الجزء 83 من واش طيبتي اليوم شاركوني أجواء العيد/ فرحتي بنجاح بنتي / رجوع أختي

basmala farah · 2014-08-01, 22:52

مرحبا بيكم اخواتي في الله وصح عيدكم
إن شاء الله نبقاو هكا ملمومين ديما و مع بعضنا في السراء و الضراء يسعدني اني نفتتح جزء جديد من واش طيبتي اليوم نتشاركو فيه فرحة و أجواء العيد
و بلا ما ننساو إخواننا في غزة إن شاء الله ربي معاهم و كيما يقولو ما باليد حيلة ما علينا سوا بالدعاء و ربي على الظالم و المفتري إنه يمهل و لا يهمل
إن شاء الله يا ربي تكون فاتحة خير علينا جميعا و تزيد الألفة بيناتنا أكثر و أكثر و يرجعو الغايبات
في هذ الكوزينة رح نشاركم فرحة العيد و لكن مش فداري هذ الرة تاني عند بابا بصح في العزبة في الدوار و تاني فرحة السيزيام تاع بسملة بنتي الكبرى و فرحة رجوع أختي من العمرة لعقوبة لكل واحدة قالت آمين
نبداو بالعمرة تاع أختي مع العلم أنو القاطو تعاونا عليه أنا و نسا خاوتي ربي يحفظهم
بسم الله تفضلو هذي دار أختي و آسفة على ردائة الصور هاتفي شوية كان خاسر

و هذو لي خدمتهم ليها أنا

وهذو تاع نسا خاوتي

و درنا تاني طعام بالمرقة و اللحم و رقاق بالدجاج و التعمير مصورتهمش حشمت نصور قدام الناس
و هذو تاع حفلة السيزيام تاع بنتي و درت تاني بركوكس بالعصبان و التعمير مصورتهمش كنت لاهية بزآآف
دادو صنعتلي زمباية تاع إلهام و نسات مصورتهمش

و هذو تاع عيد الفطر

وهذو من أرشيفي

وش قلتو نديكم تتنزهو و تبدلو شوية هوا كرهنا مالدار يا الله نروحو للدوار
و ضوكا مع أجواء العيد في عزبة بآبا ربي يشافيه و يخليه و الله نظرة و نسمة نقية ما تنشبعش بعيد على ضجة المدينة و ذاك برد الحال تقولو رني على شاطئ البحر

و هذي الخيمة من الداخل قعدة تقليدية

شوفو النظرة من الداخل على أشجار الزيتون

و هذا صاريج مربي فيه بابا الحوت

هذا وش تعشينا تقليدي في تقليدي كيما يحب الخاطر

و هذي نكتة 2014 بنتي تتعلم تكتب شوفو مليح ههههه

و في الأخير نقلكم للمرة الثانية ا لف مرحبا بيكم و إن شاء الله يرجعو الغايبات وإن شاء الله نونسو كل مغتربة رانا هنايا خوآتات بصح عندي شرط لازم الكوزينة تتعمر بالصور لآآآازم معليش عاودو جيبو حلويات العيد أو حتى طبخات من الأرشيف راني قابلة
سلآآآام

بشرى2008 · 2014-08-01, 22:57

مبرووووووووووووووووووووووووووووووووووووووووووووووو ووووووووووووك
الله الله على هديك الخيمة مااااااااااااااااااااااشاء الله ربي يدومها ان شاء الله

شلال فرح · 2014-08-01, 22:59

كوزينة مربوحة

بصح قبل ما نكمل مشاهدة أختي من فضلك صلحي الكنابة نشاله إن شاء الله

طهراوي ياسين · 2014-08-01, 23:01

الله يعطيك الصحة ....

ساندي 28 · 2014-08-01, 23:02

ماشاء الله كل شيء بالطبع مبروك نجاح بسمله عقبال فرحها ان شاء الله ومبروك على اختك العمرة
اجواء رائعه عيشتينا فيها وكاننى معاكم ولا القعده التقليدي يا سلام هدا مانحب
يعطيك الصحه بسمله الى شاركتينا هدى الجواء الرائعه سلميلى على دادو قوليلها توحشتتتتتتتتتتتتتتتتك بزاف بزاف
غدا ان شاء الله نجيب الباروك نروح نرقد ماوكلى تصبحون على خير

أم يحي صهيب · 2014-08-01, 23:05

حبيبة ديالي يا المعسكرية يا بنت الجود والاصل
ما شااء الله
ايوا هادي المرة نجي ونقعد في هاديك الخيمة ونروح وين تربيت تغنيف واش رايك هههههههههههه
ان شاء الله عتبة خير وربي يخلينا ديما هاكدا متحابين في الله

ربي يحفظ ليك الوالد ومبروك على اختك العمرة دنب مغفور ان شااء الله
ومبروك على بنيتك عقبال للباك ان شااء الله

ام اسلام حبيبة نتاعي هاديك الماكلا اللي عملت
الصراحة بحرتلي ههههه
مالا سميتها خضرا مشرملة
مالا هزيت حبة كورجات وشومبينيو وبصلة وحرقتهم في الزيت وخليتهم على نار هادية وضفت ليهم اللحم المطحون وطماطم حب وجات تهبل ما شبعتهاااش والله

دائمة الحمد · 2014-08-01, 23:09

الف الف مبروك عزيزتنا بسملة ربي يبارك ويدوم النعم وعتبة خير كلش يهبل من العمرة لعقوبة لينا للنجاح لعقوبة للباك ولوليداتنا جميعا للفيرمة الله يبارك وربي يعيش ليكم الوالد ويخليكم تحت جناحو
الباروك من الارشيف الجديد تاع رمضان والعيد

islam1aya · 2014-08-01, 23:13

بسم الله ماشاء الله
كل الحلويات روووعة بسملة مبروك عليها لعقوبة للباك
مبروك لاختك العمرة وعمرة مقبولة والله لا يحرم مؤمن منها
الخيمة رووعة خير من تاع القدافي الله يرحمو
والعزبة اروووووووووووووووع تبارك الله ربي يطول في عمر الوالد ويحفظهولكم
وقيلا نبدل سرسورة خخخخ نتناسب معاك ههههه
وما تخفيش غير تصاور الي فيها
وسلميلي على دادو تسالني صحن تع تمر معمر بالزبدة تع البقرة

soha1987 · 2014-08-01, 23:15

اللله الله هدوك الخيرات ربي يدومها نعمة
مبروك السزيام لبسملة ولعقوبة النجاحات في المستقبل
مازال نجيب الباروك
غدوة ندخل ان شاءالله
تصبحون على خير

islam1aya · 2014-08-01, 23:20

سارة شكرا حبيبتي شهتيني حاجة بسيطة ولكنها هايلة بصحتكم

ام سهام 02 · 2014-08-01, 23:21

الف الف مبروك العتبة الجديدة الله يجعلها فال خير لللجميع
الف مبروك نجاخ بنتك و عمرة اختك و الله الله على هذيك الحطة في العزبة بصحتكم

ادرارية · 2014-08-01, 23:22

سم الله وما شاء الله الله يجعلها عامرة بالافراح والمسرات والله يكثر الافراح ومبروك على اختك العمرة ولعقوبة للحجة ومبروك على بنتك السنكيام ولعقوبة لنجاحات اخرى امين يارب العالمين

بشرى2008 · 2014-08-01, 23:26

باروك من الارشيف وواحد جديد
نبداو بالجديد هدا صابلي الزيت نتاع ريهامو ودرتو بفكرة فايزة 44

قريوش وبقلاوة بطريقة ام اماني

islam1aya · 2014-08-01, 23:27

ادرارية عضم الله اجركم والبركة فيكم
ام سام روووعة حلوياتك نقولها ونعاودها وهذاك الطبق هل هو معقودة

ام سهام 02 · 2014-08-01, 23:38

الله يخليك ام اية هذا من ذوقك الراقي
نعم هذيك معقودة مع اللحم طايب بصوص بيضاء