لعشاق الفراولة . تارت الفراولة من مطبخ ام لوجين وهديل

ام لوجين وهديل · 2015-04-20, 22:19

اليوم جابلي زوجي كمية مليحة من الفراولة وحبيت ندوقكم لا تارت نتاعي نشاء الله برك تعجبكم نروحو للمقادير

كيلة 1 زيت

4 كيلات فرينة

حبة بيض

ملعقة سكر رطب

2 ملعقة ماء الزهر

1 خميرة الحلويات

لفاني

والماء

طريقة التحضير

بسي الفرينة مليح مع الزيت ثم دربي البيضة مع الماء الزهر وقليل من الماء باش ما يجيكش تكتلات صفار البيض في العجينة ضفي الخميرة ولفاني

الى الفرينة اعملي حفرة في الوسط وحطي فيها البيضة ثم ارمي فوقها الفرينة بشوية حتى تتلم العجينة بدون ما تعجنيها رهي تشوفك الهام وتزعف

هههههههه وادا خصتك شوي ماء زيديلها لميها في بابي فيلم وحطيها في الثلاجة ترتاح كل ما ارتاحت مليح تخرجلك نتيجة احسن

حليها رقيقة ما تخشنيهاش بزاف حطيها في صنية لتارت او في ليتارتولات الفردية تاني تجيك مليحة تقبيها بالفرشات ورجعيها للمجمد تبرد مليح

حتا ادا جمدت معليش تحكم لا فورم تخرجلك شابة سخى االفرن ومباشرة من المجمد الى الفرن تقدري تحطي فيا ورق المطبخ والقليل من الحمص او لوبيا

ادا خفتي تتنفخلك وكي طيبيها حمريا مليح باش تجيك تتقرمش حطيها تبرد وياله نحضرو لاكرام بتيسيار

المقادير كرام بتيسيار

2 بيضات

100غ سكر

60 غ

ميزينة لفاني

نصف لتر حليب

طريقة التحضير

حطي الحليب فوق النار هادئة حت يصل الى درجت الغلايان

دربي البيض مع السكر ولفاني حتى يصبح لونه ابيض ضفي الميزينة وحركي حتى تمتزج جيدا متبقاش متكتلة ضفي الحليب وهوا ساخن وحركي بلفوي غير بلعقل صبي الحليب بيد وحركي بيدك الاخرة باش مايطيبلكش البيض ثم رجعيه فوق النار هادئة وهنا لازم تبقاي معاه تحركي حتى يثقال راه يبانلك متكتل شوية ما تخافيش بعديه على النار وحركي بقوة حتى يصبح املس مثل الحرير رجعيه الى النار وحركي حتان تشوفي فقاقيع ان صح التعبيراو يبدا فى الغلايان هنا نحيه مباشرتا من النار حركيه مليح مليح وفرغيه في صحن كبير وغطيه بلبابي فيلم حطيه ملامس للكريمة باش ما ديرش القشرة وخليها تبرد مليح ثم زيديلها شوي لفاني واخدميها بلباتور غير شوي برك باش تعاود تطرى

[IMG]https://s*******-cdg.xx.fbcdn.net/hphotos-xfp1/v/t1.0-9/11041589_1575431436040647_1556682751548536522_n.jp g?oh=9ceaa91ffefa1aa5d88e351d831e163d&oe=55D437B1[/IMG]

[IMG]https://s*******-cdg.xx.fbcdn.net/hphotos-xpa1/v/t1.0-9/11174806_1575431296040661_7706001954210807523_n.jp g?oh=65ef53013f0beb5414d8e19078baab26&oe=559F3EEA[/IMG]

نروحو الان الى لصح جيبي تارت نتاعك اقلبيها فوق الالصيار وحاولي تحكي الجوانب نتاعها باش تجيك متساوية الجوانب راني موضحا الطريقة بصور

[IMG]https://s*******-cdg.xx.fbcdn.net/hphotos-xfp1/v/t1.0-9/10985299_1575431402707317_6648910746895390139_n.jp g?oh=51f8942e470c6561c7f03ae4618f03db&oe=55D552F5[/IMG]

[IMG]https://s*******-cdg.xx.fbcdn.net/hphotos-xpf1/v/t1.0-9/11016960_1575431336040657_3163712921492485433_n.jp g?oh=f3d3f4dddbbb8bcda171141cc002ae4f&oe=55E4E0EB[/IMG]

[IMG]https://s*******-cdg.xx.fbcdn.net/hphotos-xaf1/v/t1.0-9/11052024_1575431239374000_4941867216712544491_n.jp g?oh=e533f42ffc73bd9b60bc13837f521d8c&oe=55DE6431[/IMG]

[IMG]https://s*******-cdg.xx.fbcdn.net/hphotos-xtf1/v/t1.0-9/10491264_1575431212707336_6618671121655155859_n.jp g?oh=0872a80507e1b63404a8ed8b5c90c3bb&oe=55E39EBE[/IMG]

[IMG]https://s*******-cdg.xx.fbcdn.net/hphotos-xta1/v/t1.0-9/11115598_1575430972707360_3031888348093325_n.jpg?o h=6ea16ac959c9a3b6b00595ce113821c3&oe=55E546D2[/IMG]

[IMG]https://s*******-cdg.xx.fbcdn.net/hphotos-xap1/v/l/t1.0-9/11147250_1575430882707369_2350045275789830251_n.jp g?oh=a9a483e5e4d34ec56be2a7c6fb70baa6&oe=55A4BD2F[/IMG]

ادهني اجوانب بلاجولي ثم رمديهم بلكوكاو او البراليني او ليزاموند افيلي باه يجيك شكلهم شباب عمريهم بلاكرم باتيسري

طبقة مليحة ما تكثريش بزاف باش كي تجي تاكلي فيها متسيحش عليك ثم رتبي فوقها الفرولة بطريقة مليحة ثم ادهنى فوقها بلاجولي
باش تولي تبرق وتحمي الفرولة ادا احتفضتي بها الى اليوم الغد حطيها تبرد وقدميها مع كوب عصير بارد هدا ما يصلح راهي بدات السخانة

بصحة على قلوبكم حبيباتي

ملاحضة 1

انا نقصت شوي زيت او زدت 2 ملاعق زبدة باش تعطينى البنة تستطيعي ان اديري الزيت فقط

ملاحضة 2

انا كنت نخدم لابات بريزي نتاعي بزبدة تجي تاني شابة بزاف بصح ملي شفت نتاع الهام ربي يحفضها جاتني اخف من نتاع الزبدة وصحية لان الزيت

اخف الضررين لحب ياكل الحلاويات انا نفضل حلاويات نخدمهم بزيت احسن من الزبدة نخلي الزبدة غير للعيد ولا كاش ضياف مهمين

الملاحضة 3

لكرام بتيسيار راهي وصفة ناجحة 100ب100مانبدلها بحتا وصفة لان الوصفات الاخرة تتخدم غير بصفار وصفار غير صحي بنسبة للبياض

راهى تجى خفيفة وصحية للامانة هدي وصفة لى حورية المطبخ ملي شفتها ما بدلتهاش انها رائعة بمعنى الكلمة

الملاحضة الثالثة

تستطيعي ان تخدمي لاكرام باتيسري بشوكولة فقط كي تنحيها من فوق النار ضفيلها علبة شكولة امبسادور بدرجة حرارة المطبخ وخلطيا مليح حتى تدوب تماما ثم غطيها وخليها تبرد تقدري تزيدي كمية الشكولة كيما تحبي

اترككم مع الصور راني ناسيا غير بعناسيا غير بعض الخطوات لكن راني وضحتهم بلكتابة ان شاء الله

اتمنى ان اكون وفقت في الشرح وتكونو استفدتم ان شاء الله

اطلب من كل من اطلاعت على هاده الوصفة ان تدعو اليا بشفاء عاجل غير اجل ولها بلمثيل ههههههههههههه هادي المرة راني حابا تخلصوني بصح غير

بدعوت الخير حفضكم الله جميعاناسيا غير بعض الخطوات لكن راني وضحتهم بلكتابة ان شاء الله

اتمنى ان اكون وفقت في الشرح وتكونو استفدتم ان شاء الله

اطلب من كل من اطلاعت على هاده الوصفة ان تدعو اليا بشفاء عاجل غير اجل ولها بلمثيل ههههههههههههه هادي المرة راني حابا تخلصوني بصح غير

بدعوت الخير حفضكم الله جميعا