أقسام تحضيرية (les classes preparatiores

[johnson250]

بسم الله الرحمان الرحيم
أريد الإستفسار حول سنتين الأقسام التحضيرية و الأقسام التحضيرية المدمجة و المسابقة ؟؟؟
وفي حالت عدم التفوق في المسابقة مادا يحصل بعد دالك.وكيف أكمل الدراستي ؟؟؟
وشكرا على أي مبادرة

[amor_info]

بعد فشلك توجه الى احد الاختيارات الموجودة من العشرة التي اخترتها في البكالوريا الدراسة صعبة جدا الفرنسية لغة التكوين والمسابقة لا ادري ليست مضمونة المعرفة بزاف وحتى المدارس لي بعدها ضعفت بزاف

[elhoussam]

سلام ، حبيت نجاوبك على سؤالك أنا كنت نقرا فيها ( المدرسة التحضيرية للعلوم والتقنيات - تلمسان) ما جبتش العام
ومانيش عارف وين رايحين يوجهوني ( طبعا للجامعة )
لقرايا بالفرنسية كل المواد بالفرنسية رايحين يلعبولكم بالمورال
لقرايا من 8-12.30 ومن 14.30-17.30 كل يوم لازملك تكون خباش كبير معندكش الحق نتاع الإعادة مكانش راتراباج

كاين 10 موديلات
فرنسية français
إنجليزية anglais
رسم تقني dessin technique
إعلام آلي informatique
تحليل ( أصعب موديل ) analyse
فيزياء physique
كيمياء chimie
جبر algebre
إحتمالات probabilité
علم الاجتماع sociologie
وفي 2eme كاين 14 موديل
باي

[ibsa2007]

sa7a houssam moi l7ila
wach fritha petro chimie??????

[elhoussam]

saha miad mazal

[ghtrouge-israa]

في المدارس التحضيرية تقرا سنتين و لازم جيب عامك و طلع كل موديل ب10 و كاين مدارس لي تكون العتبة اقل من 10 و ادا عاودت العام او منجحتش في الاخير في المسابقة راح تتوجة سنة اولى للجامعة في نفس الاختصاص او يشبهه لي كنت دايرو في الاقسام التحضيرية

[بسازوكي]

خوياانا نقرا بالمدرسة التحضيرية للعلومالاقتصصادية والتجارية
شوف نقولك ومنكذبش عليك مراهمش ملاح لقرايةبزاف 24ساعة /25 و7ايام /7اياموزيد الضغط راهم يلعبو على المورال كيما قال الاخ قبيلة وراناش عارفين لحد الان المصير تاعنا انا الحمد لله نجحت وللي نجحش راهم وجهوهم للجامة اظن سنة اولى وكي متنجحش في الكونكور بعد سنتين شقاء توجه للجامعة نفس التخصص وعندك الحق تعاود مرة الكونكور وزيد الكونكور راح يجوزوه معانا ليماجور تاع الجامعة
لي موديل عندنا 10 سنة اولى وكلهم مهمين ولازم تخرجهم ولازم تكون فووووووووووووور بزاف في لي مات وماشي المات تاع ليسي انساها متدير والو
منيش نبريزي فيك مي هذي الحقيقة المدارس التحضيرية عندها قانون يا تقدر يا متقدرش وليك الاختيار

[mouloudia_26]

نعم اخي كيما راهم يقولولك الاخوة انا ايضا اقرا مدرسة تحضيرية علوم وتقنيات بتلمسان او الحمد لله جبت عامي مي خويا القراية انتاع الليسي انساها ماكاش حاجة ساهلة او ادا راك حابها لازم تتعب
بالتوفيق اخي

[johnson250]

السلام عليكم أشكركم على الإجابات
...كم كان عددكم في اقسام التحضيرية؟؟؟وكم كان عدد القبولين في المسابقة؟؟؟وكم تم قبولهم؟؟؟
وأرجو توضيحا اكثر وجزاكم الله خيرا

[mouloudia_26]

العام الماضي السنة اولى كنا 450 في بداية العام كاين الي بدل كاين اللي حبس المهم في الاخير 199 نجحو ولاخرون لا اعرف اين تم توجيههم
اما السنة الثانية فكان عددهم 153 تم قبول 93 لاجتياز المسابقة الوطنية و تم السماح ل 50 باعادة السنة اما 10 فلا اعرف مصيرهم