|
|
|
|||||||
| قسم الاعمال الفنية الرسم - السراميك - اشغال الابرة ابداعات و اعمال فنية مختلفة |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
فن العجينة الكميائية لمن يرغبن في فتح دورة للتعلم
 |
|
|
أدوات الموضوع | انواع عرض الموضوع |
2013-10-03, 13:58
|
رقم المشاركة : 1 | ||||
|
فن العجينة الكميائية لمن يرغبن في فتح دورة للتعلم
 كما وعدتك حبيبتي واختى المشرفة الغالية فيفي من قبل ان اضع دروس في العجينة الكميائية ان شاء الله يقدرني ربي ونعملو دورة رغم تجهيزات عرسي راني حااااااااصلة ههههههههههههه ماتنساونيش من صالح دعائكم حبيباتي اولا هذا الموضوع يكون تمهيد لدرس الاول ان شاء الله الا كان تفاعل  بداية حابة نوضح كاين فرق بين العجينة الكميائية والبورسولان الاولي بدون طهي والثانية بالطهي الاولي مع الوقت تشقق والثانية لالالالالالا وكل واحد واش يحب الاولي زاكية يعني تخدمي بيها شحال من حاجة والثانية قليلة حنا نحاول نبداو بالعجينة الكميائية باش نتعلمو مليح ونمشو يدنا وامبعد نطبقو البورسلان في البلدان الاوربية تتباع واجدة مثل هادي  يقولولها عجينة الفيمو حوست عليها في الدزاير مش متوفرة هادي بعض الصور من هذا الفن الجميل والممتع فن غير متناهي         هيا يا الفحلات شكون تحب تلتحق بالدورة تسجل اسمها باش نبداو الدرس الاول باذن الرحمان [img]https://forum.tawwat.com/images- بسم الله الرحمان الرحيم على بركة الله نبد الدرس الاول في فن العجينة الكميائية يتمثل في تحضير العجينة وتلوينها اخترت نوع العجينة لي طيب سهلة التحضير ومكوناتها طبيعية متوفرة في كل بيت لان كاين عجينة ماطيبش فيها السيليكون وهادي مع الوقت تتشقق  الفرع الاول تحضير العجينة اولا - مكونات العجينة  نحتاج 200 غرام غراء خشب ابيض (بونال) 145 مايزينة مغرف كبيرة زيت مغرف كبيرة عصير ليمون (كاين لي يستعمل الخل الابيض حنا مش متوفر عندنا كاين خل بالثوم ولا زيت الزيتون ههههههههههه) ملون ابيض اختياري انا مستعملتوش الفائدة منه عجينة تكون بيضاء اكثر نحتاج مغرف خشب او نيلون كسرونة تيفال تكون ماشي مخبشة في هادي الحالة العجينة تلصق وتصدقش ثانيا - تحضير العجينة نضع في كسرونة الغراء+ الزيت+القارص نخلط مليح  نضيف المايزينة ونخلط  وبعدين نضعها فوق النار تكون متوسطة ونبدا في التحريك وتقليب العجينة حتى تولي تتنصل من الكسرونة وتولي متماسكة ونعرفوها وجدت كي تولي ماتلصقش في المغرف ونمسها باليد ماتلصقش شوفي  نحضر ساشي او سيلوفان ندهن بالفازلين يدينا مليح ونبدا نخدم العجينة مليح باش نخرج الهوا      نغطوها شوية  وبعدها نغطيها مليح من كل الجوانب باش ما تيبسش ونخبوها في الثلاجة لحين الاستعمال  ملاحظات الدرس لازم نظف المغرف مليح وحنا نخلط في العجينة بمجرد الانتهاء نمسح المغرف والكسرونة باش غسيلهم يجينا ساهل المقادير لازم تكون مضبوطة الا ماعندكش ميزان استعملي طاس المكيال او اشري المايزينة قيس 145 غرام الفرع الثاني تلوين العجينة  هناك عدة طرق لتلوين العجينة الملون الغذائي متوفر في الاسواق لكن الوانه ليست جيدة مايعطيكش لون المرغوب فيه نفضل الالوان المستوردة متوفرة في محلات بيع لوازم الحلوي تتباع بالميزان الوان كثير رائعة وديري قرصة تتلون العجينة لازم ذرة ملون ماتشريش بزاف قيس 50دج (5 الاف تجيبك خير وبركة شوية منه يلون كامل العجينة قاسح ) الا مش متوفر في منطقتك استعملي العادي ممكن تلوين بالمكياج الا عندك مكياج خلاصت صلاحيتو ماترميهش استغليه كذلك التلوين بطلاء الاضافر عند جفاف العجينة نصبغها بطلاء وحسب تجربتي نلون العجينة قبل ما تجف ملاحظات الدرس نلون العجينة حسب الاستعمال يعني شوية لون اخضر شوية احمر ...........الخ دايما نخلي عجينة بيضاء احتياط دون تلوين [/url]الفرع الثالث الادوات المستعملة نحتاج مقص نحتاج هذي الاقلام  طوابع الحلوي غراء بريون (Paillettes) كل الالوان خيط الصيد ) سبيب ( يكون متوسط الصورة لاحقا ملمع نحتاجه في اخر مرحلة يمد لمعة وفي نفس الوقت يحمي من الماء الدرس الثاني ان شاء الله كيفية تشكيل الاوراق بكل انواعها نقدم اليوم الدرس الثاني هو عمل الاوراق لعمل الأوراق نلون العجينة بلون الأخضر هنا كل وحدة وذوقها فاتح او غامق ديري في بالك كي تنشف العجينة لون يتغير يولي حامق وقبل كل هذا ندهن يدنا بالزيت او الفازلين لتسهيل العمل وماتلصقش العجينة في يدينا هنا حضرت اوراق خدمتهم باليد ولوخرين بالمول انا نفضل اليد نتحكم في العمل احسن وتنوع يكون اكبر   الطريقة ناخذ كرية صغيرة على حسب الحجم المراد ورقة كبيرة ولا صغيرة نكورها مليح بين راحة اليدين  وبعدين نحلها من تحت شوية تولي هكا   بعدها نضغط بالسببة تولي هكا  او نضعظ بين السبابة والابهام مثل الصورة    نحضر مول الورقة ونحط العجينة عليه ونضغط باش تنطبع العروق فيها  او بالموس نعمل هذوك العروق  هنا نوعين كاين العادية ولا المشرشفة  لي عمل الورقة لي في اليمين ناخذ سكين ونضغط على الحواف لداخل بهذا الشكل   ونحاول بيدينا نتحفو الورقة يا جماعة هذا الفن يتطلب الاتقان الاتقان مطلوب في كل اعمالنا وفي اسفل الورقة نضغطو شوية الجانبين لداخل لنتحصل على عنق الورقة باش نقدرو نلصقو الاوراق لاحقا كما موضحة الصورة    هادى الصورة تفهموا كثر https://imup2.dorar-aliraq.net/2013-0...c077cc2a51.jpg في الاخير نتحصلو على هادي الورقة   وكل مرة نغيرو في شكل الورقة يعني تكون منحنية على جنب بطريقة بيسطة نضعها فوق السبابة ونلوي الورقة على الاتجاه المغروب ونخليها تنشف  ثانيا عمل الوراقة بالمول كاين لي تباعو سيري فيها 3 قطع كبيرة متوسطة صغيرة دائما ندهن مكان العمل بشوية زيت نفرط العجينة ماذبيكم تكون حاجة بلاستيك احسن نستعمل فاتر خشين خلاصي مارميتوش الحاجة ام الاختراع هههههههه كما موضح في الصورة و انتم واش تصيبو في الدار    نحط الورقة في راحة اليد اليسري اكيد رانا نخدمو باليمنى نحاول نتحفها وندير عنق الورقة كما وضحت من قبل وزيدو شفو الصورة الاولى لتوضيح اكثر نحاول نجمعلكم اكثر من طريقة نحل العجينة وناخذ المول وبعدين نحضر ورقة حقيقية من الطبيعة ونحط العجينة عليها مع الضغط لنسخ العروق مثل الصور مؤخذة من النت     ملاحظة الدرس لون يتغير عندما تجف العجينة عند نهاية التشكيل العجينة توضع على الفركي ماعرفتش كيفاش يقولولو بالعربية لي نصيبوه في الاجهزة الكهرومنزلية مثل الصورة دهن اليد ومكان العمل بالزيت او الفازلين الدرس الثالث الازهار ان شاء الله يكون درس متنوع الدرس الرابع فواكة الخامس هذا الارنوب لتزين المفاتيح (بورت كلي )  الدرس السادس عمل بعض الحلويات (بورت كلي ) رابط الدرس الثالث كيفية عمل الورود https://www.djelfa.info/vb/showthread.php?t=1543231  [/COLOR]
آخر تعديل *أم كوثر* 2013-10-24 في 18:51.
|
||||
|
|
2013-10-03, 14:52
|
رقم المشاركة : 3 | ||||
|
اقتباس:
وعليكم السلام ورحمة الله وبركاته
شكرررررررررررررا على الدعوة لك مثلها ان شاء الله من دواعي سروري انظامك معانا وزيادة الخير خيرين ممكن تدمجي العالمين مع بعض وتبدعينا باشكال جميلة  |
||||
|
|
|
2013-10-03, 20:46
|
رقم المشاركة : 8 | |||
|
مشكورة اختي رودينا على الالتفاتة الطيبة |
|||
|
|
|
2013-10-04, 14:33
|
رقم المشاركة : 9 | |||
|
mabrouuk iftitah el warcha ana habit naltahak mé ma3andich camera mé maalich rani ha ntaba3 kamel el dorouss |
|||
|
|
|
2013-10-04, 16:46
|
رقم المشاركة : 11 | |||
|
الف مبروك وربي يهنيك عزيزتي ابدئي بسم الله نحن على الدرب ورائك ان شاء الله ام عبد الحق |
|||
|
|
|
2013-10-04, 21:19
|
رقم المشاركة : 13 | ||||||
|
اقتباس:
وعليكم السلام ورحمة الله وبركاته مرحبا بيك اختى ومنورة الورشة اقتباس:
اااااكيد نبداو حبيبتي ماتقلقيش الشغل لمليح يطول اقتباس:
يبارك في صحتك با الغالية والعاقبة ليك ولكل لبنات ان شاء الله
ان شاء الله تكون دورة خير على كل لبنات وماذابيا اي وحدة تعرف هذا الفن تنظم لينا باش الكل يستفيد الدورة تنور بوجودك حبيبتي وبوجود كل الاخوات ان شاء الله |
||||||
|
|
|
2013-10-04, 21:33
|
رقم المشاركة : 14 | ||||||
|
[ اقتباس:
يبارك فيك يا لبلوندا منورة المهم تتعلمي وتستفيدي ماذابينا نشوفو ابداعك اقتباس:
 بيك معانا عزيزتي عندي طلب حبيبتي بعد اذنك اكتبي ان شاء الله هكا اقتباس:
منورة حبيبتي ام عبد الحق قريبا نباشر الدروس ونشوف ابدعاتكم المميزة
ومشككككككككككككورة على الدعوة ونشكر كل الاخوات ربي يهنيكم ان شاء الله ولي عندها اي نية في قلبها تكون مقضية ياااااااااااااااااااااااااااا ررررررررررررررررررررررر ب |
||||||
|
|
|
| الكلمات الدلالية (Tags) |
| العجينة, الكميائية |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
فن العجينة الكميائية لمن يرغبن في فتح دورة للتعلم
العرض العادي
