ديكور سلاطة للاعراس

بنت غليزان · 2012-06-14, 18:05

من فضلك محتاجة ديكور شباب غدوة ان شاء الله الفاتحة نتاع اختي ماغادي ندير لا موسيقى لا والو لانو جدتي توفات الاسبوعين الماضيين
كمن فضلكم راني نستنى فيكم اليوم الي عندها فكرة شابة ماتبخلش عليا

بنت غليزان · 2012-06-14, 19:44

ولا ررررررررررررد شتا هذا

AMINA ORANAIS · 2012-06-14, 19:56

اختي اي ديكور في الماكولات ام مادا ارجو ان توضحي

بنت غليزان · 2012-06-14, 20:01

خصني ديكور سلطة شباب للفاتحة نتاع اختي غدوة ان شاء الله

omo mazen · 2012-06-14, 20:10

[

ام ياسين187 · 2012-06-14, 20:12

ام ياسين187 · 2012-06-14, 20:13

ام ياسين187 · 2012-06-14, 20:18

ام ياسين187 · 2012-06-14, 20:19

ان شاء الله يعجبوك و ألف مبروك لأختك و ربي يسخر في زواجها ان شاء الله

بنت غليزان · 2012-06-14, 20:33

شكرا لكن و ربي يخليكم ليا
و لعقوبة لافراحكم ان شاء الله

حنان امرأة · 2012-06-14, 20:37

السلام عليكم
مبروك عليها الله يهنيها
شوفي اختي
حضري الخس اغسليه مليح وخليه يتقطر
وخوذي الجزر تحبي تغليه شوية ومن بعد تبشريه
ولا تخليه على حالوا وتبشريه طبعا تختاري جزرات كبار شوية وتقطعي الحبة قطع صغيرة وتبشري
تاخذي الشمندر تاني اللي هو البيطراف وتبشريه تاني كيما الجزر
انا بشرت الجزر والبيطراف بالمبشرة تحصلت على قطع صغير مثل السباغيتي وراهي كاينة مبشرة
تقوم بهذا
تاني الخيار والطماطم
خوذي الروز غليه مليح ديريه في مائ مغلي وخليه فوق النار مدة 15 دقيقة ونصيحة بعد مرور 10 دقائق ضيفي القليل من الملح
ومن بعد كي يطيب ديراكت صفيه من الماء هذاك وديريه في ماء بارد جدا وصفي راح تتحصلي على روز متناثر ومليح
خليه يرتاح شوية ومن بعد ضفيله المايونيز والذرى والتون الى حبيتي وخلطي مليح
تكوني تاني سلقتي حبات بيض ومن بعد يبردوا قطعيهم بالسكين الخاص
وتكوني محضرة الخليط اللي راح تديريه من فوق وهو مثلا لصحن سلطة واحد تحطي ملعقتين خل معاهم اربع ملاعق زيت وشوية ملح وتخلطي مليح
ومن الاحسن تحطيهم في قارورة تسهل عليك من بعد
درك نجو للتزين
تاخذي مول كيك صغير وتحطي فيه الجزر مبشور وتحطيه في جنب من جوانب الصحن ومن الاحسن صحن بيضوي وتحطي جنبوا تاني مول صغير روز و تاني بيطراف يعني ثلاث دوائر صغيرة
وتحطي على الحافة الخيار اولا ثم الخس والطماطم فوق الخس ومن بعد تزيني بالزيتون
انصاف البيض تحطيهم في هاذوك المول الصفار اللي تحصلتي عليهم
البيض تكوني خويتيه من الصفار لكن ما ترميهش احكمي الصفار وارحيه بالشوكة ضفيلوا قليل من الزيت والخل والملح تتحصلي على خليط ما يكون سائل ما يكون قاسي
وتعاودي تعمري بيه انصاف البيض وفوق الخليط تحطي حبة زيتون
في الاخير وكي تبغي تحطي الفطور اسقيهم بخليط الزيت والخل والملح
وديري خطوط بالمايوناز على كامل الصحن
اتمنى اني وصلتلك الفكرة
واتمنى ما نكونش طولت بزاف
تابعي باقي ردودي للتوضيحات

حنان امرأة · 2012-06-14, 20:40

هذا هو المول

حنان امرأة · 2012-06-14, 20:48

وهذا السكين تقطعي بيه الخيار دوائر يجي هايل

البيض كيما هاكا كاين سكين خاص عادة يكون من البلاستيك ويجي مع المبشرة تاع الخضر اللي عندي انا لونها برتقالي ومعاها سكين بلاستيكي
والى ما عندكش تقدري بسكين عادي تقطعي
والخليط تاع الصفار تقريبا شوية ثقيل على هذا

لقيتلك السكين تاع البيض
فالصورة راه فالوسط وكاين كيما هو من البلاستيك

بنت غليزان · 2012-06-14, 20:50

راكي على هذا المول عندي
و شكرا بزااااف بزااااف
لكن بخصوص الطذماطم تاني نرابيها ؟؟؟؟

دكتورة بإذن الله · 2012-06-15, 09:01

و الف مبروك مسبقا لاختك و ربي يتمملها بالخير و ان شاء يعجبوك السلطات