أمقفول ,,,, بومخلط,,,تيمخلاط

[ام ملاك.]

جبتلكم وصفة بالاك تعرفوها مي نفيد اللي مايعرفهاش وكاين مبتدئين على قولة الاخت الوهراني خلاتهالنا كلمة ههه

هدا طعام تقليدي بصح بنين بزاف انا نحبو نتاع القبايل او العرب وكل واحد واش يسميه

القبايل اللي راني عندهم يقولولو امقفول

كسكس على حساب العايلة
الخضر بطاطا زرودية بصل اللوبيا الخضراء تقريبا كل نوع 5 حبات او اقل

نص مغرفة كبيرة طوماطيش
نص مغرفة كبيرة بابريكا تحبو حارة ولا حلوة *اللي مايعرفهاش هي الفلفل لحمر مرحي بودرة فيها الحار وفيها الحلو*
ملح
نخليكم مع التصاور باش تفهمو خير ؤاهي ساهلة بزاف

تغسلي الكسكس نتاعك مليح تملحيه وتخليه ينشف من بعد ديريلو شوية زيت ادهنيه كامل وحطيه يفور كي يفور نحيه
ديري الطوماطيش والفلفل اللحمر في ماء اللي رايحة ترشي بيه الكسكس كي فار الفورة الولى
وتخلطيهم مليح حتان يتحلل كل شي في الما وتفرغيه في الكسكسي نتاعك
وتخلطيه وتخليه يشرب مليح كما في الصورة
http://im17.gulfup.com/70IN1.jpg


وكي يشربومليح رجعيه يزيد يفور
http://im17.gulfup.com/7osW3.jpg


وانا قبل مانبدا بالكسكس نغسل الخضر مليح ونقشرهم ونقطعهم صغار وكل واحد كيفاش ونملحهم ونحطهم يفورو وكي يطيبو مليح نحيهم نخليهم يبردو

http://im17.gulfup.com/swX32.jpg

من بعد كي يطيب الكسكس خلاص نفرغو في القصعة ونحط فوقو الخضرة نتاعنا
http://im17.gulfup.com/eL4T4.jpg

ونخلط وندهنوه بالزيت زيتون هاو هنا خلاص وجد

http://im17.gulfup.com/n1CT5.jpg



وهذا الطبسي اللي ترد الاولى وتاكلو باللبن امممممم

http://im17.gulfup.com/an6d6.jpg

واش رايكم ؟
الردود اللي تشجعني باش نزيدلكم شوية وصفات
والله بزاف حوايج درتهم مي كر راني مريضة شوية ماقدرتش نحطهم
ادعولي ربي يشفيني ان شالله ونقوم بالسلامة

[jia-smile]

امممممممم يعطيك الصحة ختي
هايل
بصح واش نوع تاع الطعام هدااا
حنا نديرو طعام لكحل تاع البلوط ولا تاع الشعير

وربي يرزقك الشفااا
رانا نسناو فالمواضيع

[ام ملاك.]

الله يسلمك
هذا نوع عادي ابيض ماصورتش المرحلة الاولى نسيت ولهيت
مرسي حنونة

[شيراز222]

اولا وقبل كل شي ربي يشافيك اختي

وثانيا يعطيك الصحة
فكرتيني بواحدة درتهوولي كي كنت حامل نفس الشي بصح هي زادت فيه شوية سلق

والله حاجة روعة

ومدام لقيت الوصفة ربي يفتح عليك وراني اليوم نديرو باذن الله

[ام ملاك.]

الله يسلمك حنونة ان شالله
ايه صح بنين بصح بالسلق ماشفتوش مي بالاك يجي مليح اكلاتنا في الجزائر بزاف واسعة ومن حاجة واحدة نديرو الاف البلاوات
يعطيك الصحة حنونة

[الأمنيات]

http://im25.gulfup.com/2012-03-25/1332690918543.gif

[ام امجد14]

مشكووووووووووووووووووووورة اختى و الله يشافيك عجبتنى الوصفة و نموووووووووووووووووت على ماكلة القبايل

[ام ملاك.]

http://im25.gulfup.com/2012-03-25/1332690918543.gif
الله يسلمك حنونة

[blueflames]

يعطيك الصحة يشهي
ربي يشفيك ان شاء الله

[ام ملاك.]

مشكووووووووووووووووووووورة اختى و الله يشافيك عجبتنى الوصفة و نموووووووووووووووووت على ماكلة القبايل
اللهم امين
الله يسلمك على الرد حنونة

[ام ملاك.]

يعطيك الصحة يشهي
ربي يشفيك ان شاء الله


اللهم امين
الله يسلمك حنونة

[ميرثا]

سعطسك صحة حنا منديروهش مي اخدت وصفة من زمان ورجعت نخدمو

مي نسموه بو مفور وطريقة نفس المبدء لكن شوي اختلاف

نفورو سكسو نتاعنا مرة لولة اكيد بعد تشمخيها وتحطيلها زيت

وتقطعي خضر نتاعك لهي طماطم وبصل فلفل حار هدو بلاما تفوريهم وحدهم وادا تحبي تزيدي خضر مثل بطاطا وجريوات ولا لفت تفوريهم هدو 3 وحدهم 3/4 تفويرة باش يكملو مع لوخرين

تفويرة تانية نتاع سكسو تقسميها على زوج نصاص نص تفرشيه فالكسكاس ولوخر غليه اباغ توجدي خضر نتاعك تميلونجي كلش وتزيدي مغرف طماطم مصبرة وملح وتحطيهم فوق الطبقة الاولى لمفرشة فالكسكاس

وتزيدي طبقة تانية سكسو نتاعك وتقفليهم بقفال باش تفور تم تم لما تفور خطيهم مع بعض

وسر البنة كلو هو الفلفل الحار جربتها بلا بيه بنينة مي بقوة البنة بلا بيه وفلفل لمش حار ميصلحش لانو يطلق المرورة نتاعو

يعطيك صحة حبوبة وباين جاك يشهي

[ام ملاك.]

يعطيك الصحة اهت ميرثا
فلتلك هو كل واحد وطريقته تلقاي الماكلة واحدة بصح كل واحد كيفاش يطيبها
وصح بالحار تجي بنينة

[الوهرانية 1]

شكرااااااااااااااااااااااااااااا حبيبتي هادي الوصفة كنت نحوس عليها كليتها عند ناس قبايل وحشمت نطلب طريقتها شكرا اختي الغالية وربي يشافيك ويعافيك

[ام ملاك.]

اللهم امين
صحيتي اختي الوهرانية
جربيها وشوفي شحال بنينة

[azade]

مشكورة ربي يشفيك

[ام ملاك.]

اللهم امين
الله يسلمك

[zamilio]

السلام عليكم انا نحب بزاف هدى الماكلة ونديروها بانواع مختلفة ممكن بالخضر كيما قلت وممكن بالفول وممكن باللفت والبطاطا والبصل اجى تهبل يعطيك الصحة

[zitoukar]

شكراااااااااااااااا باين هايييييييل

[ام ملاك.]

السلام عليكم انا نحب بزاف هدى الماكلة ونديروها بانواع مختلفة ممكن بالخضر كيما قلت وممكن بالفول وممكن باللفت والبطاطا والبصل اجى تهبل يعطيك الصحة
ايه صح مام حنا نديروها بالفول والجلبانة بصح يجي بيض نقولولو المسفوف
الله يسلمك حنونة

[ام ملاك.]

شكراااااااااااااااا باين هايييييييل
الله يسلمك حنونة صح بنين ويحب اللمة عليه والتعفار ههههههه

[ميرثا]

يعطيك الصحة اهت ميرثا
فلتلك هو كل واحد وطريقته تلقاي الماكلة واحدة بصح كل واحد كيفاش يطيبها
وصح بالحار تجي بنينة


اكيد حبوبة

وفلخر كتهبط للسطومة لتم تتميكسا بيان تولي زواق ولعداب كامل يروح:1:

هههه ربي يحفظك

[ام ملاك.]

ههههههههههه
ضحكتيني ياميرثا
ربي يخليك ان شالله

[ام رميساء]

تسلم الايادي اختي

[amina-31]

ya3tik saha
dokteh 3and sahabti kbaylia y3aytolah AKFAL

[ام ملاك.]

يعطيكم الصحة اخت ام رميساء واخت امينة 31
صحيتو على ردودكم

[kakinova]

يعطيك الصحة و الله يعافيك


أنا و الله أول مرة نشوف و نسمع بهاذ الأكلة حاجة جديدة كليا بالنسبة ليا

ربي يشافيك و يزقك المرة الجاية بذرية صحيحة و صالحة

[ام ملاك.]

الله يسلمك حنونة
اللهم امين يارب
جربيها وشوفي شحال بنينة

[ام ملاك.]

وين راكم؟
مابنتوش قع تضربو طلة وتهربو؟؟؟؟؟؟؟

[حياتي نبع امل]

يعطيك الصحة عندي جارتي تموت عليه كاش نهار نجربو ونمدلها منو هي قبايلية خلي نفاجاها بارك الله فيك

[ام ملاك.]

جربيه وقولينا كيفاه خرجلك
الله يسلمك حنونة

[faizarbh]

ممممممممممممممممممممممممم شهيتيني يعطيك الصحة مونية

[ام ملاك.]

الله يسلمك فايزة كولي بصحتك