بقلاوة لعراس باسرارها من عند يراسمين 26

yarasmin26 · 2012-09-23, 13:43

صباح الخير اسفة على التاخير في عرض مواضيعي راكم عارفين العمل هو الى معطلني المهم نعطيلكم اليوم اسرار البقلاوة باه كاع تنجحو فيها ويكون الذوق انتاعها رائع

المقادير
المكيال انت تختاريه
العجينة
4 كيلات فرينة +1 كيلة مارغرين {صول } مذوبة نعم السر هو مارغرين صول وهي خاصة بالحلويات وخصوصا الصابلي
+لفاني غبرة+ماء دافئ +ماء الزهر
الحشوة
3 كيلات لوز او كاوكاو على الطريقة الى قدمتها+1 كيلة سكر قلاصي+ لفاني +مبشور الليمون+ رشة قرفة + رشيها بماء الزهر على شكل فتيل

*ثم في الاخير السر انتاعها في العسل { عسل خفيف + السيرو } مخلطين مع بعض

*متنساوش السر الثاني وهو ذوبي الزبدة صول مع السمن المدينة ودهني بين الطبقات

* بعدما تلمي العجينة وخليتيها ترتاح حليها مليح ثم حليها في الالة وانثري اعليها المايزينة وخليها في الرقم الاخير او ماقبل الاخير حسب كل الالة وستفي الطبقات انتاوعك ومابين كل طبقة ادهنى بالزبدة صول مخلطة مع السمن ديري 7 طبقات من التحت ثم ديري في الطبقة 7 الحشوة دون وضع الزبدة وستفي كامل الحشوة انتاعك ثم ضعي الطبقات انتاوعك الباقية هم 6 طبقات منبعد قطعيها مربعات او مثلث ورشقي اللوز او الكوكاو او الجوزة كيماتحبي وزيدي ادهنى من فوق بالزبدة وخليها ترتاح شوية
سخنى الفرن انتاعك على 180 درجة وديري السنوى في الوسط وخليها مدة 45 د فقط طفي اعليها من الاسفل واشعلي اعليها من الفوق قدما تحمار ومن جهة اخرى اتكوني دفيتى العسل انتاعك وصنعتى السيروعادي ماهو ثقيل ماهو خفيف في الوسط ثم خلطيهم مع بعض وسقي البقلاوة انتاعك وخليها قدما تشرب العسيلة ديريها في ليكيسات

بالتوفيق لجميع وانشاء الله انكون اشرحتلكم مليح

oum arwa · 2012-09-23, 13:50

بارك الله فىك

remadna · 2012-09-23, 15:14

الله يبارك فيك
يعطيك الصحة
امي تسقيها بالعسل الخاثر لكي تبقى تقرمش
و اذا سقتها بالعسل خفيف تجي طرية

أم ياسين الزهراء · 2012-09-23, 16:31

الله يعطيك الصحة وربي يجازيك خير على كل ماتقدميه

sofiane2075 · 2012-09-23, 16:35

شكرا اختي دائما مميزة الله يجازيك كل خير

الحياة فرصة · 2012-09-23, 16:53

ال

جزاك الله كل خير ربي ىعطىك ماتتمناى انا شخصىا رانى استفدت بزاااااااااااااااااااف من كل الاسرار لى راكى تمديها بكل اخلاص شكرااااااااااااااااااااااااا