دجاج محمرديالي

[ام شرفو]

من بين الاكلات التي نحبها وخاصة في الاعراس
هذي الطريقة جابت هالي صديقتي من الطبخ المغربي و تعتمد في الاعراس
جربتها عدة مرات النتيجة مضمونة
اليك المكونات
دجاجة تكون كبيرة شوية و تكون مغسلولة مليح و تكون مدهونة بالملح لعدة ساعات الى ليلة من قبل
بصلة كبيرة
معدنوس
اللب تاع القارص و القشرة نخليوها للتزين
شوية مارغرين و الزعفران
فلفل اسود والزنجبيل و الملح و التوم مدقوق تقريبا 3
الزيت
الطريقة

[IMG][URL=https://arabsh.com/y3y8z9o8dsa4.html][/URL[/IMG]

نخلطو المعدنوس مقطع و لب القارص و التوم والملون الغذائي(الكركم) و فلفل اسود والزنجبيل و شوية ملح منكتروش مع شوية ماء باش نخلطو هاد العناصر

و ناخدو الدجاجة نشللوها مليح من الملح ندهنوها بالتشرميلة و نخليوها شوية تشرب

[IMG][/IMG]

و كي تشرب شوية نديروها في وعاء من الاحسن و متكونش واسع بزاف ما تقفلوش عليها في الكوكوط

[IMG][URL=https://arabsh.com/mrb5xoqqgx7x.html][/URL[/IMG]

و نقص عليها البصل و نزيد اللي بقا من الشرمولة و نزيد الزعفران

[IMG][URL=https://arabsh.com/nfphddyr3ulq.html][/URL[/IMG]

وهاذي علب الزعفران على اليمين و الكركم على اليسار

ونزيد الزيت فلفل اسود و زنجبيل و نحطوها بطريقة أن الصدر هو اللي يجي من التحت و الظهر من الفوق ما نقليو ما والو فقط نزيدو الماء الكافي تقريبا حتى تغطا الدجاجة
الوعاء ما يكونش كبير بزاف باش تتغطى الدجاجة بماء قليل وما تحطيش الملح في هاذ المرق
نحطو الغطاء نشعلو عليها و نخليوها حتى طيب
بعد تقريبا نص ساعة نهزو الغطاء وندخلو الموس في الفخد
واذا خرج الماء راها مزال ماطابت
المرق ديمة يكون كتير شوية باش متلصقش الدجاجة
بعد ما اطيب خذي مغرفة تاع عود يكون ذراعها طويل دخليه من عنق الدجاجة وهزيها و لك الاختيار تدهنيها بالزبدة و تحطيها في الفرن او تفليها في الزيت جربت الطريفتين والنتيجة روعة
في الطاوة بقا لينا المرق نزيدو فيه العنق و الجوانح و الكبدة و القلب و القنصة و نغطيوها حتى يطيبونذوقوا الملح
قصي الدجاج وحطي لاصوص (المرق) فوقها و زيني بالقارص و الزيتون


[IMG][/IMG]

[جيجلية]

وصفة جديدة

أنا نحطها طول تتحمر فالكوشة

[ام شرفو]

المشاركة الأصلية كتبت بواسطة جيجلية

وصفة جديدة

أنا نحطها طول تتحمر فالكوشة

شكرا على الرد
كنت في الماضي اضعها في الفرن بعدة طرق ندهنها بالشرمولة والزبدة او بالموطارد و الزبدة لكن تتطلب الوقت و هذه الطريقة تعطيني دجاج بنين ولونه جميل

[*أم كوثر*]

جميلة و بنينة انت هنا حمرتيها في الكوشة و الا في مقلة؟؟؟

[ام شرفو]

المشاركة الأصلية كتبت بواسطة *أم كوثر*

جميلة و بنينة انت هنا حمرتيها في الكوشة و الا في مقلة؟؟؟

حطيتها في الفرن بعد ما شعلتو من الفوق و قلبتها باش تتحمر من الجهتين

[*أم كوثر*]

شكرا ان شاء الله نجربها بما انو عندي الدجاج و نقلك

[sofiane2075]

ما شاء الله سخفتينا تاكلوه بالصحة

[ام خديجة1]

بارك الله فيك اختي تبان تشهي والتوابل اللي فيها متوفرين عندي نشري جاجة في خاطرك ونجربها فطريقتك رائعة

[ام شرفو]

المشاركة الأصلية كتبت بواسطة *أم كوثر*

شكرا ان شاء الله نجربها بما انو عندي الدجاج و نقلك

عفوا تاكلوا بالصحة

[ام شرفو]

المشاركة الأصلية كتبت بواسطة sofiane2075

ما شاء الله سخفتينا تاكلوه بالصحة

ارمي يدك مرحبا بك

[ام شرفو]

المشاركة الأصلية كتبت بواسطة ام خديجة1

بارك الله فيك اختي تبان تشهي والتوابل اللي فيها متوفرين عندي نشري جاجة في خاطرك ونجربها فطريقتك رائعة

شكرا نجوع روحي حتى هذاك النهار

[ام البناات15]

السلام عليكم
روعة بعطيك الصحة

[ام شرفو]

المشاركة الأصلية كتبت بواسطة ام البناات15

السلام عليكم
روعة بعطيك الصحة

شكرا جزيلا

[mimicha1977]

يعطيك الصحة اختي ام شرفو وبارك الله فيك

[ام شرفو]

المشاركة الأصلية كتبت بواسطة mimicha1977

يعطيك الصحة اختي ام شرفو وبارك الله فيك

شكرا يا ميميشا يا استاذة الطبخ