كيف تتعاملون مع مشكلة الامساك عند اطفالكم

/زهرة عصفور الجنة/ · 2013-03-12, 19:55

ابنتي البالغة من العمر سنتين ونصف تعاني من امساك منذ ثلاثة ايام وهذا الامر لم يحصل معها من قبل اعطيتها تحميلة غليسيرين ولكنها تتألم هي معتادة على اكل اكلنا ولكنني فضلت ان اعطيها حساء خضر بزيت زيتون دون اضافة بطاطا وتفاديت اعطائها مشتقات الحليب واعطيتها عصير برتقال دافيء محلى بالعسل قالوا لي انه مفيد وانتم كيف تتعاملون مع المشكلة

مطيعة زوجها · 2013-03-12, 22:43

اعطيها ملعقة ماء ساخن في الصباح على الريق

واكثري من زيت الزيتون

وداوميلها على عين بقرة اعطيها حبة صباح حبة في الليل درك تتسهل امورها ياذن الله

إيناس2005 · 2013-03-12, 23:06

ان شاء الله لاباس على بنتك اختي اعطيها كاس او اثنين من الحليب قريب بارد حتى لاتمرض من اللوزتين عفاها الله وذلك على

الريق ثم حاولي تعرفي هل تعرضت ابنتك لموقف نفس مثلا الخوف لان الانفعالات النفسية تحدث الامساك ورب يحفضهالك

/زهرة عصفور الجنة/ · 2013-03-13, 08:17

بارك الله فيكن

أم ياسين الزهراء · 2013-03-13, 08:23

البارح حطيتلك رد بصح راح مع الريح

شوفي اختي كان وليدي دايما عندو امساك وعيت درت كلش بصح 000000000000 ومبعد درتلو زريعة الكتاب ترحيها في رحاية القهوة وديريلها شوي ماء ومعها شوي عسل واعطيلها على الريق مدة 3 ايام وان شاء الله تنفع كيما نفعت وليدي الكمية مغرف كل صباح

/زهرة عصفور الجنة/ · 2013-03-13, 08:28

اقتباس:

المشاركة الأصلية كتبت بواسطة أم ياسين الزهراء

البارح حطيتلك رد بصح راح مع الريح

شوفي اختي كان وليدي دايما عندو امساك وعيت درت كلش بصح 000000000000 ومبعد درتلو زريعة الكتاب ترحيها في رحاية القهوة وديريلها شوي ماء ومعها شوي عسل واعطيلها على الريق مدة 3 ايام وان شاء الله تنفع كيما نفعت وليدي الكمية مغرف كل صباح

اختي لا اعرف هذه الزريعة

ام هبه · 2013-03-13, 08:50

اختي اعطيلها تيزانة عادي تكون دافية مايله للسخونة يعني باقصى درجة حرارة تتحملها بنيتك مع ملعقة زيت زيتون مخلطين مع بعض.فعالة.سريعة وسهلة .كنت انديرها مع بنتي .كانت تشرب قيقوز تاع البيبي وكانت طول اتعاني حتي جربتلها...وان شالله خير.

بنت الحاج · 2013-03-13, 09:46

اقتباس:

المشاركة الأصلية كتبت بواسطة **أم محمد يحي**

اختي لا اعرف هذه الزريعة

السلام عليكم
هي أكيد تقصد زريعة الكتان وكتبتها بالخطأ،معروفة و مفيدة للإمساك، دائما نشتريها لفوائدها الكثيرة
هذه صورتها لتتعرفي عليها:

يمكنك إعطاؤها التين المجفف ولكن بعد التبخير ( يعني تفوّريه ) لكي يصبح طريا + زيت الزيتون.
ربي يشفيها

أم أولادي* · 2013-03-13, 10:44

اختي ماتعطيلهاش لحليب وفورماج راهم يبسو ويديرو الامساك اعطيلها غير حاجة سخونة وكاينة فرينة تاع الاطفال تتباع تنحي الامساك ديريهالها وجبة وشوفي النتيجة بشفاء

أم ياسين الزهراء · 2013-03-13, 20:07

اسفة لم انتبه صح كنت نقصد زريعة الكتان

ام غالية · 2013-03-13, 20:47

انا نمد لابنتى ياغورت على الريق ثم عصير صدقينى طريقة هايلة

ام عبودة · 2013-03-14, 16:02

ربي يشفيهالك
علاه ما جربتيش ياغورت اكتيفيا +
تاع القرع الصغيرة او حتى العلب والله غير ينفع وراه حتى ينظملها الهضم تاعها

/زهرة عصفور الجنة/ · 2013-03-14, 21:38

بارك الله فيكن لحمد لله شفيت اعطيتها عصير البرتقال الدافيئء المحلى بالعسل وحساء خضر مكون من كرافس ومعدنوس وقرع وبسباس فقط مع اضافة كمية من زيت الزيتون

ام عبودة · 2013-03-14, 22:51

الحمد لله على شفائها

/زهرة عصفور الجنة/ · 2013-03-16, 18:59

بارك الله فيك ام عبودة