حائرة في الاختيار

[مشكلتي]

السلام عليكم اخوتي حبيت نطرح مشكلتي و نتمنى تساعدوني بارائكم انا فتاة في عمري 23 سنة معلمة فالابتدائي كنت على علاقة بشخث عن طريق الهاتف فقط بعد ملاحقات و محاولات عديدة قالي والله ناوي نتزوج بيك برك نعرفو بعض شوية و من خلال المحادثات لاحظت انو انسان غيور و عصبي بزااااف و لما يتقلق يقول كلام ماشي كامل في محلو لكن يرجع و يطلب السماح الا انو جدي و ولد فاميلة و خاطيه البنات و المشاكل عصبيتو خلاتني نعيد النظر في موضوع زواجنا من جهة اخرى كاين شخص يملك محل في حينا و نشري من عندو بزاف يعاملني بلطف و احترام دايما مؤخرا صارحني قالي تعجبيني بزاف و ادا راكي موافقة نجي نهدر مع باباك هو انسان ما عندي ما نقول فيه ادب و عقل و تربية الا انو فرق السن بيناتنا كبير نوعا ما يمكن 13 سنة قولولي واش رايكم راني في حيرة كبيرة

[سارة غفران]

السلام عليكم ورحمة الله وبركاته اختى
صلى صلاة استخارة ورب اقدم لى فيه الخير ان شاء الله
لا يهم فرق السن اختى مادام اان يكون الشخص محترم وانسان طيب هذا هو الصح اما الباقى لا يهم

[طيور الجنان]

الاستخارة هي الحل اختي ربي يجيبلك اللي فيه خير

[خوخة40]

اتزوجي الانسان اللي كي يغضب ما يغضبك ما يغضب ربي

العصبي الكلمة الاخيرة يجيبها الاولى و رايحة تعيشي معاه تحت سلطة لسانو و عصبيتو

و اذا دوما يغلط و يطلب السماح هاديك الدهينة على طوال تولي ما تنفعش لانو جرح الكلام مرة بعد مرة يسكن القلب و يهدم مشاعر و عشرة \

[مناد بوفلجة]

المشاركة الأصلية كتبت بواسطة مشكلتي

السلام عليكم اخوتي حبيت نطرح مشكلتي و نتمنى تساعدوني بارائكم انا فتاة في عمري 23 سنة معلمة فالابتدائي كنت على علاقة بشخث عن طريق الهاتف فقط بعد ملاحقات و محاولات عديدة قالي والله ناوي نتزوج بيك برك نعرفو بعض شوية و من خلال المحادثات لاحظت انو انسان غيور و عصبي بزااااف و لما يتقلق يقول كلام ماشي كامل في محلو لكن يرجع و يطلب السماح الا انو جدي و ولد فاميلة و خاطيه البنات و المشاكل عصبيتو خلاتني نعيد النظر في موضوع زواجنا من جهة اخرى كاين شخص يملك محل في حينا و نشري من عندو بزاف يعاملني بلطف و احترام دايما مؤخرا صارحني قالي تعجبيني بزاف و ادا راكي موافقة نجي نهدر مع باباك هو انسان ما عندي ما نقول فيه ادب و عقل و تربية الا انو فرق السن بيناتنا كبير نوعا ما يمكن 13 سنة قولولي واش رايكم راني في حيرة كبيرة

السلام عليكم

لم أفهم هذه : "خاطيه لبنات" ، و هو راه يحكي معاك
و أضف على ذلك تتحدثين عن زواجك به و هو لم يخطبك من الأصل
يا بنت الناس ، كيما راه يحكي معاك بالهاتف ، راه يحكي مع 10 أخريات على الأقل
لا تكوني ساذجة

لي راه طالبك يجيك من باب الدار

عليك بتغيير رقمك و إلغاء جميع إتصالاتك معه لتتداركي نفسك

و إذا كنت عاقلة ، فجارك هو الأصلح لك
فارق السن ذلك عادي جداااااا

و ربي يصلح

[منير265]

لا حول و لا قوة الا بالله ... حراااااااااااااااااااام تتكلمي مع شخص في الهاتف و غريب عليك يا أختي الكريمة حراااااااااااااااااااااااااااااااااااااااااااااااا م اتقي الشبهات

[abdou aek]

لي عجبتيه يجيك لداركم + صلى صلاة استخارة

[ing.Youcef]

إذا كان ما تقولينه حقا فأنصحك أن تراجعي أخلاقك وحياءك فيبدو أنه لم يبق عندك منهما شيء!

تداركي نفسك، فالخطأ مصيبة وأعظم منه الإستمرار عليه... وكل ذلك تمحوه التوبة النصوح فالله الموفق.

[أم رقية نسرين]

يا ختي الإنسان المتربي الخلوق لي يجي من الباب هذا احترمك و احترم عائلتك و دار القدر بصح تاع التلفون وش نقولك اولا راكي عارفة بلي حرااام تهدري معاه من الأساس تاني حاجة لو كان ناوي الصح كون جا خطبك بلا ما يطول لأنو واضح من كلامك بلي طولتو في الكلام بالهاتف اخطيك و توبي منها و فارق السن تاع جارك مش مبرر الدين و الأخلاق أولا
ربي يوجهك للخير

[lمنال]

جارك خير مع الاستخارة

[خالد عنابي2]

اولا مليحة تع تعملي خيوط مع 2 رجال ومبعد تحبي تخايري منهم وكأنهم قطيع من الغنم عند جنابك وسموك المفخم بركاي من التمسخير

ثانيا العصبي لا انصح به لان خرجاته العصبية لا تنتهي وكل مرة يديرلك قبة من حبة ويكرهلك حياتك

ثالثا الاخر لا اعرف عنه اي شيئ والمظاهر تخدع

المهم سقمي روحك لول ومبعد صلي صلاة الاستخارة لانك بهذه الحالة ابليس مداير غرفة عمليات في راسك ورح يشوشلك على جميع الترددات لازم تطرديه لول عبر الكف عن الخضوع لاوامره الوسواسية

[sarl02]

اعرفتي زوج او ثلاثة او اربعة وحلال وحرام ووووهذا ليس موضوع مشكلتك ...اكيد انك تحبين الاول العصبي الي احكيتي عليه وارتحتي له ..اما الثاني جاركم ففكرتي به بعقلك لانه انسان رزين واتاك مباشرة للدار بدون ممهلات....المهم انت الان في صراع بين القلب والعقل وانا متاكد انك ستغلبين عقلك في الاخير .

[AMINA.Z]

اخلاق الانسان تظهر عند غضبه
ان كان الشخص العصبي يقلل من احترامك عندما يغضب و يسمعك ما لا يرضي و لا يتحكم في عصبيته
اخطيك من حكاية او يطلب في السماح من بعد ما عندها حتى معنى.
و صلي استخارة هي اللي تدلك

[عثمان الجزائري.]

المهم كي تدي الثاني قوليلوا أني هدرت في تيليفون مع واحد و تبالني ماش راح تصلح...............يخي وقت وصلنالوا و تزيدي تحكي فيها....أمثالك هوما لي خلاونا عزاب إلى هذا الوقت.........جابونا حكاية جديدة علاقة عن طريق الهاتف برك موحال تدخليهالي في راسي......و زيد هذا لعصبي ما علابالوش بلي قاعد يقلق هكاك برك، صارحيح قوليلوا بلي آك طلع لروحك في الضغط برك ما نيش سامعة بيك............قسم مشكلتي هذا نجي ندخل نحل مشكل لواحد ندير مشكل لعمري.....

[رحمةز]

الاستخارة هي الحل اختي ..
في نظري الجار خير