القنيدلات بالتفصيل من مطبخي

دار الفل · 2014-10-08, 08:00

السلام عليكم وعيدكم مبارك

جبتلكم وصفتي للقنيدلات
مقادير العجينة:
3 كيلات فرينة ( يكونو ممسوحين)
نصف كيلة ذائبة مارغرين للتوريق
نصف م/ص فانيلة
ماء + ماء زهر

مقادير الحشو:
500 غ لوز مرحي
300 غ سكر رطب (قلاص)
نصف م/ص فانيلة
مبشور الليمون
بيضة + 1 صفار البيض

نخلط كل مقادير العجينة مع بعض، نتحصل على عجينة متماسكة، ما لازمش تكون طرية باش ما تعبكمش كي تكونو تخدمو فالحبة، نخلي العجين يرتاح مدة نصف ساعة على الأقل

نروح لتحضير الحشو، نخلط جميع المقادير و نطم بالبيض، اذا كانت الكمية اللي نحضرها كبيرة، ندير 2 بيضات + 1 صفار و نبقى نزيد حتى تنطم
ما لازمش يكون الحشو جاري، لازم يكون متماسك , نشكل حبات مدورة من الحشو

نحل العجينة فالمشينة و نقطع دوائر، نحط الحشو في الوسط و نبدأ نطلّع فالحبة كيما راه مبين فالصوّر

نأخذ كوردو يساعد في تشكيل الحبة

من بعد نضيّق في الوسط حتى تتشكل الحبة كما في الصورة

كي نكمل الحبات نخليهم يرتاحو على الأقل 12 ساعة، هذه الخطوة مهمة جدا باش الحبة ما تهبطش كي نحطها فالفرن

هذا شكلها بعد ما تطيب

ان شاء الله يكون الشرح وافي

راني نستنى ردكم و دعواتكم

سلام

لميس اميرة · 2014-10-08, 08:13

ما شاء الله يعطيك الصحة رووووووووووووووووعة قليلة عليها ربي يحفظك في انتظار ابداعات اخرى

و عندي سؤال اللوز فالاول عملتيه كويرة و كان رطب من اليدين كيفاش حتى ولا هكذاك محبرش و حرش من فوق

دار الفل · 2014-10-08, 08:18

اقتباس:

المشاركة الأصلية كتبت بواسطة zawali.dz

ما شاء الله يعطيك الصحة رووووووووووووووووعة قليلة عليها ربي يحفظك في انتظار ابداعات اخرى

و عندي سؤال اللوز فالاول عملتيه كويرة و كان رطب من اليدين كيفاش حتى ولا هكذاك محبرش و حرش من فوق

شكرا عالرد و عالتقيّيم، اللوز بعد ما تقرسي الحبة، خلطيه برفق بواسطة الكوردو