الطبعة العاشرة لدورة الرقي بمدبرة منزل مثالية [الأرشيف] - الصفحة 4

it's me

2012-12-01, 14:32

السلام عليكم ورحمة تعالى الله و بركاته

:dj_17:
كيراكم يا الفحلات
البرد راهو داير حالة و لهذا لازمنا نغلبوه قبل ما يغلبنا خاصنا نديرو هذ الكلمات البسيطة بين عينينا دايما كقاعدة نتمشاو عليها.
الجانب الديني: تمام و الحمد لله رب العالمين +مواصلة صيام الدين.
الجانب الجمالي :اكيد يوميا تفريش الاسنان 3 مرات +ماسك الحليب قبل النوم +ترطيب اليدين و الرجلين + دهن و تمشيط الشعر و الكحل(قبل النوم)
الجانب التنظيفي : كملت يوم الخميس ما تبقى من المطبخ تنظيف و ترتيب ادراج الرافيطايمة مسح الثلاجة مسح و ترتيب ليزيليمو ..........
في المساء رحت فوطيت و الدراري داهم بباهم للماناج
يوم الجمعة نفضت بيت بنتي و خرجت المطلا و مسحت الحيوط و رتبتلها الملابس راكم عارفين ومسحت ليستر و الميكرو مع المكتب وتنظيم الكتب و الدفاتر و بدلت لها الكوات و دوشت للدراري في المساء تلهيت ببنتي مع المراجعة للاختبارات ....
اليوم نضت كالعادة لجميع الجوانب الجانب التنظيفي :عادي نشفت الدار و درت للغداء مرقة حمرا بالعصبان (البكبوكة) و لميت الملابس الموسخة ودرتها في الماشينة و واصلت المراجعة مع بنتي بعد الغداء عجنت البريوش نتاع ام رامي و صليت الظهر و راني جيت نشوفكم توحششششششتكم بززززززززاف
:mh31::mh31::mh31:

الله يبارك حرة الحراير
كلشي تمام صحييييتي الفحلة

it's me

2012-12-01, 14:34

:1::1::1::1::1::1::1::1::1:

اختي منى كيراكي توحشتك
معندنا وين نروحو ونخلوك رانا هنا
:mh31::mh31::mh31:

لاباس الحمد لله
ربي يخليك..الخبز العربي مليح بصح انا ثاني ماتنفخليش بزاف :sdf:
ياترى وش السر

نافلة

2012-12-01, 15:01

صباح الخير يا فراشات واش راكم
تطبيقي ليوم الخميس الجانب الديني خبزتها نسيت الصيام و نسيت صلاة الضحى و الباقي الحمد لله....الجانب الجمالي تفريش الاسنان 3 .....تمشيط الشعر.... ترطيب الجسم و عمل ماسك العسل للوجه وكمادات الشاي للعينين...
الجانب التنظيفي.. غسلت حيوط الكوزينة و حطيت لي زيليمو و القجورا و الخزنة نتاع الريفيطايما و نظفتهم و نظمتهو و غسلت الساعة و الاكسسوارات المعلقة.. و كملت بلارضية ...و بقست نتفرج فيها و هي تبرق على راي اختي ليلى....
نهار الجمعة جاو عندي ضيوف عملت للغدا الطعام و عشية عملت المسمن...الجانب التربوي الاولاد راهم في حالة استنفار بسبب الاختبارات...و راني مراقبتهم عن كثب

كيراكي اختي سمراء توحشتك راكي قايمة الله يعطيك الصحة

:19::19::19:

it's me

2012-12-01, 15:53

الووووووو شكون راهي هناااااااااااااااااا
راني مليت و اناوحديييييييييييييييييييي

سمراء الدنيا

2012-12-01, 16:02

مساء الخير عليكم
تبارك الله عليك فطيمة ناشطة و قايمة بها.....ربي يشدلك في صحيحتك
منى كي راكي هاذ لعشية ...ياك ماراكي قانطة ....ما تنسيش ترسليلي العنوان
بنت خليل كي راكي و كيراهم لوليدات ...بصحتك الخبز بصح تنفخلك و لا لا...
شوفو يا خواتاتي الخبز راهو ساهل... غير وكان ما تقرصوهش غليظ لازم
يكون رقيق.. ولازم يريح المرة الثانية من ربع الى نص ساعة...و كي ترمي
الخبزة ماتخليهاش تحمار من التحت غير ترميها ثواني و قلبيها و قوي شويا
النار .....اذا نجمت رايحة نديرو بالفيديو و نوريلكم
اختي فطيمة هاذاك البريوش كلمة رائع قليلة عليه بصحتك....

نافلة

2012-12-01, 16:07

اهلا اختي سمراء على سلامتك توحشتك بزاف

it's me

2012-12-01, 16:30

سمورتيييييييييي وشراكي الحبيبة وين كنتي مخبية ههههه
ضرك نبعثلك عنواني عالخاص
مواااااااااح

سمراء الدنيا

2012-12-01, 17:27

ربي يخليك اختي منى اليوم راني غير مع الداخل و الخارج
هاذو جوارين....هاذو فاميليا .. و ربي يعاونا....
راهم مهبليني الاولاد مع لحفاظة.... و عندي سلة نتاع كسوة نكويها...
انا نروح و غدوة ان شاء الله نضرب طلة:mh31:

نافلة

2012-12-01, 17:30

مساء الخير عليكم جميعا:mh92:
فطيمة تبارك الله عليك راكي ناشطة و قايم بالدعوة ربي يخليلك صحيحتك :19:
منى كي راكي هاذ لعشية ياك ما راكي قانطة... ما تنسيش تبعثيلي العنوان:mh31:
بنت خليل كيراكي و كي راهم لوليدات..بصحتك الخبز بصح تنفخلك و لا لا:rolleyes:
بالنسبة للخبز راهو غير ساهل برك تبعو الخطوات لازم كي تقرصوه رقيق و تخلوه
يريح من ربع الى نصف ساعة... و غي ترمي الخبزة ما تخليهاش تحمار من تحت غير
ثواني و قلبيها.... و قوي شويا النار عليها ..لو كان غير نتعلم كي ندير نوريه ليكم
بالفيديو....
فطيمة هاذاك البريوش ....كلمة رائع قليلة عليه....بصحتك

:19::19::19:
عندك الحق سمراء البريوش جاني روعة
و حتى الخبز كيما قلتي جا كذلك كْلوه و هو حامي ماخلوهش حتى يبرد شوية
ان شاء الله راني ناوية نعاودو بالمناسبة الكيلو شحال يديرلك من خبزة
:mh31::mh31::mh31:

it's me

2012-12-02, 10:36

صباح البونجور
وشراكم الفحلات؟
وش دار فيكم البرد ياويلي نسيتونا خلاص
غطيو رواحكم بزورة برك و ارواحو نتلمو هنا

فراشات العمر

2012-12-02, 10:45

منى واش رلكي علابالي راكي وحدك كي تعود عندي النت راني نطل عليك
واش حقى الالة صبور بقداه في البرج
الخبز جاني منفخ اختي سمراء

it's me

2012-12-02, 10:47

منى واش رلكي علابالي راكي وحدك كي تعود عندي النت راني نطل عليك
واش حقى الالة صبور بقداه في البرج
الخبز جاني منفخ اختي سمراء

راني من الخدمة للدار مانيش نخرج خلااااااااااااص اسمحيلي

فراشات العمر

2012-12-02, 10:55

ارواحي راني درت جي تاع الرمان راني خليتلك كاس

it's me

2012-12-02, 10:56

http://sphotos-f.ak.fbcdn.net/hphotos-ak-prn1/s480x480/14167_462743310429057_2102541432_n.jpg

it's me

2012-12-02, 11:03

ارواحي راني درت جي تاع الرمان راني خليتلك كاس

بنييييييييييييييين يهبل
يسلمووووو

it's me

2012-12-02, 11:05

http://sphotos-e.ak.fbcdn.net/hphotos-ak-ash4/395146_253336734794890_1496207798_n.jpg

شوفو و قولولي رايكم
هكدا دايرة الكوكتال تاعي و هي في الموف

it's me

2012-12-02, 14:08

واشي هاذاااااااااااااااااااااااااااااااااااا وش كاين وحدة فيكم ماطلت عليا

it's me

2012-12-02, 14:16

ويييييييييييييييييييييييييييييييييييييييينكم يا محلا زيييييينكم

it's me

2012-12-02, 14:17

***********************************

it's me

2012-12-02, 14:23

ادخلوااااااااااااااااااااااااااااا تحكيو معايا ولا نبيعكم لطاطا سندس و نقولها ماحبوش يحكيو معايا

yara1104

2012-12-02, 14:49

السلام عليكم أنا عضوة جديدة نتمنى تقبلوني معاكم في هذ الدورة عجبني بزاف وعجبتني العلاقة ألي بيناتكم

it's me

2012-12-02, 15:03

السلام عليكم أنا عضوة جديدة نتمنى تقبلوني معاكم في هذ الدورة عجبني بزاف وعجبتني العلاقة ألي بيناتكم

http://t2.gstatic.com/images?q=tbn:ANd9GcRKp1BkYzRGA-AEk2DS4YPJyXR8VueBMFXupDgDzJRnxAqpW5r_

http://dsclick.infospace.com/ClickHandler.ashx?ru=http%3A%2F%2Fwww.abu-bader.com%2Fvb%2Fimgcache%2F2%2F36927imgcache.gif&ld=20120111&ap=7&app=1&c=babylon2.hp.row&s=babylon2&coi=372380&cop=main-title&ep=7&euip=31.166.126.223&npp=7&p=0&pp=0&pvaid=3f8b478604994cbc96a713ebc7f51930&hash=5EC1C55AB91537E7D373DA390B900CA2

~ حراير ~

2012-12-02, 15:43

السلام عليكم و رحمة الله تعالى و بركاته
منى والله غير تشفي مسكينة قاعدة غير وحدك تهدري و تحدثي في روحك
راني فت بالصدفة قاعدة نحوس على تمرينات و امتحانات حتان لقيتك تعيطي
راح نموت بالضحك اعليك
شوفي انا من هنا لنهار الأربعاء الصباح إن شاء الله باش نلقاكم
سامحوني ياسر راكم علابالكم نقري في ثلاثة وحدي
ادعولي و ما تتخلاوش عليا
ايا باي باي
حق القندورة عجبتني ... و لكنها شوية مش ستيلي أنا انحب لمعمر و لمشارجي
و بالمناسبة إذا كان لاطاي تاعك كيفها ماعليهاش و لكن إذا كنت صومالية فالمشرجي يولتيك خير
سلام سلام بنتي راهي تاكل فيا على الميكرو باش تكمل مراجعتها
ادعولنا ربي يخليكم
بلاك في الليل نضرب طلة

it's me

2012-12-02, 15:49

السلام عليكم و رحمة الله تعالى و بركاته
و عليك السلام حنونة وشراكي
منى والله غير تشفي مسكينة قاعدة غير وحدك تهدري و تحدثي في روحك
شفتي ديييييييما هكذا مانلقى مندير نولي نتبلى ههههه
راني فت بالصدفة قاعدة نحوس على تمرينات و امتحانات حتان لقيتك تعيطي
راح نموت بالضحك اعليك
شوفي انا من هنا لنهار الأربعاء الصباح إن شاء الله باش نلقاكم
سامحوني ياسر راكم علابالكم نقري في ثلاثة وحدي
ربي معاك حبيبتي نتوحشووووووووووووووووووووك
ادعولي و ما تتخلاوش عليا
يا شومي بلا ماتوصي
ايا باي باي
ربي ينجح بناويتك و يفرحك بيهم

حق القندورة عجبتني ... و لكنها شوية مش ستيلي أنا انحب لمعمر و لمشارجي
و بالمناسبة إذا كان لاطاي تاعك كيفها ماعليهاش و لكن إذا كنت صومالية فالمشرجي يولتيك خير
انا نحب حاجة سامبل و تقريبا كيفها في لاطاي
سلام سلام بنتي راهي تاكل فيا على الميكرو باش تكمل مراجعتها
ادعولنا ربي يخليكم
بلاك في الليل نضرب طلة

ماطولييييييييييييييييش علينا

فراشات العمر

2012-12-02, 16:14

واش راكي وحدك
بالنسبة للجلابة انا ما نحبش هذا الستيل حاجة لي قاستو تبان انا نحب الكتان

سمراء الدنيا

2012-12-02, 16:28

lمساء الخير يا منى غير سمحيلنا انا خاطري راهو عندك
غير نقول نريح نتونس معاك شويا يعيطو ولادي ....واحد نشد عليه وواحد
نصححله..... شوفي واش دارو فيا ...واحد يدخل 8 يخرج 10... و لخرى
تدخل 10 تخرج 12 و لعشية تاني يتناوبو... و هاذاك الصغير غير خليه
حفظني التاريخ بالسيف و هاذ لعشية راني مع التكنولوجيا.....
ونزيدك كي يكونو الاختبارات يبغو غير لحلاوة و القاطو راني غير
في الكوزينة نعجن

سمراء الدنيا

2012-12-02, 16:31

بصحتك العباية نموت على السانبل
و ما نحبش تخربيش بزاف تقطعيها بالصحة ان شاء الله

تفكرت الرسالة لقيت فيها غير اسمك واش كاين طريقة يحلوها بيها ولا واش
عمري ما جاتني رسالة هاذي الاولى

سمراء الدنيا

2012-12-02, 16:33

اريج ربي يكون في عونك و عونا و ينجحهم كاملين
و يفرحنا بيهم .... و نديرو الزردة مع بعض ....ok

فراشات العمر

2012-12-02, 16:33

http://jp12.r0tt.com/l_bb6cbe60-3c0c-11e2-bcdb-313085c00012.jpg

سمراء الدنيا

2012-12-02, 16:34

السلام عليكم أنا عضوة جديدة نتمنى تقبلوني معاكم في هذ الدورة عجبني بزاف وعجبتني العلاقة ألي بيناتكم

اهلا و سهلا بيك معانا ... رانا غير نفوجو على رواحنا

سمراء الدنيا

2012-12-02, 16:37

http://jp12.r0tt.com/l_bb6cbe60-3c0c-11e2-bcdb-313085c00012.jpg

واش هاذا يا بنت خليل وين صبتيها هاذي
انا لبارح بديت صوكات كيما للي وراتهم منى
لقيت روحي درتها نتاع بيبي...:d
حليتها كامل في الليل نعاود المحاولة

فراشات العمر

2012-12-02, 16:40

ههههههههههههههههههههههههههههههههههههههههههه
ربي يخليك لولادك

فراشات العمر

2012-12-02, 16:42

كتبت هذا في قوقل garnstudio

سمراء الدنيا

2012-12-02, 16:44

يا لبنات وين راكم واصلين في القرآن

سمراء الدنيا

2012-12-02, 16:46

منى خرجت مازال ما لحقت 5 ؟؟؟؟؟
و لا زعفت.....؟؟؟؟؟

فراشات العمر

2012-12-02, 16:46

انا راني نحفظ راني في عبسى

فراشات العمر

2012-12-03, 08:14

http://sphotos-a.ak.fbcdn.net/hphotos-ak-snc7/s480x480/600210_385186111564313_2104878715_n.jpg (http://www.********.com/photo.php?fbid=385186111564313&set=a.267930893289836.63407.267881239961468&type=1&relevant_count=1&ref=nf)

فراشات العمر

2012-12-03, 08:15

http://sphotos-g.ak.fbcdn.net/hphotos-ak-ash3/s480x480/148778_385123128237278_1369052146_n.jpg (http://www.********.com/photo.php?fbid=385123128237278&set=a.267930893289836.63407.267881239961468&type=1&relevant_count=1&ref=nf)

سمراء الدنيا

2012-12-03, 08:38

http://im21.gulfup.com/6u3t1.jpg

سمراء الدنيا

2012-12-03, 08:39

http://im21.gulfup.com/YXo12.jpg

سمراء الدنيا

2012-12-03, 08:41

صباح الخير و الربح و الرزق
منى يلا لحقت رواحي تفطري معايا

it's me

2012-12-03, 08:50

بصحتك العباية نموت على السانبل
و ما نحبش تخربيش بزاف تقطعيها بالصحة ان شاء الله

تفكرت الرسالة لقيت فيها غير اسمك واش كاين طريقة يحلوها بيها ولا واش
عمري ما جاتني رسالة هاذي الاولى
صباح النووووووووووور سوسو وشراكي
الله يسلمك حنونة
في الرسالة مالقيتيش العنوان؟؟؟؟؟

it's me

2012-12-03, 08:51

lمساء الخير يا منى غير سمحيلنا انا خاطري راهو عندك
غير نقول نريح نتونس معاك شويا يعيطو ولادي ....واحد نشد عليه وواحد
نصححله..... شوفي واش دارو فيا ...واحد يدخل 8 يخرج 10... و لخرى
تدخل 10 تخرج 12 و لعشية تاني يتناوبو... و هاذاك الصغير غير خليه
حفظني التاريخ بالسيف و هاذ لعشية راني مع التكنولوجيا.....
ونزيدك كي يكونو الاختبارات يبغو غير لحلاوة و القاطو راني غير
في الكوزينة نعجن
معليه حبيبتي ولادك اولى من المنتدى
ربي ينجحهم ان شاء الله
حتى انا نحب غير الحلاوة ههههه نجي ناكل شوي

it's me

2012-12-03, 08:52

واش راكي وحدك
بالنسبة للجلابة انا ما نحبش هذا الستيل حاجة لي قاستو تبان انا نحب الكتان

كيفاش حاجة لي قاستو؟؟؟؟؟
و زيد انا عروسة لازملي حاجة شارجي شوية ماشي سامبل

it's me

2012-12-03, 09:01

صباح الخير و الربح و الرزق
منى يلا لحقت رواحي تفطري معايا
راني جاااااااااااااااااااااااااااااااااااية
وش كاين فطور؟؟؟؟؟
كثريلي الحلوى

سمراء الدنيا

2012-12-03, 09:23

مرحبا منى تفضلي

راني عاملة الكرواصون نتاع الوهرانية
و زيت الزيتون و الفرماج .....و نحط للاولاد
الزبيب قالو يساعد في الذاكرة
و انت قوليلي منين تتزوجي تكملي في الخدمة و لا تحبسي

سمراء الدنيا

2012-12-03, 09:25

[B][SIZE="6"]منى منين راكي تحبي الحلاوة طلي هنايا
http://www.djelfa.info/vb/showthread.php?p=12334066#post12334066

it's me

2012-12-03, 09:28

مرحبا منى تفضلي

راني عاملة الكرواصون نتاع الوهرانية
و زيت الزيتون و الفرماج .....و نحط للاولاد
الزبيب قالو يساعد في الذاكرة
و انت قوليلي منين تتزوجي تكملي في الخدمة و لا تحبسي
ربي يعيشك الفحلة
مممممم جوعتيني
ايه الزبيب يساعد على تقوية الذاكرة و ثاني الجوز و اللوز و العسل و الجلجلان باختصار المكسرات كامل
انا ناوية نحبس الخدمة بصح مانعرف الدنيا وش مخبية و المكتوب

it's me

2012-12-03, 09:34

سمورة اذا عندك لي باف ديري اذاعة قسنطينة على 10 اسمعي حصة المرشد النفسي

سمراء الدنيا

2012-12-03, 09:46

سمورة اذا عندك لي باف ديري اذاعة قسنطينة على 10 اسمعي حصة المرشد النفسي

مشكورة منى درك نديرها بلاك نستفادو مع سن المراهقة
نتاع ولادي راني حاصلة معاهم

و الخدمة كيما قلت ما تعرفيش واش راه مخبي
ان شاء الله الراجل يسترك و يهنيك و ما يحوزكش للخدمة

it's me

2012-12-03, 09:49

مشكورة منى درك نديرها بلاك نستفادو مع سن المراهقة
نتاع ولادي راني حاصلة معاهم

و الخدمة كيما قلت ما تعرفيش واش راه مخبي
ان شاء الله الراجل يسترك و يهنيك و ما يحوزكش للخدمة
ربي يخليك سمورة
ان شاء الله صدقيني مانيش حابة نخدم خاطر علابالي مانقدرش نوفق بين الدار و الخدمة و المراة ليها دارها احسن
علاش راكي طولي بش تردي عليا؟؟؟؟؟

سمراء الدنيا

2012-12-03, 10:03

راني نطول لاخطرش راني نلم الدار و نجي نطل في الميكرو
و هاذا غير باش ما نخليكش و حدك بصح على العشرة يجي ولدي لكبير
و يسيطر على الميكرو

و كيما قلت حنا ماراناش خدامات و ما لحقناش على الدار و الاولاد
و انا تاني نشجع كل واحد يقوم بمسؤولياتو الراجل يخدم و يجيب الدراهم
و المرا تهتم بيه و بالاولاد باش تاني ما يضيعوش

سمراء الدنيا

2012-12-03, 10:16

منى سمحيلي درك راهو جا وليدي
لعشية ان شاء الله

it's me

2012-12-03, 11:13

راني نطول لاخطرش راني نلم الدار و نجي نطل في الميكرو
و هاذا غير باش ما نخليكش و حدك بصح على العشرة يجي ولدي لكبير
و يسيطر على الميكرو

و كيما قلت حنا ماراناش خدامات و ما لحقناش على الدار و الاولاد
و انا تاني نشجع كل واحد يقوم بمسؤولياتو الراجل يخدم و يجيب الدراهم
و المرا تهتم بيه و بالاولاد باش تاني ما يضيعوش
معليش لحبيبة ربي يعاونك
هاذي هي هدرة الصح الراجل ليه برا و المراة دارها تسترها
على فكرة انا ضد فكرة المراة العاملة
يبقى راي شخصي

وفاء سعاد

2012-12-03, 13:46

مساء الخير عليكم واش راكي يامنى وياسمراء راكم بقيتوغيروحدكم انا والله راني مع الامتحانات 3يقراووانا اللي نحكملهم الحفاضة ونزيد ندىرلهم التمارين من عندى ومن الكتب الخارجية راهو مخي خمج من القراية الاسبوع القادم نتهنى شوية كسرتلكم راسكم ويامنى اداعة قسنطينة تجينى فيها التخرخيش من الميكرو انت تانى هكدا ولا انا برك حابة نسمعها من الميكرو خير من البورتابل

it's me

2012-12-04, 08:36

مساء الخير عليكم واش راكي يامنى وياسمراء راكم بقيتوغيروحدكم انا والله راني مع الامتحانات 3يقراووانا اللي نحكملهم الحفاضة ونزيد ندىرلهم التمارين من عندى ومن الكتب الخارجية راهو مخي خمج من القراية الاسبوع القادم نتهنى شوية كسرتلكم راسكم ويامنى اداعة قسنطينة تجينى فيها التخرخيش من الميكرو انت تانى هكدا ولا انا برك حابة نسمعها من الميكرو خير من البورتابل
صباح الورد سعاد اختي وشراكي معليكش؟
هاذو هوما الاولاد لازم توقفي على راسهم
اذاعة قسنطينة ماحبتش تمشيلي البارح
اليوم ثاني كاينة حصة مليحة في اذاعة بسكرة على 10

سمراء الدنيا

2012-12-04, 09:59

صباح الانوار و الخيرات
كيراكي منى ....جيت نصبح عليك ....
صبحت مغبونة عندي ضياف للغدا
وضرسي راهي دايرة فيا حالة
بعيد على السامعين...

it's me

2012-12-04, 10:24

صباح الانوار و الخيرات
كيراكي منى ....جيت نصبح عليك ....
صبحت مغبونة عندي ضياف للغدا
وضرسي راهي دايرة فيا حالة
بعيد على السامعين...
صباح الفل
لاباس نحمدو ربي
طبعي برك وش رح ديري ربي يشفيك
ماطوليش عليا

وفاء سعاد

2012-12-04, 10:37

صباحالخير عليكم لاباس عليك اختي سمراء ضرستك حطيلها شوية قرنفل اوصبغة الاضافر اوهرسي حبة باراسيتامول وحطيها عليها يحبس الالم حتان تروحي عند الطبيب والضياف ربي يعاونك وزيد الامتحانات مابيك تقري الاولاد او تقعدى معاهم ومرسي اختي منى نخلي ورا الامتحانات ونعود نسمعهم

it's me

2012-12-04, 10:43

راهي تهدر على الاغذية اللي تساعد على النمو السليم العقلي و البدني

سمراء الدنيا

2012-12-04, 14:37

انا جيت
http://im28.gulfup.com/E5ta1.jpg

سمراء الدنيا

2012-12-04, 14:38

السلام عليكم و اللي راها هنا ترد علية جبتليها حاجة حلوة

it's me

2012-12-04, 15:14

انااااااااااااااااااااااااااااااااااا

سمراء الدنيا

2012-12-04, 15:16

ما جا حت واحد ناكلو وحدي
http://im20.gulfup.com/GVDf2.jpg

it's me

2012-12-04, 15:17

وشراكي سمورة حنووووووووووووونة

it's me

2012-12-04, 15:28

سموووووووووووووووووووووووووووووووووووور وينك

سمراء الدنيا

2012-12-04, 15:29

مساء الخير منى

سمراء الدنيا

2012-12-04, 15:31

هاذ لعشية راني خير من الصباح انا كل ما نطل ما نلقى والو
نقول ما رد حتى واحد ..عاد درك شفت ردك
حقا الجماعة غيبو ما نعرف مالهم...
لا فطيمة لا مينة لا ليلى... لا نبض الفؤاد....

it's me

2012-12-04, 15:35

هاذ لعشية راني خير من الصباح انا كل ما نطل ما نلقى والو
نقول ما رد حتى واحد ..عاد درك شفت ردك
حقا الجماعة غيبو ما نعرف مالهم...
لا فطيمة لا مينة لا ليلى... لا نبض الفؤاد....
مساء الانوار حبيبتي
راني نظل وحدي كي الزربوطة هنا ندور الباقي لاهيين مع ولادهم والامتحانات
وش درتي في قضية المسك؟ وصلك عنواني كامل ولا لالا؟؟؟

سمراء الدنيا

2012-12-04, 15:42

نروح نصلي العصر و نرجع

سمراء الدنيا

2012-12-04, 15:46

راني عاودت طليت على الرسائل لقيت غير اسمك و قوس

it's me

2012-12-04, 15:47

اوكي ماطوليش

it's me

2012-12-04, 15:54

معليش ضرك نبعثلك بالمقطع و نتي سجلي عندك و الا اعطيني رقمك نعيطلك

سمراء الدنيا

2012-12-04, 15:58

خلاص يا منى راني لقيتو
كي نبعثهولك راني نخبرك

سمراء الدنيا

2012-12-04, 16:03

هاذيك بنتي الجنية عرفت كيفاه تخرجهولي
راهي من الصباح مقبلتني كي القط حابة تقعد في الميكرو

it's me

2012-12-04, 16:03

خلاص يا منى راني لقيتو
كي نبعثهولك راني نخبرك
اووووووووووووكي حبيبتي
المقروط هذاك جاك هايل الله يبارك

سمراء الدنيا

2012-12-04, 16:11

الله يسلمك راني صورتو باش نحطو في قسم الحلويات
هاذاك علاش قلتلك الصباح راني مغبونة .... كنت مخلطة المقروط
و جاوني الضياف و تاني ضرسي...بصح سلكتها الحمد لله

سمراء الدنيا

2012-12-04, 16:17

با ي باي منى... انت راكي قريبة تخرجي و انا تاني نروح نحفظ ولدي المحفوظات و نطيب القهوة

it's me

2012-12-04, 16:19

الله يسلمك راني صورتو باش نحطو في قسم الحلويات
هاذاك علاش قلتلك الصباح راني مغبونة .... كنت مخلطة المقروط
و جاوني الضياف و تاني ضرسي...بصح سلكتها الحمد لله
علابااالي بيك شاطرة و تقدريلها

نافلة

2012-12-04, 16:33

:dj_17::dj_17::dj_17:
كيراكم يا الفحلات
توحشتكم توحشتكم توحشتكم
توحشتكم توحشتكم
توحشتكم
:mh31::mh31::mh31:

نافلة

2012-12-04, 16:37

كيراكي اختي منى خليناك وحدك الله غالب الكونكسيون ثقيلة بلبزاف و زيد الجو نتاع الاختبارات راكي عارفة
حتى نتي واحد النهار تولي كيفنا
هدا راجل ....هادو دراري ...
المسؤولية...
ان شاء الله

نافلة

2012-12-04, 16:40

كيراكي اختي سمراء يعطيك الصحة على هذاك المقروض يا ريت تشرحيلي طريقتك باش نزيد نستفاد
و ربي نشاء الله ينجح الدراري في الامتحانات

it's me

2012-12-04, 16:41

كيراكي اختي منى خليناك وحدك الله غالب الكونكسيون ثقيلة بلبزاف و زيد الجو نتاع الاختبارات راكي عارفة

حتى نتي واحد النهار تولي كيفنا
هدا راجل ....هادو دراري ...
المسؤولية...
ان شاء الله

على السلامة لالا فطووووووم وش هاذ الغيييبة طولتوها
وش الاحوال و الاولاد لاباس؟
معليش راكم معذورات بصح كي يكملو الامتحانات مانطلقكمش نهار كامل معايا

نافلة

2012-12-04, 16:55

على السلامة لالا فطووووووم وش هاذ الغيييبة طولتوها
وش الاحوال و الاولاد لاباس؟
معليش راكم معذورات بصح كي يكملو الامتحانات مانطلقكمش نهار كامل معايا

الله يسلمك و يخليك يا لحبيبة
:rolleyes::rolleyes::rolleyes:
وين راكي واصلة مع تحضيرات
العرس

ام مريم الجزائرية

2012-12-04, 20:10

السلام عليكم واش راكم كل وحدة باسمها
دخلت خصيصا باه نشكر اخت سمراء الدنيا على الخبز العربي راه جا هايل وتنفخ على الكيف
بارك الله فيك
اختي منى واش راكي راكي غير وحدك الله غالب انا النت ثقيلة والمنتدى بذات مايفتحش الله اعلم علاه
تهلاو في رواحكم

نافلة

2012-12-05, 08:06

صباح الخير و الربح

سمراء الدنيا

2012-12-05, 08:23

http://im20.gulfup.com/3OaV1.jpg
http://im20.gulfup.com/aCRi2.jpg
http://im20.gulfup.com/0YI63.jpg

نافلة

2012-12-05, 08:26

صباح الخير اختي سمراء
كي دارتلك ضرسك

سمراء الدنيا

2012-12-05, 08:27

كيراكي اختي سمراء يعطيك الصحة على هذاك المقروض يا ريت تشرحيلي طريقتك باش نزيد نستفاد
و ربي نشاء الله ينجح الدراري في الامتحانات

نحمدو الله و نشكروه
الله يسلمك فطومة.... هاذاك المقروض درك نحطه في قسم الحلويات
بالتفصيل و الصور.. ومن بعد نحطلك الرابط....

و انت كيراكي دايرة.. وكيراهم لوليدات .... كنت لاهية على هاذ الغيبة....

سمراء الدنيا

2012-12-05, 08:29

صباح الخير اختي سمراء
كي دارتلك ضرسك

صباح النور و الربح....
صبحت صاقرة عليا الحمد لله ما نيش عارفة نروح للطبيب
و لا لا ياك انا نخاف من الدونتيس

سمراء الدنيا

2012-12-05, 08:34

مساء الخير عليكم واش راكي يامنى وياسمراء راكم بقيتوغيروحدكم انا والله راني مع الامتحانات 3يقراووانا اللي نحكملهم الحفاضة ونزيد ندىرلهم التمارين من عندى ومن الكتب الخارجية راهو مخي خمج من القراية الاسبوع القادم نتهنى شوية كسرتلكم راسكم ويامنى اداعة قسنطينة تجينى فيها التخرخيش من الميكرو انت تانى هكدا ولا انا برك حابة نسمعها من الميكرو خير من البورتابل

اختي وفاء الله يكون في عونك... و ينجحلك لوليدات ان شاء الله

انا الضغط راهو ناقص عليا شويا...الولد لكبير يحقرني ما نقدلهش
نخليه للباباه .... و البنت ما شاء الله الاولى على قسمها ....ما نحيروش
فيها.... راني غير مع داك الصغير...السنة الرابعة كامل حفظتها...
ربي برك يحفظهم و ينجحهم...

سمراء الدنيا

2012-12-05, 08:37

صباحالخير عليكم لاباس عليك اختي سمراء ضرستك حطيلها شوية قرنفل اوصبغة الاضافر اوهرسي حبة باراسيتامول وحطيها عليها يحبس الالم حتان تروحي عند الطبيب والضياف ربي يعاونك وزيد الامتحانات مابيك تقري الاولاد او تقعدى معاهم ومرسي اختي منى نخلي ورا الامتحانات ونعود نسمعهم

بارك الله فيك اختي وفاء و الله ما كنت عارفة واش نديرلها
راني حطيتليها البارح الباراسيتامول ...راها لاباس ضرك....

سمراء الدنيا

2012-12-05, 08:40

السلام عليكم واش راكم كل وحدة باسمها
دخلت خصيصا باه نشكر اخت سمراء الدنيا على الخبز العربي راه جا هايل وتنفخ على الكيف
بارك الله فيك
اختي منى واش راكي راكي غير وحدك الله غالب انا النت ثقيلة والمنتدى بذات مايفتحش الله اعلم علاه
تهلاو في رواحكم

و عليك السلام اختي ام مريم وبصحتك الخبز
الحمد لله كي نجحلك....
جربي تاني البريوش نتاع ام رامي راه تحفة

نافلة

2012-12-05, 08:40

سمراء الدنيا;12352491]

نحمدو الله و نشكروه
الله يسلمك فطومة.... هاذاك المقروض درك نحطه في قسم الحلويات
بالتفصيل و الصور.. ومن بعد نحطلك الرابط....

و انت كيراكي دايرة.. وكيراهم لوليدات .... كنت لاهية على هاذ الغيبة....

الحمد لله رانا لباس
راهي الكونكسيو دايرة حالة و خاصة مع المنتدى خطرات ثقيلة خطرات مقطوعة
:o:o:o
[/B]

نافلة

2012-12-05, 08:43

صباح النور و الربح....
صبحت صاقرة عليا الحمد لله ما نيش عارفة نروح للطبيب
و لا لا ياك انا نخاف من الدونتيس

اختي سمراء لازمك تروحي للطبيب و ديري شوية كوراج

سمراء الدنيا

2012-12-05, 08:45

الكونكسيون عندي مليحة الصباح
بصح من لعشية و لهيه ....يا لطيييييييييييف....
قوليلي فطيمة وين لازم نكونو واصلين في القرآن
انا راني في سورة يوسف

it's me

2012-12-05, 08:53

الله يسلمك و يخليك يا لحبيبة
:rolleyes::rolleyes::rolleyes:
وين راكي واصلة مع تحضيرات
العرس

صباح الورد و الجوري على كل وحدة فيكم
وشراكم
انا راني غير مع الجريات هاذي خياطة و هاذو حوانت ياك تعرفي حالة العروس:rolleyes:

it's me

2012-12-05, 08:54

السلام عليكم واش راكم كل وحدة باسمها
دخلت خصيصا باه نشكر اخت سمراء الدنيا على الخبز العربي راه جا هايل وتنفخ على الكيف
بارك الله فيك
اختي منى واش راكي راكي غير وحدك الله غالب انا النت ثقيلة والمنتدى بذات مايفتحش الله اعلم علاه
تهلاو في رواحكم
و عليك السلام حبيبتي ان شاء الله تكوني لاباس
بصحتك الخبز انا ماتنفخليش
معليش كيما يقولو الغايب عذرو معاه بصح ما تعاودوهااااااااااااااش

it's me

2012-12-05, 08:55

صباح الخير و الربح

صباح المطرررررررررررررر و البرد ههههه وشراهي فطومة؟؟؟
وش مطيبة غدا اليوم

نافلة

2012-12-05, 08:55

الكونكسيون عندي مليحة الصباح
بصح من لعشية و لهيه ....يا لطيييييييييييف....
قوليلي فطيمة وين لازم نكونو واصلين في القرآن
انا راني في سورة يوسف

يعطيك الصحة انا ثاني راني قريب نكملها و ما نيش عارفة بالضبط وين لازما نكونو راكي عارفة منين نكونو معذورين كلشي يتخلط خطرات نحب نقرا في البورتابل و مانيش عارفة

it's me

2012-12-05, 08:56

http://im20.gulfup.com/3oav1.jpg
http://im20.gulfup.com/acri2.jpg
http://im20.gulfup.com/0yi63.jpg
صباح الهناء و الراحة و الطمانينة
كيف الاحوال
وشراهي ضرستك؟؟

نافلة

2012-12-05, 09:00

صباح المطرررررررررررررر و البرد ههههه وشراهي فطومة؟؟؟
وش مطيبة غدا اليوم
صباح الخير هذا وين لحقتي ما طاحش عندكم الثلج؟؟؟
:confused::confused::confused:
ما زال مقررتش راهي باحرتلي بالاك ندير شربة عدس +بطاطا فريت +امليت طون مع بيض

it's me

2012-12-05, 09:02

http://t0.gstatic.com/images?q=tbn:ANd9GcRXQ1mkidp1YZ8ewPWed1VXBT-I1jMiPjomJBq4AdY-QAH04Ggl3w

http://t0.gstatic.com/images?q=tbn:ANd9GcTd-7Qxaj8lOEcLyYhnYlK-eloGUaj6Lj3rax0fPFVrM2IU8P6z3Aهاذي هي بريوشة الشهدة اي قلتلكم موالفة نديرها

تفضلو تفطرو معايا
بصحتكم

نافلة

2012-12-05, 09:06

http://t0.gstatic.com/images?q=tbn:and9gcrxq1mkidp1yz8ewpwed1vxbt-i1jmipjomjbq4ady-qah04ggl3w

تفضلو تفطرو معايا
بصحتكميعطيك الصحة الله الله على هاذيك القهوة
:19::19::19:
خاصها حبة مقروض من عند سمراء
;););)

it's me

2012-12-05, 09:07

صباح الخير هذا وين لحقتي ما طاحش عندكم الثلج؟؟؟

:confused::confused::confused:
ما زال مقررتش راهي باحرتلي بالاك ندير شربة عدس +بطاطا فريت +امليت طون مع بيض

لالا مكانش الثلج
منححححححبش العدس :confused:
عندكم البرد في بشار؟

سمراء الدنيا

2012-12-05, 09:09

صباح الخير منمونة انت جبت القهوة و انا نجيب القاطو
http://im16.gulfup.com/ABpY1.jpg
http://im16.gulfup.com/1TrT2.jpg
http://im16.gulfup.com/799y3.jpg

نافلة

2012-12-05, 09:14

لالا مكانش الثلج
منححححححبش العدس :confused:
عندكم البرد في بشار؟

واش راه في خاطرك نطيبلك
غير قولي ما تحشميش
:1::1::1:
اكيد عندنا البرد
:d:d:d

نافلة

2012-12-05, 09:20

صباح الخير منمونة انت جبت القهوة و انا نجيب القاطو
http://im16.gulfup.com/abpy1.jpg
http://im16.gulfup.com/1trt2.jpg
http://im16.gulfup.com/799y3.jpg
يعطيك الصحة سمراء هذا وين حلات القعدة
و مانديروش لغدا انا راني شبعت
:19::19::19:
ههههههههه

it's me

2012-12-05, 09:21

واش راه في خاطرك نطيبلك
غير قولي ما تحشميش
:1::1::1:
اكيد عندنا البرد
:d:d:d

حابة ناكل تيكربابين اذا تعرفيها
http://www.djelfa.info/vb/showthread.php?t=1136319

it's me

2012-12-05, 09:26

يعطيك الصحة سمراء هذا وين حلات القعدة

و مانديروش لغدا انا راني شبعت
:19::19::19:
ههههههههه

yemmmmm
خلووووووووووووووني ناكل هاذو كامل وحدي ههههههههه
ربي يخليك سمورة الحلوة

نافلة

2012-12-05, 09:37

حابة ناكل تيكربابين اذا تعرفيها
http://www.djelfa.info/vb/showthread.php?t=1136319

واو
جامي درتو مبصح نوعدك كي نديرو نعلمك
:19::19::19:

سمراء الدنيا

2012-12-05, 09:43

بصحتكم.......
تيكربابين..؟؟؟؟؟ عمري ما درتو
بصح خصني نتعلمو.....كيفاش راه صاري مع التطبيقات
و الاخت سندس مشات و خلاتنا هاملين....
بصح مع ها> البرد و الله ما راني قادرة نحط يديا في الماء

it's me

2012-12-05, 09:49

واو

جامي درتو مبصح نوعدك كي نديرو نعلمك
:19::19::19:

oooooooooooooooook aya nakol w ngulkom chkon li dartou bnin khir

it's me

2012-12-05, 09:52

بصحتكم.......
تيكربابين..؟؟؟؟؟ عمري ما درتو
بصح خصني نتعلمو.....كيفاش راه صاري مع التطبيقات
و الاخت سندس مشات و خلاتنا هاملين....
بصح مع ها> البرد و الله ما راني قادرة نحط يديا في الماء
تكربابين هايل نموت عليه
انا راه عاجبني الحال هكا هههههههه نرتاحو شوي مع هاذ البرد نعجز على الشغل

نافلة

2012-12-05, 09:57

بصحتكم.......
تيكربابين..؟؟؟؟؟ عمري ما درتو
بصح خصني نتعلمو.....كيفاش راه صاري مع التطبيقات
و الاخت سندس مشات و خلاتنا هاملين....
بصح مع ها> البرد و الله ما راني قادرة نحط
يديا في الماء
انا ماكانش لي راه غايضني قد مينة الي ما بنتش توحشتها
:mad::mad::mad:
و ليلى حالتها راها باينة
الله يعونها

:o:o:o

it's me

2012-12-05, 10:02

انا ماكانش لي راه غايضني قد مينة الي ما بنتش توحشتها

:mad::mad::mad:
و ليلى حالتها راها باينة
الله يعونها

:o:o:o

مام انا توحشتها بزااااف مينة و ليلى ثاني خلات بلاصتها

سمراء الدنيا

2012-12-05, 10:11

بانتلي الحالة بدات تسماط على بيها جبت ليكم تصاوير التطبيقات الل درتهم في الاسبوع الاول و الثاني غير باش تتونسو

http://im27.gulfup.com/TKuG1.jpg
http://im27.gulfup.com/a0bD2.jpg
http://im27.gulfup.com/s5EN3.jpg
http://im27.gulfup.com/xvhb4.jpg
http://im27.gulfup.com/TrO25.jpg
http://im27.gulfup.com/es1t6.jpg
http://im27.gulfup.com/lP0a7.jpg
http://im27.gulfup.com/RsgB8.jpg
http://im27.gulfup.com/sSSl9.jpg
http://im27.gulfup.com/QnLn10.jpg

سمراء الدنيا

2012-12-05, 10:15

لحد الآن ما زال ما ركبتش الريدويات .....تكسرولهم لي زانو و مازال ما شريتش
و باقيلي الصالة نتاع الرجال راهي التحت ..ما زال نهارها.....
و الكوزينة باقيلي لكويزينيار خصني نخرجها و نحلها كامل

it's me

2012-12-05, 10:30

allah ybarek raki methalia hhhhhhhhhh

نافلة

2012-12-05, 10:42

لحد الآن ما زال ما ركبتش الريدويات .....تكسرولهم لي زانو و مازال ما شريتش
و باقيلي الصالة نتاع الرجال راهي التحت ..ما زال نهارها.....
و الكوزينة باقيلي لكويزينيار خصني نخرجها و نحلها كامل
ما شاء الله ما شاء الله
راكي فوووووور
:19::19::19:

نافلة

2012-12-05, 10:44

منى حبيت نسقسيك
واش درتي فالذهب ؟

it's me

2012-12-05, 10:58

منى حبيت نسقسيك

واش درتي فالذهب ؟

انا منحبش الذهب والله كان ماجيتش محتومة مانديرو خلاص
المحزمة عندي تع ماما مليحة
درت فلايك نع ديما و اخرين تع العراس
مقياس كبير
قورمات
سلسلة كبيرة و اخري صغيرة
4 خواتم
درت قيس وش حتاج برك

نافلة

2012-12-05, 11:19

انا منحبش الذهب والله كان ماجيتش محتومة مانديرو خلاص
المحزمة عندي تع ماما مليحة
درت فلايك نع ديما و اخرين تع العراس
مقياس كبير
قورمات
سلسلة كبيرة و اخري صغيرة
4 خواتم
درت قيس وش حتاج برك
بصحتك حبيبتي تلبسيهم بالصحة والعينين و الواحد يطلب غير الهنا و راحة البال
ما شاء الله
:19::19::19:

it's me

2012-12-05, 11:27

بصحتك حبيبتي تلبسيهم بالصحة والعينين و الواحد يطلب غير الهنا و راحة البال

ما شاء الله
:19::19::19:

الله يسلمك فطوم
ان شاء الله ربي يهنينا كامل
راكي ونستيني تع الصح اليوم ربي يخليك

سمراء الدنيا

2012-12-05, 14:44

انا منحبش الذهب والله كان ماجيتش محتومة مانديرو خلاص
المحزمة عندي تع ماما مليحة
درت فلايك نع ديما و اخرين تع العراس
مقياس كبير
قورمات
سلسلة كبيرة و اخري صغيرة
4 خواتم
درت قيس وش حتاج برك

تبارك الله ....الخير و البركة....المهم راحة البال
و الدهب يندار غير للزمان....
تلبسيهم بالصحة ان شاء الله و تفرحي بيهم حنونة

it's me

2012-12-05, 14:46

تبارك الله ....الخير و البركة....المهم راحة البال
و الدهب يندار غير للزمان....
تلبسيهم بالصحة ان شاء الله و تفرحي بيهم حنونة
ربي يعيشك و يبارك في عمرك حبوبة
وش الاحوال وش الجديد عندكم

سمراء الدنيا

2012-12-05, 15:11

ما كان حتى جديد... راني غير نثاوب.....

it's me

2012-12-05, 15:17

ما كان حتى جديد... راني غير نثاوب.....
هههههههههههههههه و انا ثاني كيفك

سمراء الدنيا

2012-12-05, 15:22

راها تبانلي نروح نعجن كانش حاجة في الكوزينة

سمراء الدنيا

2012-12-05, 15:29

شفتي هاداك العفريت نتاع ولدي راه غير يحاوز فيا من المكرو
يا رب تجي وحدة من لبنات تونسك..باي باي....

oummalak

2012-12-05, 16:10

راني طبقت البريوش انتاعك وانتاع ام رامي جاني روعة شكرا اختى سمراء الدنيا

it's me

2012-12-05, 16:15

راني طبقت البريوش انتاعك وانتاع ام رامي جاني روعة شكرا اختى سمراء الدنيا
اهلييييييييييييييييييييييين بالغالية على السلامة
وش حوالك ام ملاك لاباس؟ الاولاد بخير؟
وش هاذالغيبة ان شاء الله خير...
بصحتك البريوش

oummalak

2012-12-05, 16:33

اهلييييييييييييييييييييييين بالغالية على السلامة
وش حوالك ام ملاك لاباس؟ الاولاد بخير؟
وش هاذالغيبة ان شاء الله خير...
بصحتك البريوش
يسلمك ياعمري والله رانى الحمد لله
والله البريوشجا تحفة والان رانى رايحة نطيب الشاي ارواحي تشربي معاي وليداتي راهم جايين من المدرسة
سلامى الحار حبيبتي

oummalak

2012-12-05, 16:36

ادكركن اخواتي بالاستغفار فانه يصنع المعجزات

it's me

2012-12-05, 16:41

يسلمك ياعمري والله رانى الحمد لله

والله البريوشجا تحفة والان رانى رايحة نطيب الشاي ارواحي تشربي معاي وليداتي راهم جايين من المدرسة
سلامى الحار حبيبتي

اكيييييييييييييييييييييييد نجي هههه في كل محضر نحضر
سلام الى الملتقى

it's me

2012-12-05, 16:42

ادكركن اخواتي بالاستغفار فانه يصنع المعجزات

شكرا على التذكير ربي يجازيك
استغفر الله الذي لا اله الا هو عليه توكلنا و هو رب العرش العظيم

it's me

2012-12-06, 09:22

صباح الخير عليكم
شكون هناااااااااااااااااا؟؟؟

sondse1

2012-12-06, 14:36

السلام عليكم و رحمة الله تعالى و بركاته
اخواتي و حبيباتي الغوالي
اسمحولي بزاف على هذا التاخر
والله راني نمر بظروف جد صعبة من كل النواحي صحيا و معنويا
ربي يكون في عوني
اتمنى تعذروني والله ديما في بالي
والله العلي العظيم ماكنت قادرة ندخل
اتمنى منكم معذرتي و مسامحتي لان الظروف اللي راني نمر بيها هلكتني

نافلة

2012-12-06, 14:48

السلام عليكم و رحمة الله تعالى و بركاته
اخواتي و حبيباتي الغوالي
اسمحولي بزاف على هذا التاخر
والله راني نمر بظروف جد صعبة من كل النواحي صحيا و معنويا
ربي يكون في عوني
اتمنى تعذروني والله ديما في بالي
والله العلي العظيم ماكنت قادرة ندخل
اتمنى منكم معذرتي و مسامحتي لان الظروف اللي راني نمر بيها هلكتني
:dj_17::dj_17::dj_17:

الحمدلله على سلامتك ان شاء الله تكون ظروفك الان تحسنت و تكوني بخير . واش راهي صحتك
والله تحيرنا عليك بزاف لدرجة انني كتبت رسالة و نحوهالي ما عرفوش سندس لاني كتبت اسمك بالعربية
على سلامتك
على سلامتك
على سلامتك
:mh31::mh31::mh31:

نافلة

2012-12-06, 14:54

صباح الخير عليكم
شكون هناااااااااااااااااا؟؟؟
كيراكي اختي منى و كي صبحتي

sondse1

2012-12-06, 15:00

:dj_17::dj_17::dj_17:

الحمدلله على سلامتك ان شاء الله تكون ظروفك الان تحسنت و تكوني بخير . واش راهي صحتك
والله تحيرنا عليك بزاف لدرجة انني كتبت رسالة و نحوهالي ما عرفوش سندس لاني كتبت اسمك بالعربية
على سلامتك على سلامتك على سلامتك
:mh31::mh31::mh31:

ربي يحفضك و يخليك حبيبتي فاطمة
وصلتني الرسالة من الاخت "بنت الحاج" عبر الخاص
والله اسمحولي بزاف الظروف خارجة عن ارادتي
و كيما يقولك المثل ضربتين على الراس توجع وانا 3ضربات
بعد وفاة خالي توفاة البنت ديالي بعدو بيومين و امو "اللي هي امراة جدي" توفاتها بعدها بيوم واحد فقط
والله صعيبة بزاف باه يكون واحد معاك اليوم و بعدها يغيب عليك في لحظة و الى الابد
ربي يرحمهم و يسكنهم فسيح جنانه و يجعل قبورهم روض من رياض الجنة ان شاء الله
انا لله و انا اليه راجعون
قدر الله و ما شاء فعل

نافلة

2012-12-06, 15:08

ربي يحفضك و يخليك حبيبتي فاطمة
وصلتني الرسالة من الاخت "بنت الحاج" عبر الخاص
والله اسمحولي بزاف الظروف خارجة عن ارادتي
و كيما يقولك المثل ضربتين على الراس توجع وانا 3ضربات
بعد وفاة خالي توفاة البنت ديالي بعدو بيومين و امو "اللي هي امراة جدي" توفاتها بعدها بيوم واحد فقط
والله صعيبة بزاف باه يكون واحد معاك اليوم و بعدها يغيب عليك في لحظة و الى الابد
ربي يرحمهم و يسكنهم فسيح جنانه و يجعل قبورهم روض من رياض الجنة ان شاء الله
انا لله و انا اليه راجعون
قدر الله و ما شاء فعل
الله اكبر... الله اكبر... الله اكبر
انا لله و ان اليه راجعون
ربي يصبرك و يصبر اهلهم
و كيف هو حال الوالدة نتاعك ان شاء الله تكون تحسنت
سمحيلي حبيت نسالك
واش كانو مراض
ولا ماتو من
الفجعة؟

sondse1

2012-12-06, 15:21

والله واش نقولك يا فاطمة
راهي مسكينة في حالة لا يرثى لها كيما رانا كامل
والله حاجة صعيبة بزاف وخصوصا كنا قراب لبعضانا بزاف وكنا كي الخواتات انا و بنت خالي
ربي يصبرنا على فراقهم و يجعل مثواهم الجنة

بالعكس كلهم كانو بصحة جيدة جدا حتى خالي ماكان عندو حتى مرض
جا يصلي الفجر في الجامع المجوار لبيت جدي و كي دخل و توضا جاتو دوخة على حسب ما حكالنا صديق و جار خالي ومن بعد دخل يصلي مع الركعة الاولى الدايم ربي صبحانو
و بنتو ما قدرتش تتقبل فكرة انو باباها مات و في كل لحظة تقول انو جاها و نوضها باه تصلي الفجر مع الوالدة نتاعها و اختها و بعدو بيومين راحت للشومبرة نتاعها و قاتلي نروح نشوف بابا راه يعطلي انا رحت معاها للشمبرة و كي دخلنا قاتلي راه يقولنا صليو ركعتين و بالفعل صليت انا و هي ركعتين و بعدها قاتلي ميمي انا نرقد و من ذاك مازادت حتى لحظة في الدنيا و اللي ماقدرتش نستحملو انها ماتت على طرفي و حسيت بالبرودة نتاعها و انا ماكنتش دايرتها تموت غطيتها و بعدها شفتها ماراهيش تتفس وكي حكتها لفيتها توفاة و الدايم ربي سبحانو
و جدتها "مرت جدي " لحقتها غدوة من ذاك جراء الصدمة لانو هي اللي مربية بنت خالي وديما معاها قايمة بيها
ربي يرحهم و يوسع عليهم و يدخلهم الجنة باذنه تعالى

نافلة

2012-12-06, 15:36

والله واش نقولك يا فاطمة
راهي مسكينة في حالة لا يرثى لها كيما رانا كامل
والله حاجة صعيبة بزاف وخصوصا كنا قراب لبعضانا بزاف وكنا كي الخواتات انا و بنت خالي
ربي يصبرنا على فراقهم و يجعل مثواهم الجنة

بالعكس كلهم كانو بصحة جيدة جدا حتى خالي ماكان عندو حتى مرض
جا يصلي الفجر في الجامع المجوار لبيت جدي و كي دخل و توضا جاتو دوخة على حسب ما حكالنا صديق و جار خالي ومن بعد دخل يصلي مع الركعة الاولى الدايم ربي صبحانو
و بنتو ما قدرتش تتقبل فكرة انو باباها مات و في كل لحظة تقول انو جاها و نوضها باه تصلي الفجر مع الوالدة نتاعها و اختها و بعدو بيومين راحت للشومبرة نتاعها و قاتلي نروح نشوف بابا راه يعطلي انا رحت معاها للشمبرة و كي دخلنا قاتلي راه يقولنا صليو ركعتين و بالفعل صليت انا و هي ركعتين و بعدها قاتلي ميمي انا نرقد و من ذاك مازادت حتى لحظة في الدنيا و اللي ماقدرتش نستحملو انها ماتت على طرفي و حسيت بالبرودة نتاعها و انا ماكنتش دايرتها تموت غطيتها و بعدها شفتها ماراهيش تتفس وكي حكتها لفيتها توفاة و الدايم ربي سبحانو
و جدتها "مرت جدي " لحقتها غدوة من ذاك جراء الصدمة لانو هي اللي مربية بنت خالي وديما معاها قايمة بيها
ربي يرحهم و يوسع عليهم و يدخلهم الجنة باذنه تعالى

انا لله و ان اليه راجعون
ربي يرحمهم و يجعل مثواهم الجنة و يصبرك و يصبر الوالدة يارب
اختي الحبيبة سندس اتهلاي في الوالدة و هاذي راهي عبرة كبيرة للناس لي راهم غافلين
كثري الاستغفار المؤمن مصاب و راني ندعي معاك و مع الوالدة
بالصبر و الثبات
انشاء الله تكوني فضفضتي شوية معايا

نبض الفؤاد

2012-12-06, 16:21

السلام عليكم ورحمة الله
والله غير دخلت نشوف وجدت سندس فرحت بصح؟؟؟
اختي كنا فعلا مقلقين عليك وممبعد لهاتنا فترة الاختبارات والبردعلى كل حال الدايم ربي
وربي يرحم موتاكم وموتى المسلمين ويعطيكم الصبر
فاطيمة كنت نتبع اخباركم ومنى والاخت سمراء بصح والله ما طارتلي الدالةمع التناوب في الامتحانات
المهم راكم كلكم بخير

نافلة

2012-12-06, 16:30

السلام عليكم ورحمة الله
والله غير دخلت نشوف وجدت سندس فرحت بصح؟؟؟
اختي كنا فعلا مقلقين عليك وممبعد لهاتنا فترة الاختبارات والبردعلى كل حال الدايم ربي
وربي يرحم موتاكم وموتى المسلمين ويعطيكم الصبر
فاطيمة كنت نتبع اخباركم ومنى والاخت سمراء بصح والله ما طارتلي الدالةمع التناوب في الامتحانات
المهم راكم كلكم بخير
كيراكي اختي نبض الفؤاد ان شاء الله تكوني بخير و الله ينجح الدراري في الامتحانات و ما يمشيش تعبهم باطل يارب

سمراء الدنيا

2012-12-06, 16:48

لاحول و لا قوة الا بالله
انا لله و انا اليه راجعون
عظم الله اجرك و احسن عزاءك و الهمك و اهلك الصير و السلوان
فعلا المصاب جلل .....لكن قدر الله و ما شاء فعل....

ارجو من الله عز وجل ان تكون اخر الاحزان....المومن مصاب...
حاولي تكوني قوية في ظروف مثل ه>ه باش تواسي
اهلك و خصوصا الوالدة الله يصبرها
ربي يكون معاك

سمراء الدنيا

2012-12-06, 16:51

مساء الخير فطيمة و نبض الفؤاد كيراكم
سمحولي مع الخلعة نتاع سندس نسيت باش نسلم عليكم
ما حتى منى راهي تكون خرجت

sarra5

2012-12-06, 16:53

والله واش نقولك يا فاطمة
راهي مسكينة في حالة لا يرثى لها كيما رانا كامل
والله حاجة صعيبة بزاف وخصوصا كنا قراب لبعضانا بزاف وكنا كي الخواتات انا و بنت خالي
ربي يصبرنا على فراقهم و يجعل مثواهم الجنة

بالعكس كلهم كانو بصحة جيدة جدا حتى خالي ماكان عندو حتى مرض
جا يصلي الفجر في الجامع المجوار لبيت جدي و كي دخل و توضا جاتو دوخة على حسب ما حكالنا صديق و جار خالي ومن بعد دخل يصلي مع الركعة الاولى الدايم ربي صبحانو
و بنتو ما قدرتش تتقبل فكرة انو باباها مات و في كل لحظة تقول انو جاها و نوضها باه تصلي الفجر مع الوالدة نتاعها و اختها و بعدو بيومين راحت للشومبرة نتاعها و قاتلي نروح نشوف بابا راه يعطلي انا رحت معاها للشمبرة و كي دخلنا قاتلي راه يقولنا صليو ركعتين و بالفعل صليت انا و هي ركعتين و بعدها قاتلي ميمي انا نرقد و من ذاك مازادت حتى لحظة في الدنيا و اللي ماقدرتش نستحملو انها ماتت على طرفي و حسيت بالبرودة نتاعها و انا ماكنتش دايرتها تموت غطيتها و بعدها شفتها ماراهيش تتفس وكي حكتها لفيتها توفاة و الدايم ربي سبحانو
و جدتها "مرت جدي " لحقتها غدوة من ذاك جراء الصدمة لانو هي اللي مربية بنت خالي وديما معاها قايمة بيها
ربي يرحهم و يوسع عليهم و يدخلهم الجنة باذنه تعالى

يا ربي يصبركم

قلبي اتقبض من واش حكيتي

انا في مكانك نهبل ربي يكون معاك صبري روحك بالقرآن والدعاء

ربي يكون معاكم

سمراء الدنيا

2012-12-06, 17:10

راني طبقت البريوش انتاعك وانتاع ام رامي جاني روعة شكرا اختى سمراء الدنيا

بصحتك اختي ام ملاك ....فعلا خفيف و بنين......

نافلة

2012-12-06, 17:11

مساء الخير فطيمة و نبض الفؤاد كيراكم
سمحولي مع الخلعة نتاع سندس نسيت باش نسلم عليكم
ما حتى منى راهي تكون خرجت

كيراكي سمراء وكيدرتي
شتك ما بنتيش الصباح

نافلة

2012-12-06, 17:25

يا ربي يصبركم

قلبي اتقبض من واش حكيتي

انا في مكانك نهبل ربي يكون معاك صبري روحك بالقرآن والدعاء

ربي يكون معاكم
سارة كيراكي و كي درتي مع الامتحانات
الله ينجحك حبيبتي

سمراء الدنيا

2012-12-06, 17:40

يسال عليك الخير اختي فطيمة
صباح راكي عارفة الدار تلهيت مع غسيل الكسوة
و التسياق .. وفي الاخير جات جارتي بغاتني
نخدمليها الملوي باش تروح تعزي وحدين حبابها
غير خرجت صليت العصر و ريحت في الميكرو

~ حراير ~

2012-12-06, 17:56

السلاااااااااااااااااااااام عليكم و رحمة الله تعالى و بركاته
وش احوالكم يا جماعة الخير توحشتكم و استفقدتكم
راني اليوم وين كملت خدمتي و الحمد لله على كل حال
مريومة يا الحبيبة يا العزيزة والله أنه اللسان يعجز عن الكلام أمام ما جرى لكم
ربي يعطيكم الصبر و ربي يبدل حبهم في قلبكم بحب ربي و الرسول صلى الله عليه و سلم
و ربي يخلفلكم بالبراكة و الصحة و الهناء
استهلي حبوبتي في ميمتك و استهلي في رويحتك و صحيحتك و في دينك راهو بالدنيا و ما فيها
و حاولي ما تخليش ميمتك قاعدة وحدها راهو امر صعيب بزاف على الكبير أنه يفارق احبابه و راهو اصعب على الكبير من الصغير راني جربتها لما توفات خالتي ... ما تقدروش تتخيلو وش صرى لأمي و هي انسانة متدينة جدا جدا و تقبل تقتليها و ما تقبلش تقيسي الدين
و لكن لما توفات أختها بالسيف ما قدرت تنساها و زيد انقولك لحد الآن لما نجبدوها أو نتفكروها تقعد أمي مسكينة بالسمانة و هي في حالة
على هك حبوبتي راني نوصيك ما تخليش ميمتك وحدها أبدا دايما قومي عليها و اقعدي معاها و ونسيها و بدلي عليها لحوال باش تتونس
ربي يصبركم و يكون معاكم و ربي يأجركم و يخلفلكم بالخير و الصحة و الهناء

~ حراير ~

2012-12-06, 18:00

فطيمة سمراء وش أحوالكم كملو لولاد الإمتحانات ؟؟؟
سارة وينك حبوبة هادي غيبة
بديتو في ليكنطرول و إلا مازال

نافلة

2012-12-06, 18:09

السلاااااااااااااااااااااام عليكم و رحمة الله تعالى و بركاته
وش احوالكم يا جماعة الخير توحشتكم و استفقدتكم
راني اليوم وين كملت خدمتي و الحمد لله على كل حال
مريومة يا الحبيبة يا العزيزة والله أنه اللسان يعجز عن الكلام أمام ما جرى لكم
ربي يعطيكم الصبر و ربي يبدل حبهم في قلبكم بحب ربي و الرسول صلى الله عليه و سلم
و ربي يخلفلكم بالبراكة و الصحة و الهناء
استهلي حبوبتي في ميمتك و استهلي في رويحتك و صحيحتك و في دينك راهو بالدنيا و ما فيها
و حاولي ما تخليش ميمتك قاعدة وحدها راهو امر صعيب بزاف على الكبير أنه يفارق احبابه و راهو اصعب على الكبير من الصغير راني جربتها لما توفات خالتي ... ما تقدروش تتخيلو وش صرى لأمي و هي انسانة متدينة جدا جدا و تقبل تقتليها و ما تقبلش تقيسي الدين
و لكن لما توفات أختها بالسيف ما قدرت تنساها و زيد انقولك لحد الآن لما نجبدوها أو نتفكروها تقعد أمي مسكينة بالسمانة و هي في حالة
على هك حبوبتي راني نوصيك ما تخليش ميمتك وحدها أبدا دايما قومي عليها و اقعدي معاها و ونسيها و بدلي عليها لحوال باش تتونس
ربي يصبركم و يكون معاكم و ربي يأجركم و يخلفلكم بالخير و الصحة و الهناء

كيراكي ليلى على سلامتك توحشتك بزززززززاف وا ش اخبارك
:mh31::mh31::mh31:

~ حراير ~

2012-12-06, 18:15

الله يسلمك فطيمة و يهنيك
راني والله نحمد في ربي و نشكرو على هاد الساعة رانا كامل لاباس السوال عليكم يا لحبيبة
كاش برد عندكم
راهو برد يجمر عندنا

نافلة

2012-12-06, 18:25

الله يسلمك فطيمة و يهنيك
راني والله نحمد في ربي و نشكرو على هاد الساعة رانا كامل لاباس السوال عليكم يا لحبيبة
كاش برد عندكم
راهو برد يجمر عندنا

:dj_17:
حنا ثاني نحمدو ربي و نشكروه هاذ الساعة
و اليوم كملت بنتي الامتحانات على خير الحمد لله تبقى النتائج ربي ينجحها و اولاد المسلمين
و البنات كي دارو مع الامتحانات؟
ربي يوفقهم.
و بالنسبة للبرد حنا ثاني راه داير فينا حالة .

~ حراير ~

2012-12-06, 18:37

الحمد لله نتائج مقبولة
أفنان الي تدرس السنة الثانية جابت كلشي عشرات عدا اللغة الي جابت فيها 7 و المحفوظات و الرسم مازال مادريتش على نقاطهم
أما أريج السنة الرابعة فجابت عشرة وحدة في المدنية و الباقي بين 8 و 9 عدا الإسلامية الي زلزلتهالهم المعلمة أعلى نقطة أخذتها بنتي اريج و هي 5.5 و بقالها الفرنسية و الرسم نهار الأحد إن شاء الله
ادعيلها فطومة و راني حبيت نشاورك في حاجة راهي بنتي تعبت بزاف و أنا كنت منيتها قبل إن جابت في كل مواد الحفاظة عشرات نشريلها الساعة الي حابتها ... و لكنها كما قتلك ماجابتش و لكنها اجتهدت و تعبت بزاف لدرجة أني نقابضها باش تريح شوية و لكنها ترفض و تقولي قرايتي بجل
على هك حبيت نجازيها على اجتهادها وش رايك نشريهالها جزاء الإجتهاد و لمثابرة و إلا راح تكون سلبية مني أني ما شديتش في كلمتي؟؟؟

نافلة

2012-12-06, 19:31

الحمد لله نتائج مقبولة
أفنان الي تدرس السنة الثانية جابت كلشي عشرات عدا اللغة الي جابت فيها 7 و المحفوظات و الرسم مازال مادريتش على نقاطهم
أما أريج السنة الرابعة فجابت عشرة وحدة في المدنية و الباقي بين 8 و 9 عدا الإسلامية الي زلزلتهالهم المعلمة أعلى نقطة أخذتها بنتي اريج و هي 5.5 و بقالها الفرنسية و الرسم نهار الأحد إن شاء الله
ادعيلها فطومة و راني حبيت نشاورك في حاجة راهي بنتي تعبت بزاف و أنا كنت منيتها قبل إن جابت في كل مواد الحفاظة عشرات نشريلها الساعة الي حابتها ... و لكنها كما قتلك ماجابتش و لكنها اجتهدت و تعبت بزاف لدرجة أني نقابضها باش تريح شوية و لكنها ترفض و تقولي قرايتي بجل
على هك حبيت نجازيها على اجتهادها وش رايك نشريهالها جزاء الإجتهاد و لمثابرة و إلا راح تكون سلبية مني أني ما شديتش في كلمتي؟؟؟

عزيزتي ليلى طولت عليك راكي عارفة المسؤولية و الدراري
شوف ليلى بيني و بينك النقاط ما يهموش قد ما تهم فهامة التلميذ
و اجتهاو كيوالف هذو الاثنين مهما كانت نقاطو ضعيفة رايحة تتحسن مع الوقت
و بالنسبة بالعكس للهدية قدميهالها و قوليلها راني قدمتهالك لاجتهادك و مثابرتك و حبك للدراسة راني عارفة بلي راكي قادرة تجيبي اكثر ونتفاهمو الفترة القادمة باش تتحسني.......
بهاذ الطريقة تزيدي تعطيها الثقة في نفسها و تحبك و تحب الدراسة اكثر....
انشاء الله نكون افدتك
:19::19::19:
قوليلي كاشما طيبتي حاجة مميزة هاذ الاسبوع؟

سمراء الدنيا

2012-12-07, 08:18

http://im13.gulfup.com/OjKS1.jpg
http://im13.gulfup.com/qHuR2.jpg

oummalak

2012-12-07, 08:38

السلام عليكم و رحمة الله تعالى و بركاته
اخواتي و حبيباتي الغوالي
اسمحولي بزاف على هذا التاخر
والله راني نمر بظروف جد صعبة من كل النواحي صحيا و معنويا
ربي يكون في عوني
اتمنى تعذروني والله ديما في بالي
والله العلي العظيم ماكنت قادرة ندخل
اتمنى منكم معذرتي و مسامحتي لان الظروف اللي راني نمر بيها هلكتني
السماح اختى والله غير قلبي بكا ماشي غير عينيا ربي يصبركم ويدخلهم في جنات الخلد يارب

oummalak

2012-12-07, 08:43

والله واش نقولك يا فاطمة
راهي مسكينة في حالة لا يرثى لها كيما رانا كامل
والله حاجة صعيبة بزاف وخصوصا كنا قراب لبعضانا بزاف وكنا كي الخواتات انا و بنت خالي
ربي يصبرنا على فراقهم و يجعل مثواهم الجنة

بالعكس كلهم كانو بصحة جيدة جدا حتى خالي ماكان عندو حتى مرض
جا يصلي الفجر في الجامع المجوار لبيت جدي و كي دخل و توضا جاتو دوخة على حسب ما حكالنا صديق و جار خالي ومن بعد دخل يصلي مع الركعة الاولى الدايم ربي صبحانو
و بنتو ما قدرتش تتقبل فكرة انو باباها مات و في كل لحظة تقول انو جاها و نوضها باه تصلي الفجر مع الوالدة نتاعها و اختها و بعدو بيومين راحت للشومبرة نتاعها و قاتلي نروح نشوف بابا راه يعطلي انا رحت معاها للشمبرة و كي دخلنا قاتلي راه يقولنا صليو ركعتين و بالفعل صليت انا و هي ركعتين و بعدها قاتلي ميمي انا نرقد و من ذاك مازادت حتى لحظة في الدنيا و اللي ماقدرتش نستحملو انها ماتت على طرفي و حسيت بالبرودة نتاعها و انا ماكنتش دايرتها تموت غطيتها و بعدها شفتها ماراهيش تتفس وكي حكتها لفيتها توفاة و الدايم ربي سبحانو
و جدتها "مرت جدي " لحقتها غدوة من ذاك جراء الصدمة لانو هي اللي مربية بنت خالي وديما معاها قايمة بيها
ربي يرحهم و يوسع عليهم و يدخلهم الجنة باذنه تعالى
ما نقدر نقول والو غير ربي يرحمهم وتهلاي في يماك راهم ضربات يوجعو ربي معاكم وربي يعطيكم الصبر

ام مريم الجزائرية

2012-12-07, 08:45

السلام عليكن واش صبحتو
مريم اختي عظم الله اجركم وغفر لامواتكم راهي خاعة تاع الصح ربي يصبر ميمتك
البنات واش راكم ان شاء الله لباس

~ حراير ~

2012-12-07, 09:13

السلام عليكم و رحمة الله تعالى و بركاته
خواتاتي لعزيزات كيف أحوالكم و كيف أصبحتم
نوصيكم خواتاتي بكثرة الدعاء و الصلاة على الحبيب عليه الصلاة و السلام و ما تنساوش تقراو سورة الكهف
ادعو لأنفسكم و لأولادكم بالصلاح و ادعو لمريم و أهلها بالصبر و ادعو لكل المسلمين بالرحمة و المغفرة
ربي يثبتنا بالقول الثابت في الدنيا و الآخرة و ربي يملكنا بالعقل و الدين
أم ملاك يا لعزيزة قوليلي طمنيني وش رقبتك ياك راكي لاباس راني ما حبيتكش تقضي قضية الدار العميقة حتان تريحي مليح خفتك تفورسي على روحك
أم مريم وش احوالك عزيزتي قوليلي وش دار وليدك في الإمتحانات إن شاء الله راهو جاب روحو
و انحب انقولك بلي كل ما تدخلي نستنى منك الفتوة الي قلتيلي عليها و انت لاخبر ما جاوبتينيش و انا مش حابة نغلط لعباد معايا رغم اني متأكدة لأني سمعتها من الشيخ شيخاوي كما قتلك ... ارجوك حبوبة استعجلي في ردك ليا متفضلة و مشكورة و لست مأمورة
السلام درك راني رايحة نلتى بأفنان راهي مريضة في حالة عندها الحلاقم على رأي مينة

نبض الفؤاد

2012-12-07, 11:06

كيراكي اختي نبض الفؤاد ان شاء الله تكوني بخير و الله ينجح الدراري في الامتحانات و ما يمشيش تعبهم باطل يارب

الحمد لله اختي نطلب من الله ينجح ويحفظ اولادنا اجمعين ،كانت واحدة حبيبتي تقول اللهم اسالك الصلاح قبل النجاح لابنائنا
انا اسفة ما رجعتلكش البارح لانه كيما قلتلك الميكرو عليه عجأة كيما يقولو السوارة
شكرا سمراء ربي يعاونك اريج:mh31:

ام مريم الجزائرية

2012-12-07, 12:28

سمحيلي ام اريج الله غالب النت هبلتني ونسيت الموضوع بارك الله فيك على حرصك لتعلم دينك
إن الحمد لله، نحمده ونستعينه ونستغفره، ونعوذ بالله من شرور أنفسنا ومن سيئات أعمالنا، من يهده الله فلا مضل له، ومن يضلل فلا هادي له، وأشهد أن لا إله إلا الله وحده لا شريك له، وأشهد أن محمداً عبده ورسوله.
http://audio.islamweb.net/audio/sQoos.gifيَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلا تَمُوتُنَّ إِلَّا وَأَنْتُمْ مُسْلِمُونَ http://audio.islamweb.net/audio/eQoos.gif[آل عمران:102] .
.
http://audio.islamweb.net/audio/sQoos.gifيَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيراً وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيباً http://audio.islamweb.net/audio/eQoos.gif[النساء:1] .
.
http://audio.islamweb.net/audio/sQoos.gifيَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيداً * يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعْ اللَّهَ وَرَسُولَهُ فَقَدْ فَازَ فَوْزاً عَظِيماً http://audio.islamweb.net/audio/eQoos.gif[الأحزاب:70-71] .
أما بعد: فإن خير الكلام كلام الله، وخير الهدي هدي محمد صلى الله عليه وآله وسلم، وشر الأمور محدثاتها، وكل محدثة بدعة، وكل بدعة ضلالة، وكل ضلالة في النار.
السؤال: ما هو حكم سماع الموسيقى في الإسلام؟ وهل جاءت الأحاديث تحرم بعض الآلات الموسيقية؟ الجواب: هذا السؤال يتكرر كثيراً وحق له أن يتكرر؛ لأن المسلمين اليوم قد ابتلوا ببلاءين اثنين: بلاءٌ مادي، وبلاءٌ علمي.
أما البلاء المادي: فهو الذي أحياه اليوم جماهير المسلمين في بيوتهم، حيث لا يخلو بيت تقريباً إلا وفيه المذياع -الراديو- ويذاع بواسطة هذه الآلة ألوان وأشكال من أغانٍ ومن آلات موسيقية.
وأما البلاء العلمي: فهو أخطر، وذلك أنه يحاول كثير من الكُتّاب الإسلاميين أو المفتين أن يذللوا كل هذه المصائب والبلايا التي تنزل بالمسلمين، فيقولون: (يسروا ولا تعسروا) فيجب أن نعلم أن التيسير على الناس لا يكون على حساب الدين ومخالفة نصوصه، وإنما التيسير على الناس هو بتطبيق الإسلام؛ لأن الإسلام هو في أصوله وفي أسسه بني على اليسر، فإذا حرم الله تبارك وتعالى شيئاً فليس معنى ذلك أنه عسر علينا؛ لأنه حينما يحرم علينا أمراً ما فذلك لصالحنا في الدنيا قبل الأخرى.
فلما حرم علينا الآلات الموسيقية حرمها كلها على اختلاف أشكالها وأنواعها؛ سواءٌ ما كان منها معروفاً، أو ما جد اليوم مما لم يكن معروفاً؛ لأن هذه الآلات كلها: أولاً: تدخل تحت لفظة المعازف، وقد ذكرنا لكم مراراً حديث البخاري (http://audio.islamweb.net/audio/index.%3Cbr%3Ephp?page=ft&sh=165&ftp=alam&id=1000034&spid=165) : (ليكونن في أمتي أقوامٌ يستحلون الحر والحرير والخمر والمعازف، يمسون في لهوٍ ولعب، ويصبحون وقد مسخوا قردة وخنازير) فهذا الحديث يفيد تحريم المعازف، وهي آلات الطرب -كما قلنا- كلها من ناحيتين: الناحية الأولى: قوله عليه السلام: (يستحلون) لأن معنى هذا اللفظ أن هذه الأشياء محرمة فهم يستحلونها، فيكون عقاب بعضهم في آخر الدنيا أن يمسخوا قردة وخنازير، كما مسخ اليهود من قبل، فقوله عليه السلام: (يستحلون) هذا يفيدنا تحريم كل هذه الأشياء التي ذكرت على نسقٍ واحد.
الحر: وهو الفرج، أي: الزنا.
الحرير: أي: الطبيعي.
الخمر: بأنواعه وأشكاله.
المعازف: كذلك بأنواعها وأشكالها.
كل هذه الأشياء محرمة، ويكون عقوبة من يستحلها أن يمسخوا، ولا يقال: ما سمعنا أنه وقع مسخ؛ لأن الحديث لا يعني أن كل من فعل ذلك مسخ، وإنما قال: ليكونن من أمتي أقوامٌ يستحلون كذا وكذا يمسخون، ولا يعني أن كل من فعل ذلك مسخ.
وقد اتفقت الأئمة الأربعة وأتباعهم ممن بعدهم على تحريم آلات الطرب، وأجمع كتاب في ذلك لأحد علماء الشافعية وهو أحمد بن حجر الهيتمي (http://audio.islamweb.net/audio/index.%3Cbr%3Ephp?page=ft&sh=165&ftp=alam&id=1000134&spid=165)، كتاب سماه: كف الرعاع عن السماع (http://audio.islamweb.net/audio/index.%3Cbr%3Ephp?page=ft&sh=165&ftp=book&id=4000107&spid=165)، جمع هناك كل ما ورد في هذا الباب، وفيه الصحيح والحسن والضعيف، فلذلك أنصح كل مسلم غيور على دينه ألا يستمع لآلات الطرب إطلاقاً.
وأنه إذا كان في داره عليه أن يمرن أهله كلما فتح الراديو فسمع موسيقى أنه إما أن يغلقه فوراً، أو يخفض صوته حتى لا يفوته من الأخبار إذا كان له برامج في الأخبار، وإلا فيحق فيهم قول أبي بكر الصديق (http://audio.islamweb.net/audio/index.%3Cbr%3Ephp?page=ft&sh=165&ftp=alam&id=1000001&spid=165) لما دخل على بيت الرسول عليه السلام وفيه جاريتان تغنيان غير هذا الغناء، تغنيان بغناء يوم بُعاث الذي وقع في الجاهلية بين الأوس والخزرج، ولأنهما كانتا تضربان عليه بدفٍ قال أبو بكر (http://audio.islamweb.net/audio/index.%3Cbr%3Ephp?page=ft&sh=165&ftp=alam&id=1000001&spid=165): [أمزمار الشيطان في بيت رسول الله؟] .
فماذا يقول أبو بكر (http://audio.islamweb.net/audio/index.%3Cbr%3Ephp?page=ft&sh=165&ftp=alam&id=1000001&spid=165) لو سمع بهذه المعازف، التي لا يستطيع أن يذكر الآلات التي تجتمع لتطريب الناس -زعموا- إلا من كان خبيراً بهذا اللغو.
لذلك اتقوا الله عز وجل، ولا تفتنوا أنتم وأهلكم بسماع مثل هذه الآلات فكلها محرمة.
والى حبيتي ادلة اخرى نزيدك ومبعد نزيد نبحث على صحة واش كتبتي للاخت بنت خليل
ملاحظة الى مافهمتيش شئ تفضلي الى قدرت نوصلك او نقول لاخوات يوصلولك عادي

~ حراير ~

2012-12-07, 13:40

السلام عليكم و رحمة الله تعالى و بركاته
نبض الفؤاد وش راكي عزيزتي كلامك فعلا درر عجبني بزاف و فعلا الصلاح لما يجي راهو يجيب معاه الخير كله
ربي يصلح ذريتنا و بحفظهم بما يحفظ به عباده الصالحين آمين

أختي لعزيزة ام مريم نشكرك كثير على كلامك الطيب و حتى ان لم استفد منه أنا انشاء الله يستفادو منه الأخوات
و لكن ما طلبته منك ليس فتوة الغناء لأني أعرفها جيدا و مطبقتها و الحمد لله منذ الصغر
و لكن ما سألتك عنه هو الفتوة التي وعدتني بها عن زيارة القبور
و حبيت نطمن حبيبتي أنا في حياتي ما شريت كاسات أو سدي تاع غناء لا في صغري و لا في شبابي و لا الأن في منزلي أضع قنوات الغناء و الحمد لله على كل حال فأنا تربيت في أسرة ملتزمة جدا جدا و لكن ما كان يميز بابا أنه يربينا على أساس الثقة و هو ملتزم و متفتح فقد عاشر 3 علامة من علماء بسكرة من بينهم الشيخ ميموني رحمه الله حتى أنه كان العلامة و هو كبيييييييييير في السن يجي و يزور والدي من حين لآخر و يقولو لما نشوفك نشوف الإسلام الحقيقي و عاشر العلامة الشيخ عمار في سنوات الثمانينات و كان ملازمه في كل وقت في منزله زكان يقضيلو كل ملتزماته و الشيخ المغزي ايضا .. كما أنه كنا في شهر رمضان يوميا نستقبلو الأئمة انتاع التراويح في منزلنا و كان جارنا إمام من عين صالح تقريبا مقيم عندنا .... يعني راني و الحمد لله من صغري و أنا في بيت ملتزم مارانيش نقولك هك يعني راني فاهمة كلشي في الدين أو أني استغني عن معلوماتك المفيدة لا أبدا و لكني حبيت نقولك اني هاد الصغائر تاع الغناء ما نعرفهمش
و لكني بالمقابل نحب نستمع للإذاعة و خاصة اذاعة بسكرة و القناة الأولى و هي صح فيها غناء لكنها ميدة و تثقيفية جدا جدا
اما ما كنت استمع له من غناء فالله شاهد على كلامي انا لما حكيتلكم كنت نضحك مع خواتاتي حتى اني ما نعرفش نشطح و ما نعرفش نحرك روحي و لما نحب نضحكهم في دارنا نوض نشطح و لكن جات في سياق الحديث
و انا نحب نسمعك فتوة الشيخ القرضاوي "زماااان" قال أن غناء الأعراس الشعبي الذي يتكلم عن جمال المرأة أو يمدحها لابأس به و أتذكر أنه اعطى مثال عن أغنية مصرية تقول يا عروسة يا لوز مقشر يا..... و قال لابأس بها في الأعراس باش نزهو و هذا موجود أيضا عند الحبيب عليه الصلاة و السلام لما ترك السيدة عايشة رضي الله عنها تتفرج على الأحباش .... اولم يكونو يغنون و يرقصون؟؟؟
حبيت انقولك مثل ما نقولو في الكوزينة عينك ميزانك
يعني لما تسمعي لأغنية و تلقاي كلماتها لابس بيهم مافيهمش ما يخدش الحياء و ما يمس الدين فلابأس بالترويح عن النفس أو كما قال الحبيب في معناه ساعة و ساعة فإن القلوب إن كلت عميت .. و العياذ بالله
معليهش طولت عليك .... الفايدة و الحصول راني نستنى في فتوة زيارة القبور و أنا ما نحبش ناخذ فتاوي انتاوعي من الأنترنت فمن يعلم من كاتبها الحقيقي أو الإفتراضي إن صح القول فإن كان لديك ممن تستفتين فلابأس ... أو خبريني راح نبعث لإمام المسجد المجاور و هك نستفادو كامل
بارك الله فيك يا أم مريم و ربي يباركلك في وليدلاتك و ربي يجعلهم مثلك غيورين على دينهم

sarra5

2012-12-07, 15:41

السلام عليكم

واش راكم يالفحلات

ارييج والله مازال شهر كامل لكن راني مع التحضيرات والمراجعة ربي يسهل لينا

oummalak

2012-12-08, 07:02

السلام عليكم و رحمة الله تعالى و بركاته
خواتاتي لعزيزات كيف أحوالكم و كيف أصبحتم
نوصيكم خواتاتي بكثرة الدعاء و الصلاة على الحبيب عليه الصلاة و السلام و ما تنساوش تقراو سورة الكهف
ادعو لأنفسكم و لأولادكم بالصلاح و ادعو لمريم و أهلها بالصبر و ادعو لكل المسلمين بالرحمة و المغفرة
ربي يثبتنا بالقول الثابت في الدنيا و الآخرة و ربي يملكنا بالعقل و الدين
أم ملاك يا لعزيزة قوليلي طمنيني وش رقبتك ياك راكي لاباس راني ما حبيتكش تقضي قضية الدار العميقة حتان تريحي مليح خفتك تفورسي على روحك
أم مريم وش احوالك عزيزتي قوليلي وش دار وليدك في الإمتحانات إن شاء الله راهو جاب روحو
و انحب انقولك بلي كل ما تدخلي نستنى منك الفتوة الي قلتيلي عليها و انت لاخبر ما جاوبتينيش و انا مش حابة نغلط لعباد معايا رغم اني متأكدة لأني سمعتها من الشيخ شيخاوي كما قتلك ... ارجوك حبوبة استعجلي في ردك ليا متفضلة و مشكورة و لست مأمورة
السلام درك راني رايحة نلتى بأفنان راهي مريضة في حالة عندها الحلاقم على رأي مينة
يسقسي عليك الخير حبيبتى ام اريج رقبتي ساعة تقولي ما فييا والو وساعة تقتلني بالوجيع لكن الحمد لله على كل حال
الحمد لله لي راك بخير وبالنسبة للشغل راني نخدم غير بالشوية حتى الصالون درت فيه يومين ونهار الي ما نقدرش نخدم غير انتاع اليومي فقط
وربي يعاونى ويعاونك

it's me

2012-12-08, 09:20

صباح الورد و الياسمين و الفل
وشراكم البنات لاباس؟؟؟؟؟

it's me

2012-12-08, 09:24

السلام عليكم و رحمة الله تعالى و بركاته
اخواتي و حبيباتي الغوالي
اسمحولي بزاف على هذا التاخر
والله راني نمر بظروف جد صعبة من كل النواحي صحيا و معنويا
ربي يكون في عوني
اتمنى تعذروني والله ديما في بالي
والله العلي العظيم ماكنت قادرة ندخل
اتمنى منكم معذرتي و مسامحتي لان الظروف اللي راني نمر بيها هلكتني
على سلامتك حبيبتي
ربي يفرج عليك و ترجعيلنا كيما بكري تنورينا

it's me

2012-12-08, 09:26

ربي يحفضك و يخليك حبيبتي فاطمة
وصلتني الرسالة من الاخت "بنت الحاج" عبر الخاص
والله اسمحولي بزاف الظروف خارجة عن ارادتي
و كيما يقولك المثل ضربتين على الراس توجع وانا 3ضربات
بعد وفاة خالي توفاة البنت ديالي بعدو بيومين و امو "اللي هي امراة جدي" توفاتها بعدها بيوم واحد فقط
والله صعيبة بزاف باه يكون واحد معاك اليوم و بعدها يغيب عليك في لحظة و الى الابد
ربي يرحمهم و يسكنهم فسيح جنانه و يجعل قبورهم روض من رياض الجنة ان شاء الله
انا لله و انا اليه راجعون
قدر الله و ما شاء فعل
الله اكبر
انا لله و انا اليه راجعون

اللهم اغفر له وارحمه وأدخله جنات النعيم

اللهــــم .. يا حنَّان ، يا منَّان ، يا واسع الغفران ، اغفر له و ارحمه ، و عافه و اعف عنه ،
و أكرم نزله ، و وسع مدخله ، و اغسله بالماء و الثلج و البرد ، و نقِّه من الذنوب
و الخطايا كما ينقَّى الثوب الأبيض من الدنس

اللهــــم .. أبدله داراً خيراً من داره ، و أهلاً خيراً من أهله ، و زوجاً خيراً من زوجه ،
و أدخله الجنة و أعزه من عذاب القبر و من عذاب النار

اللهــــم .. عامله بما أنت أهله ، و لا تعامله بما هو أهله

اللهــــم .. اجزه عن الاحسان احساناً ، و عن الإساءة عفواً و غفراناً

اللهــــم .. إن كان محسناً فزد في حسناته ، و إن كان مسيئاً فتجاوز عنه يارب العالمين

اللهــــم .. آنسه في وحدته ، و آنسه في وحشته ، و آنسه في غربته

اللهــــم .. أنزله منزلاً مباركاً و أنت خير المنزلين

اللهــــم .. أنزله منازل الصديقين و الشهداء و الصالحين و حسن أولئك رفيقاً

اللهــــم .. اجعل قبره روضة من رياض الجنة ، و لا تجعله حفرة من حفر النار

اللهــــم .. افسح له في قبره مد بصره ، و افرش قبره من فراش الجنة

اللهــــم .. أعذه من عذاب القبر ، و جاف الأرض على جنبيه

اللهــــم .. املأ قبره بالرضا و النور ، و الفسحة و السرور

اللهــــم .. قِهِ السيئات ( و من تق السيئات يومئذٍ فقد رحمه )

اللهــــم .. اغفر له في المهديين ، و اخلفه في عقبة في الغابرين ، و اغفر لنا و له يا رب العالمين ،
و افسح له في قبره و نوّر له فيه

اللهــــم .. إنَّ عبدك في ذمتك و حبل جوارك فقِهِ فتنة القبر ، و عذاب النار ،
و أنت اهل الوفاء والحق ، فاغفر له و ارحمه ، إنك أنت الغفور الرحيم

اللهــــم .. إن هذا عبدك و ابن عبدك و ابن أمتك خرج من روَح الدنيا و سعتها و محبوبيه و أحبائه
فيها إلى ظلمة القبر و ما هو لاقيه .كان يشهد أن لا إله إلا أنت و أن محمداً عبدك و رسولك و أنت أعلم به .

اللهــــم .. إنه نزل بك و أنت خير منزول به ، و أصبح فقيراً إلى رحمتك و أنت غني عن عذابه
، آته برحمتك رضاك ، و قِهِ فتنة القبر و عذابه ،
و آته برحمتك الأمن من عذابك حتى تبعثه إلى جنتك يا أرحم الراحمين

it's me

2012-12-08, 09:27

يسال عليك الخير اختي فطيمة
صباح راكي عارفة الدار تلهيت مع غسيل الكسوة
و التسياق .. وفي الاخير جات جارتي بغاتني
نخدمليها الملوي باش تروح تعزي وحدين حبابها
غير خرجت صليت العصر و ريحت في الميكرو
ازربي يالفحلة اعطيلي المقادير و الطريقة تع الملوي هههههه
منين تروحي نجيك

it's me

2012-12-08, 09:29

السلام عليكم و رحمة الله تعالى و بركاته
خواتاتي لعزيزات كيف أحوالكم و كيف أصبحتم
نوصيكم خواتاتي بكثرة الدعاء و الصلاة على الحبيب عليه الصلاة و السلام و ما تنساوش تقراو سورة الكهف
ادعو لأنفسكم و لأولادكم بالصلاح و ادعو لمريم و أهلها بالصبر و ادعو لكل المسلمين بالرحمة و المغفرة
ربي يثبتنا بالقول الثابت في الدنيا و الآخرة و ربي يملكنا بالعقل و الدين
أم ملاك يا لعزيزة قوليلي طمنيني وش رقبتك ياك راكي لاباس راني ما حبيتكش تقضي قضية الدار العميقة حتان تريحي مليح خفتك تفورسي على روحك
أم مريم وش احوالك عزيزتي قوليلي وش دار وليدك في الإمتحانات إن شاء الله راهو جاب روحو
و انحب انقولك بلي كل ما تدخلي نستنى منك الفتوة الي قلتيلي عليها و انت لاخبر ما جاوبتينيش و انا مش حابة نغلط لعباد معايا رغم اني متأكدة لأني سمعتها من الشيخ شيخاوي كما قتلك ... ارجوك حبوبة استعجلي في ردك ليا متفضلة و مشكورة و لست مأمورة
السلام درك راني رايحة نلتى بأفنان راهي مريضة في حالة عندها الحلاقم على رأي مينة
شكرا على التذكير

it's me

2012-12-08, 09:30

يسقسي عليك الخير حبيبتى ام اريج رقبتي ساعة تقولي ما فييا والو وساعة تقتلني بالوجيع لكن الحمد لله على كل حال
الحمد لله لي راك بخير وبالنسبة للشغل راني نخدم غير بالشوية حتى الصالون درت فيه يومين ونهار الي ما نقدرش نخدم غير انتاع اليومي فقط
وربي يعاونى ويعاونك
ربي يشفيك حبيبتي و يعطيك صحتك

it's me

2012-12-08, 15:55

وينكم انا نجي ونتوما تروحو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياك لاباس؟؟؟ ولا زعفانين ولا وش حكايتكم

وفاء سعاد

2012-12-09, 07:09

اسعد الله صباحكم الحمد لله اللي خلصو الامتحانات انا البارح جاء عندى اخي كان في عمل في الجزائر العاصمة لم اره لمدة شهرين وجاءت امي ومعها اختي المتزوجة حديثا شهرين زواج لدلك لم ادخل وعندما دخلت شفت واش صرا لسندوسة ربي يصبر العائلة انتاعهم ويرحمهم رحمة واسعة ويسكنهم فسيح جنانه ان لله وان اليه راجعون

وفاء سعاد

2012-12-09, 07:11

اختى منى شكرا على الرسالة راني كيما قلتلكم كنت مع الضياف ومشكورة بزاف بزاف ويعطيك الصحة

it's me

2012-12-09, 07:12

صباح النوووور سعاد وشراكي

وفاء سعاد

2012-12-09, 07:18

صباح النوووور سعاد وشراكي
صباح الخيرات منى والله الحمد لله وانت واش مدايرة مع البرد هدا

it's me

2012-12-09, 07:21

صباح الخيرات منى والله الحمد لله وانت واش مدايرة مع البرد هدا
كي جيتي طليتي علينا راني لاباس
راني في الدار نفطر على 8 نروح نخدم

وفاء سعاد

2012-12-09, 07:31

كي جيتي طليتي علينا راني لاباس
راني في الدار نفطر على 8 نروح نخدم
ربي يكون معاك وكتاه تتهناي وتقعدى في الدارقريب العرس انتاعك ولا مازال

it's me

2012-12-09, 07:43

ربي يكون معاك وكتاه تتهناي وتقعدى في الدارقريب العرس انتاعك ولا مازال
امين شكرا
قريب نقعد و نتهنى من الميزيرية عرسي في الربيع بالاك اواخر مارس ياك تجيو تعرسو معايا

وفاء سعاد

2012-12-09, 07:47

ان شاء الله ربي يكملك ويهنيك وخلصت الجهاز انتاعك احنا نقولو الشورة

~ حراير ~

2012-12-09, 08:02

السلام عليكم و رحمة الله تعالى و بركاته
صباحكم مبروك حباباتي
وش احوالكم
سعاد يا لحبيبة وينك طولتي الغيبة
منى رحتي لللخدمة و إلا مازلت تفطري
بصحتك الفطور حبوبة

وفاء سعاد

2012-12-09, 08:27

السلام عليكم و رحمة الله تعالى و بركاته
صباحكم مبروك حباباتي
وش احوالكم
سعاد يا لحبيبة وينك طولتي الغيبة
منى رحتي لللخدمة و إلا مازلت تفطري
بصحتك الفطور حبوبةوعليكم السلام ورحمة الله وبركاته راكي علابالك الامتحانات ندخل غير نحمل الاختبارات ونخليهم يحلوهم من الميكرو والويكاند جاو عندي الضياف ودرت ميناج مليح للدار كامل علي خاطر اسبوع كامل كنت غير نعgب بالنشافة برك حشاك وانت واش مدايرة مع هدا الجو راهي مغيمة عندنا احنا

~ حراير ~

2012-12-09, 08:45

والله غير نحمد ربي و نشكرو هاد الساعة
راني كيفك هاد الويكاند عقبت على الدار كامل و الحق أنه جارتي ربي يبارك فيها بعثتلي 2 بناتها صباية و حراير تاع الصح وحدة حكمت بيوت البنات و الأخرى الصالون و بيت لقعاد و انا غير بيتي و الكوزينة و الحمام حاشاك و حاشا قدرك الحق ما تعبتش بزاف
حتى اليوم ما لقيت وش اندير الدار راهي نظيفة تشعل و ريحة النضافة مازالت لدرك
راني غير انخمم وش انطيب مع هاد البرد
و راني حابة نفاجي قلبي معاك يا وفاء أختي تشوفيني أنا و البنات رانا متوحشين مول الدار راح انموتو راني حاسة روحي راح نجهل استغفر الله

~ حراير ~

2012-12-09, 08:55

سامحوني راني رايحة درك جاتني جارتنا عجوز كبيرة نروح اندير معاها قهيوة
و راني نرجع امبعد
حباباتي الي قرات مشاركتي السابقة ترد عليا راني في حالة ربي وحدو الي عالم بحالي ممتتخلاوش على وخيتكم ليلى
سلااااااااااااااااام

it's me

2012-12-09, 09:01

ان شاء الله ربي يكملك ويهنيك وخلصت الجهاز انتاعك احنا نقولو الشورة
ربي يخليك الحبيبة يعني تقدري تقولي كملت

it's me

2012-12-09, 09:02

السلام عليكم و رحمة الله تعالى و بركاته
صباحكم مبروك حباباتي
وش احوالكم
سعاد يا لحبيبة وينك طولتي الغيبة
منى رحتي لللخدمة و إلا مازلت تفطري
بصحتك الفطور حبوبة
وعليك السلام وشراكي
انا هاذا وين دخلت للمكتب
الله يسلمك

it's me

2012-12-09, 09:04

سامحوني راني رايحة درك جاتني جارتنا عجوز كبيرة نروح اندير معاها قهيوة
و راني نرجع امبعد
حباباتي الي قرات مشاركتي السابقة ترد عليا راني في حالة ربي وحدو الي عالم بحالي ممتتخلاوش على وخيتكم ليلى
سلااااااااااااااااام
معليهش صيبي راحتك الحبيبة
رانا معاك كامل احكي و فرغي قلبك
ايا روحي ضرك و كي ترجعي نديرو قصرة عالكيف

it's me

2012-12-09, 10:48

الوووووووووووووو شكون تسمع فيا

وفاء سعاد

2012-12-09, 10:52

الوووووووووووووو شكون تسمع فيا
راني هنا قاعدة نسمع فيك والفراش تاني خلصتيه ىعني المطارح انتاع الصوف

وفاء سعاد

2012-12-09, 11:00

اختي ليلى هدا راهو الوحش تاع مولا البيت زاد عليك وزيد راكي قايمة بالحالة وحدك منك مرا منك راجل الضغط يزيد عليك احنا رانا في زوج نتعاونو على هم الزمان وغلبنا فما بالك انت وحدك راكي تدى اجرين وان شاء الله يرجع خلاص وينهي مدة العمل انتاعو وتتهناي ويعود مايخطيكمش وعندك تجي تشكى وتقولي راهو هبلي بالطلبات انتاعوونضن راكي متعودة على الغياب انتاعو

it's me

2012-12-09, 11:28

راني هنا قاعدة نسمع فيك والفراش تاني خلصتيه ىعني المطارح انتاع الصوف
اهلا بيك
مادرتش المطارح والفراش خلصتو

وفاء سعاد

2012-12-09, 11:34

اختي ليلى جات بنتى على هديك ماكملتلكش شوفي اريج اختي دائما رددي لاحول ولاقوة الا بالله تنزعلك تسعة وتسعين داء ايسرها داء الهم وزيد يقولك التحدت يفاجي على القلب راكي متقفة وعمبالك باللي علماء النفس دائما يقولولك احكى اوابكى والناس الحساسون هم المعرضون لهدا وانت تعلمي من الاعمال اليومية والروتين اليومي وضغط الامتحانات كي حالتي انا تمر على الانسان ينوض فازد والمورال هابطلو تاع روحو وكي يسقسيوك تحري واش تهدري تقولي غير راني ماشي مليحة انا ياليلى تضحكي علي كون نقولككي نعود فازدة نطيب حاجة مليحة وكي يااكولوها الاولاد وزوجي وتعجبهم تتنحالي القلقلة المهم ندير حاجة نتحرك نفرز القش ونقس منو نشري حاجة ولو بسيطة وان شاء الله يااختي ليلى ينزع ربي الحزن من قلبك نهائي ويرجعلك ايامك كلها فرح وسرور والعام المقبل تقوليلنا راكي وليتى ام فلان راهي فايلتك اريج في همزة الوصل كي ردت روحها طفل وزيد جدتي تقول مانعرفهاش مليح كي يتgرنو المناصب يجي الطفل راكي تعرفي تاع بكري وصح عندنا بزاف اللي جابو طفل بعد 3بنات خلي اريج تخلص السيزيام وجيبيلهم خوهم يلعبومعاه

نبض الفؤاد

2012-12-09, 11:34

السلام عليكم واش منى راكي مليحة ؟ الله يسهل لك حبيت نسالك انتما تديرو التصديرة تاني؟
وفاء لا باس ؟ راني نشوف راكي تشجعي في حبيبتنا ام اريج الله يكون في عونها لازم نطلعولها المورال ونقولها كتتوحش تشغل نفسها بالدعاء له بالخير والحفظ بالاك العشية نتلاقاو باذن الله.

وفاء سعاد

2012-12-09, 11:36

اهلا بيك
مادرتش المطارح والفراش خلصتو
ان شاء الله تكملي وزيد المطارح في الاسبوع الاخير تديريهم باش مايطيحوش ويهبطو ويتعمرو غبرة

it's me

2012-12-09, 11:46

السلام عليكم واش منى راكي مليحة ؟ الله يسهل لك حبيت نسالك انتما تديرو التصديرة تاني؟
وفاء لا باس ؟ راني نشوف راكي تشجعي في حبيبتنا ام اريج الله يكون في عونها لازم نطلعولها المورال ونقولها كتتوحش تشغل نفسها بالدعاء له بالخير والحفظ بالاك العشية نتلاقاو باذن الله.
صباح النور الزينة وشراكي
ايه نديرو التصديرة اكيد
انا رايحة ندير كاراكو بالقاط و قفطان و قبايلي و تونسي و صواري و فرقاني نحني بيها

sondse1

2012-12-09, 12:16

اسعد الله مسائكن حبيباتي الغوالي
كيف احوالكم ان شاء الله بالف الف خير
كم اشتقت اليكن و الى صحبتكن الطيبة و لمتكم الحلوة
الف شكر للي عزاوني ربي يخليكم و يحفضكم من كل شر ويعطيكم ما تتمناو
الوالدة نتاعي راهي تسلم عليكم بالوحدة
تحياتي للجميع

وفاء سعاد

2012-12-09, 12:56

اسعد الله مسائكن حبيباتي الغوالي
كيف احوالكم ان شاء الله بالف الف خير
كم اشتقت اليكن و الى صحبتكن الطيبة و لمتكم الحلوة
الف شكر للي عزاوني ربي يخليكم و يحفضكم من كل شر ويعطيكم ما تتمناو
الوالدة نتاعي راهي تسلم عليكم بالوحدة
تحياتي للجميع

واش راكي سندوستنا الغالية واش مدايرة خلص العزاء ولا مازال ويسال عليها امك الخير والبراكة في راسها وكيفاش مدايريين ربي اجرهم في مصيبتهم ويخلفهم خيرا منها ويرحمهم ويجعل قبورهم روضة من رياض الجنة

sondse1

2012-12-09, 13:19

واش راكي سندوستنا الغالية واش مدايرة خلص العزاء ولا مازال ويسال عليها امك الخير والبراكة في راسها وكيفاش مدايريين ربي اجرهم في مصيبتهم ويخلفهم خيرا منها ويرحمهم ويجعل قبورهم روضة من رياض الجنة

والله نحمدو ربي و نشكروه على كل شي
ايه ليوم كمل العزاء انا روحت مي ماما بقات تما مع خالاتي و نسا خوالي وانا رجعت نهتم بالدار و خاوتي و بابا
والله راهي الحمد لله خير من قبل
ربي يحفضك حنونة و يجازيك كل خير

it's me

2012-12-09, 13:38

سندوسة على سلامتك حنونة وش الاحوال وشراهم العايلة
توحشناااك و توحشنا طلتك البهية

sondse1

2012-12-09, 13:41

سندوسة على سلامتك حنونة وش الاحوال وشراهم العايلة
توحشناااك و توحشنا طلتك البهية

اهلا حبيبتي منى
والله الحمد لله على كل شيء
السوال عليكم

انت راكي بخير حنونة

Minnnaaa

2012-12-09, 13:55

السلام1
كيراكم اخواتاتي ؟ان شاء الله كامل بخير
توحشتكم توحشتكم.....توحشتكم
اسمحولي نبدى نقرى المشاركات نتاعكم ونولي
:mh31::mh31::mh31:

it's me

2012-12-09, 13:57

اهلا حبيبتي منى
والله الحمد لله على كل شيء
السوال عليكم

انت راكي بخير حنونة
الحمد لله
انا راني لابااااس كي جيتو اليوم ندير الحفلة ههههه عندي سمانة و انا وحدي كي المهبولة ندور

sondse1

2012-12-09, 14:00

السلام1
كيراكم اخواتاتي ؟ان شاء الله كامل بخير
توحشتكم توحشتكم.....توحشتكم
اسمحولي نبدى نقرى المشاركات نتاعكم ونولي
:mh31::mh31::mh31:

مينوشة حنونة توحشتك بزاف
واش راكي ان شاء الله بالف خير

sondse1

2012-12-09, 14:00

الحمد لله
انا راني لابااااس كي جيتو اليوم ندير الحفلة ههههه عندي سمانة و انا وحدي كي المهبولة ندور

الحمد لله
معليهش كل وحدة راهي بظروفة
ان شاء الله رح نرجعو كيما كنا و اكثر

قوليلي كملتي جهازك

it's me

2012-12-09, 14:02

اليووووم حالة تلمينا كامل تخص غير ام ملاك وسمرا ربي يدومها علينا

وفاء سعاد

2012-12-09, 14:02

السلام1
كيراكم اخواتاتي ؟ان شاء الله كامل بخير
توحشتكم توحشتكم.....توحشتكم
اسمحولي نبدى نقرى المشاركات نتاعكم ونولي
:mh31::mh31::mh31:
الحمدلله اختي مينة نحمدوه في هده اللحظة وانت واش كنت مدايرة في السمانة

Minnnaaa

2012-12-09, 14:03

مريومة حبيبتي توحشناك
كيراكي وكيراهم داركم؟ان شاء الله بخير
"اللهم لا نسالك رد القضاء وانما نسالك اللطف فيه"اللي فات عليكم مشي ساهل بصح الحكمة نتاع ربي سبحانه ولا اعتراض على حكم الله نطلبولكم ربي يبدل محبتهم بالصبر
انا لله وانا اليه راجعون
وانتيا يادرى ؟ريحتي شويا ولا مالهيتيش بروحك؟

وفاء سعاد

2012-12-09, 14:04

اليووووم حالة تلمينا كامل تخص غير ام ملاك وسمرا ربي يدومها علينا
ان شاء يزيدو يلحقو هوما تاني معانا

Minnnaaa

2012-12-09, 14:05

الحمدلله اختي مينة نحمدوه في هده اللحظة وانت واش كنت مدايرة في السمانة

ربي يخليك ليا وفاء
رانا حامدين ربي وشاكرينه كنت مريضة بصح دروك الحمد لله

وفاء سعاد

2012-12-09, 14:05

اسمحيلي راني غلطت كنت رايحة نكتب ان شاء الله خرجت غير ان شاء

Minnnaaa

2012-12-09, 14:06

لبنات زادوني نجمة وردوني عضو نشيط:1::1:
هادي بداية مشجعة

sondse1

2012-12-09, 14:07

مريومة حبيبتي توحشناك
كيراكي وكيراهم داركم؟ان شاء الله بخير
"اللهم لا نسالك رد القضاء وانما نسالك اللطف فيه"اللي فات عليكم مشي ساهل بصح الحكمة نتاع ربي سبحانه ولا اعتراض على حكم الله نطلبولكم ربي يبدل محبتهم بالصبر
انا لله وانا اليه راجعون
وانتيا يادرى ؟ريحتي شويا ولا مالهيتيش بروحك؟

يتوحشك الخير حنونة
والله نحمدو ربي على كل شي
والله ما نكذب عليك دخلت في حالة اكتئاب و بكاء شديد و الله عينيا طابو من البكا مي الحمد لله على كل شي
راني بديت نولي لطبيعتي و كيما يقولو البكا مارايحش يرجع اللي راحو ماعلينا غير بالدعاء ليهم بالمغفرة و الرحمة

وفاء سعاد

2012-12-09, 14:07

لاباس عليك اختي مينة وزيد الامتحانات كيفاه جوزتيهم مع المرض المهم كي رتحتي كلشى يفوت

it's me

2012-12-09, 14:09

الحمد لله
معليهش كل وحدة راهي بظروفة
ان شاء الله رح نرجعو كيما كنا و اكثر

قوليلي كملتي جهازك
معليهش نورمال
كملت مازالي غير حوايج صغار

Minnnaaa

2012-12-09, 14:09

منىىىىىىىىىىىىىىىىىىىىىىىىىىىىىىىىىىىىىىىىىىىىىى توحشتككككككككككككككككككككككككككككك
كيراكي ؟يا عمري سمحت في حبيبتي بصح مشي بلعاني الله غالب كنت في حالة غير ربي اللي داري بيها

وفاء سعاد

2012-12-09, 14:11

لبنات زادوني نجمة وردوني عضو نشيط:1::1:
هادي بداية مشجعةكلشى مبروك راكي انت وليلى وانا ولينا اعضاء نشطاء وزدولنا نجمة لعقوبة لالف مشاركة ويعطيوك نجمة التميز

sondse1

2012-12-09, 14:12

على سلامتك مينوشة طهورا ان شاء الله
ربي يبعد عليك كل شر

مبروك عليك نجمة النشاط مزيدا من التفوق

Minnnaaa

2012-12-09, 14:13

لاباس عليك اختي مينة وزيد الامتحانات كيفاه جوزتيهم مع المرض المهم كي رتحتي كلشى يفوت

ما تشوفي باس حبيبتي وفاء
الامتحانات ولدي مازال ماكمل باقيلهم التربية المدنية والتربية التكنلوجية والرياضيات
ولدي مسكين كيشافني فالفراش يجي عند راسي ويقولي نقرا بسياس وانتي اسمعيلي درك تريحيي

sondse1

2012-12-09, 14:14

معليهش نورمال
كملت مازالي غير حوايج صغار

مبروكين عليك حنونة
و ربي يقدرك و تكمليه كامل

مي والله لجهاز ما يكمل هههه اسئلي انا هههه كل ما نقول كملت نلقا حوايج خاصين

Minnnaaa

2012-12-09, 14:16

على سلامتك مينوشة طهورا ان شاء الله
ربي يبعد عليك كل شر

مبروك عليك نجمة النشاط مزيدا من التفوق

علينا وعليك حبيبتي
وربي يبارك فيك ويطول عمرك
حتى انا قلتها لراجلي "خليني قدام الميكرو نريح "قالي الا قالتلك الطبيبة ارقدي يسما ترقدي
ما علابالهمش بلي نتوما دوايا والسيروم نتاعي :1::1::1:

Minnnaaa

2012-12-09, 14:19

كلشى مبروك راكي انت وليلى وانا ولينا اعضاء نشطاء وزدولنا نجمة لعقوبة لالف مشاركة ويعطيوك نجمة التميز

يبارك فيك حبيبتي
والله يلا راني نقارع فال1000مشاركة بفارغ الصبر باش نقدر نرسل رسائل خاصة عندي بزاف كلام نقولهلكم

وفاء سعاد

2012-12-09, 14:19

ما تشوفي باس حبيبتي وفاء
الامتحانات ولدي مازال ماكمل باقيلهم التربية المدنية والتربية التكنلوجية والرياضيات
ولدي مسكين كيشافني فالفراش يجي عند راسي ويقولي نقرا بسياس وانتي اسمعيلي درك تريحيي
ربي ينجحو مسكين لعقوبة انتاعو طاحو الامتحانات وانتي مريضة المهم اوقفي معاه في اللي مزالو ونورمالمو راهو محضر من قبل راهو غير يراجع مع شوية تمارين للتدكيروالمراجعة وان شاء الله يتحصل على نقاط مليحة

it's me

2012-12-09, 14:21

منىىىىىىىىىىىىىىىىىىىىىىىىىىىىىىىىىىىىىىىىىىىىىى توحشتككككككككككككككككككككككككككككك
كيراكي ؟يا عمري سمحت في حبيبتي بصح مشي بلعاني الله غالب كنت في حالة غير ربي اللي داري بيها
سلامتك الحبيبة انا ثانييييييييييييييي ياعمري والله فرحت كي شفتكم كامل هنا
ربي يفرج عليك

ما تشوفي باس حبيبتي وفاء
الامتحانات ولدي مازال ماكمل باقيلهم التربية المدنية والتربية التكنلوجية والرياضيات
ولدي مسكين كيشافني فالفراش يجي عند راسي ويقولي نقرا بسياس وانتي اسمعيلي درك تريحيي
ربي ينجحو و تفرحي بيه

مبروكين عليك حنونة
و ربي يقدرك و تكمليه كامل

مي والله لجهاز ما يكمل هههه اسئلي انا هههه كل ما نقول كملت نلقا حوايج خاصين
الله يسلمك عمري
تع الصح مايخلاصش كوشماااااااااااار ههههههههههه
علينا وعليك حبيبتي
وربي يبارك فيك ويطول عمرك
حتى انا قلتها لراجلي "خليني قدام الميكرو نريح "قالي الا قالتلك الطبيبة ارقدي يسما ترقدي
ما علابالهمش بلي نتوما دوايا والسيروم نتاعي :1::1::1:

مممممم حنا السيروم هههههههههههههه عجبتني هاذي هههه
ربي يخليك و مبروووووك النجمة لعقوبة للهلال

وفاء سعاد

2012-12-09, 14:23

يبارك فيك حبيبتي
والله يلا راني نقارع فال1000مشاركة بفارغ الصبر باش نقدر نرسل رسائل خاصة عندي بزاف كلام نقولهلكم
امالا ابداي كل يوم 10مشاركات في شهريين تولي عضو مميز

sondse1

2012-12-09, 14:23

الله يسلمك عمري
تع الصح مايخلاصش كوشماااااااااااار ههههههههههه

هههههه والله

قوليلي واش درتي التصديرة و الفراش "تروسوات /كوات /كوفرولي........الخ"

انا راني نموت على جهاز ههههه

sondse1

2012-12-09, 14:25

علينا وعليك حبيبتي
وربي يبارك فيك ويطول عمرك
حتى انا قلتها لراجلي "خليني قدام الميكرو نريح "قالي الا قالتلك الطبيبة ارقدي يسما ترقدي
ما علابالهمش بلي نتوما دوايا والسيروم نتاعي :1::1::1:

ههههه
معليهش مام و ما دخليتيش كنتي في بالنا و قلبنا
ربي يدومها علينا و يدوم صحبتنا

نبض الفؤاد

2012-12-09, 14:26

يتوحشك الخير حنونة
والله نحمدو ربي على كل شي
والله ما نكذب عليك دخلت في حالة اكتئاب و بكاء شديد و الله عينيا طابو من البكا مي الحمد لله على كل شي
راني بديت نولي لطبيعتي و كيما يقولو البكا مارايحش يرجع اللي راحو ماعلينا غير بالدعاء ليهم بالمغفرة و الرحمة

ياالحنونة راكي مليحة ؟ نسيت باه نوصيك تديري التلبينة ليك وللام نتاعك مليحة لحالات الاكتئاب والحزن رائعة انا دايما نعتمدها . ربي معاكم

Minnnaaa

2012-12-09, 14:28

والله غير نحمد ربي و نشكرو هاد الساعة
راني كيفك هاد الويكاند عقبت على الدار كامل و الحق أنه جارتي ربي يبارك فيها بعثتلي 2 بناتها صباية و حراير تاع الصح وحدة حكمت بيوت البنات و الأخرى الصالون و بيت لقعاد و انا غير بيتي و الكوزينة و الحمام حاشاك و حاشا قدرك الحق ما تعبتش بزاف
حتى اليوم ما لقيت وش اندير الدار راهي نظيفة تشعل و ريحة النضافة مازالت لدرك
راني غير انخمم وش انطيب مع هاد البرد
و راني حابة نفاجي قلبي معاك يا وفاء أختي تشوفيني أنا و البنات رانا متوحشين مول الدار راح انموتو راني حاسة روحي راح نجهل استغفر الله

ليلوشة حبيبتي توحشتك كيراكي؟ مازالت الكونيكسيون مقطوعة بينك وبين مولا دارك؟
راني حاسة بيك حبيبتي حتى انا راني متوحشة ماما راني فايت شهر ما شفتهمش راني حاسة قلبي راه يتقطع بصح الحمد لله مين كاين التيليفون راه قالع عليا الغلبة لوكان تعرفي بلي بيني وبين دارنا ما تلحقش10كلم ومع ذلك,,,,
استغفر الله واتوب اليه راني نحكي معاك والدمعة دايرة حالة
الحمد لله حمدا كتيرا طيبا مباركا فيه

sondse1

2012-12-09, 14:29

ياالحنونة راكي مليحة ؟ نسيت باه نوصيك تديري التلبينة ليك وللام نتاعك مليحة لحالات الاكتئاب والحزن رائعة انا دايما نعتمدها . ربي معاكم

ربي يخليك حنونتي

ما فهمتش واش هي التلبينة ؟
ممكن تمديلي الوصفة نتاعها

sondse1

2012-12-09, 14:31

ليلوشة حبيبتي توحشتك كيراكي؟ مازالت الكونيكسيون مقطوعة بينك وبين مولا دارك؟
راني حاسة بيك حبيبتي حتى انا راني متوحشة ماما راني فايت شهر ما شفتهمش راني حاسة قلبي راه يتقطع بصح الحمد لله مين كاين التيليفون راه قالع عليا الغلبة لوكان تعرفي بلي بيني وبين دارنا ما تلحقش10كلم ومع ذلك,,,,
استغفر الله واتوب اليه راني نحكي معاك والدمعة دايرة حالة
الحمد لله حمدا كتيرا طيبا مباركا فيه

يا عمري على مينوشة الزينة
معليهش حنونة اصبري واش رايحة تديري
وكيما قلتي مادام التيليفون كاين منحيلكم الغلبة خير ملي ماكاين والو و ما تقدريش تعرفي اخبارهم
ان شاء الله رح تشوفيهم عن قريب
وان شاء الله يرجع مولا بيتك حبيبتي ليلى

نبض الفؤاد

2012-12-09, 14:33

لبنات زادوني نجمة وردوني عضو نشيط:1::1:
هادي بداية مشجعة

ميييييييييينة مبروك عليك :19:

it's me

2012-12-09, 14:34

هههههه والله

قوليلي واش درتي التصديرة و الفراش "تروسوات /كوات /كوفرولي........الخ"

انا راني نموت على جهاز ههههه
ايه لازم الفراش كملتو درت كوفرولي كروشي كامل و واحد ثاني 4 saisons و 3 قماش خشين ملاح تع مناسبات
2 كوفيرطات 3 كوات و 7 دراوات
التصديرة درت قفطان كاراكو قبايلي تونسي و صواري

فراشات العمر

2012-12-09, 14:40

واش حوالكم لحراير
راه غير اليوم وين رجعولي النت راني توحشتكم بزاف راهم الامتحانات قلبوني صغيرة راني غير نعيط

sondse1

2012-12-09, 14:41

ايه لازم الفراش كملتو درت كوفرولي كروشي كامل و واحد ثاني 4 saisons و 3 قماش خشين ملاح تع مناسبات
2 كوفيرطات 3 كوات و 7 دراوات
التصديرة درت قفطان كاراكو قبايلي تونسي و صواري

مبروكين عليك حنونة

واش تقصدي تاع مناسبات يعني تاع همة كيما نقولو يعني ماشي تاع ديمة هكا ؟؟

انا راني دايرة تروسو تاع الكروشي و تاع البرودي و تاع التزيين بالورود وراني مع تاع السموكس و نزيد تاع فلة و تاع لابانتور هاذو تاع الهمة
و تاع ديمة رح ندير 5 ثلاثة تاع لاgيبار متنوعين بين لاgيبار الوردة و العادية و و2 تاع قماش بالساتان

و درت 2 كوفرولي و 2 كوات و 2 زاورة ملاح و راح نزيد 2 كوفلولي

والتصديرة رح ندير 11قنادر

القبايلي و الكوكتال و الباكستاني راهم واجدين
و رح ندير الهندي /المصري/السطايفي/الوهراني/القفطان المغربي /كاراكو واحد فتلة ولا مجبود و الاخر حرج/ السواري/و ممكن نزيد منصورية

it's me

2012-12-09, 14:41

واش حوالكم لحراير
راه غير اليوم وين رجعولي النت راني توحشتكم بزاف راهم الامتحانات قلبوني صغيرة راني غير نعيط

يويويويويويويوويويويويويويويويوووووووووووي على السلامة
وشراكي بنت بلادي

sondse1

2012-12-09, 14:42

واش حوالكم لحراير
راه غير اليوم وين رجعولي النت راني توحشتكم بزاف راهم الامتحانات قلبوني صغيرة راني غير نعيط

اهلا بيك حبيبتي
واش احوالك ان شاء الله بالف خير

ان شاء الله الاولاد جابو رواحهم في الامتحانات

نبض الفؤاد

2012-12-09, 14:43

ربي يخليك حنونتي

ما فهمتش واش هي التلبينة ؟
ممكن تمديلي الوصفة نتاعها

ما يكون غير خاطرك
يقول الرسول صلى الله عليه وسلم:ان التلبينة تجم فؤاد المريض، وتذهب ببعض الحزن.
انا ندير كاس ماء فيه 2مغارف دقيق الشعير بنخالته على النار كيغلي تحسبي 10د مع التحريك طبعا والنار تكون هادئة كتفتر تشربيه بدون اي اضافات

sondse1

2012-12-09, 14:44

ما يكون غير خاطرك
يقول الرسول صلى الله عليه وسلم:ان التلبينة تجم فؤاد المريض، وتذهب ببعض الحزن.
انا ندير كاس ماء فيه 2مغارف دقيق الشعير بنخالته على النار كيغلي تحسبي 10د مع التحريك طبعا والنار تكون هادئة كتفتر تشربيه بدون اي اضافات

ربي يخليك حنونة على الوصفة
رح نديرها ان شاء الله
و نبعث لماما و خالاتي تاني يديروها

ربي يجازيك كل خير

it's me

2012-12-09, 14:45

مبروكين عليك حنونة

واش تقصدي تاع مناسبات يعني تاع همة كيما نقولو يعني ماشي تاع ديمة هكا ؟؟

انا راني دايرة تروسو تاع الكروشي و تاع البرودي و تاع التزيين بالورود وراني مع تاع السموكس و نزيد تاع فلة و تاع لابانتور هاذو تاع الهمة
و تاع ديمة رح ندير 5 ثلاثة تاع لاgيبار متنوعين بين لاgيبار الوردة و العادية و و2 تاع قماش بالساتان

و درت 2 كوفرولي و 2 كوات و 2 زاورة ملاح و راح نزيد 2 كوفلولي

والتصديرة رح ندير 11قنادر

القبايلي و الكوكتال و الباكستاني راهم واجدين
و رح ندير الهندي /المصري/السطايفي/الوهراني/القفطان المغربي /كاراكو واحد فتلة ولا مجبود و الاخر حرج/ السواري/و ممكن نزيد منصورية
ايه قصدي تع مناسبات
و درت واحد ثاني غرزة الحساب اصفر بالبني
درتي بزااااااااااااف القنادر من بعد تاكلهم غير الخزانة ديري اللي تلبسيهم
الباكستاني و الهندي تقريبا زي بعضاهم و ماتقدريش تلبسيهم بع العرس
و المنصورية ثاني زيادة راكي درتي قفطان

Minnnaaa

2012-12-09, 14:47

يا عمري على مينوشة الزينة
معليهش حنونة اصبري واش رايحة تديري
وكيما قلتي مادام التيليفون كاين منحيلكم الغلبة خير ملي ماكاين والو و ما تقدريش تعرفي اخبارهم
ان شاء الله رح تشوفيهم عن قريب
وان شاء الله يرجع مولا بيتك حبيبتي ليلى
ان شاء الله من فمك لباب السما غير ادعي معايا انشوفهم هاد الويكانديلا كتب ربي

ميييييييييينة مبروك عليك :19:

يبارك فيك حبيبتي

it's me

2012-12-09, 14:50

مريومة وقتاش عرسك؟؟؟

Minnnaaa

2012-12-09, 14:51

ما يكون غير خاطرك
يقول الرسول صلى الله عليه وسلم:ان التلبينة تجم فؤاد المريض، وتذهب ببعض الحزن.
انا ندير كاس ماء فيه 2مغارف دقيق الشعير بنخالته على النار كيغلي تحسبي 10د مع التحريك طبعا والنار تكون هادئة كتفتر تشربيه بدون اي اضافات

بارك الله فيك بصح الله يخليك قوليلي دقيق الشعير بنخالته هو السميدولا الفرينة؟

sondse1

2012-12-09, 14:51

ايه قصدي تع مناسبات
و درت واحد ثاني غرزة الحساب اصفر بالبني
درتي بزااااااااااااف القنادر من بعد تاكلهم غير الخزانة ديري اللي تلبسيهم
الباكستاني و الهندي تقريبا زي بعضاهم و ماتقدريش تلبسيهم بع العرس
و المنصورية ثاني زيادة راكي درتي قفطان

بالعكس حنونة حنا هنا في مسيلة ماكانش اللي تدي تصديرة و تخبيها في الخزانة
نلبسوهم في عراسنا و عراس بيت رجالنا و كل مرة نزيدو عليهم حاجة

الباكستاني دايرتها تاع سروال جابهالي بابا من دبي جاية كيما هاذي تقريبا مي فيها خيوط الفتول طايحين

http://img.alibaba.com/photo/109198258/Saree_Pakistani_Dress_Sari_Lehnga_Shalwar_Kameez_I ndian_Dress.jpg

اما الهندي رح نديرها روبة ولا قندورة كاملة

وبالنسبة للمنصورة صح عندك الحق مازال ما قررتش الا نديرها و لا لالا

it's me

2012-12-09, 14:52

بارك الله فيك بصح الله يخليك قوليلي دقيق الشعير بنخالته هو السميدولا الفرينة؟
لا سمسد و لا فرينة اسمو الشعير هكا يتباع

sondse1

2012-12-09, 14:52

ان شاء الله من فمك لباب السما غير ادعي معايا انشوفهم هاد الويكانديلا كتب ربي

يبارك فيك حبيبتي

ان شاء الله حبيبتي
ورح ندعيلك معايا في صلاة الفجر