عندي عجينة مورقة واش ندير بيها

om moha mahdi · 2012-02-15, 22:34

عملت اليوم عجينة مرقة فيها الخميرة تاع الكرواصون بلا سكر واش تجيني حابة حاجة مالحة مع العلم انه فيها الخميرة

ريحان الجزائر · 2012-02-17, 19:33

السلام عليكم و رحمة الله و بركاته ديري بيها كوكا طبقة عجينة و طبقة صوص طماطم و طبقة عجينة و قسميها و ديري فوق كل وحدة زيتونة و حطيها طيب و لا ديري بيها كورنيات وحشيهم و لا les kiches أي حاجة راهي تجي بنينة هاد العجينة و شوفي كاين مشاركات من الأخوات عاملين وصفات بالعجينة المورقة شوفي و طبقي

remadna · 2012-02-18, 10:14

كيما قالت الأخت ريحان
او les palmiers
les palmiers بالخطوات المصورة من مطبخي
او كيش مالح

cheraga · 2012-02-22, 13:23

علاش ماتديريش كوكا بالبطاطا يعني من بعد ماتحلي العجينة قطعيها دوائر و املئيها بالبطاطا المغلية +زيتون اخضر +حبة بيض+المعدنوس+الجبن
ثم تغلقي وتطليها بصفار البيض و تديريها في الفرن
بزاف بنينة

ام قصي · 2012-02-22, 13:47

السلام عليكم انا انسميها العجينة السحرية تصلح لبزاف احوايج ديري بها افخاذ الدجاج الكاذبة

الصوامعية · 2012-02-22, 18:34

ديري بيها لكورني وحشيهم باللحم مرحي أو بالبطاطا مع طن وكاشير أو كوكا

zamilio · 2012-02-23, 23:36

انانقولك ديرى لصوص تع طماطم +شوية ثوم +شوية زيت + ملح فلفل اكحل كى تطيب حلى لعجينة وقطعيها دوائر وديرى شوية لاصوص طماطم+فرماج+زيتون اسود واخضر+لحم مرحى دريه كما الى ندروه للبوراك تغلقى عليهم وديىي صفار البيض من الفوق ودخليهم الفرن والسلام عليكم

imane ha · 2012-07-28, 13:24