الطبعة العاشرة لدورة الرقي بمدبرة منزل مثالية

[~ حراير ~]

يل ربي يا ربي على الي تتأثر بزاف مينا شوفي راني كان بديت نضحك ما نحبس كان بديت نبكي ما نحبس
فهمي روحك وش راح نديرو نضحكو و لا نشربو من الي سربتيه
قوليلي قوليلي راح تنوضلي حبة في قلبي من لفضول هيهيهيهيه

[نافلة]

فطيمة يعطيك الصحة فطيمة على هذاك الكلام نحتيهلي من فمي
بغيت نسول في الدورات السابقين ما كنتوش هاك ..... وكي تكمل الدورة وين نروحو....
متكملش الدروة وهنا يموت قاصينا
و يامات عرس منى كيفاش نديرو ..... ما نعرف .... ما نعرف...
دبر راسها خاصها دير حل

ليلى الرجالة خرجو اليوم بكري و خلاولينا ليتساع
غيب القط لعب يا الفار
هاهاهاهاهاها

[~ حراير ~]

صليحة يعطيك الصحة
راني دايما نتخيلك مثل اختي الي تلوح فيها يدها تصلحلها ماشاء الله لا قوة الا بالله

[~ حراير ~]

قوليلي صليحة وش طيبتي اليوم انا راني درت كسكسي سبع خضر و خرجت مع مول الدار
راني حابة نحكيلكم و ما لقيتش كيفاش

[نافلة]

ول حاجة يا طمطم نقولك راك حشمتيني انت تحكي على المحبة في الله و انا نحكي على حوايج اخرى
ما تحشمي ما والو هذي سنة الحياة
و باش تتأكدي بلي محبتنا صادقة و قلوبنا عند بعضها فعلا أنا قبيلة و انا نطيب قلت في قلبي نتفاهمو مع لبنات نفتحو صفحة خاصة بينا في قسم الدردشة كي تحطلنا سندوسة ربي يحفظها البرنامج
انا ثاني راني نخخم في الموضوع
هك الصباح نشتغلو شغالاتنا و لعشية نعشو مع بعض وش رايكم
كان عجبتكم الفكرة اما نخلو منى تفتح الصفحة أو أكبر وحدة فينا هي الي تفتحها
انا عمري 36 سنة كيما تعرفو

و انا عمري 34سنة

[~ حراير ~]

ماكانش منها يا طمطم والله غير تخيلتك أكبر مني بزااااااااااااااااف راني متخيلاتك كيما اختي قريب لأربعينات
و انت يا مينا و صليحة شحال عمركم
وفاء علابالي بلي كيفي هي و ام ملاك 36

[Minnnaaa]

يل ربي يا ربي على الي تتأثر بزاف مينا شوفي راني كان بديت نضحك ما نحبس كان بديت نبكي ما نحبس
فهمي روحك وش راح نديرو نضحكو و لا نشربو من الي سربتيه
قوليلي قوليلي راح تنوضلي حبة في قلبي من لفضول هيهيهيهيه

شا نقولك يا المصيبة ؟شويا دمعة ماخليتينيش ننزلها في خاطري وبديت نهز في كتافي بالضحك
الله يفرحك ببنياتك وتخاويهم ببيبي كي لقمر ان شاء الله
هاهاهاهاهاها

[نافلة]

طيمة ختي علاش اديريلي هاكا صليت الظهر ورقدت بنتي وجيت نجري باش نضحككم معاياوكي قريت هدرتك الدمعة ما بغاتش تحبس

يا عمري راني عارفاتك حنينة بزاف و حساسة
انا كي قريت هدرت وفاء كي كانت تصلي و تبكي و جاها راجلها .........
ما قدرتش نشد رو حي من البكاء و ما بغيتش نبينلها و نزيدها
و زدتي كملتي دورك
راني اكثر من ليلى فيساع نبكي

[~ حراير ~]

منين راح نخاويهم و نجيب بيبي و نتوما ماتحبوش تهدرو وش راكم تشربو هيهههيههيهيهيهيهيه
حبيت نقول كلمة لخواتاتي راني والله غير تبدلت عقليتي تماما انا كي نعود قاعدة في جلسة و نبدأ نسمع حكايات نوض و نحشم و ندخل بعضايا بصح معاكم راني اطلقت العنان لنفسي و نقولكم الصح والله انه فيه فايدة كبيرة لما يفرغ العبد قلبو و ينحي على خاطرو
ربي يعيشكم حباباتي و يهنيكم

علابالك مينا عدت كي نكتب نبدأ نقرأ سع باش مانطيحش في الأخطاء كيما طرو هيهيهيهيه
بصح ماقلتيليش وش من طرو و وش من جامعة قريتي فيها انت و وش عندك ليسانس او deus

[~ حراير ~]

فطيمة حبيت نقولك حاجة انا عمري في حياتي مانحكي مشاكلي لحد سوى لأختي او ساعات امي و ديما نبين اني مليحة و لاباس بيا على هك ديما يقولولي تباني عايشة السعادة التامة
و انا من كلامك معانا بنتيلي كبيييييييييرة و بنتيلي شخصيتك قويييييييييييية و ماكيش من الناس الي يطيحو الدموع يعني مش قاسحة و لكن شخصيتك القوية ما تخليكش طيحي الدموع
و انا و بكل صراحة كنت هك في الجامعة و لكني تغيرت مع الوقت

[نافلة]

ماكانش منها يا طمطم والله غير تخيلتك أكبر مني بزااااااااااااااااف راني متخيلاتك كيما اختي قريب لأربعينات
و انت يا مينا و صليحة شحال عمركم
وفاء علابالي بلي كيفي هي و ام ملاك 36

هاهاهاها
وعلاش واش هي الحاجة لي خلاتك تتخيليني قريب لربعين
ليلى تخيلتك كثر مني شوية
مينا اقل مني شوي
صليحةاكثر مني ليلى شوية

[سمراء الدنيا]

قوليلي صليحة وش طيبتي اليوم انا راني درت كسكسي سبع خضر و خرجت مع مول الدار
راني حابة نحكيلكم و ما لقيتش كيفاش

اليوم درت غير الجلبان و السلاطة .. خفيف ... خفيف...
لاخاطرش جبت لفريجيدار نقيتو و تهنيت منو

[سمراء الدنيا]

هاهاهاها
وعلاش واش هي الحاجة لي خلاتك تتخيليني قريب لربعين
ليلى تخيلتك كثر مني شوية
مينا اقل مني شوي
صليحةاكثر مني ليلى شوية

انت على حساب هدرتكم تخيلتكم قراناتي ما عدا فطيمة
كنت دايرتها صغيرة
انا عندي .....ستنو راني عاد نحسب......37

[سمراء الدنيا]

منى يا لقطيطة وين راكي.... ياك لاباس

[Minnnaaa]

قبيلة لغاتلي عزوجي قالتلي مالكي ماراكيش تباني دايمن مبلعة على روحك لفوق وماراكيش تهودي كي بكري(قلتلها في قلبي سقسي الجلفة مادارت فيا)
ولامتني لوم لحباب ولامت على ولدها هاهاهاها قالتلي هادي يومين ما جمع معايا ماقالي كيراكي يطلع يجري ويقولي غير السلام مالدرج
(مسكينة حسبت كاش سوء تفاهم الله لا يقدر)
حاولت نتلف عليها وقلتلها بلي الصباح يفوت بلخف مع الشقا ولعشية كيف كيف القهوة وموراها تخممي للعشا
هي تهدر حتى دخل مول الدار بدات تلوم فيه وانا نضحك في قلبي وهو حاط راسه مالقا ما يقول

[وفاء سعاد]

مساء الخير عليكم بسيف ماتطلقت الدار نعاندها ماتخلصش وانتوما في قلبي تغليو

[~ حراير ~]

صليييييييييييييييييييحة هيهيهيهيه اختي عيني شافو النور حتى انا بصح نقولك الصح كلشي مني انا مش راح نكذب ولا نحشم هيهيهيهيهيه
امس كي جات جارتي لعجوز و لقات مول الدار راقد قاتلي وش هادا روحي نوضيه و اقعدو مع بعض يعيا يروح و تبعدو على بعض و اشبعو رقاد .... ايا و غمزتلي عينيها ... و انا خيتك ما نفهمش من الغمزة
ياك قلتلكم رحت نوضتو و على قولك ....... بصح كلشي مني انا
اليوم نوضتو بكري ناض مسكين يداوخ قالي راني حاس قلبي يخبط و عيني مزغللين و حاكماتو لافيبلاس و الvرتيج ايا ديتو للسوق شريت الكروفات و السردين و البوقا و فيلي تاع البنgا يعني وش لقيت حوت كل شريتو قتلو ضرك تشع بالفسفور حتان الماريكان يقولو بدلو مصنع بوشهر الإيراني في الحي انتاعنا .... و كي خرجو مع لبنات وصيتو يديهم لخالتهم يباتو لعندها راهم متوحشينها بزاف مساكن
و العمال على ربي

[وفاء سعاد]

ليلى انا عمري 32سنة راني كتبتهالك في الدورة السابقة كي درستي شخصيتي ربي يكبرنا في طاعتو برك الفارق ماشي كبير عام عامين اصبحنا في الاربعينات الان رانا دخلنا للكهولة هاهاها

[وفاء سعاد]

ليلى راني فهمت العجوزة واش تقصد انا من راي تكترى من المكسرات وعندها الحق راه يروح وتلولي تندمي اللي ماحكيتيش معاه بزاف وشبعتي منو

[وفاء سعاد]

الغداء درت شخشوخة الضفر سخفنا عليها بصح انا كليت شوية برك زعمة مطيبتها بالحم البقري على خاطر نحينا الغنمي الا في الاعياد اورمضان ولا الدجاج الاكترية

[~ حراير ~]

وفاء يعطيك الصحة انا القصعة تاع البربوشة راهي كيما راهي والله ماغسلت لمواعين و مول الدار مسكين قالي ماديريوالو قاطو راح يجيبلي الكاستال من برا و الخبز و ناوية ندير كروفات سلاطة و شربة بالسردين و نقلي البوقا عندك غير البنقا فيلي ساعات نقول نحشيها ساعات نقول نقليها و فرات وش رايكم

[~ حراير ~]

يتسما فوق انواع الأسماك نزيد المكسرات هاداك هو كيما قاتلي صليحة عينك ما تشوف الا النور

[سمراء الدنيا]

وفاء كيراكي .... اختي راكي عاد جاية للدنيا واشمن كهولة
و هاذيك الستوت نتاع منى نساتنا في السن نتاعنا ههههههه


و الله ما سخيت بجماعتكم .... سمحولي راني رايحة للدونتيس نحي ضرسي
ادعولي راني ميتة بالرعب....

[~ حراير ~]

والله راني خايفة نقفللكم الموضوع بكلامي هيا وش قلتو على صفحة الدردشة كاش وحدة تطوع و تفتحهالنا و نجي انا الكبيرة تاعكم نقص الشريط هيهيهيهيهيه
والله يا وفاء حسبتك قلتيلي 36 في الدورة السابقة
بصح نقولك حاجة انا صح في سبتمبر الي فات قفلت 35 و مشيت في 36 بصح والله ديما نحس روحي مازلت صغيرة و زيد اللبة الي نلبسها ديما نخيرها تاع صبيات لاخاطر مازال حاسة روحي صغيييييييييرة

[~ حراير ~]

بالشفاء يا صليحة ماتخافي ماوالو راهو يديرلك البونج ماتحسي بوالو

[وفاء سعاد]

اريج اساليني انا خبرة في هده الامور انا 4اطفال الطبيبة قاتلي الزوج انتاعك قاوي وحكيتلها عل المكسرات قالتلي مايزيدش يدور بيهم راهم يقويو الحيوانات ال......ويزيدو الرغبة.........واختي تستعملها مع راجلها يخدم في لاسام ويغلب مورالمووجابت نتيجة

[~ حراير ~]

وينكم يا لحراير
قولولي مينا و فطيمة وش معناها سخيت الي قالت عليها صليحة

[نافلة]

صليييييييييييييييييييحة هيهيهيهيه اختي عيني شافو النور حتى انا بصح نقولك الصح كلشي مني انا مش راح نكذب ولا نحشم هيهيهيهيهيه
امس كي جات جارتي لعجوز و لقات مول الدار راقد قاتلي وش هادا روحي نوضيه و اقعدو مع بعض يعيا يروح و تبعدو على بعض و اشبعو رقاد .... ايا و غمزتلي عينيها ... و انا خيتك ما نفهمش من الغمزة
ياك قلتلكم رحت نوضتو و على قولك ....... بصح كلشي مني انا
اليوم نوضتو بكري ناض مسكين يداوخ قالي راني حاس قلبي يخبط و عيني مزغللين و حاكماتو لافيبلاس و الvرتيج ايا ديتو للسوق شريت الكروفات و السردين و البوقا و فيلي تاع البنgا يعني وش لقيت حوت كل شريتو قتلو ضرك تشع بالفسفور حتان الماريكان يقولو بدلو مصنع بوشهر الإيراني في الحي انتاعنا .... و كي خرجو مع لبنات وصيتو يديهم لخالتهم يباتو لعندها راهم متوحشينها بزاف مساكن
و العمال على ربي


يا الجايحة راهي لعزوجة خير منك كل دقيقة خاصك تستغليها........
الله غالب خاصني فيساع نقفل 1000 باش نقدر نرسل الرسائل
هاهاهاهاها

[وفاء سعاد]

صليحة ربي يكون معاك راهو البنج كاين ماتحسيش خلاص وزيد نحيها خير تتهناي من الالم انتاعها

[وفاء سعاد]

ليلى من فمك لربي كون غير نحلو صفحة الدردشة انا والله مانعرف هده الامور

[وفاء سعاد]

ليلى انا تاني مافهمتهاش بصح جاتني يعني ماشبعتش من الجلوس معاكم

[~ حراير ~]

والله يا وفاء غير هو مسكين غلبااااااااان و انا ثاني غلبانة بصح راني جبتها بتمسخيرة قلتلهم كاش واحد يقولي غير كلمات ... كلمات برك نقولهم حتان لقيت هاديك الفلوس شعالة النيران وصاتني وصاية حطيتها حلقة في وذني هيهيهيهيهيه
و على راي صليحة عدنا لا صلاة لا صوم هيهيهيهيهيهيهيهيه
راني راح نموت بالضحك هيهيهيهيهيه
والله يليق بيا نمسح هدرتي كامل كثرت على ما وصاوني آه هيهيهيهيهيهيه

[وفاء سعاد]

ليلى ديري سلاطة تاع الطون تاع الزيت والطماطم والبصل والزيتون مفعولها رهيب

[وفاء سعاد]

ليلى ماكترتي ماوالو وزيد راكي ماتشوفيهش بالشهرين واقيلا

[~ حراير ~]

منىىىىىىىىىىىىىىىى وينك ارواحي تشوفي وش درتي فينا هيهيهيهيهيهيه
كي تتزوجي وش راح ديري في مهدي مسكين

[نافلة]

ما سخيتش بكم معناها ما قدرتش نفارقكم

[وفاء سعاد]

ليلى عندك الحق البسي وزيدى على خاطر تباني صغيرة حنا هنا في قسنطينة كي البنات كي النساء يلبسو كيفكيف نفس الالبسة والله مرة سلفي عمرها 47سنة تلبس مع ابنتها 17سنة

[وفاء سعاد]

ما سخيتش بكم معناها ما قدرتش نفارقكم

تعيشى فاطيمة نعود نستعملها هنايا عندنا

[وفاء سعاد]

منى واش اليوم معليكش

[وفاء سعاد]

نروح نصلي العصر ونجيكم

[~ حراير ~]

حتى انا نعود نستعملها
نقولك حاجة وفاء اختي بكري كنت الي تخرج لبسة نخرج معاها و كنت نجيب القش من الدزاير و من عنابة يعني نلبس انا قبل الناس كامل و قعدت هكداك بعد الزواج و لكن كي راح مول الدار و بعد من لي زادت سلسبيل يعني 6 سنين حطيت على روحي شوية و عدت نلبس غير العبايات حتان جات مرة بنت عم امي ساكنين في السعودية و كنت مشيانة شوية سلمت عليا و دارت لأمي قالتلها وينهي ليلى ..... علابالك تقولشي واحد عطاني كف و فقت مع روحي من هاداك الوقت عاهدت نفسي نرجع كيما كنت و الحمد لله حتى بنات الجيران يعني بنات جاراتي الي تجي تشري حاجة تديني معاها لأنهم واثقين في ذوقي و الحمد لله
حق فطيمة قوليلي على ساجدة انا شريت العم الي قبل الي فات جلابية كتانها يشبه للتجين في الزرق و مخيطة تقولشي مروكي باليد و هي ساجدة و عندي ثاني غوب مونطو ساجدة و انت على وشيه تهدريلي و الا حطيلي تصويرة باش نفهم أكثر

[~ حراير ~]

فكرتيني في العصر وفاء يفكرك في الشهادة

[~ حراير ~]

ربي يقبل منا و منكم
انا سامحوني حباباتي راهو مول الدار يبيpيلي راني رايحة نوجد سينية القهوة هاداك هو يوصل
استهلاولي في رويحاتكم

[it's me]

هههه
من جهد الى عجبوني قريت السومة بالمقلوب
شحال ضحكت على روحي

راني جيييييييييييييييييييت وشراكم

[it's me]

حبيبتي صليحة الله يبارك في هادوك اليدين اللي يتلفو فالحرير
راكي اتحفتينا بالاطباق نتاعك:19::19::19::19:
وبالنسبة للدورات اللي فاتو كنا كي جملتنا ملموميم وكانت معانا ام امجد وام مريم ومريومة وحبيبة واشورة وام ماريةوملاك اليل واسيل و,,وكي كملت الدورة كل وحدة وكيفاش بقينا انا ومريومة وام امجد وام مريم اما حبيبة ولات تخدم (ربي يقدرها ) واشورة راها في قسم الطبخ وام مارية مابان عليها حتى خبر والباقيات تاني
مي نتوما حالة خاصة رانا كيما قالت طيمة حبيبتي اكثر مالخواتات
ربي يدومها لمة ونعمة اميييييييييين
مزال ماعرفتوش السر في لمتكم
هاهاها اكييييذ كي جيت انااااا
ربي يدومها علينا

[it's me]

راني مييييييييتة بالضحك والله كامل سمعوني في الخدمة اصصصبري برك ياليلى المصفارة تتسقملي النت و نزييييد نقريك مليح نتي و الجماعة اللي حاطين رواحهم عاقلات احم
وما خفي كااان اعظم هههههه

[it's me]

وييينكم يا محلى زينكم

[نافلة]

راني صليت العصر وجيت الله يقبل

************

منى جيتي على سلامتك هاذي 3ايام
وانا نشحت في رسالة من هاذوك اللي بالي بالك

[نافلة]

دارتها بيك النات و فتاتك الهدرة اللي تموتي عليها

[it's me]

اسسسسسكتي برك ماتزيدينيش ههههههه
نتي راني نحوسلك على قنبلة كبيييييرة يهربو ناس بشار كامل كي تطرطق

[وفاء سعاد]

راني جيت مازلت مقريتش المشاركات اللي فاتوني

[وفاء سعاد]

فاطيمة شفتي راهي عمبالا من خالط قوم 40يوم اصبح منهم انا عداني راجلي هو الوسواس في الوضوء والصلاة وانا في الفضول حابة نعرف زيماه هادو الرسائل

[نافلة]

يا لطيف يا لطيف ربي يدير الخير

[نافلة]

راهي جات الgارحة نتاع منى وتفهمك
هاهاهاهاها

[it's me]

فاطيمة شفتي راهي عمبالا من خالط قوم 40يوم اصبح منهم انا عداني راجلي هو الوسواس في الوضوء والصلاة وانا في الفضول حابة نعرف زيماه هادو الرسائل
اسسسسكتي نتي برك خفت ربي فيك كي عاد راجلك مريض برك كي يفطن و تشوفي ههههههه

[it's me]

ماتجيروش رواجكم انا نفتحلكم صفحة خاصة بينا و راني دايرتلكم برنامج مليييييح

[it's me]

حنوناتي راني مروحة اللي راهي هنا تبوسلي لي ماشي هنا بالاك نفتح في الليل و نحكو
تشااو

[وفاء سعاد]

ان شاء الله منى ديريلنا الصفحة والله مالي وليت معاكم وانا حاجة ماتاثر في ربي يخليكم لي

[وفاء سعاد]

منى الضوء راهو شاعل مازلتي ماروحتيش بلاك نسيتي مسجلتيش الخروج اتاعك كي حالاتي

[وفاء سعاد]

ايا في امان الله كنت دائما نقول باي باي هده الكلمة تعني في حفظ البابا لنفسو ماحفظهاش الان عدت دائما نقول في امان الله مكانش افضل منو

[بتول8]

السلام عليكم
وش راكم لبنات
فطيمة عندك فيس بوك ؟
نجمعو و ندردشو

[نبض الفؤاد]

فاطيمة شفتي راهي عمبالا من خالط قوم 40يوم اصبح منهم انا عداني راجلي هو الوسواس في الوضوء والصلاة وانا في الفضول حابة نعرف زيماه هادو الرسائل

ما عداك ما والو هذا الشيطان الله يلعنه كثري من الاستعاذة
كي مسيتو ؟

[sondse1]

اسعد الله مسائكن حبيباتي
واش راكم ان شاء الله بالف خير

[نبض الفؤاد]

اهلا
سمراء هذو هوما الصيكان للي قلت عليهم

http://www.djelfa.info/vb/showthread.php?p=12475310#post12475310

[بتول8]

مسا النور سندوسة كيفك؟

[ام امجد14]

ربي يقبل منا و منكم
انا سامحوني حباباتي راهو مول الدار يبيpيلي راني رايحة نوجد سينية القهوة هاداك هو يوصل
استهلاولي في رويحاتكم





الحمد لله على سلامت راجلك ان شاء الله يكون بخير
مشكووووووورة على الدعوة كنت محتاجتها رانى قريت اللى فاتنى ومت بضحك الله يدومها جماعة و مااشاء الله عليهم
حبيت نخبرك ولدى الكبير يعنى الى بالى بالك جاب احدى عشر معدل و الله كان قادر يجيب اكثر لكن تقول راه يحسد فى روحو و
و الثانى فى الاولى متوسط جاب ثلاثة عشر فاصل تسعة و تسعون
والاخير و هو فى الثانية ابتدائى جاب ثمانية فاصل صفر ثلاثة وانى اولادك ان شاء الله نتائج مليحة

[sondse1]

مسا النور سندوسة كيفك؟

مساء الانوار و السرور حنونة
واش راكي
و الله نحمدو ربي و نشكروه

[sondse1]

حبيبتي صليحة الله يبارك في هادوك اليدين اللي يتلفو فالحرير
راكي اتحفتينا بالاطباق نتاعك:19::19::19::19:
وبالنسبة للدورات اللي فاتو كنا كي جملتنا ملموميم وكانت معانا ام امجد وام مريم ومريومة وحبيبة واشورة وام ماريةوملاك اليل واسيل و,,وكي كملت الدورة كل وحدة وكيفاش بقينا انا ومريومة وام امجد وام مريم اما حبيبة ولات تخدم (ربي يقدرها ) واشورة راها في قسم الطبخ وام مارية مابان عليها حتى خبر والباقيات تاني
مي نتوما حالة خاصة رانا كيما قالت طيمة حبيبتي اكثر مالخواتات
ربي يدومها لمة ونعمة اميييييييييين

اييييه يا مينوشة لعزيزة
فكرتيني بيامات بكري
وكيما قلتي بقينا غير حنا
ام مرية راهي تحل في الفيس بوك ساعة على ساعة ملوكة راهي في قسم العرايس
كل وحدة لتات بحاجات اخرى اللي تزوجت و اللي رجعت تخدم و اللي توجهت لاقسام اخرى
مي اللمة نتاعهم و اللمة هذي ما نقدروش ننساوهم لاننا رانا كثر من الاخوات
ربي يدومها علينا

[sondse1]

الحمد لله على سلامت راجلك ان شاء الله يكون بخير
مشكووووووورة على الدعوة كنت محتاجتها رانى قريت اللى فاتنى ومت بضحك الله يدومها جماعة و مااشاء الله عليهم
حبيت نخبرك ولدى الكبير يعنى الى بالى بالك جاب احدى عشر معدل و الله كان قادر يجيب اكثر لكن تقول راه يحسد فى روحو و
و الثانى فى الاولى متوسط جاب ثلاثة عشر فاصل تسعة و تسعون
والاخير و هو فى الثانية ابتدائى جاب ثمانية فاصل صفر ثلاثة وانى اولادك ان شاء الله نتائج مليحة

مبروكين عليهم
مزيدا من التفوق ان شاء الله

انا عندي خويا في الاولى متوسط جاب 13.58
و الثاني في الباك مازال ما شافش النتيجة

[ام امجد14]

مبروكين عليهم
مزيدا من التفوق ان شاء الله

انا عندي خويا في الاولى متوسط جاب 13.58
و الثاني في الباك مازال ما شافش النتيجة







مااااشاء الله ربى يبارك فيهم وان شاء الله النجاح فى شهادة البكالوريا و خبرينا

[it's me]

الووووووووووووو شكون هنااااا

[سمراء الدنيا]

مينوشة راني جيت ..... مالك ما بنتيش....
اختي سندس كيراكي.... توحشناك.. و توحشنا البرنامج
و رانا حشمانين منك قلبناها حكايات... على راي فطيمة
حقا كيفاش نديرو في القران نكملو وين وصلنا و لا نبداو من جديد
مساء الخير ام امجد

[ام امجد14]

الووووووووووووووووووووووانا رانى هنا يا عروستنا

[ام امجد14]

مساء النوااااااار سمراء واش راكى

[it's me]

مينوشة راني جيت ..... مالك ما بنتيش....

اختي سندس كيراكي.... توحشناك.. و توحشنا البرنامج
و رانا حشمانين منك قلبناها حكايات... على راي فطيمة
حقا كيفاش نديرو في القران نكملو وين وصلنا و لا نبداو من جديد

مساء الخير ام امجد

سموووورة ماكانتش عندي النت في المكتب
هدا وين قعدت بش نفتح
الووووووووووووووووووووووانا رانى هنا يا عروستنا
اهلييييييييين يا هرابة وشراكي عاش من شافك لاباس؟؟؟

[سمراء الدنيا]

منى تعلمت ندير اقتباس متعدد
شكرا ليك و مييينا الحنونة

[it's me]

منى تعلمت ندير اقتباس متعدد
شكرا ليك و مييينا الحنونة
مبروك هههههههه
زيدي وش تعلمتي ؟

[ام امجد14]

سموووورة ماكانتش عندي النت في المكتب
هدا وين قعدت بش نفتح

اهلييييييييين يا هرابة وشراكي عاش من شافك لاباس؟؟؟


والله كنت لاهية مع الاولاد راهم مهبلين
المهم انتى واش راكى راهى خبرتنى الحمامة بلى راكى تحوسى تنقصى فى الوزن ردى بالك لاتاي تاعك تهبل ولازم التصديرة تبانى فبيها مليحة ماشي صومالية

[it's me]

والله كنت لاهية مع الاولاد راهم مهبلين
المهم انتى واش راكى راهى خبرتنى الحمامة بلى راكى تحوسى تنقصى فى الوزن ردى بالك لاتاي تاعك تهبل ولازم التصديرة تبانى فبيها مليحة ماشي صومالية
معليش ربي يعينك
اييييه والله عندها الحق الحمامة هههه حابة ننقص شوي
صار موالفة توقبي من بعيد و ماتسلميش علينا حتى ؟؟

[سمراء الدنيا]

مساء النوااااااار سمراء واش راكى

نحمدو ربي... سال عليك الخير اختي

[ام امجد14]

والله ما نستغنى عليكم المهم متى العرس ودرتى حنتك ولا مزال وكملتى الجهاز ماتكثريش على روحك المهم الذهب هو الصح اسالنى انا

[~ حراير ~]

السلام عليكم و رحمة الله تعالى و بركاته
ام امجد يا لحبيبة هادي غيبة توحشناك والله خليتي بلاصتك
ربي يحفظك و يهنيك و يصلحلك ذريتك

[it's me]

والله ما نستغنى عليكم المهم متى العرس ودرتى حنتك ولا مزال وكملتى الجهاز ماتكثريش على روحك المهم الذهب هو الصح اسالنى انا
ربي يخليك
العرس في الربيع اذا حب ربي تقريبا كملت الجهاز شفتي فلايكي حطيتهم اليوم

[~ حراير ~]

منى تعشيتي و الا نبعثلك شوية حوت

[it's me]

السلام عليكم و رحمة الله تعالى و بركاته
ام امجد يا لحبيبة هادي غيبة توحشناك والله خليتي بلاصتك
ربي يحفظك و يهنيك و يصلحلك ذريتك
قيييييييييييييييييييييييييييييييييييو جيتي وشراكي يا فالسة

[~ حراير ~]

صليحة قوليلي وش درتي عند الطبيب

[~ حراير ~]

شوفي خياتي فالسة مانعرف شكون فلسني هيهيهيهيهيهيهيه
كون نقولك كيفاش عقبتي نهاري روووووووووووووعة لعقوبة ليك حبوبة

[it's me]

منى تعشيتي و الا نبعثلك شوية حوت
ماتعشيتش بصح كثر خيرك ماناكلش الحوت هههههه ابعثيلي شخشوخة بسكرية برك

[it's me]

فلساتك الفلوسة اكيد هههههههههههههههههههههههههههههه

[~ حراير ~]

تستاهلي الشخشوخة بصح نقولك الصح ما نبعثهاش درك حتان تكمليلي الدروس نخافك تاكلي الشخشوخة طيحي دوخي هيهيهيهيه

[~ حراير ~]

ام امجد حبيبتي ولادك الصغار نقاطهم لاباس بصح لكبير ربي يهديه و يلتى بقرايتو أكثر
وشي هو ما تتقلقيش على قرايتو و ما تقلقيهش باش ما ينفرش جيبيهالو غير بالشوية
اكسبيه و حطيه تحت باطك اسع و امبعد يجي كلشي بالساهل ربي ينجحو و يحفظو من بلاء و سوء آمين
اريج السنة الرابعة جابت 8.27 جات في الرتبة 8 و افنان السنة الثانية 8.06 جات في الرتبة 6
و داخت اريج و قاتلي كيفاش سبقتها في المعدل و سبقتني في الرتبة هيهيهيهيهيه
مازالهم مش فاهمين مساكن

[it's me]

تستاهلي الشخشوخة بصح نقولك الصح ما نبعثهاش درك حتان تكمليلي الدروس نخافك تاكلي الشخشوخة طيحي دوخي هيهيهيهيه
ربي يخليك
انا نروح ضركة تعبت نرتاح شوي
تصبحي على خير و اتهلاي بلا مانوصيك هههههه

[~ حراير ~]

قوليلي يا منى فتحتي الصفحة و الا راكي قاعدة تلعبي
شوفي افتحيها في بلاصة نقدرو نهدرو وش حبينا بلا ما نخافو شكون يطل علينا هيهيهيهيهيهيه
كيما حكاية قصعة الحياء

[~ حراير ~]

خلاص حبوبة ربي يسهلك غدوة ان شاء الله نزيدو نتلقاو
تصبحي بخير

[نافلة]

كي عشيتو
شكون راه هنا

[نافلة]

ام امجد علي سلامتك هاذي غيبة و غيبة طويلة

[نبض الفؤاد]

والله يا ليلى راكي باينة hors jeu انا حليمة اللي حطت لي صاك
ايا تصبحو بخير هذا ما طار لي اليوم غدوة ان شاء الله

الخاتمة1

[نافلة]

مريومة كيراكي حبوبة

[وفاء سعاد]

فاطيمة راني هنا

[وفاء سعاد]

ليلى واينك صار هكدا تبعتي الاولاد عند خالتهم وتاكلي الحوت وحدك

[نافلة]

سعاد راكي تشوفي مساكين كي يرجعو يلقو غير الشوك

[وفاء سعاد]

فاطيمة واش هديري في هده العطلة من برنامج انا حنضف الدار كامل ونقري الاولاد وحابة نحفظ كاش سورة قرانية تحدي مع نفسي

[وفاء سعاد]

ليلى باينة في همزة الوصل

[وفاء سعاد]

اهلا اختي ام امجد علاه هده الغيبة راكي راحولك توانيس علكيف معانا ان شاء الله في هده الدورة تترقاي معانا ونهيو الدورة واحنا افضل

[نافلة]

[size="6"][color="red"][b]وفاء انا راني بادية في تنظيف البيت مادام زوجي مسافر
و وجدت برنامج لبنتي باش نقريها
يبقالي الايام الخيرة نتاع العطلة نوجدو رواحنا الدخلة الا كنا من الحيين
باذن الله

[نافلة]

[ليلى ضوها راهو شاعل ما نعرف وين راهي سايحة

[وفاء سعاد]

يعطيك الصحة يالفحلة انا والله درت تنضيف بصح ماشى عميق راني نسنا في العطلة والبرنامج جا معاها قدقد

[وفاء سعاد]

كانت في همزة الوصل والان مانعرف واين راحت]

[نافلة]

سعاد واش رايك نحل صفحة باسمي و ندردشو فيها

[وفاء سعاد]

حلي الطلب مقبول

[نافلة]

وفاء شكرا لكي حبيبتي راني ديت صوت من عنك
خلي نزيد نسقسي الاخريات
و نشوف واش يقولو

[وفاء سعاد]

خلاص نض ماعندهم مايقولو رانا نحوسو عليها الان عادت سندس ونوليو نحكيو غير على تطبيقاتنا ولازمنا صفحة انتاع دردشة نحيو بيها على خاطرنا

[نافلة]

باذن الله غدوة نحلها باش نصيبو راحتنا هاذي مدة راني نفكر في الفكرة

[وفاء سعاد]

ان شاء الله

[وفاء سعاد]

راني رايحة نرقد في الغد لا حيانا ربي

[نافلة]

انا ثاني نروح نرقد تصبحين على خير

[ام امجد14]

خلاص نض ماعندهم مايقولو رانا نحوسو عليها الان عادت سندس ونوليو نحكيو غير على تطبيقاتنا ولازمنا صفحة انتاع دردشة نحيو بيها على خاطرنا
رانى معاكم تقبلونى

[نافلة]

صباح الخير عليكم يا سيدات

[نافلة]

كي صبحتي حبيبتي ام امجد
و كي صبحو الدراري

[نبض الفؤاد]

السلام1

أصبحنا وأصبح الملك لله والحمد لله لا شريك له لااله الا هو واليه النشور.(ثلاثا)

أصبحنا على فطرة الاسلام وكلمة الاخلاص وعلى دين نبينا محمد صلى الله عليه وسلم وعلى ملة أبينا ابراهيم حنيفا وما كان من المشركين (ثلاثا)

اللهم اني اصبحت منك في نعمة وعافية وستر فأتمم نعمتك علي وعافيتك وسترك في الدنيا والاخرة (ثلاثا)

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد ولك الشكر (ثلاثا)
الخاتمة1

[سمراء الدنيا]

صباح الخير شكون هنا

[نافلة]

صليحة كي صبحتي حبيبتي قوليلي واش درتي عند الدونتيست

[نافلة]

حليمة يعطيك الصحة على الادعية و الاذكار اللي حطيتيهم
****
واش دعيتي معايا

[نبض الفؤاد]

سعاد واش رايك نحل صفحة باسمي و ندردشو فيها
راني موافقتكانا تاني
صباح الخير عليكم يا سيدات


صباح الخير حنونةانا راهم الاولاد بداو العطلة راهم كامل راقدين ، البيه راح للخدمة وانا راني نبروفيتي

[نبض الفؤاد]

صباحك ربح ام أمجد واش راكي رحت وخليتينا

[نافلة]

حلومة واش راكي ناوية طيبي اليوم

[it's me]

صباح الفل و الياسمين كل وحدة باسمها وش حوالكم
صليحة وش حوال ضرستك ريحتي شوي؟

[سمراء الدنيا]

صليحة كي صبحتي حبيبتي قوليلي واش درتي عند الدونتيست


يسال عليك الخير فطومة
البارح قالك ما ينحيوش لعشية و راني درك نروح
غير نستنا الراجل يجي يقعد مع ملاك... راح يجيب
البولتان نتاع منال

[سمراء الدنيا]

صباح الفل و الياسمين كل وحدة باسمها وش حوالكم
صليحة وش حوال ضرستك ريحتي شوي؟

صباح النور مينوشة
راني راجعة درك للدونتيس
كثرولي بالدعوة

[it's me]

راهي النت عندي ماشي مليحة خلاص ماتفتحوش صفحة الدردشة حتى تتسقملي بش نقدر نحكي براحتي اوكييي؟؟؟
فاطمة تفتحيها نتي ولا انا كيما تحبي
وش رايحة ديريلها عنوان

[وفاء سعاد]

صباحكم بالخير يااعز الصديقات اللي في الشدة لقيتكم انا اللي صبحت ناشطة وعندي برنامج حابة نطبقو يارب يصلحلي في هده العطلة

[وفاء سعاد]

حليمة مشكوووووووورة بزاف عل الادكار يجعلهم الله في ميزان حسناتك كل من يقراهم

[وفاء سعاد]

صليحة ربي يكون معاك وماتخفيش كي تخرجي من عندالدونتيست لمي فمك مليح وبلاك يقيسك الهواء لاشتا حاطة فيها القطن زيدي بابي موشوار وقفلي فمك سي نو والله الم رهيب

[نافلة]

راهي النت عندي ماشي مليحة خلاص ماتفتحوش صفحة الدردشة حتى تتسقملي بش نقدر نحكي براحتي اوكييي؟؟؟
فاطمة تفتحيها نتي ولا انا كيما تحبي
وش رايحة ديريلها عنوان
منى كيفاش راكي حابة تحلي الصفحة يلزملها تكون سرية
فهميني
دوك نقولك على العنوان

[وفاء سعاد]

فاطيمة راكي لميتي الاصوات ان شاء الله يدخلو كامل ونتهناو

[it's me]

ليلى مادخلتش اليوم يدرى وااااااش؟؟؟
و مييييينة التلميذة النجيبة ثاني مابانش حسها خلاص
هياادخلو نحكو شوية انا اليوم نخدم غير الصباح

[وفاء سعاد]

منى قطتنا واش اليوم الوجاع مكانش والا شوية مازال

[نافلة]

صباح النور مينوشة
راني راجعة درك للدونتيس
كثرولي بالدعوة
صليحة توكلي على ربي و روحي ان شاء الله تجيك ساهلة ماهلة

[it's me]

منى كيفاش راكي حابة تحلي الصفحة يلزملها تكون سرية
فهميني
دوك نقولك على العنوان


نحلها في قسم الدردشة
ماتقدرش تكون سرية ولا كيفاش نديرو؟؟؟؟
اوكي راني نستنى

[سمراء الدنيا]

صليحة ربي يكون معاك وماتخفيش كي تخرجي من عندالدونتيست لمي فمك مليح وبلاك يقيسك الهواء لاشتا حاطة فيها القطن زيدي بابي موشوار وقفلي فمك سي نو والله الم رهيب

مشكورة اختي وفاء على النصيحة
خلاص رايحة نعمل بها
في امان الله

[it's me]

صلوحة عمري ربي معاك ان شاء الله تجيك ساهلة ماتشبحيش روحك برك بش تكملي بالخف
ربي يشفيك و اذا جيتي و مالقيتينيش نجكو لعشية

[وفاء سعاد]

علاه تقدرو ديروها سرية امالا ديرو طلب للمشرفات باه يعطونا غرفة برقم سري ونسجلو فيها احنا برك الاعضاء

[it's me]

اوكي نحاولو نراسلوهم بالاك يلبيو الطلب

[سمراء الدنيا]

بارك الله فيكم على التشجيعات
راني نرمي الخطوة و نعاود نولي ههههههه
يا ربي يكملينا مشروعنا على خير و راهي عطاتكم
وفاء فكرة مليحة...
ايا عشية ان شاء الله نتلاقاو

[نافلة]

نحلها في قسم الدردشة
ماتقدرش تكون سرية ولا كيفاش نديرو؟؟؟؟
اوكي راني نستنى
مبصح في قسم الدردشة ما يتحسبولناش المشاركات نتاوعنا يبقاو ثابتين
نضن راكم فهمتوني اذا وافقتو نتكلو على ربي
و السرية لي رانا باغيينها ماكانش
واش قلتو كاملين

[it's me]

بارك الله فيكم على التشجيعات
راني نرمي الخطوة و نعاود نولي ههههههه
يا ربي يكملينا مشروعنا على خير و راهي عطاتكم
وفاء فكرة مليحة...
ايا عشية ان شاء الله نتلاقاو
فيك بارك الرحمن
امين ربي يوفقنا لما فيه خير
سللااا ربي معاك

[وفاء سعاد]

راني رايحة نفطرو ناض ابني راهو يفنى عل الميكرو لبلاي مايعرفهاش بصح الحمد لله مهنيني نخدم واش نحب ماشي كي خوه كي كان صغير انا نسيق وهو يمرمد الدنيا الحمد لله على النت عندو فوائد جمة راي ساعة على ساعة نطل عليكم

[it's me]

مبصح في قسم الدردشة ما يتحسبولناش المشاركات نتاوعنا يبقاو ثابتين
نضن راكم فهمتوني اذا وافقتو نتكلو على ربي
و السرية لي رانا باغيينها ماكانش
واش قلتو كاملين


ايه مايتحسبوش المشاركات
نقولك نحاويو نحكو مع سندس بالاك تخيلنا هاذ الصفحة للدردشة و تفتح وحدة اخرى للتطبيقات هههه

[وفاء سعاد]

صليحة ابني يسنا بصح كي قريت الرد انتاعك تفكرت اختي بلاك يعود ماعندوش لانيستيزي صقصيه سع ولازم يبقي يعطيك في البيكور فيها حتان تعودي ماتحسيش بالحمة انتاعها خلاص وماتحشميش منو وقوليلو راك توجع لازم ماتحسيش بيها خلاص حتان تروحي للدار ويتنحا البنج يجيك شوية برك الم صغير

[نافلة]

مينة و ليلى مبانوش راهم نايمين في العسل
هاهاهاهاهاهاهاهاها

[it's me]

مينة و ليلى بانوش راهم نايمين في العسل
هاهاهاهاهاهاهاهاها


ههههههههههه باينة بصحتهم

[نافلة]

منى قوليلي اتني لكبيرة في خوتك

[it's me]

منى قوليلي اتني لكبيرة في خوتك


انعم ايه و عندي خويا اقل مني 19 سنةيقرى اقتصاد في الجامعة تع البرج و 2 بنات وحدة 14 و الاخرى 11

[وفاء سعاد]

منى يسما راهي المسؤولية تاع الدار تبدا بيك انت الاولى

[نافلة]

الله يبارك
احكيلي على السي المهدي و ما راكي دايرة فيه
راكي تشوفيه و لا هذا شحال ما تلاقيتو

[وفاء سعاد]

ربي يعيشلك خاوتك نورمالمو رانا نحكيو مع ماماك بناتها قد بناتنا بصح راكي تباني مرا ومانحسش بيك قل منا

[نافلة]

عندك الحق وفاء راهي مرا و نص
ربي يحفضها من العين

[نافلة]

وفاء واش درتي للغدا اليوم

[it's me]

الله يبارك
احكيلي على السي المهدي و ما راكي دايرة فيه
راكي تشوفيه و لا هذا شحال ما تلاقيتو


يبارك في عمرك ختيتي تعيشي
ههههه وش نحكيلك على مهدي كيما العادة راهو خدام وفرات
راهو جا اليوم من قسنطينة بالاك لعشية نشوفو تقريبا نشوفو كل جمعة

[it's me]

حشمتوني بركاونا ههههه
كي نخرج انا و ماما يقولو علينا خواتات هههههه

[وفاء سعاد]

كنت رايحة ندير لوبيا ومباعد
راجلي قالي ماديريهاش رايح يجيب المرقاز نطيبو وندير لابيري ونشري الخبز فقط عندى زربية نغسلها اليوم على هاديك ماخبزش والله يدي بالما وولدي يقولي اخطيني ومنين نشوف رد نجي ونطل

[ام امجد14]

كي صبحتي حبيبتي ام امجد
و كي صبحو الدراري




يصبح عليك الربح
الاولاد كانو مع الاختبارات ها وين ريحو و انا ارتحت منهم و النتائج مقبولة

[it's me]

وينكم وحدة ماهي هنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[it's me]

ليلى ويييييييييييييين راكي

[نافلة]

منمونة واش راكي ديري شفتك ما بنتيش

[نافلة]

راني كنت ندير في الكعكة نتاع الدانيت باش تديها بنتي معاها لعشية قالتلهم المعلمة نديرلكم حفلة صغيرة في القسم
*****
و كي جات دورك قاتلي بلي المعلمة قاتلهم راني مريضة ما تجوش عشية و زعفت و قعدت تبكي قتلها ما عليش و صبرتها و قلتلها بالاك عشية نديكم للماناج و لانديرو حفلة صغيرة غير هنا فالدار

[سمراء الدنيا]

lمساء الخير
الحمد لله الحمد لله الحمد لله الحمد لله الحمد لله الحمد لله الحمد للهنحيتها و تهنيت من باباها

[بتول8]

سلام لبنات كيكراكم دايرين؟؟
ون راكم دورو قلقت كاش جديد

[~ حراير ~]

صليحة ربي يجيبلك الشفاء و يهز ضرك تهنيتي منها و لكن راني نوصي وخيتي عن تجربة استحفظي على روحك من الهواء و ماتاكلي ما تشرب البارد كولي غير السخون باش ما تعبكش ربي يتمم شفاك بالراحة حبيبتي و طهور ان شاء الله

[بتول8]

واش بيها صليحة؟؟؟؟؟؟؟؟؟؟

[~ حراير ~]

صليحة و طيمة راني طيبت الصباح المردود نتوما في زوج هزيت من عندكم و جا وش نقولكم
المهم أني بعد ما فورتو و طيبت المرقة ديتو لدار بابا و تلمينا كل اليوم فم و كل واحدة وش جابت معاها
كي جا وقت الغداء لحت هاداك المفور في المرقة باش يتجمر و سقيتو فس القصعة الكبيرة "تاع العرس" و قلتلهم استناو نصورو باش نوري لحباباتي الي علموني فيه ما رحت نجيب التيليفون و نجي لقيتهم ضربوها للنص انتاع القصعة طيشت التيليفون و طحت فيه كي العميا جا روووووووووووووووعة و هاداك الماكلة الي جابوها خواتاتي كامل قعدت كيما راهي واحد ما مسها
يعطيكم الصحة و بارك الله فيكم راني درك عند اختي جيت معاها باش نروح لبنات
قولولي فتحتو الصفحة تاع الدردشة و الا مازال
و وش راهم لحراير كامل نتمنى تكونو كامل بخير

[~ حراير ~]

بتول السلام عليكم و رحمة الله تعالى و بركاته
شكون انت حبيبتي

[سمراء الدنيا]

واش بيها صليحة؟؟؟؟؟؟؟؟؟؟

مساء الخير باتول واش راكي انا الصباح رحت نحيت ضرسي و الاخوات كانو يشجعو فيا
انت للي طبطبتي هاذاك النهار و ما وليتي

[سمراء الدنيا]

ليلوش حنونة كيراكي ..بصحتك المردود .... عودي في هاذ الشتا مرة على مرة ديريه....
شكرا على النصيحة راني دايرة بيها و ما تغديت ما والو ..... جيت نتلف معاكم لوجع نتاعها....
كانش جديد ..... لبنات ما باتوش في الدار لبارح

[سمراء الدنيا]

راني كنت ندير في الكعكة نتاع الدانيت باش تديها بنتي معاها لعشية قالتلهم المعلمة نديرلكم حفلة صغيرة في القسم
*****
و كي جات دورك قاتلي بلي المعلمة قاتلهم راني مريضة ما تجوش عشية و زعفت و قعدت تبكي قتلها ما عليش و صبرتها و قلتلها بالاك عشية نديكم للماناج و لانديرو حفلة صغيرة غير هنا فالدار


فطيمة وقيلا راكي تحوسي في الماناج
انا تاني ولدي عندو حفلة ما عملتلو والو مسكين
راح و الدموع في عينيه .... منين يجي نعوضهالو

[فراشات العمر]

السلام عليكم رني كنت هع منتدى صمت الجزائر في قسم الدردشة واحدة تحكي وتقول بلي راجلها قالهل باغي تزوجيني

[فراشات العمر]

واش رايحين تديرو لعشا
ليلى واش هو المردود

[فراشات العمر]

البارح راجلي ما عجبوش لعشا درتلو في لغدى مرفى عدس عندو البواسير راني حايرة

[فراشات العمر]

وينكم وين رحتو

[سمراء الدنيا]

مساء الخير بنت خليل
المردود هو الطعام لغليظ

[سمراء الدنيا]

البارح راجلي ما عجبوش لعشا درتلو في لغدى مرفى عدس عندو البواسير راني حايرة



هههه سايسيه و عمليلو حاجة يحبها

[فراشات العمر]

كيفاه الي اكثر من الكسكس اذا كان هو نسميوه احنا العيش

[سمراء الدنيا]

كيفاه الي اكثر من الكسكس اذا كان هو نسميوه احنا العيش



هاذاك هو نيشان

[فراشات العمر]

مرضو واعر يضيع الدم بزاف يقلي قول ذبحت بقرة والالام الكبيرة حتى مايقدرش يقعد

[سمراء الدنيا]

العصر راه ياذن .... انا نروح..... سلام

[فراشات العمر]

وين راهم العضوات الاخريات

[~ حراير ~]

سمراء و بنت خليل وش احوالكم

[~ حراير ~]

بنت خليل راجلك تقلب عند طبيب ام لا راهو شي واعر بزاف الي يضيع الدم كيما راكي تحكي

[~ حراير ~]

انا اسمحولي راني مروحة لداري راهو جا مول البيت
نتلقاو في ساعة الخير ان شاء الله

[فراشات العمر]

لالا ماباش يروح بالسلامة ان شاء الله ماتطولش علينا

[فراشات العمر]

ليلى علاه الميقري ما يخليكش تباتي في دار باباك

[sondse1]

اسعد الله مسائكن

[sondse1]

البنات حبيت نشاوركم

انا راني ناوية نحفظ القرآن الكريم باذن الله

واش تقترحو انو يكون البرنامج اللي نتبعو

يعني نقدرو نديرو كل يوم صفحة مثلا ولا اللي عندها طريقة للحفظ تحطهالنا

كل وحدى تقولنا رايها

[sondse1]

حبيبتي نبض الفؤاد "حليمة الا ما غلطتش"

الا امكن تديريلنا الصاك تاع المكرامي اللي حطيتيه الله يبارك خرجلك روعة وحبيت ندير كيفو

اكيد الا حبيتي

و دعوة خير ليك و لبناتك

[sondse1]

حبيبتي ليلى "ام اريج"

بالنسبة للمكرامي ادخلي مع "محبوبة امي"

الدورة اللي دارتها هايلة و تتعلمي منها مليح

انا تعلمت معاها و خدمت قداه حاجة

مي ذرك ماكملتش معاها جاوني ظروف حبست معاها مي رح نطبقهم كامل باذن الله

شوفيها و رديلي بالخبر

[بتول8]

تهنيتي منها صليحة ضرك ترتاحي كلش و لا الضرسة
مسك انا بتول عضوة هنا من زمان و تشردت فالمنتدى هههههههه خلاوني وحدي المجموعة تاعي تاع زمان تفركدو
وسيلة و مريومة و خولة و ايمان وحيق و سمية و و و و كثيرات لكان تعرفيهم

[نبض الفؤاد]

lمساء الخير
الحمد لله الحمد لله الحمد لله الحمد لله الحمد لله الحمد لله الحمد للهنحيتها و تهنيت من باباها

بالشفاء عليك حنونة دات الباس

حبيبتي نبض الفؤاد "حليمة الا ما غلطتش"

الا امكن تديريلنا الصاك تاع المكرامي اللي حطيتيه الله يبارك خرجلك روعة وحبيت ندير كيفو

اكيد الا حبيتي

و دعوة خير ليك و لبناتك

يا سلام بلا مزية كيما قلت هاذوما تطبيقات بناتي الله يحفظهم وكاين موديلات شابين خدموهم في العيد لبنات خالاتهم ما عنديش صورهم نحاول اذا سمحت لي الفرصة نديرلكم الطريقة المشكل في ليكتور خسر يعني لازم نبعث وليدي للسيبار .

[نبض الفؤاد]

فطيمة وام أمجد وسمراء انا الصباح خرجت بلا ما نبقيكم على خير انا آسفة وقف وليدي على راسي امالا
رحت حرجت البركوكس (المردود) بالصدر الجاج انا درتو مرقة بالخضرة والبقول جا بنين خليت بنتي تدور مع الساحة ورحت مع الاخرى نجيب في لي بيلتان 2 النقاط والملاحظات فرحوني الحمد لله
وممبعد دهميت في المدرسة الابتدائية سقسيت على الصغير في الحقيقة ما ننقطعش عليه وعلى معلمته ربي يحفظ كل وليداتنا
وكي رجعت عاودت اقضيت لكعكة الدانيت كل يوم نقول نديرها نصيبهم كلاو الكريمة ماشي البنات لالا
يغيضوني نعيط ونسكت راني عارفة ما عندهمش الشهية في حاجة اخرى
اليوم قالت لي بنتي يا ماما متديريهاش حتى الغدوة نكونو هنا راحو ضياف عند مانهم

[ام امجد14]

فطيمة وام أمجد وسمراء انا الصباح خرجت بلا ما نبقيكم على خير انا آسفة وقف وليدي على راسي امالا
رحت حرجت البركوكس (المردود) بالصدر الجاج انا درتو مرقة بالخضرة والبقول جا بنين خليت بنتي تدور مع الساحة ورحت مع الاخرى نجيب في لي بيلتان 2 النقاط والملاحظات فرحوني الحمد لله
وممبعد دهميت في المدرسة الابتدائية سقسيت على الصغير في الحقيقة ما ننقطعش عليه وعلى معلمته ربي يحفظ كل وليداتنا
وكي رجعت عاودت اقضيت لكعكة الدانيت كل يوم نقول نديرها نصيبهم كلاو الكريمة ماشي البنات لالا
يغيضوني نعيط ونسكت راني عارفة ما عندهمش الشهية في حاجة اخرى
اليوم قالت لي بنتي يا ماما متديريهاش حتى الغدوة نكونو هنا راحو ضياف عند مانهم
مااااشااااءاللع عليك و ما قلتينا على معدلات اولادك ان شاء الله ملاح و اعطينى وصفة الكعكة دانبت راكى شهيتينى

[فراشات العمر]

رهي النت ثقيلة وايد وايد

[sondse1]

اسعد الله صباحكم

جمعة مباركة للجميع

ان شاء الله تكونو بالف خير

[نبض الفؤاد]

حبيت نذكركم ونذكر نفسي باه نقراو سورة الكهف اليوم الجمعة ونكثر من الصلاة على النبي
بارك الله لنا في جمعتنا

[نبض الفؤاد]

مااااشااااءاللع عليك و ما قلتينا على معدلات اولادك ان شاء الله ملاح و اعطينى وصفة الكعكة دانبت راكى شهيتينى

قلت في الصفحات السابقة ان بنتي اللي في الثانوي خذات 12.58و منال 4متوسط 15.80وعبده 3ابتدائي9.42

رهي النت ثقيلة وايد وايد

ايييه يا بنت خليل وليتي كويتية[/quot]

[quote=sondse1;12488237]اسعد الله صباحكم

جمعة مباركة للجميع

ان شاء الله تكونو بالف خير

مريومة ان شاء الله يومك مبارك

[sondse1]

كي صبحتي حبيبتي نبض الفؤاد

مشكورة على التذكرة ربي يذكرك في الشهادة ان شاء الله

ربي يجازيك الف خير

[sondse1]

قوليلي حنونة

عندك برنامج معين لحفظ القران الكريم

راني حابة نحفضو

[sondse1]

وينكم يا بناااااااااااات

[نبض الفؤاد]

مريومة رحت فطرتهم وجيت حبيت نقولك عن تجربة احسن طريقة وتدي لبعيد ان شاء الله نتفقه على الحفظ 3 آيات يوميا 150مرة والترسيخ الويك اند
اذا حبيتو نتفقو منين نبداو على خاطر نظن رانا حافظين الاحزاب الاولى والا ماعليشنبداو من الاول

[بتول8]

سندوسة
هاك
http://www12.0zz0.com/2012/12/21/12/792306768.jpg (http://www.0zz0.com)

[sondse1]

مريومة رحت فطرتهم وجيت حبيت نقولك عن تجربة احسن طريقة وتدي لبعيد ان شاء الله نتفقه على الحفظ 3 آيات يوميا 150مرة والترسيخ الويك اند
اذا حبيتو نتفقو منين نبداو على خاطر نظن رانا حافظين الاحزاب الاولى والا ماعليشنبداو من الاول

بصحتكم
انا ليم راني صايمة صيام تطوع "الخميس الجمعة الاثنين"

اكيد كل وحدة تحط البرنامج اللي معتمداتو هي و نديرو استطلاع

و زيد يا حبذا لو نبدا كلنا مع بعض من نقطة الصفر يعني و كاننا ما حفضنا ولا اية و هكذا اللي كانت حافضة رح تزيد تستذكر معانا و ترسخ الايات اكثر

واش رايك

[sondse1]

سندوسة
هاك
http://www12.0zz0.com/2012/12/21/12/792306768.jpg (http://www.0zz0.com)


اسعد الله مسائك حبيبتي
جمعة مباركة
جازاك الله خيرا حبيبتي بتول

هذا جدول شامل رح نختارو منو المناسب و نبداو كلنا ان شاء الله

[فراشات العمر]

ان شششششششششششششششاء الله

[فراشات العمر]

http://www.djelfa.info/vb/showthread.php?t=1170341&page=2

[pierre pearl]

وععععععععععععععععععععععععععععععععععععععععععععععععع ع انا هذا وين شفت هذه الدورة فهموني كي ندخل معاكم لاني مخطوبة و نحوس نوالف على هذا النظام ساعدوني و تانيك نحوس ندي خبرة من ربات البيت و دير معاهم معرفة صحيحة

[تهاليل]

موضوع قيم صراحة رغم انه كان ينبغي أن يثبت ومشكورة اختي ولم أكمل الصفحات لي عودة مرة ثانية كي اكملها

[aya ayouya doudou]

44444444444444444444444444444

[aekbouh]

thanks thanks thanks thanks thanks thanks

[نصارنصار]

بارك الله فيك

[شرووق]

جزاك الله خير الجزاااااء

[koozinti]

مع اقتراب عيد الأضحى أقدم لكم مجموعة من تشكيلات للحلوى السهلة و البسيطة بنكهات مختلفة و لكن بعجينة واحدة :mh31::mh31::mh31::mh31::mh31::mh31::mh31::mh31::m h31:
https://kooozinti.blogspot.com/2017/08/4.html