طلب مساعدة بخصوص نبات الخيزران

[مُحمد رازي]

المشاركة الأصلية كتبت بواسطة أنا ستازيا

يعطيك الربح أخي محمد والله ضحكتني

هو صح في الاسطورة يقولو عليه نبات الحظ و الطاقة الايجابية لكن انا قصدتو هو بالذات خاطر بغيت ندير نباتات داخل الدار لأنو نباتاتي لي نديرها في الخارج كل ما يلحق عليها الشتا تتخسّرلي وتفسد بسبب البرد القاسح و الجليد ....

وكي بحثت عليه لقيت بلي هو من احسن النباتات لي تصلح تندار داخل الدار لأنو ينقيها من غاز ثاني اكسيد الكربون و مايشكل حتى خطر على صحة الانسان بالعكس الاخضرار من العوامل لي تساعد عل الاسترخاء (ثلاثةٌ يُذهِبنَ الحَزَنْ : الخُضرَةُ و الماءُ والوَجهُ الحَسَنْ)..

على هذا حبيت نعرف بالتدقيق طريقة غرسه والمحافظة عليه (الزهر لازم نتهلاو فيه )و للأسف الشديد لحد الأن مازال بحثي مستمر على هذا النبتة لي مالقيتهاش متوفرة لا عند البائعين ولا في المشتلة ...

اعتقدت بأن البامبو متوفر عندكم و كان عندك تردّد من اقتنائه خوفا من عدم مقدرتك على الاعتناء به ، و صح بدوري لم أصادف هذا البامبو في طريقي يوما حتى المدينة التي أقطن فيها معروفة فقط بالحشائش الضارة و لا سبيل لوصول الورود عندنا أو مثل هذه النباتات ، لكن لو صادفت يوما نبات البامبو سأقتنيه أيضا درتيلي السوسة بشأنه ، و لأصدقك القول فلم يسبق لي تجربة زراعته من قبل بل حالي كحالك بحثت عليه و قريت معلومات بشأنه و لقيت فعلا بأنه نبات مثالي يستحق الاقتناء ، و للأسف الحاجة القيمة تكون في الغالب نادرة و نبات البامبو كيما قلتِ يعتبر نبات فول أوبسيون ، اعتقد بأن سبب ندرة وجوده لاخاطرش كامل مسودين السعد و معدومي الزهر قاموا بالطلب المسبق عليه و مين عرفوا بأنه يجلب الحظ و راهم شادّين عليه الآن بأسنانهم و من المستحيل يبعولك ، و احتمال كبير يمكن مصادفته في المعارض المتنقلة للزهور و النباتات التي تقام بشكل دوري فارتقبيها أو كاش واحد شنوي تعرفيه يجيبلك من الصين الشناوة ينباع عندهم كي الخبز



إن شاء الله تلقيه