وش هو البرغل يآ بنآت ؟؟

[nadjet boumaraf]

سلام عليكم بنات لقيت وصفة الكبة اللبنانية للأخت جيآدآ بصح معرفتش وش معناه برغل ممكن تعطوني إسمو عندنا في الدزاير كيفاه يقولولوا وربي يحفظكم ويجازيكم كل خير

[روح مراد]

البرغل اسمو البرغل هنا في الدزاير تلاقايه يتباع في سوبيرات في أكياس مغلوقة كيما الأرز و المقارون و مكتوب عليه برغل كاين نوع خشين و كاين الرقيق شوية يدير 230 دج للكلغ

[raghado]

اختي مش
الشوفان ولا للا

[بشرى التيسمسيلتية]

اختي البرغل هو تشيشة و لا الفريك كيما نقولو حنا كاينة فريك لي نطيبو بيها الشربة
كاين رقيق و الخشن

[ام نور الهدى 2014]

السلام عليكم
البرغل مش هو الفريك البرغل وحدو و الفريك وحدو
يتباع عند العطار او لي يبيع ااقمح و الشعير

[jana ns]

البرغل هو قمح طايب ويشيحوه ومبعد يرحيوه كانت اخت حطت الوصفة في المنتدئ

[imy 26]

البرغل ماشي الفريك
البرغل قمح لين تاع الفرينة
الفريك قمح صلب
البرغل راهو يتباع عندنا ف الدزاير في لي سوبيرات الكبار مثال السوبيرات تاع خيار ف الشراقة
راهم يستوردوه من تركيا
شريتو مرة ودرت بيه الكبة السورية امممممممم بنينة
يطيب بلخف عكس الفريك التاعنا

[Nada OrBa]

البرغل هو مرمز رقيق مش خشين اللي راه يتباع في السوبيرات نفسو ولانو مستورد فاكيد راح يكتبوه بلغتهم وعند عطارنا راح يكون باسمنا وتاني السورية اللي تطبخ في سميرة هي اللي قالت بلي البرغل نفسو مرمز رقيق وقالت بلي يخدموه كيما حنا قمح ويبسوه ويرحوه رقيق

[مريم+انفال]

ادخلي في اطباق الاخت الغالية اسمهان وانت تعرفي واش معنى البرغل

[sabcha]

البرغل راه يتباع وين يتباع المرمز و الفريك و سقسيت البارح برك صبتو 250 دج يعني 25 ألف للكيلو

[imen kasem]

شكرا على المعلومات كنت حابة نعرف واش هو ولقيت عندكم الاجابة الف شكر ليكم