الجزء 182 من الكوزينة( ان شاء الله تكون فاتحة خير عليكم) - الصفحة 64

بيلسان91 · 2017-10-20, 12:48

هاو غدانا لوبيا فصاص

بيلسان91 · 2017-10-20, 12:50

اقتباس:

المشاركة الأصلية كتبت بواسطة fifilondon

اهلا ام يوسف بصحتك الشربة والفلفل
وردة اطباقك تشهي وبصحتك حتى انا درت شربة عدس وزدت معاها سلطة باتنجال وفلفل مشوي

هدا عدس احمر ولا خاطي
بصحتكم لغدا

بيلسان91 · 2017-10-20, 12:58

اقتباس:

المشاركة الأصلية كتبت بواسطة أمنية غفران

وين رحتو خياتي ارجعو ارجعو تحتفلو معانا

البارح كان عيد ميلاد أحلى نانا قفلت 101 الله يبارك و هي من كبار عائلة زوجي و هي من اكبر مشجعي لطيابي ربي يحفظها يعجبها واش ندير احم احم احم و علاجالها نرمي لي فو بروبلام نتاع الدار ورا ظهري

شوفو الكيكة الي درتها و قولو لي واش رايكم

تهبل تقول مخدومة عند مول لباتيسري

بيلسان91 · 2017-10-20, 13:32

اقتباس:

المشاركة الأصلية كتبت بواسطة أمنية غفران

السلام عليكم و رحمة الله تعالى و بركاته

أخواتي الكريمات كيراكم واش هاد الغياب الجماعي غي الخير

ما دخلتش البارح كانت عندنا مناسبة عيد ميلاد سبيسيال من بعد نقول ليكم عليها

اختي فيفي يعطيك الصحة على تنوير الكوزينة ربي يحفظك

نحط ليكم عشانا كان دوبارة بسكرية حارة حارة يميمي مع هاد النو يا سلام امممممممممم

لي عودة بعد قليل ان شاء الله

مالا دوبارة هي حمص بعد ليوم وين فهمت وش هو دوبارة

أمنية غفران · 2017-10-20, 13:51

السلام عليكم و رحمة الله تعالى وبركاته

أخواتي الكريمات جمعة مباركة

ام يوسف كيراكي ريحتي شوية و كيراه وليدك معليهش شوفي راني وليت قسنطينية احم احم وين راها ام هدول

حبيبتي بيسو الله يسلمك و يحفظك و دوبارة مكونها الاساسي الحمص و حتى الفول اليابس طبعا شوفي راهي دايرتها اروجة الزينة الفحلة نتاعنا

https://www.djelfa.info/vb/showthread.php?t=1951979

امممممممممم اليوم فطورنا كان شخشوخة بنينة و هادو صور ارشيف فوتو كوبي

في أمان الله

أم يوسف2 · 2017-10-20, 17:55

امنية اختي وشراكي والله يسغسي عليك الخير رانا الحمدلله
وان شاء الله كل عام والبركة تاعكم بخير علابالك هاديك الكعكة راهي في بالي ماحبتش تروح والله درتيها ماشاء الله تقول مشرية

أمنية غفران · 2017-10-20, 19:36

السلام عليكم و رحمة الله تعالى و بركاته

أخواتي الكريمات صحا عشاكم كامل عضوات و زائرات و كواليسات

اختي ام يوسف ربي يحفظك عيونك هما الي حلويين شافو الكعكة شابة احم احم و التزيين بسيط واش كان في الكوزينة شوي رمان و حلقومة و حبيبات شوكولاطة ملونة و كانت باقيالي طرونشات اناناسة قطعتهم باش درت الوردة هادا ما كان ههههههههههه

حبيباتي اليوم عشانا كان شكشوكة فلفل حلو و طماطم و درت لمسة رزوقة اكيد زيت زيتون اممممممممم

حبيباتي تصبحون على ما تتمنون

في أمان الله

أمنية غفران · 2017-10-20, 19:49

اه نسيت تفضلو قاطو روس الوصفة في صورة

ام هدول · 2017-10-20, 21:03

مسالخير ،،،،واش راكم ما عليكمش لاباس،،،،صحة عشاكمً
امينه عشاك يشبه لعشايا،،،تقول ولاد عم،،هههه امينه عينيك يهبلو
ربي يبارك،،،
ورده،،،،بصحتك لعدس والما سيدوان
وكدلك فيفي بصحتك لعدس والسلطة المشوية ،،،،
ام يوسف بصحتك واش تعشيتي
شكرا امونه هلى الوصفات المصورة

ام هدول · 2017-10-20, 21:05

سحابة باردة · 2017-10-20, 21:06

مساء النور بصحتكم الشهيوت ياحراير
أم هدول راني كتبتلك الوصفة منعرف إذا شفتيها

ام هدول · 2017-10-20, 21:09

ايه سحوبه مليح لي فكرتيني راني احتضفت بيها قيد التجريب ان شاء الله ونشكرك من كل قلبي عزيزتي

ناهدوران · 2017-10-21, 00:40

مساء الخير

ام هدول · 2017-10-21, 08:46

صباح الخير ،،،،،وينكم يا اهل البيت
اهلين ناهد دوران واش راهي قسنطينة ماعليهاش شويه قالولي البرد والنو ،،،،???? سلميلي عليها بزاااف ماش قليل
انا اايوم غدايا حريره والحميص لي بقالي نزيدلو شويه شكشوكه ونعمل خبيزات محشين بيها،،،وندوش لبنات الصغار ونشيحلهم شعرهم ونراجع الفرنسيه ،،،هههه حكيت قصة حياتي،،،،سلااام

أمنية غفران · 2017-10-21, 09:15

أخواتي الكريمات صباحكم رباحكم ميات كروسة قدام بابكم ياك تعرفو شحال راهم يديرو السيارات هههههههههه

حبيبتي ام هدولة لالا هاديك ماشي صورتي الشخصية نونو
هادي صورة من النت درتها بروفايل نتاعي في الفيس باش تعرفوني برك

صحا قهوتكم انا تقهويت بنص حبة مقروظ خاطرش الحبة كبيرة هههههههههه هادا نتاع زميلتي في العمل دارت باروك كي جابت البارمي ههههه عاقبة للطونونبيل

ان شاء الله اليوم فطورنا تليتلي بمرق ابيض اممممممممممممممممم

السلام عليكم