الجزء 152 من واش طيبتي اليوم - الصفحة 99

Simassim · 2015-11-11, 20:48

صوفيا عاود حاول انقل الرابط كامل. اسمحلي راني وحد اليوم مع الصغار مراض

والوصفة منبعد نكتبهالكم.

سرور2 · 2015-11-11, 21:12

لبنات الي صلحلها تحويل المنتدى في البورطابل من الجديد للوك لقديم تحطولنا موضوع بالصور

وجزاها الله خير راني حصلت الله يحفضكم

سرور2 · 2015-11-11, 21:14

زينب خبز التركي راه هاااااايل يعطيك الصحة

معليش ندير السانوج (حبة البركة ) في بلاصة الجلجلان

Oum yousra · 2015-11-11, 21:19

اقتباس:

المشاركة الأصلية كتبت بواسطة الجمان

مساء الخير عليكم يا حراير
الله يبارك على الخيرات اللي راكم تحطوا فيهم
هادو طياباتي اليوم

اللهم ادمها نعمة واحفظها من الزوال
لا اله الا انت سبحانك اني كنت من الظالمين

ام يسرى راني زعفانة منك ما ذكرتنيش فقائمة الشكر تاعك

علاش الزعاف حنونة زعمة هزيت ورقة و نكتب الاسامي سامحيني نسيتك انتي و ام انس و توتة وووووووو القاءمة طويلة و هاي ليكم بووووووووسة على رأسكم مواااااااااااح لكل وحدة نسيت ماكتبتش اسمها

ام عبودة · 2015-11-11, 21:29

مساء الخير عليكم
واش بيه المنتدى بدل اللوك ؟؟؟؟؟؟؟؟؟؟

Oum yousra · 2015-11-11, 21:44

البنات صح عشاكم كامل الي ماحطوش طيابهم نقولهم بصحتكم و يعطيكم الصحة على المشاركة نتاعكم و الي حطو يعطيكم الصحة كلشي رووووعة و يشهي . . . . . . . . . . . . .

آيات سرمدية · 2015-11-11, 21:45

السلام عليكم ورحمة الله وبركاته....

كيف احوالكم احبتي في الله؟؟؟؟؟
اليوم جبت معايا.....عشانا الي هو بروكلو بطريقة اختنا ام تاج بصح انا نفوروا منغليهش باه ميروحوش لفيتامينات نتاعو...وعملتو بلا دجاج مجرد جناح عملتو فالمرقة للبنة...الحمد لله كان فالمستوى وعجب الجميع....خاصة انهم مايحبوهش بزاف مع انهم ع بالهم بلي فيه فوائد عظيمة....ولكن احيانا يعذبونا في ماكلاتهم....وتفكرت حاجة اختي ام تاج....هاداك النهار عطيتيني طريقتك في السردينة....جات بنينة وصحية.....صورتها وكي جيت نحطها مع صورة البروكلو....مالقيتهااااااش؟؟؟؟؟اذن نقولك جزاك الله خيرا..

..وهاداك قسطل مفور.....طري زبدة....لزوم السهرية....
.

الحمد لله لحقت عليكم قبل ماتخلاص كوزينة الاخت ام يسرا المضيافة.....الي كانت على قدر المسؤولية....و ياجبل مايهزك ريح بالاك راح نغيب عليكم هاد الشتوية....النهار قصار....والمشاغل كثيرة... اذا لقيت وقت لأني على الأغلب مراحش نتلاقا بيكم عدتوا ترقدوا بكري خلاص......ولكن هذا لايمنع اني كي نتوحشكم نجيب حاجة في يدي ونجي نسلم عليكم ...اكيد حوايجي لن يرقوا الى مايقدم هنا....ولكن هذا اكيد ميخليناش نقطعوا....المهم الواحد يدخل ويشارك بلي يقدر عليه....لانو ربي قال لايكلف نفسا الاوسعها....كاين الي يقدر يطبق ويحط وكاين الي لا...كاين الي عندوا الامكانيات وكاين الي لا.....وعليه الكل راهو عندوا أجروا ماتخافوش ربي لا يضيع اجر من احسن عملا....نتمنى انكم ماتقطعوش الكوزينة لهاكذا أمور....والعبد لايستحي من بساطته او فقره.....الحياء في حوايج اخرى....

استسمح اخواتي المشرفات....يمكن راح نخرج شوي ع موضوع الطبخ...ولكن بما اني بالاك منزيدش نتلاقاكم....لانو الاعمار بيد الله....ولكني منيش راح اتعرض لمواضيع حساسة او خاصة...لذا أتمنى ان لا تحذفوا ردي هذا....لأنه مجرد نصيحة....فلا خير في قوم لا يتناصحون ولايحبون النصيحة....هادا تفكيري والحمد لله...
وحد النهار وضعت رد هنا فالكوزينة فيه نصيحة عن الدورة بجهل مني بقوانين الموضوع ومكنتش نعرف أصلا بلي قسم الطبخ مفتوح للجنسين....لأني مندورش بزاف...الى ان نبهتني احدى الأخوات....نشكرها بزاف....لأنها نصحتني لوجه الله....مازعفت منها ما كثرت الهدرة لأني عرفت بلي كنت مخطئة....وهناك ضوابط لازم نمشيو عليها.....
يمكن البعض يحكم على غيره وهو مايعرفوش... والله يعرف وحدو النيات.....ولهذا راح نقولكم حاجة..كنت قريت مرة بانو كاين أخوات جدد دخلوا هنا....وكي مالقاوش تجاوب من البعض....زعفوا وخرجوا....راح نفكركم ونفكر روحي تاني....اذا كنا نعملوا في خير او حسنة مهما كانت صغيرة....ما لزمش نشوفوا للعبد ونستناو منو انو يشكرنا..او يذكرنا....او...او....لازم تكون اعمالنا كلها لوجه الله....راح نقولكم حاجة في هاذ النقطة موالفة تصرالي....ساعات نلقا واحد ولا زوج ...دخلوا يطلبوا ف مساعدة في موضوعنا من لهيه....تلقاوني نعقبها بالسوايع وانا نفركت ونكتب...حتى يوجعوني صباعي وعيني بالطبع منيش مفرطة في امور ديني وعائلتي....هوما عندهم الاولوية طبعا...وانا فالاكثرية مندخلش للمنتدى غير فاليل كيما قلت مرة.....او كي نكمل كل اعمالي.....قلت نحاول نساعدهم قدر المستطاع....وساعات كي ندخل مانلقى....حتى كلمة شكرا ولا جزاكم الله خيرا..مش مرة مش زوز ومش ثلاثة...... فيوسوسيلي الشيطان....يقولي معيتيش كل مرة تجيبيها بالسوايع وانتي تبحثي....وفالأخير هاكي مالقيتي والو.....نزعف ومن بعد يرجعلي شاهد لعقل...لعنة الله عليه....ونستغفر ونرجع نتفكر بلي اعمالنا راهي خالصة لوجه الله....اذا حبيت الأجر كامل مكمل....مالزمش نخمم بهذا الطريقة....وعاد تفكيري والشكر لله كلو بطريقة ايجابية....يعني نقرا الخير دايما....يعني نحاول نعذرهم ونقول بالاك ماشفوش ردي....بالاك راحتلهم لانتارنت.....و بالاك قراوه ودعاوني في قلبهم......يعني نحوس ع ٧٧عذر كيما يقول المثل...باه مايحرمنيش ربي من هاداك الأجر...اذن خلاصة القول اخواتي لي راكم تبعوا من وراء الكواليس...ولا الي مايدخلوش ديما خوفا انو اطباقهم متعجبش او واحد ماراح يشوفهم هنا...نقولهم استبقوا الخيرات....وادخلوا وحطوا طيابكم وانصحوا اخواتكم....فيدوا واستفيدوا....وخموا في أجر ربي.....وحبيت ثاني نقول ع نقطة هنا ايضا....لاحظت انو كل وحدة تدخل لازم تقرا واش فاتها كامل من ردود وتعلق ع الكل....والا في نظرها راح يطنشوها....نقولكم هذا تفكير سلبي....وطريقة مش فعالة....الحل عندي انو اي وحدة تدخل وتلحق ع واش شافت ولا واش راجعت....معليش كي تشكر ولا تشجع ولا تعلق....اما الي مالحقتش عليه فهي معذورة....مش تبقى كل وحدة تقولها انا مشفتيش طيابي....ولا راكي حاقرتني و هلم جرا.....يلزم عليكم تحاولوا تنحويها هاد الطريقة.....لانها مع الوقت تزيد الطين بلة....وكل وحدة تدخل وتقرا الردود ومتلقاش روحها تتغشش .....لازم نكونوا وسطيين....ومتفهمييين....باه الامور تمشي لما يحبه ويرضاه.....

يظهرلي درت درس طوييييييل.....وما عبليش اذا راح تفهموني ...ولا لا.....المهم انا هدرت حسب قناعتي.....والحمد لله......والله المستعان....نقولكم كامل جزاكم الله خيرا.....حاولوا تقولوها لعضاكم دايما......لانها دعوة شااااااااملة....واذا حبيتو تعرفوا واش تهز.....اكتبوها في قوقل ودرك تعرفوا....هيا سلااااام في امان الله والى الملتقى......وسااااااااااامحوني اذا قست كاش وحدة فيكم بغير قصد مني......ليوم راني معاكم......وغدوة شكون يعلم.....اذن تفكروني بدعوة طيبة ولكم بالمثل.....

سلاااااام

شمس الشتاء · 2015-11-11, 21:58

اطباقك هايلة ام الاء ربي يعطيك الصحة ويحفظلك الاء حبيت نسالك على الكرومس فتحتيه وغطيتيه بزيت الزيتون ؟

Oum yousra · 2015-11-11, 22:03

آيات سرمدية شكرااااااااا حنونة على النصائح الي حطيتيها ربي يحفضك و القراتان خرجلك امممممممممم روعة و يسلمو على القسطل نموت عليه. .

ماريا.م · 2015-11-11, 22:04

السلام عليكم
بارك الله فيكم على الخيرات اللي راكو تحطو
شكرا اختي زينب على وصفاتك المميزة
ام يسرى ماطبقت والو،لكن درت اليوم قاطو قلت اوموا نحطو
في كوزينتك قبل ما تخلاص ،ان شاء الله يعجبكم

هاوليك رابط الوصفة
https://www.djelfa.info/vb/showthread.php?t=1887665

um alaa · 2015-11-11, 22:09

اقتباس:

المشاركة الأصلية كتبت بواسطة شمس الشتاء

اطباقك هايلة ام الاء ربي يعطيك الصحة ويحفظلك الاء حبيت نسالك على الكرومس فتحتيه وغطيتيه بزيت الزيتون ؟

انعم اختي فتحتو نخاف حشاك يكون فيه الدود و نعمرو بزيت الزيتون

Oum yousra · 2015-11-11, 22:09

تطبيقات قراتان الشوفلور لسكرة الحلوة ام تاج. . . .

زينب 83 · 2015-11-11, 22:09

حببتي سرور بالجلجلان احلى و ابن ديريه على ضمانتي

آيات جازاك الله خيرا على كل كلمة قلتيها كلامك كله في محله موزون و منطقي ، بارك الله فيك غاليتي
لكن حاجة واحدة ماعجبتنيش ، اذا ماتزيديش طلي راح نزعف منك حسيتك توديع فينا و انا نكره الوداع ، لذا ارواحي ماعليش في الليل المهم تخيلنا ردودك الطيبة غاليتي

زينب 83 · 2015-11-11, 22:11

ام يسرى بارك الله فيك حبيبتي
ام علاء البوراك تاعك بقى في بالي امممممممم
ماريا حبيبتي لا سكر على واجب و الحلوى هايلة ما شاء الله

، تصبحن على خير

Oum yousra · 2015-11-11, 22:11

اقتباس:

المشاركة الأصلية كتبت بواسطة ماريا.م

السلام عليكم
بارك الله فيكم على الخيرات اللي راكو تحطو
شكرا اختي زينب على وصفاتك المميزة
ام يسرى ماطبقت والو،لكن درت اليوم قاطو قلت اوموا نحطو
في كوزينتك قبل ما تخلاص ،ان شاء الله يعجبكم

هاوليك رابط الوصفة
https://www.djelfa.info/vb/showthread.php?t=1887665

شكرااااا حنونة هاذا من لطفك مزيا جبتيه كنت نخمم واش راح يفطرو البنات غدوا هنيتيني