نصائحكم لمشروع صنع الحلويات

[om assil]

السلام عليكم
اخواتي انا ربة بيت حابة نخدم الحلويات في الدار للناس حابة تعطيوني نصائح باه ينجح مشروعي من ناحية الانواع واش تنصحوني الانواع اللي يطلبوها الناس و ثاني الاسعار بالكيلو والحبة يقداه الناس راهم يخدمو مانيش حابة نكوي الناس و على اي انواع نركز على الانواع الفخمة برك نتاع اللوز و الجوز و لا ندير السيمبل و الاشهار كيفاه يعرفوني الناس ربي يعيشكم اللي عندها اي فكرة او نصيحة ما تبخلش عليا

[muslimone]

ننصحك تبداي بالقاطوات السامبل الاقتصادية تاع العرضات ولي تكون طرية وبنينة فالذوق وفالشكل تبهر وشابة وحتى تاع اللوز والعسل ملاح ولكن اكثر الناس يطلبو الحلوى للعرضات خاصة الخدامات كيما طهارة ولا عرس ولا ناس جايينها يعني كاين بزاف لي يحبوا حاجة معقولة وماشي مزوقة حتى فاتلها كيما تاع الباتيسري وانت ساومي فالباتيسيي على الاسعار مثلا الجريوش يدير 35 الف حتى 40 الف للكيلو قادرة تكسبي الناس وتبيعي ب 32 الف ولا 30 الف وتاني كاينة فكرة ديري الحلوى وصوريها وديري كاتالوج صوري فيه الحلوى تاعك ودير مثلا حلوى رفيعة وفخمة بقداه حلوى شوي شوي بقداه ونفس الحلوى اقتصادية بشحال ولازم في بداية الامر تشوفي وحدة تتعلمي عندها باش ما تخسريش في لافير ربي يوفقك

[omchifa]

نعطيك تجربة جارتي ناجحة مائة بالمائة انها فاتحة محل بجنب المنزل وفي النفس الوقت تعلم البنات مرتين في الاسبوع في المنزل وهن الي يخدمو فقط هي مشرفة عليهن والي يخدموه تبيعه في المحل وفي نفس الوقت يخلصوها شهريا وايضا هن الي يغسلوا الاواني بالدور ادن هي لا تتعب كثيرا وفي نفس الوقت محله دائما ممتلىء بالحلويات .ارجو انني قد افدتكي.مع العلم ان لوازم الحلويات من عندها.

[om assil]

شكرا اخواتي اللي ردوا اعجبتني فكرة الكتالوج يا اخت مسلمين و اختي ام شفاء فكرتك مليحة لكن تحتاج واحدة هندها محل انا ما عنديش
يا ريت نصائح و افكار اكثر

[oum anas 69]

المشاركة الأصلية كتبت بواسطة omchifa

نعطيك تجربة جارتي ناجحة مائة بالمائة انها فاتحة محل بجنب المنزل وفي النفس الوقت تعلم البنات مرتين في الاسبوع في المنزل وهن الي يخدمو فقط هي مشرفة عليهن والي يخدموه تبيعه في المحل وفي نفس الوقت يخلصوها شهريا وايضا هن الي يغسلوا الاواني بالدور ادن هي لا تتعب كثيرا وفي نفس الوقت محله دائما ممتلىء بالحلويات .ارجو انني قد افدتكي.مع العلم ان لوازم الحلويات من عندها.

asamhili okhti hadi hogra w istighlal yakhadmoulha w hiya tbi3 w tarbah w yzidou ykhalssouha men fouk hadi mahich t3alam fihom b niya normelment t3alamhom bach yakhadmou 3la rwahom mach yakhadmou 3liha w yzidou yaghasloulha lama3an amala hiya wach rahi dir
asamhili okhti ana hogra manakdaralhach jazaki allah khir