موضوع مميز من عند يراسمين 26 الى ام نجم الدين

yarasmin26 · 2013-09-30, 18:31

اليكي الوصفة ولكن لازماك الصبر فيه باه يخرجلك
وكل وصفاتي راهم في روابط في يراسمين ترد على التساؤلات

اسفة على التأخير حبيبات عمري اليوم نعطيكم وصفة les gateaux sec ولكن ارجو التقيد بالمعلومات لانه حلوى حساسة اي محل حلويات مايكثرش منها لانه تعذبو شوية ولي ايقول العكس اعرفوه بلي راه....... المهم نبداو بالمقادير 1 كلغ فرينة+500 غ سكرالقلاصي+10 بيض 500غ مارغرين 10 غ خمارة الحلوى+30 غ لفاني+كاس مايزينة ضربي الزبدة+ السكر بسرعة02 حتى تصبح كريمة ثم اضيفي البيض غير ب2 حتى الانسجام والتداخل بسرعة03 +كاس مايزينة وتروكيه يتداخل بالباتوغ مدة الاختلاط10 د منبعد اضيفي الفرينة +لفاني+الخمارة حتى تصبح عجينة طرية ضعيها في كيس حلواني وصنعي وردات+ خط بطول6 او7 سم حتى تكملي العجينة في الفرن ساخن يطهى حتى يحمار خرجيه كي يبرد اغطسي احد الجوانب في الشكولاطة اولااسراره*ماتتقلقيش كي تكوني اديري فيه لانه المرحلة الزبدة+السكر تكون اطول بالباتوغ مليح الي عندها الة العجن *قدما طولتي فيه وانت تخدمي ايجيك هايل*مدة الطهي مانقدرش انمدهلكم لانه كل واحد والفرن انتاعو المهم من الاحسن كوشة الحديد الي انطيبو فيها الخبز*ولي معندهاش كوشة الحديد ديروه في الكوشة عادي وعسيه باه ماينحرقش* مراعة السرعة اكيدة مازيدي ماتنقصي *astuse*سي حبة واحدة في سنوى اذا شفتي انحلك اضيفي المايزينة وهذي هي السر انتاعو*الفرن ساخن 200 درجة او كل واحد والفرن انتاعو المهم يحمار وقدما يشد روحو بالتوفيق للجميع مشي خسارة فيكم الوصفات تستهلو راكم في القمة تحياتي لكم اذا حبيتو اي وصفة قولولي وشكرا

moslihe29 · 2013-09-30, 20:13

شكراااختى بارك الله فيك وصفاتك دايماامضبوطة

oum ibrahim · 2013-09-30, 20:20

الف شكر عزيزتي ياراسمين على الوصفات الي تقدميهالنا هل هاذي نقصدي بيها البتي فور ؟؟؟ لانك قلتي نشكلوه بالكيس الحلواني
عندي ليك استفسار اذا ممكن تقوليلي كيفاه يديرو في المحلات هذاك البيسكوي الرقيق الي يعملو بيه البيسكوي رولي او يديروه طبقات و بينهم الكريمة و يزينوه بالفواكه
اسمحيلي كثرت عليك لكني واثقةفي كرمك ما تبخلي حتى واحد بارك الله فيك

ام خيرو · 2013-09-30, 20:29

بارك الله فيك

ام تقوى 2009 · 2013-09-30, 20:29

100000000000000000000000شكر وبارك الله فيك

أم ماجد · 2013-09-30, 20:50

توحشناك ياراياسمين
يعطيك ماتتمناي

*أم كوثر* · 2013-09-30, 20:53

بارك الله فيك ياسمينتنا

منورتنا بعد الغياب
اهلا وسهلا

*أم كوثر* · 2013-09-30, 20:54

بارك الله فيك ياسمينتنا

منورتنا بعد الغياب
اهلا وسهلا

ام ولي · 2013-09-30, 21:19

بارك الله فيك

لمسة حنية · 2013-09-30, 22:40

ماشاء الله نحب نوع هاذ من الحلويات ولازمني نجربه على قريب ونردلك الخبر بارك الله فيكي ومرحبا بيك عندنا

yarasmin26 · 2013-10-01, 10:46

[QUOTE=oum ibrahim;1054488466]الف شكر عزيزتي ياراسمين على الوصفات الي تقدميهالنا هل هاذي نقصدي بيها البتي فور ؟؟؟ لانك قلتي نشكلوه بالكيس الحلواني
عندي ليك استفسار اذا ممكن تقوليلي كيفاه يديرو في المحلات هذاك البيسكوي الرقيق الي يعملو بيه البيسكوي رولي او يديروه طبقات و بينهم الكريمة و يزينوه بالفواكه
اسمحيلي كثرت عليك لكني واثقةفي كرمك ما تبخلي حتى واحد بارك الله فيك [/QUOTE

راكي تقصدي تاع لتارت هذاك سموه بسكوي سفواغ راني مقدمة الوصفة انتاعو شوفي الروابط تاع الوصفات انتاوعي راهم في قسم يراسمين ترد على تساؤلات
وبالتوفيق

sayo.maya · 2013-10-01, 11:14

:1 9:je vais l'essayer nchallahmerci!

natacabell · 2013-10-01, 13:29

شكرا لكي يعطيك الصحة

أم ريمة* · 2013-10-01, 15:29

شكرا بنيتى بارك الله فيك

ساندي 28 · 2013-10-01, 15:35

ياعمري والله فرحت من قلبى ربي يحفظك اختى بارك اللله فيك وشكرا على الوصفه والاهداء الرائع اليوم برك الي شفتو ان شاء الله يجعلو في ميزان حسناتك يارب وربي يكتر من امتالك وعد ان شاء الله نجربو راني شفت تطبيق لاحدى الاخوات وهبلت عليه ربي يخليك والله من قلبى شكرا شكرا شكرا حنونه