يابنتى خديه و بعد الجواز ربنا يهديه ..

ام المنذر السلفية · 2012-01-30, 19:55

•٠• علشان أنا غالية •٠•

يابنتى خديه و بعد الجواز ربنا يهديه ..

جلست منال جانباً على إحدى المقاعد المتواجدة فى حديقة الجامعة
وكان ملامح الحزن تبدو واضحة على وجهها فجائتهاصديقتها المقربة نيهال مبتسمة قائلة :أنا جييييييت

ردت منال بنظرة حزينة
: أهلاً نيهال

نيهال : انا تمام الحمد لله بس انتى شكلك مش تمام نؤهياً
ردت منال : مفيش حاجة يانيهال

نيهال: لا شكلك زعلان وفي حاجات مش حاجة بس
منال : مممم انا حاسة انى هموت

خفضت رأسها قليلاً وقالت
منال : هشام// نيهال : ماله
منال : كان خطوبته امبارح

نيهال: مش ده ابن عمك اللى كنتى بتقولى عايز يخبطك
منال: اه ماهو مطلعش عايز يخطبنى بقى ولا حاجة انا اللى طلعت موهومه ومعيشة نفسي فى حلم

نيهال: ازاى ؟؟
منال : اصلهم من زمان كانوا يقولوا هشام لمنال من واحنا صغيرين وانا كنت بحس انه كان مهتم بيا عن بقية قرايبى رغم انى عمرى ماكان ليا علاقة بيه عشان مغبضش ربنا ولا كنت مبيناله حاجة بس منكرش انه قلبي كان فرحان بيه

نيهال :استنى يامنال مش ده اللى كان مقطع فى صلاته وانتى قولتى لاخوكى ينصحه صح ؟؟ وكان بيشرب سجاير ساعات ؟
منال : اه هو هو مكنش ملتزم اوى بس لما عماتى يقولوا منال لهشام كنت اقولهم لا مش ملتزم يقولولى بكرة هيلتزم يبنتى خديه وبعد الزواج ربنا هيهديه ويبقى زى الفل

نيهال : بكرة يامنال وانتى ايش ضمنك بقى مش ممكن لا يتلزم ولا لأ
وافرض ملتزمش هتعملى ايه يافالحة
يامنال انتى ما شاء الله عليكى اكتر واحدة ملتزمة بينا
واكتر واحدة محافظة على ميعاد صلواتك وقرائنك مبيفارقش شنطتك
تروحى تتنازلى عن ده كله مقابل إعجاب بسيط

منال : لا مانا كنت هحاول معاه بعد الجواز احاول اهديه
نيهال : وانتى متجوزاه ياختى عشان تديله دروس دينيه ويا صابت يا خابت !!
يامنال انتى ربنا بيحبك وهو اللى مخلاش ابن عمك يلتفت ليكى
احنا عايزين حد يرفعنا ولا ينزلنا مش ده كان كلامك يامنال
كان ممكن لو اتجوزتيه يكون ابتلاء ليكي

وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ ۖ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ) سورة البقرة 216

ابتسمت منال لنهال ابتسامة حزينة ومضت تفكر فى كلام نيهال
ومرت السنين وتزوجت منال وتزوج ابن عمها من عروسه ايضاً وكانت منال معزومة فى منزل عمها الكبير ووجدت هناك صدفة ابن عمها وزوجته وبعد مضي 5 ساعات حان أذان المغرب ..قام زوج منال وأستأذن لينزل يصلي المغرب ...

منال لزوجها: فى حفظ الله ياوليد
ليلى زوجة هشام : ياهشام مش هتنزل تصلى ياهشام قوم دى الاقامة اقامت من فترة ياهشـــــام

هشام :يوووووه ياستى بعد الماتش الماتش هيشتغل ما تهدى شوية
ليلي : ياهشام الماتش يتاجل انما الصلاة لأ ..سيب بقى السيجارة اللى فى ايدك وقوم صلي
هشام : يوووووه انا عايش مع شيخة بصى ملكيش دعوه ده شىءبينى وبين ربنا ممكن تسيبينى فى حالى ومتعملليش واعظة دينية
ليلى بنظرة حزينة : براحتك انت حر

ثم دخلت ليلى إلى الشرفة محاولة ان تدارى دمعتين سقطوا من عينها
ذهبت خلفها منال
منال لـ ليلى
مالك بس ياقمر متضايقيش نفسك ربنا يهديه بإذن الله
ليلي: لا يامنال ده مش ممكن انا كنت عمرى مااتصوره كده انا حاولت معاه كتيرر اووى ومفيش فايدة
انا كنت عمرى ما كنت عاوزةإن زوجى يكون ده ابدااا
منال : طيب ممكن أسألك سؤال ومتزعليش مني
انتى ليه رضيتى بيه لما اتقدملك
ليلى :مانا قولت ممكن احاول معاه لما نتجوز احاول اهديه

هنا منال ابتسمت ابتسامة بسيطة وتذكرت انه كان ذلك كلامها بالفعل قبل ونظرت نظرة إلى السماء وتذكرت كلام نيهال وتذكرت

(وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ ۖ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ) سورة البقرة
216
وقالت فى سرها الحمد لله يــارب كم انت رحيم بي
ثم نظرت لـ ليلى وقالت لها
معلش يا ليلى ده ابتلاء ربنا يقدرك عليه ويهديه

ليلى : يارب .. ثمانصرفت ليلى من البلكونة
رن جرس هاتف منال وظهر اسم زوجها على الهاتف وردت منال
وليد : حبيبتى حضري نفسك بقى عشان انا طالع وهنمشي

منال : من عيونى ياوليد.. يااحلى هدية من ربنا

أنـتهــت

ملحوظة :
مش شرط أنه يكون انسان مش ملتزم ويستمر على كده
فى ناس كثيرة بتكون غير ملتزمة وبيمن عليها الله بالتوبه

ربنا قادر انه يهدي اى عبد من عباده لكن الموضوع وما فيه انه الواحد ميتنازلش فى الدين لانه مش ضامن ولا نتسخط على قدر الله لانه ممكن نكون حاجة شايفنها انها الخير لينا ومتطلعش خير خالص لينا

النجمة القطبية · 2012-01-31, 17:03

قصة رائعة لو لا انها جاءت بلهجة غير لهجتنا
شكرااااا

الواثق · 2012-01-31, 17:09

ربنا قادر انه يهدي اى عبد من عباده لكن الموضوع وما فيه انه الواحد ميتنازلش فى الدين لانه مش ضامن ولا نتسخط على قدر الله لانه ممكن نكون حاجة شايفنها انها الخير لينا ومتطلعش خير خالص لينا

نعم اختي بارك الله فيك....................خلاصة القول ما اوصانا نبينا محمد صلى الله عليه وسلم...........من ترضون دينه وخلقه فزوجوه........................فاضفر بذات الدين تربت يداك......................والله الموفق................والله المستعان

محمد...عبد النور · 2012-01-31, 17:15

السلام عليكم و رحمة الله و بركاته
مشكورة أوي أختي على زوأك في اختيار الموضوع ياما فيه ناس بيكونو بعاد عن ربنا و لما يتزوجوا يرجعوا لسكة ربنا و فيه ناس مش حتنفع معاهم كل المواعظ
ربي يكون معاهم
بارك الله فيك أختي و شكرا مرة أخرى على الموضوع
تقبلي مروري
و الله يرزقنا و جميع اخواننا و أخواتنا الأزواج و الذرية الصالحة
ســــــــــــــــــــــــــــــــــــــــــــلام

بصمة قلم · 2012-01-31, 20:03

السلام عليكم ورحمة الله وبركاته
نقل موفق يا أم المنذر بارك الله فيك

ام المنذر السلفية · 2012-02-01, 00:23

وفيكم بارك الله

صاحبة السمو الفكري · 2012-02-01, 08:42

من اجمل ماقرأت هذي الصبيحة

loulou88 · 2012-02-01, 08:51

ربنا يهدينا اجمعين والفصة عبرة وان شاء الله نحسن اختيار ازواجنا

محــــــ النقاب بــــة · 2012-02-01, 14:57

بارك الله فيك أخية و جزيت خيرا ...

ام المنذر السلفية · 2012-02-04, 23:38

وفيكم بارك الرحمن

Shampo0o · 2012-02-04, 23:44

كما يحدث هذا من الشباب ايضا .." يمكن ربي يهديها "...

ربنا يهدي الجميع

نجمة ساطعة · 2012-02-04, 23:51

قصة جميلة فيها عبرة بارك الله فيك

عماد المحب · 2012-02-05, 11:51

السلام عليكم ورحمة الله وبركاته
ملحوظة :
مش شرط أنه يكون انسان مش ملتزم ويستمر على كده
فى ناس كثيرة بتكون غير ملتزمة وبيمن عليها الله بالتوبه

ربنا قادر انه يهدي اى عبد من عباده لكن الموضوع وما فيه انه الواحد ميتنازلش فى الدين لانه مش ضامن ولا نتسخط على قدر الله لانه ممكن نكون حاجة شايفنها انها الخير لينا ومتطلعش خير خالص لينا
جزاكم الله خيرا

missahani · 2012-02-05, 14:05

بارك الله فيك

فتـ حييةـاة · 2012-02-05, 18:56

آآآآآآآآآآآآآآآآآآآآآآآآآآآآآآسفة سديتي الكريمة