شكون اللي يتحدى مطلوع الجلفة

snowiman · 2011-10-19, 10:23

المطلوع عندنا يهههههههههههبببببببببللللللل و ساهل نحتاجو فرينة مخلطة مع سميد و خميرة خبز و خميرة عجين(هي عبارة عن قطعة صغيرة تاع عجين نخلوها من لعجين اللي درنا بيه المطلوع من قبل) ملح ماء دافئ ملعقة صغيرة سكر في قصعة تاع عود تضعي كل المكونات ما عدا الملح ثم تبداي تضيفي الماء بشوي و تعجني مليييح المرة لولا تكون لعجينة صلبة شوي و مع اضافة الماء تدريجيا راها تليان ثم بعدما تدلكيها بقوة 15د ملحيها و زيدي اعجني شوي باش يدخلها الملح ثم قسميها كرات متوسطة بحجم التشينة الكبيرة ثم ابسطي كل مع شوي فرينة وحدة بيدك وديريهم في المنديل وخليها تخمر 30د ثم سخني طاجين الطين تاع الخبز و طيبيها تؤكل ساخنة و مفشفشة و بصحتكم حنا في الجلفة نديروه كل يوم مستحيل نستغناو عليه

remadna · 2011-10-19, 11:00

يعطيك الصحة
اسمها عندنا الخميرة
تطبخ كل يوم في رمضان
و في الايام العادية خاصة مع الملوخية و الشربة فريك

ام مرية · 2011-10-19, 11:12

انا نسكن في الحدود مع ولاية الجلفة وهاكذا نديروه وصح يجي مفشفش ومانقدروش نستغناو علية

imy88 · 2011-10-19, 12:41

احنا جربناها مرة وجا صح خفيف وهايل احنا ما نعرفوه عندي جداتي بسكرية هي الي قالت المامااعليه ما امنتهاش ماما بصح كي سياتو جاها بزاف اخفيف مرسي اعليك

snowiman · 2011-10-19, 15:18

ربي يحفظكم كوكاواتي

سوسو الطموحة · 2011-10-19, 15:29

باين يجي هايل لانكم تظيفولو العجينة لمخمرة.......هذه اللي مانعرفش كيفاه فهميني باه نعود نديرها لانه دائما نعجن المطلوع .
رانييي نستنىىىىىى في الرد.

bassamat · 2011-10-19, 16:02

مشكورة اختى

snowiman · 2011-10-19, 16:09

مثلا كي تعجني اليوم تقطعي عجينة بحجم الفنجال وذلك قبل ان تملحي و تخليها بجيهة ومبعد كي تكملي لعجين وقع.. تكبريها شوية برك بالسميد و الماء و تحتفظي بيها حتان غدوة كي تولي تعجني المرة الاخرى تستعمليها وما لازمش تكون مالحة لان الملح يقتل الخميرة
وشكرا على المرور

omo mazen · 2011-10-19, 16:33

شمعة ضياء · 2011-10-19, 19:13

كيفاش تملحيها وتكوني عجنتيها؟؟
اديري الملح مباشرة فوق العجينة ولا تحطي كمية الملح في القصعة وديري عليها الما وتعجني؟؟

ام مرية · 2011-10-20, 07:27

ههههههههههههههههايييي ضحكتيني يا اخت معة ضياء وعلا انتوما تملحو قبل العجن هكذا يجيك العجين مفلح وما يتدلك مليح حنا ناس القبلة انملحوبعد العجن بي 15او20 د قيقة توضعي الملح في القصعة وترشيه بوي ماء وتوضعي العجن فوقو وتدلكي مليح حتى يتخلط الملح مع العجين وما يعودش يبان خلاص يعني 15 دقيقة وحدخرى وبالتوفيق

snowiman · 2011-10-20, 07:49

ديري الملح في القصعة و ترشيه بشوية ماء و تدلكي شكرا لكم جميعااا

maiar · 2011-10-20, 08:54

مشكورة على الطريقة اول مرة نسمع بيها في حياتي حنا نديرو كسرة المطلوع من السميد برك و نملحوه عادي يعني في القصعة مع السميد و الخميرة و نعجنوها مليحة و الله ديرها ماما و تجي زي البونج و لكن نجرب هذه انا و نرد عليكم

snowiman · 2011-10-20, 09:02

merciiiiiiiiiiii maiar mowafka nchallah

AMEL 14 · 2011-10-20, 21:29

تبان رائعة شكراا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري