسلوب الاحسن باه نليكيدي هاذ المخلوقة بدون ان اجرح مشاعرها القصة هاذي صرات نهار الاربعاء انصحوني ارجوكم

[القذافي999]

حاولت ندير الموضوع في قسم مشكلتي وماعرفتش

[dala3 dalou3a]

انت حاول يمكن انها تعجبكم ما يغركمش الشكل في البنات لانو ياما اشكال مليحة و عقلية ما كانش و ياما اشكال عادية و عقليات روووعة و اذا ما دخلتش خاطرك حاول انك تهدر معاها باسلوب حسن و تقلها انكم مش متناسبين بالصح اياك انك تعلقها فيك اكتر و امباعد تقلها مانتوافقوش لانو حتى هيا حالتها تبكي مسكينة و ربي يجيب اللي فيه الخير

[sarah1424]

ملقيت منقول ربي يهدي

[Moli Loli]

أخي حاول أن تختفي
فلا يوجد أي حل...!
هههههههههههههه
و زدت هدرت معاها....هههههههههه

[nibrasse76]

يتحمل مسؤوليتها اهلها وهم سيحاسبون على رمي ابناءهم وبناتهم للسخرية والعبث ـــ انت حاول الخروج باقل الاضرار على الاقل من باب انساني ...نصيحة اخي اياك ترتبط باي فتاة بنية صادقة اي للزواج مثلا ....الحياة العملية صعبة وتحقيق الاستقرار يستلزم وقتا طويلا ــ لا تضع حبلا على عنقك .

[karimblida]

اخي العزيز
انت في وضع لا تحسد عليه
نصف الاجابة راهي عندك
سؤال حاول تجاوب عليه
كيف تجرأت البنتان على فتح الموضوع معك؟؟؟؟؟؟؟؟؟

[القذافي999]

اخي العزيز
انت في وضع لا تحسد عليه
نصف الاجابة راهي عندك
سؤال حاول تجاوب عليه
كيف تجرأت البنتان على فتح الموضوع معك؟؟؟؟؟؟؟؟؟

الله اعلم نضن انهم حاولو يساعدو صديقتهم الي من العام الي فات وهيا تحكيلهم

[القذافي999]

يتحمل مسؤوليتها اهلها وهم سيحاسبون على رمي ابناءهم وبناتهم للسخرية والعبث ـــ انت حاول الخروج باقل الاضرار على الاقل من باب انساني ...نصيحة اخي اياك ترتبط باي فتاة بنية صادقة اي للزواج مثلا ....الحياة العملية صعبة وتحقيق الاستقرار يستلزم وقتا طويلا ــ لا تضع حبلا على عنقك .

صحيت على المشاركة خويا اما عن النصيحة تاعك فيها ابهام شوية وش قصدك مانرتبطش بغير نية الزواج ملا وش من نية نديرها هههههههههههه




كل واحد وضروفو ولا وش رايك

[BAROUD]

و ربما يكون بيناتهن رهان علئ انهن بالسيف يكلموك ف ثلاثة

قل لهن : تخسر رهانك مش أنا اللي يتراهن عليه

[القذافي999]

أخي حاول أن تختفي
فلا يوجد أي حل...!
هههههههههههههه
و زدت هدرت معاها....هههههههههه

كيفاه نختفي الطفلة تقرا في الجروب لاخر نفس التخصص

[محمد...عبد النور]

فجاة وجدت نفسك في مشكلة كبيرة ههههههههههههههههه
ربي يبعد علينا و عليك و على كل واحد الهم و المشاكل و المصائب
حاجة ساهلة : قوللها راني خاطب و دير خاتم في يدك هههههههههههههههه
تبعد بلا ماتقوللها
مي على حساب ظني نتا تحوس تتعرف على وحدة شابة لكن هذه الفتاة ما عجباتكش
انصحك ابتعد عن الفتيات و يوم تخدم و توجد روحك تقدم و تزوج ديركت و ما تشغلش بالك بأمور تافهة قبل الزواج من حب و غضب و و و و
شكرا لك أخي الكريم و جزيت كل خير
ســــــــــــــــــــــــــــــــــــــــــــلام

[نورسين87]

نورمال خلاص نت روح لصحابايها و قوللهم بلي ماعجباتكش الطفلة ولا اتحجج باي حجة بلي مرتبط مثلا و خليهم هوما يفهموها اكيد يعرفو وش يقولها بلا مايجرحوها ,هدا الشي يفهمولو لبنات متكسرش راسك بزاف

[nibrasse76]

صحيت على المشاركة خويا اما عن النصيحة تاعك فيها ابهام شوية وش قصدك مانرتبطش بغير نية الزواج ملا وش من نية نديرها هههههههههههه




كل واحد وضروفو ولا وش رايك


هيه نقصد نهار تكون واجد ومستعد للزواج ارتبط ـــ اما الوعود الفارغة والتعلق بفتاة قبل الاوان فهذا فيه ظلم لها ولنفسك ...يعني لما تخلص الدراسة وتسوي وضعيتك فالخدمة الوطنية وتلقى عمل ...وتجمع النقود للزواج ..هاذيك الساعة يرحم ربي .....ولا معول على بابا يزوجك...ههههه ـــ

[المتيقنة بالله سارة]

ههههههههههههههههههههه والله غير ضحكتني لحكاية هذي...وكثر منها ردود سيرتو تع اختفي........هههههههههههه.............ربي عينك اخي الكريم

[القذافي999]

شكرا لكل الي ردو


كاين حل خير من هاذو قع وصلني ليه واحد صاحبي


اني نبينلها اني انسان سيئ ومانيش مليح ومانصلحش و انها كانت داية نضرة خاطئة عليا هكذا رح تنحني من بالها بكل قناعة و بدون اي جرح

وش رايكم





سبحان مغير الاحوال انا الي كنت نخطط كيفاه ندبر كاش وحدة مليحة عت نخطط كيفاه نليكيدي

[الزبرجد]

أكتب لها هذا الرابط في ورقة

http://www.djelfa.info/vb/showthread.php?t=1195045

بشرط : حتى أنت ما تضغطش عليه:19:



و الحل الأمثل لمثل هذو الأمور : خلي عندك هيبة و خبي شوية أسنانك

[كلمات مبعثرة]

أخي حاول أن تختفي
فلا يوجد أي حل...!
هههههههههههههه
و زدت هدرت معاها....هههههههههه
هههههههههه والله ضحكتيني اصلا هادي ماشي مشكلة هو غلط لي خالط البنات وكيما قال هيا حباتو ادا صح هاد الحكاية قبل ما يشوفها وتهدر معاه يعني هو ليس مسؤول عن مشاعرها ...كيما قلتي الحل في الهربة هههههههه
او يبعتلها مع صحاباتها يقولهم بلي ماناسباتوش ولو انه قال بانها متدينة الاسلام قالك اظفر بدات الدين مع ان الجمال شيء مطلوب ...ونتا تان ماراكش شباب .يعني نقولو الحقيقة ....يقولو ناس زمان الزين مابنا داار قادر تلقى وحدة شابة عليها بصح ماشي متدينة..

[كلمات مبعثرة]

شكرا لكل الي ردو


كاين حل خير من هاذو قع وصلني ليه واحد صاحبي


اني نبينلها اني انسان سيئ ومانيش مليح ومانصلحش و انها كانت داية نضرة خاطئة عليا هكذا رح تنحني من بالها بكل قناعة و بدون اي جرح

وش رايكم





سبحان مغير الاحوال انا الي كنت نخطط كيفاه ندبر كاش وحدة مليحة عت نخطط كيفاه نليكيدي

ربي يهديك علاش ماشي تدربها ماشي خير تكرهك في نهارك ولا نقولك علاش عليك ابعتلها رابط هاد الموضوع تهرب وحدها

[كلمات مبعثرة]

يتحمل مسؤوليتها اهلها وهم سيحاسبون على رمي ابناءهم وبناتهم للسخرية والعبث ـــ انت حاول الخروج باقل الاضرار على الاقل من باب انساني ...نصيحة اخي اياك ترتبط باي فتاة بنية صادقة اي للزواج مثلا ....الحياة العملية صعبة وتحقيق الاستقرار يستلزم وقتا طويلا ــ لا تضع حبلا على عنقك .

اتقوا الله في بنات الناس فكما تدين تدان ..
يالبنات فهموني ماني فاهمة والو ...هادي نصيحة 2013 وعيني عينك حب يقول خالطو بنية فاسدة والله ربي يهديكم
والله كل العلاقات المحرمة تتحاسبوا عليها دنيا واخرة. الحياة العملية صعبة و الحياة في القبر اصعب . ربي قالكم ادخلو من الباب ونتوما تحبو التواقي

[القذافي999]

اتقوا الله في بنات الناس فكما تدين تدان ..
يالبنات فهموني ماني فاهمة والو ...هادي نصيحة 2013 وعيني عينك حب يقول خالطو بنية فاسدة والله ربي يهديكم
والله كل العلاقات المحرمة تتحاسبوا عليها دنيا واخرة. الحياة العملية صعبة و الحياة في القبر اصعب . ربي قالكم ادخلو من الباب ونتوما تحبو التواقي

انا ثاني خلعني بهاذ النصيحة ههههههههههههههههههههه



ياطفلة روحي ترقدي راها الزوج وخمسة

[it's me]

ممكن تلقاها طيبة احسن من الف وحدة مايغركش الشكل هاذي خلقة ربي حط روحك في مكانها

[ام ظافر]

باعترافك انك كنت تنتظر ان تكون جميلة حسب مواصفات هي في مخيلتك للجمال لكن تشوكيت لما شفتها وهنا كانت غلطتك
من المفروض انك تنهي الموضوع مع اللواتي بدانه معك اي صديقاتها منذ البداية هذا طبعا لو كنت رافضا الفكرة من اصلها ولكنك اخي امسكت العصا من الوسط لاقلت لا ولا قلت نعم بل قلت في نفسك نشوفها ومن بعد نقرر
اما غلطة البنت هي انها تحب شخصا وتهيم به وتفاتح امها في الموضوع وهي اعلم الناس بانه لا يحبها ولا تقل لي اخي انها لا تعلم ذلك فهيئة الرجل المغروم لا تخفى على احد
والنتيجة ان تلك البنت اخي تعلم جيدا انك لا تحبها ولكن هي في رهان مع نفسها انك سوف تحبها مع الوقت وهنا ياتي دورك اخي مع الوقت بمعنى لا تتركها تنسج حبال الهوى في الفراغ ولكن بين لها انك لم تشأ ان تصدمها من اول مرة وقررت ان توضح لها ان كل شيء بالمكتوب وان الرسول قال اللهم هذا قدري في ما املك فلا تلمني فيما لا املك وان المشاعر لا نستطيع ان نقول لها كوني فتكون
وعليك بالتسريع في الامر لانه كلما زاد ترددك في الامر زاد تعلقها هي بك ممكن تتالم بعض الوقت ولكنها ستنسى في اخر المطاف


احذر ان تقول لها دعينا نبقى اصدقاء فقط نصيحتي لك لانها تتمنى ذلك اكيد وربي يكون في عونك

[* الحلم سكر *]

اللي عـطاها الـجرأة و الـوقاحـة تـعـمل هـكـذا يـخـلي عـنـدها اسـتـعداد تتـقـبـل اي رد
أحـسـن حـاجـة ديــر فيـها و في صـاحـباتـها مـزيـة و اعـطـيها درس بالاك يفـيـدها
قـلـها : نــحـب الـطـفـلة الـي أنـا نــجـري علـيـها مـاشـي هـي اللي تـجـري علـيا . . .
ربـي يـعطـينا الـعـقل لـهـذا الـزمـان

[المثنى بن حارثة]

السلام عليكم




كل ميلود وانتم بخير


مشكلتي اني بينما انا جالس في رحمة ربي في الجامعة جاو ليا زوج بنات يقراو معايا بداو يحكولي على وحدة صحبتهم انها تحبني بزاف بزاف بزاف بزاف كيما قالو باينة بلي انا فرحت بزاف بهاذ الهدرة وبقاو يحكولي على الاشياء الي اديرها على جالي و وراولي وحد الكراس كاتبة فيه عن كل مرة شافتني فيه فمثلا في احد الصفحات كاتبة تاريخ اللقاء و اني ابتسمت لها و قاتلي صباح الخير ورديتلها و مرة اني سالتها على الاستاذ وهكذا و بداو يحلفولي البنات انها جامي حبت واحد قبلي و انها عاقلة بزاف وهكذا لحد الان كل شي هايل





الا ان جاء الخبر الغريب الطفلة هاذي الي تحوس عليا مافيها حتى نقطة تع زين و سمرا بزاف ز فيها شوية حب وماهيش زينة قع انا دهشت مالقيت ماندير و بعد شوي جات الطفلة وهيا حشمانة وقعدت معايا و البنات راحو و انا استقبلتها مليح و بدات تهدر وانا مضم الوقت ساكت و حكاتلي انها خبرت ماماها عليا و انا مصدوم لاني على بالي انو وحدة كيما هيا ماتناسبنيش قع وراني في حيرة كبيرة كبيرة كبييييييييرة لعدة اسباب



1. لان الطفلة حبتني من قلبها و مانيش حاب نجرح مشاعرها

2. حاس انو هاذ الطفلة كيما الي كنت متمنيها في العقالة و التربة ويخصها غي الزين


3. اشعر بالانانية


4. راني نتخيل في روحي مكانها



في الاخير حبيت نمد نصيحة لكل الشباب باه ماتضرالهمش نفس القصة الي صراتلي تجنبو المداسرة تع البنات وماتبتسموش معا الجميع لانك ربما لا اراديا ستجل نفسك معشوق احدى البنات وانت لاتدري وراكم عارفين انو حرام الواحد يلعب بقلوب الناس



في الاخير راني نحوس على الاسلوب الاحسن باه نليكيدي هاذ المخلوقة بدون ان اجرح مشاعرها القصة هاذي صرات نهار الاربعاء انصحوني ارجوكم

السلام عليكم و رحمة الله و بركاته

أخي في الله ، نصيحتي لك و بالله التوفيق . عن تجربة واقعية حصلت لصديقي .

كان صديقي قمة في الجمال و حسن الخلق (جذاب أي قتنة للناظرين) ، و كانت الفتيات يلهثن ورائه لتحدث معه.

فطرح مشكلته على صديق آخر لنا (مستقيم على منهج السلف) ، فنصحة بطاعة الله و رسوله باطنا و ظاهرا .

و الآن الحمد لله . الفتيات عندما يمر عليهن متوجها للدراسة ينظرن إلى الأرض .


أسأل الله لك الثبات و التوفيق

[abderahim-dz]

بالتوفــــــــــــــق اخى هههه

[karistar06]

فجاة وجدت نفسك في مشكلة كبيرة ههههههههههههههههه

ربي يبعد علينا و عليك و على كل واحد الهم و المشاكل و المصائب
حاجة ساهلة : قوللها راني خاطب و دير خاتم في يدك هههههههههههههههه
تبعد بلا ماتقوللها
مي على حساب ظني نتا تحوس تتعرف على وحدة شابة لكن هذه الفتاة ما عجباتكش
انصحك ابتعد عن الفتيات و يوم تخدم و توجد روحك تقدم و تزوج ديركت و ما تشغلش بالك بأمور تافهة قبل الزواج من حب و غضب و و و و
شكرا لك أخي الكريم و جزيت كل خير

ســــــــــــــــــــــــــــــــــــــــــــلام





meme réponse

[assia81]

هههههههههه انت سبب المشكلة وبيدك الحل
ساقول لك شيئا انت سراتلك كيما واحد قالولوا وصلك طرد من الخارج كيما راح يجيبوا قالولو لازم تمد رشوة من كترت حبو للهدايا خاصة من الخارج قبل بلامايفكر بلي لي دير فيه حرام ومن بعد اكتشف ان الهدية مجرد فار محشي
هدي قصة من عندي
يا اخي الحلال بين والحرام بين بغض النظر ان كانت جميلة ام لا فانت لا يهمك الا الجمال حتى انساك ان ماتفعله ليس من الدين في شيء فكافاك الله بما تستحق هههههه وشكرا

[soheib+206]

ههههههههههه مشكلتك كومدية جدا تصرى غير في

الأفلام الكومدية ههههههههههه

على كل حال يا أخي دير كونكوا واحد من فاميلتك

بعيد الشر عليه مات و أنت قلبت الفيستا و وليت

أخينا ربي شوية لحية و ولي تهدر غير على الموت

وعذاب القبر ..لخ هكدا تليكيديها بحجة التدين

وتتهنى منها و راني حاس بيك يا أخي صرالي نفس

مشكلتك لكنني كنت أناني جدا و لم أهتم لمشاعر

الطفلة ...خليها تنجرح و لا تلوح روحها من

5 ايتاج

[المتيقنة بالله سارة]

اتقوا الله في بنات الناس فكما تدين تدان ..
يالبنات فهموني ماني فاهمة والو ...هادي نصيحة 2013 وعيني عينك حب يقول خالطو بنية فاسدة والله ربي يهديكم
والله كل العلاقات المحرمة تتحاسبوا عليها دنيا واخرة. الحياة العملية صعبة و الحياة في القبر اصعب . ربي قالكم ادخلو من الباب ونتوما تحبو التواقي
ههههههههههههه لالا اختي راه مقصدش هك خانو تعبير بركههههههههه انا تاني تخلعت كي قريت ردو بصح شوفي تعقيب تاعو مور مقالو الاخ مالا باي نية ؟؟؟ يعني مشكيتش توصل بيه هاد الاخ يقول كلام كيما هذا على مراى كل هؤلاء القراء وهو يعرف انو كاين لي يهاجم:1::1::1::1:......وانا راح نكوووون اول وحدة نوقف لوكان قصدها

هادا توضيحوووو

هيه نقصد نهار تكون واجد ومستعد للزواج ارتبط ـــ اما الوعود الفارغة والتعلق بفتاة قبل الاوان فهذا فيه ظلم لها ولنفسك ...يعني لما تخلص الدراسة وتسوي وضعيتك فالخدمة الوطنية وتلقى عمل ...وتجمع النقود للزواج ..هاذيك الساعة يرحم ربي .....ولا معول على بابا يزوجك...ههههه ـــ.........................مقتبس ليس كلامي

[ميمنة الجزائر]

ربي يرزقك الهنا وأحلى حاجة انك تقولها خلي الزمان هو الي يخير

اشتغل قبل واخدم ومن بعد حوس على عروسة وما تلعبش بنبات الناس

[كلمات مبعثرة]

ههههههههههههه لالا اختي راه مقصدش هك خانو تعبير بركههههههههه انا تاني تخلعت كي قريت ردو بصح شوفي تعقيب تاعو مور مقالو الاخ مالا باي نية ؟؟؟ يعني مشكيتش توصل بيه هاد الاخ يقول كلام كيما هذا على مراى كل هؤلاء القراء وهو يعرف انو كاين لي يهاجم:1::1::1::1:......وانا راح نكوووون اول وحدة نوقف لوكان قصدها

هادا توضيحوووو

هيه نقصد نهار تكون واجد ومستعد للزواج ارتبط ـــ اما الوعود الفارغة والتعلق بفتاة قبل الاوان فهذا فيه ظلم لها ولنفسك ...يعني لما تخلص الدراسة وتسوي وضعيتك فالخدمة الوطنية وتلقى عمل ...وتجمع النقود للزواج ..هاذيك الساعة يرحم ربي .....ولا معول على بابا يزوجك...ههههه ـــ.........................مقتبس ليس كلامي



بارك الله فيك ..ههههه خلعني وش حبيتيني نقول ان شاء الله يكون ليكيداها ولا ليكيداتو .:1: