|
|
|
|||||||
| منتدى اللهجة الجزائرية دردشة بالعامية، للتعريف بها، لوضع قاموس لها، هنا اللهجة الدزيرية، القبايلية، الشاوية، الميزابية، النايلية، الشرقية و الغربية ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الفم اللي مايقول الخير ... يسكت خير 🤫
 |
|
|
أدوات الموضوع | انواع عرض الموضوع |
2022-07-29, 22:20
|
رقم المشاركة : 1 | ||||
|
الفم اللي مايقول الخير ... يسكت خير 🤫
السلام عليكم حاجيتكم ماجيتكم ، و بالمسك رشيتكم ، و ما يحلا الكلام غير بالصلاة على النبي العدنان ... حكايتنا الليلة بعنوان : الفم اللي ما يقول الخير ... يسكت خير 🤫🤫🤫 يحكو في بلاد من البلدان على زهيّرة وربي يبارك عليها كل صبع بصنعة ... من عتبة الباب تقول دخلت جنة... مقامة وظرافة وطياب ونظافة ....كيما يقولوا تحطها على الجرح يبرى ... و زين تقول قمر 😁 والكمال لله، ... زهيّرة كانت فيها خصلة وهي الصمت ,على قد ما يسلّو منها الهدرة النساء متهدرش... الحجرة تنطق وهي لا ... وناس بكري يحبو الطفلة الحشامة العاقلة ... وكثرو الخطابة عليها وامها كانت ترد فيهم ... وكي يسقسوها علاه تقول بنتي ونعرفها.. 🙂 وكثر الكلام عليها و بدات الناس تسوّل على العلة الي شادتها على الزواج... ودارت الايام وجا نهار و تزوجت و تعالات الزغاريت ... والنسا تطبخ و البندير يضرب وزهيره الفم ساكت🙂... والناس الكل تشكر وتعاود وحاسدين الحماة عليها... يا سعدها ياهناها دات مولات الفم المزموم... شادة فمها وطويلة في كمها😁... والراجل فارح بيها وصفوها وقالوا زينة😅 ...وعشّات كنة وقلب الاميمة تهنى ... و فات العرس والحماة حاطة عليها العين ديمة ساكتة واذا جات تنطق اّتمتم وتولي ترد الكلمة لقلبها ماتكملهاش ... وفي فمها كانت تقول ايه وحاضر ... ! 🤔 ... داتها تقعد يامات عند أمها قالت لكان متقلقة من حاجة تفرغ قلبها لامها ... كي ولاّت زهيّرة لدار راجلها رجعت اكثر من الي كانت بالسكات... ! حتى لنهار جا وقت يجمعوا الزيتون ، الرجال والنساء مقابلينهم ... جاتها حماتها تجبد في الحديث😏... موالفة منها غير صباح الخير وتصبحو على خير 🙂... وبدات (واش بيك يا بنتي... و لا حاشمة منا رانا اهلك وانا اميمتك )... رفعت فيها العين زهّيره قالت لها راهي امي وصاتني ما نكثرش الهدرة😌... ردت حماتها (واش معنتها ماتكثريش الهدرة؟ راكي كثرتي على ما وصاوك ... قولي اللي في خاطرك وماتحشميش )... زهيّرة تخزر لسلافها وراجلها ينحو في الزيتون والفم ساكت,...😑 نفضت الحماة منها يديها ووقفت ماشية ..وإذا بيها ناداتلها " يا لالّا يا لالّا😁" فرحت لعجوزة.. سعدي ببنتي قولي الي في خاطرك ...قالت الطفلة " كي يموت راجلي وهو عندو خواتو هذوما الستّة شكون اللي نتزوجو فيهم😁 " ..العجوزة طاحو ركابيها اوووه!!....يا لطيف.. بعيد الشر على وليدي " ..و عرفت علاه وصاوها ماتتكلمش... وقالتلها ((يا بنتي الفم الي ما يقول الخير يسكت خير ... وكيما الزيت يخرج من الزيتونة والفاهم يفهم حتى لغة الطير ... اللي ماتخرج كلمتو موزونة يدسّها في قلبو خير ))... هاذي حكاياتنا والعبرة فيها للي يفهم معانيها ... ووصاية من ناس زمان كلمتك كي بنتك اعرفي وين تحطيها ... وبالاحسان وطيب اللسان تكسب قلب انسان ... والحديث قياس🌹🌹🌹 ليلتكم سعيدة... واحلامكم اسعد ... وتصبحون على واقع اجمل باذن الرحمن الرحيم... 🌼🌼🌼
|
||||
|
|
2022-07-31, 09:45
|
رقم المشاركة : 3 | ||||
|
اقتباس:
كلامك صحيح بالفعل ... لكن بكري كانو لي مايعرفش يوزن كلامو ينصحوه بالسكات خير ملي يهدر كاش هدرة و يديرلهم بهادل كبار ... كيما مولات لحكاية 😁 |
||||
|
|
|
2022-09-11, 11:59
|
رقم المشاركة : 4 | |||
|
...
تحية طيبة لطيّب ما تتحفيننا به /  يعني جمال وصنعة يدين .. لكن الزينة الحقيقية زينة العقل مفقودة ..  واللسان إن صنته صانك .. ... أخذت هنا هذا المثل: . الزيت يخرج من الزيتونة والفاهم يفهم لغة الطير واللي ماتخرج كلمتو موزونة يدسّها في قلبو خير . تحياتي/  |
|||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
مثله مثل أي شئ أخر نريد تعلمه
العرض العادي
