رولي وكريات بالنتيلا .......روعععععععععععة

[اسمهان79]

السلام عليكم ورحمة الله وبركاته
بسم الله وعلى بركة الله نبدأ
بريوش النتيلاااااااااا





رولي بالنتيلا نتمنى يعجبكم
المقادير



كاس فرينة
كاس حيب دافيئ
نصف كاس خليط ما بين الزبدة الذائبة والزيت
1 خميرة
رشة ملح 1 م ك سكر 1 م ك نشاء
التحضير
نخلط الكل مع بعض ونتركه يخمر حتى تشوفيه عمل فقاعات من فوق



زيدي فرغي عليه الفرينة حتى تتلم العجينة خليها تترتاح ثم اطرحيها رقيقة نصف ادهنيه بنتيلا مليح ونصف الاخر قطعيه شرائط كيما في الصورة



ثم خذي كل ثلاث شرائط واظفريهم



ثم لفي العجينة من الجهة اللي فيها نتيلا حتى توصلي لاخر الظفائر وكي تكوني تلفي ما تضغطيش بيدك باه كي تتنفخ ما تعجنش






حاولي انك تشكليها دائرة ولصقيها في الاطراف ادهنيها بخليط من صفار البيض وقطرات خل وحليب والقليل من القهوة ثم رشي عليها اي حاجة تحبيها طيبها في فور مسخن من قبل على نار متوسطة باه تطيب مليح وعسيها مرة على مرة طلي عليها
ومن بعد شعلي عليها تحمار من فوق
وراهي يجي خفيف وبنين وما يعجنش خلاص






لما تطيب ادهنيها بلاجولي او العسل وقدميها لاولادك او ضيوفك راهي هايلة شكلا ومذاقا
جربيها وما تندميش ان شاء الله
بريوش محشي بانتيلا او الغرس كيما تحبي



المقادير



2 كيسان دقيق
3 كيسان فرينة
ملح بيضة مغرفة ونصف خميرة نتاع المطلوع 4 م ك سكر عادي
ماء وحليب لجمع العجينة
التحضير
نخلط كل المقادير ونجمع بالماء والحليب نخليها تخمر مرة اوللى ثم نفشلها الطلوع نتاعها ونزيد نخليها تطلع مرة اخرى من بعد نعجنها كيما لمسمن راح تلصق شوية في الايدي
نلوح فيها شوية زبدة طرية و نعجن ونشكل بولات صغار
ندهن يدي بالزبدة ونحط في كل كرية شوية نتيلا ونلم عليهم نكورها مليح



ثم في بلاطو مدهون او مفرش فيه ورق الطهي
ندهنهم بصفار البيض والحليب ونرش الجلجلانية
ونطيبهم






قدميهم مع الحليب راهم رائعين
هاذ الوصفة عطاتهالي اختي ربي يرضى عليها
وعجبتني بزااااااف
في امان الله حبيباتي

[om kamilia]

mmmmmmmmmmm444444

[om kamilia]

رايحة تهبلينا بالوصفات الحلوى اسمهان يعطيييييك الف عافية و سلميلن عى زينوبة بالشفاء عليها

[malek firdaouss]

وااااااااااااااو هايل تم الاحتفاض بالوصفة

يعطيك الصحة

[أم ماجد]

امم هايلة حبيبتي وينك مختفية؟

[أم ياسين الزهراء]

اممممممممممممممم مشطيتلها مشطة هي يعطيك الصحة ههههههههههههههه هايلة الشكل والدوق اكيد

[fleur de lili]

chokrane 3alla had ibda3

[آيات سرمدية]

ماشاء الله لاقوة الابالله.....حقيقة يعجزاللسان عن التعبير.....اقولها لك دائما وساعيدها اينما وقعت على وصفاتك.......((احسنت فابدعت))....


انا نحب الوصفات الي القيس فيهم بالكاس والمغرف والكيلة......حتى اللي فيهم القيس بالغرام والملليتر.....راني كلهم نكونفارتيهم.....


بصح ماتنسايش.... بسم الله. ...في بداية مواضيعك.....

[خيط الروح]

يعطيك الصحة و العافية حبيبتي
ما شاء الله

[أمّ علي]

روعة يعطيك الصحة

[soussou_saida]

allah yatik saha

[omremass]

روعة ربي يحفظك

[طالبة النجاحْ~]

ماشا الله الوصفة تشهي
اختي من فضلك سؤال
هل كي ترولي العجينة تطيب من داخل ياك متجيش معجنة ؟
عحبتني سهلة وسريعة مي خفت تتعجنلي

بارك الله فيك وجزاكي خيرا كثيرا

[idron0]

جزاك الله خيرا

[tong2]

ممممممم تحفة
الله يعطيك الصحة حبيبة