خطيبي مادي ماذا افعل 89

[مشكلتي]

السلام عليكم

لا أعرف ماذا يحصل لي هذه الأيام صرت مشتة الأفكار

انا فتاة عمري 23 سنة تعرفت على شاب في مرحلة الجامعية هو دركي و ماشي من الولاية ديالي عرفتو 3 سنوات و عند تخرجي بعد اشهر ربحت في وظيفة عمومية و تقدم الشاب اللي كنت نعرفو لخطبتي قبلت بيه من غير من خمم قلتت راني نعرفو بيان و الحمد لله عمرو ما دار حاجة خايبة معايا المهم الحاجة اللي تغيرت صرت نلاحظ انه صار مهتم جدا بالجانب المادي يعني صار يخطط للتحضيرات ديال العرس و المصاريف النصف بالنصف يعني مثلا المهر هو يدفع 3 ملاين و انا 3 ملاين و الذهب هو يشري سنسلة و انا منقوش لا شومبر نشروها نصف نصف للعلم يقرر هاذ الشي لوحدو يمكن البعض منكم راح يقولي عادي كان يكون عادي لو كان ماشي خدام و لا الاجر ديالو ماشي بزاف لكن الحمد لله الاجر ديالو يكفي و يوفي لكن انا حابة نكون كيما كل البنات تحس ان لها قيمة و يكبرو بيها . من العمل ديالي درت حساب بنكي محترم يعني قلت ما نخلي والدي مايحطو حتى دينار في الزهاج و العرس ديالي يكفي واش صرفو عليا لكنه صار كل مرة يجبدلي عليه يقولي نشرو بيه و نشرو بيه لكن الواضح اني راح نعمل عرس و نصف و راني عارفة والدي لوكان يسمعو ماراحش يوافقو .

من جهة اخرى تقدمت باش ندي رخصة سياقة التقيت بشاب يدرس معايا ما شاء الله و من نفس دائرتي تقدم ليا قالي اختي راني ناوي لحلال اذا ماشي مخطوبة حابة نبعث يما لداركم ما رديتش عليه و صرت نخمم في هاذ الراجل اكثر من خطيبي راني عارفة هاذا غلط لكن هاذي هي الحقيقة

مشكلتي الآن راني نخمم نفسخ من خطيبي خاطرش راني نحس انه يحب الراتب ديالي كثر ماللي يحبني و قاع المشاعر اللي كنت نحسها من جيهتو راها تتلاشا و صرت مانقدرش نهدر معاه او نشوفو يعني حتى اذا رديت على الهاتف نرد غير باش ما يقولش راها تتهرب

و ثانيا واش نعمل من جهة الشاب اللي معايا في مدرسة السياقة يعني نصارحو اني مخطوبة او نقولو راح نفسخ او نقولو تقدم ماني عارفة حتى حاجة

ساعدوني ارجوكم

[ranou gigi]

حاسة بيك صح صح اختي انا ثاني نكره الراجل المادي نقولك حاجة روحي صلي الاستخارة و كل الامور راح تتريقل وحدها بلاما تقلقي راسك

[شيء من رجاء !]

أود أن تجيبي على هذا السؤال : لو لم يهر الشاب الثاني في حياتك ، هل كنتِ ستفكرين في فسخ الخطوبة؟
ثم تصورين خطيبك كأن به عيوب الدنيا ، وذكرتِ أنك دخلت معه علاقة مدة ثلاث سنوات ، ولم يظهر لك شيئ حينها من أخلاقه وطباعه ، لدرجة موافقتك عليه مباشرة بمجرد أن تقدم لك ؟
أما عن الشاب الثاني لا يمكنك أن تطلبي منه ان يتقدم ، الخطبة فوق الخطبة حرام ، وبسلوكك هذا ستخسرين الاثنان ، ذكرني حالك بالمثل الشعبي ( عينه في المخلة وفمه في النادر )

نصيحتي لكِ كوني صادقة مع نفسك ، وقتها تستطيعين تقرير مصيرك
يسر الله أمرك وهداك للصواب .

[المشتاق لجنة النعيم]

سامحيني اختي على كلامي لكني فهمت حسب كلامك انك انت هي المادية وليس خطيبك ذلك لانك التفتت الى غيره و ايضا اظن ان كلامه بشان تقاسم المهر غرضه تيسير الطريق لزواجكما ففي النهاية المهر سيعود لك ولا ضير من تسهيله للخاطب وشكرااا

[لقرع بوكريشة]

لا حول ولا قوة الا بالله.....زيجات هذا الزمان يندى لها الجبين...وفتيل الخلاف يذكى في اول يوم ومن حين الى حين...
الاخت الكريمة الزواج هو جد وليس لعب عيال....فبالنسبة لخطيبك ليس له الحق في ابتزازك مستغلا خطبتك او سكوتك...فالمتعارف عليه شرعا وقانونا وعرفا ان مصاريف الخطبة والزواج وحتى النفقة بعده على عاتق الزوج لا غير الا ما كان على تراض...فانت الان زوجته بعد الخطبة....فاطلبي منه ان يتمم هاته الزيجة وبالشروط المتعارف عليها والمذكورة انفا.....فان ابى وتلكع ...وسوف وبدا يبتزك او امتنع.. هنا بانت نيته وظهرت حقيقته مليئة بالطمع... والجشع.....فما عليك الا وضعه امام امر واقع...وبالتالي فسخ خطوبتك والتحلل من ارتباطك.....فالزواج شيئ مقدس ...مقنن ومؤسس.....

اما قولك زميلي في مدرسة السياقة يقول ما يقول وانت ساكتة فهذا عيب ما وراءه عيب ومحال ما بعده محال ....انسيت انك مخطوبة والامر مفصول فيه؟؟؟؟...والا حاسبة الامر لهو ولعب عيال....؟؟؟؟؟......فانت والله اثمة اثمة على ما تفعلينه...لانك في الاصل مخطوبة لشخص قبله ولازلت على ذمته

في الاخير عليك اخطار خطيبك بالتقدم لاتمام ما يلزم اتمامه...فان ابى فعليك بفسخ عقد الخطبة وساعتها يفرج صاحب الفرج

اتمنى لك التوفيق والسداد امين يا رب العالمييين..................................اسف ان كنت قاسيا بعض الشيئ


.

[sengra]

السلام عليكم

لا أعرف ماذا يحصل لي هذه الأيام صرت مشتة الأفكار

انا فتاة عمري 23 سنة تعرفت على شاب في مرحلة الجامعية هو دركي و ماشي من الولاية ديالي عرفتو 3 سنوات و عند تخرجي بعد اشهر ربحت في وظيفة عمومية و تقدم الشاب اللي كنت نعرفو لخطبتي قبلت بيه من غير من خمم قلتت راني نعرفو بيان و الحمد لله عمرو ما دار حاجة خايبة معايا المهم الحاجة اللي تغيرت صرت نلاحظ انه صار مهتم جدا بالجانب المادي يعني صار يخطط للتحضيرات ديال العرس و المصاريف النصف بالنصف يعني مثلا المهر هو يدفع 3 ملاين و انا 3 ملاين و الذهب هو يشري سنسلة و انا منقوش لا شومبر نشروها نصف نصف للعلم يقرر هاذ الشي لوحدو يمكن البعض منكم راح يقولي عادي كان يكون عادي لو كان ماشي خدام و لا الاجر ديالو ماشي بزاف لكن الحمد لله الاجر ديالو يكفي و يوفي لكن انا حابة نكون كيما كل البنات تحس ان لها قيمة و يكبرو بيها . من العمل ديالي درت حساب بنكي محترم يعني قلت ما نخلي والدي مايحطو حتى دينار في الزهاج و العرس ديالي يكفي واش صرفو عليا لكنه صار كل مرة يجبدلي عليه يقولي نشرو بيه و نشرو بيه لكن الواضح اني راح نعمل عرس و نصف و راني عارفة والدي لوكان يسمعو ماراحش يوافقو .

من جهة اخرى تقدمت باش ندي رخصة سياقة التقيت بشاب يدرس معايا ما شاء الله و من نفس دائرتي تقدم ليا قالي اختي راني ناوي لحلال اذا ماشي مخطوبة حابة نبعث يما لداركم ما رديتش عليه و صرت نخمم في هاذ الراجل اكثر من خطيبي راني عارفة هاذا غلط لكن هاذي هي الحقيقة

مشكلتي الآن راني نخمم نفسخ من خطيبي خاطرش راني نحس انه يحب الراتب ديالي كثر ماللي يحبني و قاع المشاعر اللي كنت نحسها من جيهتو راها تتلاشا و صرت مانقدرش نهدر معاه او نشوفو يعني حتى اذا رديت على الهاتف نرد غير باش ما يقولش راها تتهرب

و ثانيا واش نعمل من جهة الشاب اللي معايا في مدرسة السياقة يعني نصارحو اني مخطوبة او نقولو راح نفسخ او نقولو تقدم ماني عارفة حتى حاجة

ساعدوني ارجوكم

السلام عليكم
حالتك مؤثرة جدا. لكن أنصحك أختي الكريمة أن تبيني لخطيبك عيوبه و أن لا يفكر في الماديات فان تقبل نصيحتك و عمل بها مع الوقت و استقام فلا داعي في أن تفكري في غيره و ان لم يعمل بنصيحتك الخيار اليك و لكن تذكري ان الحياة الزوجية لابد من تفاهم حتى تعيشين براحة و تربين أطفال وفق حياة هادئة.
وزيدي اسألي عليه مليح قبل ما يتم اجراءات الزواج
شكراااااااا

[سجل أنا جزائري]

أختي ما تخمي بزاف ما والو

متأكد أنو هذاك زميلك لو يعرف انك مخطوبة و تردين فسخ الخطوبة مش راح يوافقك

هو ثاني ذرك يقول املا انا ثاني كون نخطبها و يجي واحد خير مني تبدلني !!! خاصة مشيتي معاه 3 سنين !!!!

iهذا باين هذا ناس ملاح قالك ديراكت ناوي لحلال مش مشى معك 3 سنين و مبعد يقولك نجي نخطبك

خليه يشوف جيهة وحدخرى و نتي ارضاي بخطيبك و شوفي كيفاه تفهمي معاه منيش نشوف هذي مشكلة كبيرة

[muslimone]

أختي إذا كان المهر 6 ملايين وهو يدفع ثلاثة وانت ثلاثة، أنت شكون راح يساعدك باش تجهزي كونك واقعية وقوليلو ماراكش قادر على مهر تاع 6 مالا دفع نورمال 3 ملايين وين راه المشكل، ماراكش قادر على سنسلة ومنقوش مالا جيبلي سنسلة برك وين راه المشكل قابلة، ماراكش قادر على شومبرة نرقدو فالأرض وين راه المشكل، ولكن باش تزيدي من عندك وتكذبي على داركم ويجيبهم هو على أساس هادو دراهمه، يا الله ماهذا ماشي عيب لي ماعندهش يدير على طاقته وعيبك وعارك أنت إذا غليتي عليه، بصح باش تزيدي من عندك وهو يتكرم أنه هو لي دارهم وحده أنا بالنسبة ليا هذا الأمر مستحيل وأنت واختيارك والله هو المستعان

[madoucha]

افسخي هذا مادي و الله عيب عليه يطلب منك تشاركيه في دفع الغرفة

[مبروكة الصحراء]

السلام عليكم
أختي الكريمة أنا أحس بحالتك جدا جدا جدا و أفهم شعورك
أريد أن أقول لك شيئا
أولا خطيبك مادي نعم و هذا واضح و المشكل سيكون لاحقا و يكبر
كلنا نحبو الراجل يصرف علينا و لو عدنا اموال كبيرة لأن هذا شيء يحسسنا بمسؤوليته اتجاهنا و حاجتنا الدائمة له
ثانيا خرجيهالو طاي طاي قوليلو مصاريف العرسو الشومبرة علييييييييييييييييييييك انت و أنا دراهمي باغية نخليهم بوالدي و مندير معاك والو و شوفي ردة الفعل انتاعو إذا رضى أوكي و إذا ما حبش و زعف هذا دليل قاطع على أنه مادي (بالرغم من أنه واضح بدون دليل) لكني جربي حتى لا تظلميه
أما الثاني فانسيه و لا تتقدمي معه و لا خطوة الخداع يولي عليك و ربما فيه عقلية أسوء من خطيبك و عسى أن تكرهو شيئا و هو خير لك
مشكلتك الأساسية في خطيبك تكملي معاه أو لا ؟؟؟ هذا هو ما يجب عليك الفصل فيه عاجلا و استخيري ربي في ذلك و هو يهديك باذنه تعالى
و إذا كملتي معاه ربي يوفق و إذا لا ربي يعوضك خير
ربي يفرج عليك أختك في الله

[biologie2001]

اختي الكريمة اياك ان تتبعيه او تعطيه كلمة و تقوليلو ايه نعاونك درك (نهارتتزوجو و توصلي لدارو عادي انك تساعديه) ... ياك كامل نعرفو باللي المهر على الراجل و على حسابك راه يتكلم غير على الماديات .... اهدري معاه و قوليلو باللي هدا الشيء مكانش في عايلتنا و الراجل لازم يكون قد المسؤولية و ننصحك تحكي لامك

[Hamza touazi05521763]

اختي صلي صلاة الاستخارة وتان نورمال كي تعاوني خطيبك بصح ادا كنتي حابة نتي مش هو يشترط عليك نومارمون المصروف عليه كل شيئ قولي لامك تمدلك رايها مكاش كما رظا الوالدين هما يعرفو

[الجليس الصلح]

كل شيئ واضح أختي الكريمة رجل كهذا يفكر في راتبك قبل الزواج لا يستحقك افسخي خطبتك عليه أما الثاني قد يكون مثل الأول تمهلي قليلا ومتى تأكدت من يصونك ولا يخونك ويرفع رأسك توكلي على الله

[faty05]

خطيبك ديريلو حدود فيما يخص تدبايروا في تقاسم امور العرس معا و قوليلو بلي ماراكيش ملزمة بشي لي راه يقولو خاصة المهر هذي نص نص وين صرات ؟؟؟؟
اما ذالك الشخص الي يقرا معاك قوليلو راكي مخطوبة
و ربي يسهل

[كريم عربي]

سلام عليكم

أختي نقولك حاجة من الآخر.. الرجل الحقيقي هو لي مايدناش لعرق امرأة.

من الآخر هاذي، انا شاب في بداية العشرينات، وناوي نهار يكتب ربي، أنو حتى لو تكون البنت لي رح نديها خدامة، انا لي نتكفل بكل شيء من عفش وغير ذلك، وهي تجيب روحها برك، والدراهم تع الصداق والشرط وو كل هاذي عليا انا نحط الدراهم لي تطلب، هاذي مسؤولية الراجل من الآخر، نستغرب كي نقرا قصص على رجال كيما هادو، واحد ماعندوش نيف سبحان الله.

بصح نقولك حاجة بخصوص الشخص الثاني، الأول قبلتي بيه وقلتي راني نعرفو مليح ورح تبطلي والثاني رح تقبلي بيه وتقولي راهو مليح ومبعدا ماتعرفيش روحك وش رح تديري، اسمحيلي في النقطة هاذي راكي شوية ماعندكش راي، من الآخر استخيري الله سبحانه وتعالى، وحتى لو طالت النتيجة.

نقطة مهمة للغاية: حاولي تفرزي أفكارك، بحيث في حالة قررتي فسخ الخطوبة من الأول تكوني متأكدة أنو حتى لو لم يظهر الثاني في حياتك فكنتي ستفسخين، لأنو إذا بدلتي راجل من أجل راجل آخر فهاذي تغضب ربي سبحانه الي يقول "أوفوا بالعهود"، وربي ممكن يعاقبك من أجل اللقطة هاذي.

ربي يوفقك، استخيري الله فهذا أمر بيده هو.

[hayet04]

راح تخطبي روحك و نزوجي روحك انا ماتقبلهاش ولو تكون روحي فيه ولا يكون اخر رجل في هذي الدنيا ياحسرااااا على الرجلة كي فنات

[khadidja master]

السلام عليكم
شوفي ختي الصح يقال لا يجب عليكي ان تساعديه في المهر يمكنك ان تتنازلي عن بعض الاشياء الغير ضرورية لاكن المهر هو من واجبه وكيما قلتي قاع حنا لبنات نبغو نحسو بقيمتنا ما عليكي الا بصلاة الاستخارة وربي يفرجها ان شاء الله

[لميس اميرة]

السلام عليكم





اولا أختي الرجل المعجب بك و الذي قد بدأت بدورك تعجبين به , يجب عليك وقف الامر عند حده لأنك تتجهين نحو طريق الشيطان الملعون , طريق التهلكة و المعصية





ثم أن أختي الخطبة و الزواج عقد مقدس و خصوصا لو ان فاتحة بينكما , فقد اثمت ايما اثم , لأنك شرعا زوجته

ثم يا أختي اتقي الله العين تزني و زناها النظر و أنت مرتبطة قد زنيت ببصرك و سمعك و فؤادك



و أكبر جريمة قد ترتكبيها أن تطلبي منه أن يتقدم لخطبتك في انتظار فسخ الخطوبة الأخرى فهذا والله جرم مصداقا لحديث المصطفى عليه الصلاة و السلام " لايخطب المسلم على خطبة أخيه "



و مادام هذا الرجل متنكرا لأصله و رجولته لهذه الدرجة فالافضل وضع النقاط على الحروف هكذا حتى تعلمي ان كان عليك الصبر و الإصلاح , أم أن حالته ميؤوس منها , و أنه من الطامعين المحبين للمال على حساب كرامتهم و رجولتهم


ادعو لك التوفيق و الصلاح و الهداية

[دمعة اسى]

في رايي خطيبك مشحاح ماشي مادي يعني دوروه عزيز عليه و اذا كان دركا راه يقولك نتقاسمو المهر غدوة كي تكوني عندو يعود يخلص في بلاصتك و ياطيك مصروفك من راتبك صلي الاستخارة هي اللي توريلك الطريق الصح بالتوفيق

[kaderkader1541]

المراة مكانها البيت و الاستثناء هو خروجها للعمل عند الضرووووووووورة
فكيف يترك الرجل الماكثة في البيت التي هو أصلها ان تكون فيه
و يذهب الى العاملة التي هي حالة الاستثناااء نظرا لحاجتها المااااااااسة للعمل كالتي لم تجد من يُنفق عليها
من هنا يتبين لك ان الرجل الذي يتقدم الى العاملة فهو لا يخرج عن هاته الحالات الثلاثة
اما طماااااااااع في مرتبها
او نااااااقص غيييييرة عليها خصوصا اذا كان عملها فيه اختلاط بالرجال
او انه سوف يتهنى من مصروفها اي يقولك رايحة تصرف على روحها وحدها
و أي واحد يقول العكس فأنا هنا للمناقشة

[كريم عربي]

المراة مكانها البيت و الاستثناء هو خروجها للعمل عند الضرووووووووورة
فكيف يترك الرجل الماكثة في البيت التي هو أصلها ان تكون فيه
و يذهب الى العاملة التي هي حالة الاستثناااء نظرا لحاجتها المااااااااسة للعمل كالتي لم تجد من يُنفق عليها
من هنا يتبين لك ان الرجل الذي يتقدم الى العاملة فهو لا يخرج عن هاته الحالات الثلاثة
اما طماااااااااع في مرتبها
او نااااااقص غيييييرة عليها خصوصا اذا كان عملها فيه اختلاط بالرجال
او انه سوف يتهنى من مصروفها اي يقولك رايحة تصرف على روحها وحدها
و أي واحد يقول العكس فأنا هنا للمناقشة




صدقني شريكي، لو مرتي تكون خدامة نشرط عليها حاجة، أنو ماندي من عندها دورو، وأنو نتعب ونشقى باه نوفرلها وش تحتاج من جيبي، وكون تحط دورو في الدار تشوف.

حتى لو تكون تخدم مسؤوليتها عليا، ربي يهدي شباب هاذي الأيام برك، يروح طول لمرا خدامة باه تعاونو في المصروف، ماهوش راجل طوووووول.

[kaderkader1541]

صدقني شريكي، لو مرتي تكون خدامة نشرط عليها حاجة، أنو ماندي من عندها دورو، وأنو نتعب ونشقى باه نوفرلها وش تحتاج من جيبي، وكون تحط دورو في الدار تشوف.

حتى لو تكون تخدم مسؤوليتها عليا، ربي يهدي شباب هاذي الأيام برك، يروح طول لمرا خدامة باه تعاونو في المصروف، ماهوش راجل طوووووول.
اوكي اخي فهمت انك لست طمااااع و لن تتركها تصرف عن نفسها بل انت من سيتكفل بمصارفها بقي جانب و هو هل تسمح لها بالعمل طواااال اليوم و الاولاد ضائعون بين الشارع و الجيران و المربية او ان يكون عملها فيه اختلاط