مشكلتي مع الكسرة الرخسيس

ام ايمان1 · 2012-05-25, 21:26

السلام عليكم انا نحب نطيب الكسرة بزاف ودايما نطيبها لولادي لكن انا نحبها مبسا كي القوفريط نبل الدقيق اللي فيه الزيت والملح ثم الخميرة ثم نخليها تركح ومبعدنعجنها ثم نطيبها ساعات تجي مليحة كمانحب وساعات تبوط في الطاجين هل من العجن بزاف او من الدقيق

اياد الباتني · 2012-05-25, 23:05

اختي اسبب يعود في غالب الاحيان الى كمية الخميرة من جهة مالزمش تكون بزاف ومن جهة اخرى العجين كي كون مبلول معناها طري يتبوط على هذا حولى يجيك لعجين شويه يابس

أم ياسين الزهراء · 2012-05-25, 23:13

اذاحبيت رخساس مبسة بزاف ماديريش الخميرة وماتبليهاش بزاف وكل ماطيب وحدة اعجني لخرى اي ماتعجنيش العجين انتاعك

'' أمة الرحمن '' · 2012-05-26, 15:29

ماتكثريش الخميرة و ماتلبيش العجين تاعك بزاف

ام ايمان1 · 2012-05-26, 16:52

شكرا لكم و لكن كي نبلها و نخليها ترتاح و لما نجي نعجنها نلقاها نشفت هل كي نزيدلها الماء راح تبوط

'' أمة الرحمن '' · 2012-05-26, 16:55

اقتباس:

المشاركة الأصلية كتبت بواسطة ام ايمان1

شكرا لكم و لكن كي نبلها و نخليها ترتاح و لما نجي نعجنها نلقاها نشفت هل كي نزيدلها الماء راح تبوط

علاه تخليها ترتاح؟؟؟
اعجني و كوريها و اخبزيها مباشرة و حطيها في الطجين
ضرك نعطيك طريقتي و جربيها

'' أمة الرحمن '' · 2012-05-26, 17:01

كل خبزة مقدارها صاعين من الدقيق + قليل من الملح + قليل من السكر + الزيت + الماء+ ملعقة صغيرة خميرة

ضعي الدقيق في قصعة و بسسيه بالزيت ثم ضعي باقي المكونات على طرف ذوبيها بالماء الدافئ و اخلطي جيدا حتى تتحصلي على عجينة طرية اعجنيها

قليلا ثم كوريها و اتركيها ترتاح لمدة قصيرة - دقيقتين تكفي -

اخبزيها و ضعيها في الطجين

سهلة و مفيدة :d:d

صحتين

meri nouna · 2012-05-26, 18:03

[QUOTE=" أمة الرحمن ";10140286]

كل خبزة مقدارها صاعين من الدقيق + قليل من الملح + قليل من السكر + الزيت + الماء+ ملعقة صغيرة خميرة

ضعي الدقيق في قصعة و بسسيه بالزيت ثم ضعي باقي المكونات على طرف ذوبيها بالماء الدافئ و اخلطي جيدا حتى تتحصلي على عجينة طرية اعجنيها

قليلا ثم كوريها و اتركيها ترتاح لمدة قصيرة - دقيقتين تكفي -

اخبزيها و ضعيها في الطجين

سهلة و مفيدة :d:d

صحتين

[/QUO

الطريق صحيحة و مجربة والنتيجة مضمونة مءة بالمءة انا ماما هكدا دير كسرة لخسيس.....ولكن حبيت نسال صاحبة الموضوع فيما يخص الخميرة مافهمتش كيفاه ديريلها ....تخليها تطلع و مبعد تضيفيها للدقيق و الخليط تاعك ولا كيفاه.....هاد الطريقة تاع الخميرة اللي نخليوها تطلع نديروها في كسرة الخميرة ماشي لخسيس في كسرة لخسيس نحطو الدقيق ونديرو فيه حفرة نحطوا في وسطها الزيت وفي الجنب نحطوا الخميرة و فوقها شوي سكر و الملح نحطوه يكون بعيد على الخميرة ونبلو بالماء الدافي وكي تتلم معانا العجينة ماتكون لا يابسة حجرة لا جارية عادي وزيد انت و الدقيق تاعك خليها ترتاح اقصى مدة 5 اى 10 دقائق هاداك هو تحطي الطاجين تاعك يسخن اعجنيها مي ماشي حتى تولي تطرشق اعجنيها غير شوي باه كي تجي تلميها و تكوريها مايجيوكش فيها تشققات ...........ان شاء الله نكون افدتك ..شهية طيبة

نيفرتيتي. · 2012-05-26, 18:10

https://www.djelfa.info/vb/showthread.php?t=958655
https://www.djelfa.info/vb/showthread.php?t=960967
اختي اليك هاد الروابط ممكن تساعدك

ام ايمان1 · 2012-05-26, 18:40

يعطيك الصحة يا امة الرحمان و ام دوده و ام ياسمين الزهراء و neri nouna و جزاكم الله خيرا لان عجوزتي تقولي ديما خلي الكسرة تتبل مليح
او من بعد اعجنيها مليح ولا عادت يابسة زيدي اسقيها كسرتها تجي مليحه و شكرا لكم على الافادة مرة تانيه

hanaa zahra · 2012-05-27, 10:06

حتي ما تبوطلكش الكسرة اثقبيها بالشوكة من الجهتين .

نيفرتيتي. · 2012-05-27, 12:18

ديري في بالك بلي السميد يلعب دور كبير في الكسرة انا ساعات كي يجيني سميد ماهوش مليح نكره حاياتي حتى نكملو

ام ايمان1 · 2012-05-27, 13:10

شكرااااااااااااا على الردود

شوق وحنين الى الجنة · 2013-06-22, 18:05

كسرة الرخساس لا تحتاج ان ترتاح اكثر من دقيقتين و نصع الخميرة ليس للتخمير و انما لاعطائها الون فقط

ladymillion · 2013-06-22, 20:13

https://www.djelfa.info/vb/showthread.php?t=1311305
هاذا رابط لكسرة رخسيس من عندي انشاء الله تفيدك