اتمنى اجد اجابة

[عبير الوررد]

حابة نسقسيكم اخوتي هل الانجاب في سن الاربعين فيه مخاطر على الجنين يعنى شئ اكيد ولا ميش اكيد؟

وهل هناك من هي في هذا السن وانجبت عادي وكان المولود بخير وصحة وسلامة ؟ او من امها او قريبتها انجبت في سن الاربعين او اكثر وكان المولود معافى

اتمنى الافادة لي من ردودكم والافادة للجميع كون هذا الصرح الرائع موجود لنستفيد كلنا في جميع امور الحياة


ربي يحفظكم

[أم عبد الكريم]

مرت سلفي زيدت العام لي فات في عمرها 40 سنة قد قد و بنتها لابأس عليها.....ديري ربي في بالك

[ام سوار]

عمتي ثاني ولدت 44سنة وهي وبنتها بخير

[asmanour19]

سلام اختي أنا شخصيا نعرف بزاف اللي ولدوا فوق 40 سنة و خرجوا اولادهم ماشءالله من بينهم عجوزتي وليدها راه راجل الله يبارك

[ام البنتين]

انا ولدتني امي في سن 43 و اليوم راني باولادي .توكلي على الله يا اختي 40 سنة ما هوش سن يخوف

[aminabensa]

السلام عليكم انا اختي ولدت في عمرها 42 سنة وراهي بصحة جيدة هي وابنها والحمد لله ربي قادر على كل شيء

[mariamalak]

توكلى على الله 40 سنة تقدري تولدى اخر العقنقود و تفرحى بيه

[عبير الوررد]

والنعم بالله

الف شكر لردودكم الرائعة بروعتكم ياغاليين وربي يحفظكم

والله ريحتوني ربي يريحكم ويسعدكم

[Simassim]

السلام عليكم اختي الحمل سن أربعين تقدري الله سبحانه وتعالىيقول له كن فيكون
لكن قبل لازم تكون عندك معلومات عن الحمل في سن متاخرة لانه يمكن يسبب مشاكل خلال الحمل متل سكري الحمل وارتفاع ضغط دم على الاقل تجهزي روحك نفسا في حالة مشكل لا قدر الله
حاولي تهتمي اكتر بنظامك الغدائي ولازم يكون متابعة من عند أخصائي شاطر باش تتجنبي مشاكل الحمل
وفالاخير الله سبحانه هو القادر. ادعي الله واتكلي عليه وان شاء الله مايكون غي الخير
ربي يكتبلك لي فيه الخير
بنت عمتي ولدت بسن 42 خلال الحمل جاه سكري الحمل و ارتفاع الضغط. وبعد الولادة راحلها سكري لكن الضغط مازال
وبنت خالتي جاه سكري الحمل فقط

[ام معاوية 09]

انا امي ولدت اخي وهي في سن 47 صدقيني واه الان في سن 15 ولاباس بيه وربي يسرلك امورك
بصح هي من الناحية الطبية يقولو فيه مخاطر وربي يستر

[أم مبين]

انا نعرف بزاااف الي ولدو بعد الاربعين ووادهم ماشاء الله هي المراة شوية تحس بالتعب في الحمل لكن عادي

[ام ياسمين10]

بعد سن الاربعين الحمل يتعب ضغط الدم والسكرى وكاين الى ميتعبهمش انا امى جابت اخر العنقود فى سن 40 بصح تعبت وزيادتها صعيبة وخويا الحمد لله لاباس عليه وراه كبر

[عبير الوررد]

انا عندي ثلاث بنات ومفكرتش نزيد و ربي رزقني بحمل رابع وخفت كوني في عمر 40 يجي فيه تشوهات

اما من ناحية التعب او السكري او الضغط فالحمدلله انا لحد الساعة ماعندي اي شئ ونخدم ونرفع الثقيل وكاني مو حامل

ولي خوفني اني لما اتصفح النت ونبحث الكل يجمعو على ان اعاقة الجنين تاتي من سن الام وهذا لي خوفني وخلاني موسوسة

وردودكم ريحتني واسعدتني ربي يريحكم ويسعدكم في الدارين ويحقق احلامكم يارب

[ام نهوله]

اولا اتمنى من الله ان يرزقك الخير كله
انا ايضا اعرف الكثيرات ممن انجبن في هذا السن لكنني انصحك اختي ان كنت انت من تودين الحمل ان تزوري الطبيب قبل الحمل حتى تكون المتابعة الطبية مفيدة لك و للجنين وان
ثم انه يجب المداومة على زيارة الطبيب عندما يثبت الحمل حتى لا تكون هناك مشاكل لا لك و لا للجنين و انا اتكلم هنا عن فقر الدم او الصفائح الدموية يعني ماشي حاجة تخلع بصح لازم تبعيها مليحة ليك و باذن الله ما يكون حتى مشكل نعرف نسا فاتو الربعين و جابو اطفال يهبلو
ربي يرزقك و يهنيك

[Simassim]

المشاركة الأصلية كتبت بواسطة عبير الوررد

انا عندي ثلاث بنات ومفكرتش نزيد و ربي رزقني بحمل رابع وخفت كوني في عمر 40 يجي فيه تشوهات

اما من ناحية التعب او السكري او الضغط فالحمدلله انا لحد الساعة ماعندي اي شئ ونخدم ونرفع الثقيل وكاني مو حامل

ولي خوفني اني لما اتصفح النت ونبحث الكل يجمعو على ان اعاقة الجنين تاتي من سن الام وهذا لي خوفني وخلاني موسوسة

وردودكم ريحتني واسعدتني ربي يريحكم ويسعدكم في الدارين ويحقق احلامكم يارب

الف مبارك الحمل. اختي. ماتوسوسيش روحك مادام رآك حامل خلي الأمور تمشي متل ماكتب ربي وان شاء الله ربي يتمملك حملك ويفرحك باخر عنقود. كامل الخلق لكن فنفس الوقت الحمل فعمر العشرين او البلاتين ماشي كيما الربعين وزيد مسؤولية تلات بنات ربي يبارك. حاولي ترتاحي واماتعبيش روحك. اتبعي نظام غدائي صحي تجنبي السكر والحلويات ونقصي الملح فالأكل وماتنسيش الماء. والراحة.

نسبة الولادة قبل الوقت تزيد بزاف فهاد السن وتبعي واش يقولك الطبيب ونفس الوقت ماتسهايش على صحتك اذا الطبيبة ماتبعاتكش مليح بدليها