|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الورشة العاشرة الجلابه المغربيه.. سطايفيه
|
أدوات الموضوع | انواع عرض الموضوع |
2013-10-27, 01:34 | رقم المشاركة : 1 | ||||
|
الورشة العاشرة الجلابه المغربيه.. سطايفيه
السلام عليكم و رحمة الله وبركاته صباح الأنوار واشراكم واش حوالكم اليوم حبيت نحطلكم ورشة للجلابه المغربيه نبداو على بركة الرحمان تبعو الورشة هاذي اكيد بزاف لي يحتاجوها لابرانتي 2 حبت تخيط جلابة و توفر شوي فرنكات على روحها قلتلها رااني هنا ديتها و رحنا خيرنا كتان سبيسيال جلابات و فيه لي كولور الدنيا انا خيرت هاذ لا كولور تلاوي لوسخ شرينا 2 متر و نص و خيرتلها قالون روز 6 متر و قيطان والله ماعلابالي قداه هاوليك التيسو و ماعلاباليش واسمو كيما تعرفو الجلابة ولا العباية و لا الحجاب يحب يكون مستع شوية عليها انا زدت في العرض كومبلي 4 سم طبقي الكتان نتاعك على 4 و تحطي المقاسات حنا لا برانتي بطبوطة من بعد تسيباري الامام على الخلف و تطراسي الرقبة و فتحة المونش تعدلي فيها كيما سبق و قتلك سرسورة هاو ليك كيفاش من امام برك نوليو نفصلو لي مونش نطبقو الكتان نتاعنا على 4 توجور و نرسم المونش بالنسبة للطول درت 60سم و العرض 25سم و كي تفصلي المونش من الداخل قوسيه للداخل جهة المرفق و اخرجي للبوانيي نجيو للقلمونة على مانظن كاين بزاف موش فاهمين كيفاش جي ضك ان شاء الله تفهموها ساهله طبقي الكتان نتاعك على 4 و لا ماحبيتيش دوبليه على 2 من فوق المقاس راح يكون طبق الاصل مع الخلف يعني نفس عرض الكتف و فتحة الرقبة ببساطة لانو راح يركب فيها من اسفل كيما راكي تشوفي في الشلطات لخضورة من ثم تتجمل في بعضاها شوفي ضك تفهمي نكملو نخيطو تحكمي الطرف الامامي و تبداي تطراسي خط عمودي على مستوى الوسط و تلصقي القالون بهذا الشكل ااه قبل ما لصقنا القالون لابرانتي لصقت لافيزلين من داخل باش كي تفوت لخياطة من فوق ما تتكمشلهاش و دارت فونت صغيره من قدام باش تخطوي في المارشي ههه و طراسينا ديكوب بصح ما قصيناهاش غير بروفيزوار باش نفوتو القيطان و جي باهية و نفس الطريقة مع ليمونش و كذلك القلمونة و من بعد تركبي القلمونة في الكتف و الرقبة في الطرف نتاع الظهر و تلصقي الكتاف و من بعد ليمونش و تجملي لي كوتي و في الاخير تركبيلها لقفايل نتاع لحرير لي يديروهم في الجلابة وهاي ليك النتيجة تلبسها بالصحة لابرانتي ودمتم في رعاية الله و السلام عليكم و رحمة الله
آخر تعديل stayfiya 2015-07-25 في 20:42.
|
||||
2013-10-27, 04:39 | رقم المشاركة : 2 | |||
|
بارك الله فيك |
|||
2013-10-27, 06:07 | رقم المشاركة : 3 | |||
|
اختي كيفاش ركبتي القيطان |
|||
2013-10-27, 07:58 | رقم المشاركة : 4 | |||
|
|
|||
2013-10-27, 08:13 | رقم المشاركة : 5 | |||
|
يعطيك الصحة روعة |
|||
2013-10-27, 08:17 | رقم المشاركة : 6 | |||
|
مالقيت مانقلك غير ربي ينورك طريقك ويكملك للخير |
|||
2013-10-27, 08:23 | رقم المشاركة : 7 | |||
|
merciiiiiiiiiiiiiiiiiiiiiiiiiiiiii |
|||
2013-10-27, 08:43 | رقم المشاركة : 8 | |||
|
هههههههههههههههه سطايفية وحدك حابة نقولك راهي كاينة وحدة اسمها الهام07 في قسم الطبخ من سطيف عندها نفس الروح المرحة
نتاعك راح تتفاهمو ماشاء الله على سطايفية خيار الناس بنسبة للمسابقة راني صوت من قبل وراني متبعتكم بصمت ويعطيك الصحة على الورشة في ميزان حسناتك يارب |
|||
2013-10-27, 09:00 | رقم المشاركة : 9 | |||
|
يعطيك الصحة اختي سطايفية ........و ربي يجازيك خير الجزاء |
|||
2013-10-27, 09:26 | رقم المشاركة : 10 | |||
|
خمسة وخموس علليك يانواتنا |
|||
2013-10-27, 09:34 | رقم المشاركة : 11 | |||
|
بارك الله فيك |
|||
2013-10-27, 09:41 | رقم المشاركة : 12 | |||
|
تهبل يعطيك الصحة |
|||
2013-10-27, 10:25 | رقم المشاركة : 13 | |||
|
صباح النور اختي الغالية سطوفة انا بصراحة دخلت ليوم للمنتدى للاطلاع على جديده و عندي نية مسبقة بالاكتفاء بالتتبع بصمت لكن لما شفت الورشة نتاعك شفت انك حطيتيها على 2 صباحا لم اجد نفسي الا و اكتب هته الاحرف و الكلمات فادركت حينها اني اشتقت لكي بقدر لا استطيع بعده ان لا اقل لكي دمتي صادقة وفية سباقة للخير غاليتي |
|||
2013-10-27, 10:52 | رقم المشاركة : 14 | |||
|
يعطيك الصحة بارك لله فيك |
|||
2013-10-27, 11:05 | رقم المشاركة : 15 | |||
|
ماشاء الله سطاااااايفية يعطيك الصحة والله خير مبادرة منك غاليتي دوما مميزة بعطاءك الذي لاينضب ربي يعطيك ماتتمناااااااااااااااااااااااااااي .... |
|||
الكلمات الدلالية (Tags) |
...., العااااااشرة, الورشة, تضامن, جلفة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc