شوفولي حل تعيشوا

[aymen.dzz]

انا ايمن من ولاية وادي سوف العايلة تاعي مسافرة حبيتكم تعاونوني في كاش ماكلة ساهلة انا حليت الفريجيدار لقيت بطاطا - طماطم-خل- زيت- جريوات- جزر- زيتون - فلفل - هريسة



شوفولي حل بالبطاطا مطبوخة راني حطيت البطاطا في الماء و درتها تطبخ

[rose de sable s]

بطاطا مغلي في ماء هرسها + ملح+زيتون هرسة وديرها دويرات ورندها في فريتة اقليها+اقلي فلفل وجروات
وطماطم قطعيها+ملح بهارات ثوم ديرها صلصة
طريق سلامة

[رحمة تقوى]

البطاطا بعد ما تطبخها قطهعا دوائر ورمدها في البيض ومبعد في الخبز اليابس او فرينة ولصق كل 2 مع بعض بالفرماج وضيفلها صلصة طماطم الجريوات اقليها وضبفها معها او ديرها طبق وحدها رابيها ثم ضيف لها الفلفل مع الملح والزيت واتركها اطيب بعد ذلك ضيف لها الفرماج والسردين والزيتون الاخضر وضيف لها صلصة الطماطم نتمنى تنال اعجابك

[رجائي فيك]

نحي البطاطا خليها تبرد في غرضها قطعها مربعات و زيدها ملعقة نتاع زبدة و در معاها شوي حليب خليها على الناهر حتى تتشربو من بعد ضيف بيضة مخفوقة مع الملح ورشة حبة كحلة
بالنسبة لفلفل نعطيك طريقتين و الساعلة ديرها:
شوي الفلفل على النار من بعد ما تدهنو بالزيت حطه في كيس حتى يعرق قشرو قطعو مربعات
قلي شوي ثوم ضيف ليه فلفل و حرك مليح حنى يذبال من بعد حك عليه طماطم و زيد الملح و خلي طيب على نار هادية 10د حتى تنشف شوي لاصوص
02بلاما تشوي الفلفل جيب طنجرة قطع فيها الفلفل مرلعات صغار زيد معاهم بصل مربعات صغار زيد طماطم مربعات صغار وزيت على نا هادية وملح غطيهم مرة على مرة حركهم حتي يطيبو
للعضاء
قطع الفلفل مربعات و البطاطا و القورجات و البصل زيدهم زبدة و لا زيت و طماطم مربعات على نار هادئة خلط بشوي و غطيهم مرة على مرة خلط حتي تنشف المرقة تقدر هنا تزيد لهريسة و لا تزيد عليهم حبة بيض تخلط و طفي عليهم
ان شاء الله نكون فدتك

[علياء]

اهلا وسهلا تقدر بكل هديك المكونات دير سلطة ولكن حنا في واد سوف نحبو الحار ملا دير بطاطا مقلية زايد هريسة وزيتون والفلفل الا تحب وتعشى بلهنا