معجنات رمضانية

ام عبودة · 2013-06-10, 08:15

اهلين حبيباتي واش راكم ان شاء الله لاباس
كنت ندور في قوقل صبت هذه الوصفة الرمضانية عجبتني قلت نحطهالم تشوفوها معايا
هههه انا قلبي عليكم غدوة رمضان الطابلة* ما شاااء الله * حتي ما تصيبوش البلاسة
هي عجينة وحدة تحبيها حلوة او مالحة لكن المقادير وحدة
فنجان ماشي مليان سكر
5 كيسان فرينة
2 ملاعق اكل حليب بودرة
ملعقة قهوة الى ملعقتين خميرة خبز
2 كيسان ماء دافئ
ملح
اذا حبيتي المعجنات حلوة مثل البريوش استعملي مقدار السكر المذكور اعلاه واذا حبيتيها مالحة يعني فيها حشوات خضر او لحم
نقصي السكر يعني ربع الفنجان
الطريقة /
العجينه تتكون من مرحلتين
في الاولى تخلطي جميع المقادير الفرينة فقط ديري 2 كيسان وتتركيها عشر دقايق وراح يكون شكلها سائل شوية
وبعدها تحطين مقادير المرحله الثانيه عليها
3 كاسات دقيق + نصف كاس زيت
و تعجنينها ... بالاول ممكن تلصق في ايدينك لكن عادي حطي في يدك القليل من الزيت او طحين وابدي اعجني فيها وكل ما طولتي عجن فيها راح تكون احسن واحسن
الى ان تتكور معكي وتصبح ملسه وما تلصق في الوعاء ...وتعجن جيدا وتستخدم على طول

ام عبودة · 2013-06-10, 08:16

الى المفيد الحشوة الاولى
2 بطاطس متوسطة مسلوقة و مهروسة ناعمة
1 بصله متوسطة مفروم
1 فلفل حار متوسط مقطع قطع صغيرة
2 طماطم متوسطة مفرومة
ملح ، فلفل اسود , عكري حلو
الطريقة
نضع البصل و الفلفل على النار مع قليل من الزيت حتى يذبل ثم نضع الطماطم ونتركة حتى تعقد
نضع عليه و الملح والفلفل والعكري الحلو و نتركة لمدة دقيقة ثم نرفعة من النار
نضع عليه البطاطس المهروسة و نحركة بالملعقة حتى تندمج المقادير مع بعضها
هذه الحشوه

او ممكن تلفيهم على شكل سوارة

ام عبودة · 2013-06-10, 08:17

الحشوة الثانية

تسلق صدر دجاج و يفتت ثم تقلى مع بصل وملعقة زيت ثم البهارات فلفل اسود/كاري/ملح وتبشر عليها جزرة
الخضار( فاصوليا خضراء /جلبانة/ذرة تاع العلب) حتى تنضج المكونات وهذا شكلها

بواسطة الاصابع اعملي لها حواف يعني اقرصيها

وبعدين ادهنيها بالبيض و حطي عيها سانوج وسمسم اي جلجلان

ام عبودة · 2013-06-10, 09:06

الشكل الاخير يشبه البريوش الحشوة انت واش تحبي ممكن مطسرات او جبن
هنا استعمل جبن كيري وبالصور ممكن تشكلي وردة

وممكن ترشيها بالسكر العادي ودخليها الفرن او تسقيها بالعسل بعد ما تنضج

وبصحتكم حبيباتي
استنوني راني مخلوعة من رمضان ههه راني قاعدة غير ندور على الاكلات الخفيفة بويسك حنا السخانة تلحق حتى 40 45 درجة نموووووووووووووووووتو ما تنفع على حريرة ولا طواجن غيير البارد
ههههههه