دورة " اللَّهُم بلغنـــــا رمضان 1438 لا فاقدين و لا مفقودين

[ام تينة]

السلااااااااااااااااااااااااااااام عليكم حبيباااتي مازلنا مستمرين اختي ام شمسو في معسكر الاستعدااااااااااااااااااااااااااااد لرمضان واحد اتنييييييييييييييييييييييييين

لكني كنت محضرة دروس كنت القيتها على شكل حلقات على بعض الاخوات رمضان السابق وهي متلا الخشوع في الصلاة قيام الليل يوم نموذجي في رمضان ذكر الله النوافل التوبة خطة سباعية لاستعداد لرمضان انتباه انتهى رجب

لكن يبدو ان طول الدروس لم تلقى ترحيبا من اخواتي واقترحن عليا وراءيهم تاج على راءسي ان تكون نصائح خفيفة قصيرة ومتكررة

وانا لا اريد ان اثقل عليكن حتى تمللن مني

[rowaida18]

و هذه بعض الأخطاء الشائعة في الوضوء

-عند غسل اليدين إلى المرفقين يخطئ العديد من الناس

غسل اليد من أسفل الكف إلى أخر المرفق: (من بعد موضع الساعة) ويترك الكفين

قال الشيخ بن عثيمين رحمه الله :
" و انتبهوا لأمر يخل به كثير من الناس و ذالك إن بعض الناس إذا غسل يديه بعد غسل وجهه بدا بهما من أطراف الذراع إلى المرافق , و لا يغسل الكفين و هذا خطا لان الكفين داخلان في مسمى اليد و على هذا فيجب أن تغسل يديك بعد غسل وجهك من إطراف الأصابع إلى المرافق ." رسالة في الطهارة للشيخ بن عثيمين.

ولا يقال أنه غسلهما أول الوضوء لأن غسلهما أول الوضوء سنة ولا تجزىء عن الفرض اتفاقا

عند غسل الوجه

بعض الناس عند غسل وجهه لا يغسل صفحة وجهه كاملة. بل تبقى أجزاء الوجه جهة الأذنين لم يمسها الماء .

ترك مواضع في البدن لا يصلها الماء عند الوضوء منها :

أ - قد يكون في يده خاتم أو ساعة إثناء الوضوء لا يصل تحته الماء فيختل وضوءه، قال البخاري : " كان بن سيرين يغسل موضع الخاتم اذا توضأ."
ب- بعض النساء يجعلن على اضافرهن ما يسمى بالمناكير و هذا الطلاء فيه سماكة، بحيث يمنع وصول الماء، فالواجب إزالته عند الوضوء.
ج- عدم الاهتمام بغسل العقب، قال رسول الله صلى الله عليه و سلم : " أتموا الوضوء، ويل للأعقاب من النار".
السلسلة الصحيحة.

إعتقاد بعض الناس انه لابد من غسل الفرج قبل كل وضوء و لو لم يحدث وهذا خطا شائع.

منقول من بحث أخطاء شائعة فى الوضوء

[omelbanin]

اهلا اهلا بالغالية ام تينة
حبيتك ام تينة او احدى الاخوات تعطيني تجربتك في تحبيب وتشجيع الاولاد على الصلاة
انا وليدي لكبير 10سنوات والثاني 6سنوات كي نكون نصلي نعيطلهم يصلو معايا بصح كون نضرب النح ممممما ينوضوش

[ام صفصف]

صباح الخيرعلى حراير الجلفة، راكم ماشاء الله، كيما نقولو زين ودين وطاعة الوالدين.
ام هاجر و رويدا شكرا على مواضيع التحضيرات، افكار روعة.
ام شمسو صديقتي رانا نفكرو كيفكيف،حتى انا بقيت نشوف مع يديها، ونقول ماشاء الله ،هههه

[rowaida18]

لن نمل منكي أختي أم تينة
احتليتي مكان في قلوبنا
و غيابك يخلي فرااااغ محسوس


وانشاء الله ربي يعنك و يعينا لما فيه خيري الدنيا و الآخرة

[rowaida18]

أخواتى أم شمسو و أم صفصف قتلتوني بالضحك هههههههههه

وقيلا جبت اللروحي السيئات و أنا ما علابليش

[arwa alaa]

يعطيك الصحة اختي رويدة راكي مزهية الحالة ورانا نتعلمو منك حوايج بزاف
ام البنين انا تاني درت غير الروتينات اليوم عيطتلي مرت خويا قعدنا نحكيو راح وقت التنظيف العميق نخلفها لعشية ان شاء الله

[arwa alaa]

شفتي ام صفصف وام شمسو انا كي شفت الفيديو رحت درت البومادة ليديا

[Sii]

السلام عليكم ورحمة الله وبركاته
وشراكم اخواتي في الله نتمنى بخير
عذرا على الغياب رانا عطلة وزوج تاعي كونجي رانا نبروفيتيو مع الشميسة وراني مادرت والو هههه تبارك الله عليكم ربي يعطيكم صحتكم وعافيتكم سلامي الحار لكن

[rowaida18]

أختي أم تينة بالنسبة للإقتراح بالنسبة للدروس أو الحلقات اللي راكي محظرتها قسميها إلى أجزاء بالتوازي مع دخولك أو كل ما سمحتلك الفرصة لأني كيما شرحتلك من قبل كاين أخوات راهم ما يزوروش المنتدى كل يوم فإذا غابو بعض الأيام يكون الموضوع مازال ماشي بلعقل و يلحقو بيه .
ويتم من حين لأخر إعادة العناصر المهمة في الموضوع و هكذا تعم الفائدة و يتم ترسيخ الموضوع ........و صدقيني أن هذا أمر غاية في الأهمية لأنه دين متين و لكي صدقة جارية........
و قوليلي واش رأيك

[rowaida18]

أهلا بيك أخت سي واش أحوالك و أحوال البيبي

[ام شمسو محمد]

المشاركة الأصلية كتبت بواسطة ام تينة

السلااااااااااااااااااااااااااااام عليكم حبيباااتي مازلنا مستمرين اختي ام شمسو في معسكر الاستعدااااااااااااااااااااااااااااد لرمضان واحد اتنييييييييييييييييييييييييين

لكني كنت محضرة دروس كنت القيتها على شكل حلقات على بعض الاخوات رمضان السابق وهي متلا الخشوع في الصلاة قيام الليل يوم نموذجي في رمضان ذكر الله النوافل التوبة خطة سباعية لاستعداد لرمضان انتباه انتهى رجب

لكن يبدو ان طول الدروس لم تلقى ترحيبا من اخواتي واقترحن عليا وراءيهم تاج على راءسي ان تكون نصائح خفيفة قصيرة ومتكررة

وانا لا اريد ان اثقل عليكن حتى تمللن مني

حبيبتي ام تينة ماشي مالقاتش الدروس ترحيب ....الحرص عليها هو اللي خلى المخلصات من اخواتنا يطالبوك بمنهجية مختلفة بدون اضاعة اي فكرة .....ام تينة معظم الناس ما يقدروش يقراو رغم اهتمامهم بالحصول على المعلومات ...لذلك مشؤوليتنا نقدموها بشكل جذاب و مغري كيما الطعام اللذيذ لازمو زينة تزيد في شهية الناظر اليه ...و هو المطلوب منك ....انا من الناس اللي نتوتر من نص طويل مانقدرش نركز و تهرب لي الافكار و الفائدة اللي نديها اقل بكثير من النصوص القصيرة ...جملك البسيطة تاع صلاة الضحى او سورة الملك ناكدلك بلي انشأت فئات كثيرة من الملتزمين بيهم شوفي حجم الاجر اللي راكي تحصلي عليه و لازم تدفعيلنا ثمنو هههه....زيدي تعبي روحك فينا و قدمي لنا الدروس على طبق من فضة ...موزعة و منوعة و مريحة للقارئ البسيط ....حنا مستعدين نقراو النصوص الطويلة و لكن الفائدة لن تكون عامة لفئات اخرى محتاجة لدروسك و لكن للاسف ما يقدروش يقراو نصوص طويلة ....و ملاحظات حبيبتنا رويدا من وجهة نظري منهجية و موضوعية و فعالة فيها اخلاص ....و الا فهي في تقديري مستعدة تقرالك اي نص مهما كان طويل و لكنها تقصد عموم المنفعة ...استحملي انانيتنا و تقبلي تدخلنا في اسلوبك فنحن اخوات و نسال الله الاخلاص

[ام شمسو محمد]

ام صفصف و اروى انا كنت نشوف في الفيديو و نقول ربة بيت فحلة بكل المقاييس و غاضني الحال كيعادو يديها هكذاك يخي حنا نسببو بشغل الدار و الله غير قعدت نعاود فيه باش نشوف يديها و نفكر واش ندير ليديا ...مالا انا غير نفكر و اروى جريتي طبقتي

[ام شمسو محمد]

اهلا بالام الشابة سيي مالا احنا نقولو مسكينة حكمتها التربية ما نلوموهاش وانتيا راكي تحوسي في الشميسة جيبي ولي امرك هههه....و الله غير توحشناك .

[ام شمسو محمد]

ام البنين تعقيبا على الكلام القيم تاع حبيبتنا رويدا و الطريقة الصحيحة اللي قدمتها لتجميد اللحم المفروم بحكم انها من اهل التخصص و نطالبوها بالمزيد

و كذلك اطلعت على نصوص معتمدة على " دليل التغذية الكندية " le Guide alimentaire canadien وكذلك نص الدليل و اللي يسمحو بتجميد كرات اللحم المفروم
https://www.eatrightontario.ca/fr/Ar...3uf-hache.aspx