ساعدوني برأيكم

[مشكلتي]

أنا فتاة أدرس في أولى ثانوي و جا واحد يقرا معايا و طلب صداقة فما رأيكم علما أنني معجبة به

[صُبح الأندلس]

طلبت نصحنا و سننصحك عسى أن تعملي بالنصيحة و إن لم توافق هواك
اسمعي نصح من هم أكبر منك و مروا بما تمرين به من سن المراهقة : دعك من هذه العلاقات التي لن تأخذي منها سوى الهم و الغم و الأرق و تراجع في الدراسة و تدهور في الصحة
احتفظي بمشاعرك لزوجك مستقبلا و ركزي على دراستك ليفرح بك أبويك

[نورالهدى**]

ايييييييييه يا ختي


صراتلنا كي كنا في عمرك مازالت تصرالنا وحنا في الجامعة

ومليح كي سقسيتي وماتصرفتيش من راسك


اعيد واكرر

زميلك تلميد غير قادر على الزواج

لازم تعرفي بللي مايريده الشاب من الفتاة في هده السن هو امر وحيد معروف

ادن اتقي الله واخطيك من الحرام

وربي يهدي زميلك والجميع نشالله

[نجمة ساطعة]

مفهمتش هيه و مبعد نفرض قبلتي وين رايحة ؟؟؟
احسبي هو مازالو قداه باش يتخرج برك يعني كل
هاذ السنين راح تصادقيه و الا كيفاه
حنونة مازال راكي صغيرة اياك تفسدي سمعتك
و سيرتك على حاجة ما تسواش المشكل مش ذرك
المشكل كي تكبري ماضيك هو اللي ينفعك زيد
كي تكبري تعودي تشوفي في هاذ التصرفات
تاع ذراري و راح تندمي عليها

[دكتورة بإذن الله]

السلام عليكم ...يا اختي الصدافة بين الجنسين محرمة شرعا

لانها تقود الى ما لا يحمد عقباه

و فكري لبعيد .. حين تكبرين و تصبحين امراة و زوجة رجل مراة نظيفة

و ليس مراة لها ماض مع فلان و فلتان ؟؟

لذلك اختي وفري اعجابك و حبك لزوجك الذي سيكون اب اولادك في الحلال

و غيره لا تعيرينه اي اهتمام و كوني مرا و نص

مع التحية

[abdel02]

يدرس في الاولى ثانوي وحاب يربط صداقة...الله يبارك...يعني سنه 16 عام...لم يبلغ بعد...

[sarl02]

والله يا لبنات انتم الاربعة راكم جايبينها بارك الله فيكم .....في اي موضوع راكم ثم ......مليح زيدو لهذه لانوفال جينارسيون راهي اتبردات...الله اعاونكم.

[نجمة ساطعة]

المشاركة الأصلية كتبت بواسطة sarl02

والله يا لبنات انتم الاربعة راكم جايبينها بارك الله فيكم .....في اي موضوع راكم ثم ......مليح زيدو لهذه لانوفال جينارسيون راهي اتبردات...الله اعاونكم.

مش عارف تبانلي تقصدنا .... يخي رانا نديروا في الخير
بصح مفهمتش كتابتك يا ريت توضح مليح وش تقصد

[دكتورة بإذن الله]

المشاركة الأصلية كتبت بواسطة sarl02

والله يا لبنات انتم الاربعة راكم جايبينها بارك الله فيكم .....في اي موضوع راكم ثم ......مليح زيدو لهذه لانوفال جينارسيون راهي اتبردات...الله اعاونكم.

ربي يبارك فيك ...و يعطيك على حساب نيتك و زيد عاونا راهم ما يسمعولناش بالاك يحشمو منك..

[ميمنة الجزائر]

يا بنات خافو ربي وخافو والديكم اللي رباوكم قبل ان تتعرفو على الجنس الاخر

راهو يجي اليوم اللي تزوجو فلا تستعجلو راني هنا في هذا القسم كل يوم تجي طفلة ولا ولد يقولك راني معجب بفتاة

او مازالكم صغار والله هذه مراهقة وهنا العاطفة غير نستعملوها في حب الله وحب الاهل

اما غير هذا فهو حرااااااام ماكانش هذا في ديننا وانما هي عادة النصارى واليهود ما يحبوش هذو الصوالح لانها تدمر ما يبنونه ونحن بني الاسلام رانا نخربو في مجتعاتنا وربي يهدي بناتنا وابنائنا للخير اللهم امين

[انثى المطر]

ربي يــــــــــــهديك

[هجيرة رغد]

اختي الغالية اذا ركي حابة تنجحي وتريحي بالك اخطيك من هذه العلاقات فهي ستجلب لك المشاكل انا رني قدك ونعرف بنات مشاو والان راهم نادمين ربي معاك ومتنسايش المثل الذي يقول اسمعي لراي لي بكيك ومتسمعيش لراي لي ضحكك

[رزان.]

دعك من هذه العلاقات التي لن تأخذي منها سوى الهم و الغم و الأرق و تراجع في الدراسة و تدهور في الصحة .التفتي إلى دراستك

[صُبح الأندلس]

ما يجعلني أوافق على مثل هذه المواضيع التي قد تبدو لنا نحن الكبار تافهة أنها عند أصحابها كبيرة و تؤرقهم و لذلك أدرجها حتى ننصحهم نحن خير من أن ينصحهم غيرنا من المراهقين و الأطفال

["زينب"]

أرى أنه لازم ينزلو سن عقد الزواج لإلى 14 سنة أحسن و نزوجو هاد المراهقين
حنا على كبرنا رانا صابرين و هوما لا و ما فكرنا فالزواج حتى كملتا الدراسة و بدينا الحياة العملية

المهم أختي الصغيرة, لوكان جيتي أختي و سمعت منك هاد الكلام صراحة مينفعني معاها غير التهديد و السوط, الهدرة معادتش تنفع ف هاد الوقت راه كاين تحرر خطيير سببه الفضائيات و الأنترنت
الله يجيب الخير