•« متحصل (ة) على الباكالوريا؟,,, طالب (ة) جامعي (ة) جديد(ة) ؟,,,, عرجوا من هنا للاستفادة من خبرة من سبقوكم »•

[hillal dz]

المشاركة الأصلية كتبت بواسطة على رصيف الأمل

واش سبب تخليك عن الدراسة اخي

السبب هو المرض

اريد طلب خطي الخاص بالوثائق لاعادة ادماجي في الجامعة
و ليس لعطلة اكاديمية

[amine chegivara]

ماهي ورقة اعادة الادماج ?

[dr.arif]

مشكوووورة على فتح الموضوع

[سطايفية بكل فخر]

المشاركة الأصلية كتبت بواسطة hillal dz

السبب هو المرض

اريد طلب خطي الخاص بالوثائق لاعادة ادماجي في الجامعة
و ليس لعطلة اكاديمية

اخي دير سرالة ادارية
ياخي تعرف تكتبها
دير فيها لي عظيم الشرف ان اتفدم لسيادتكم بطلبي هذا المتمثل في اعادة ادماجي في المسار الدراسي للعام الفلاني
واحيطكم علما سيدي اني توقفت عن الدراسة بسبب المرض
وكمل
اذا معرفتش قولي نيدرلك اقزومبلار

المشاركة الأصلية كتبت بواسطة amine chegivara

ماهي ورقة اعادة الادماج ?

اعادة الادماج اخي خاصة بالناس لي عندها عطلة اكاديمية او مراحوش يقراو وتقصاو اخي
لازم يمدوها باش يرجعو يقراو

المشاركة الأصلية كتبت بواسطة dr.arif

مشكوووورة على فتح الموضوع

العفو واجبنا

[جوهرة الابداع]

الله يوفقكم و بارك الله فيك

[hillal dz]

ممكن دري اقزومبل عن طلب خطي لاعادة الادماج
برر سبب التخلي عن الدراسة

[سطايفية بكل فخر]

المشاركة الأصلية كتبت بواسطة hillal dz

ممكن دري اقزومبل عن طلب خطي لاعادة الادماج
برر سبب التخلي عن الدراسة

المدينة والتاريخ

من السيد الااسم واللقب
العنوان
رقم الهاتف او الايمايل

الى السيد مديركلية او قسم بجامعة الاسم

الموضوع: طلب اعادة ادماج
لي عظيم الشرف ان اتقدم الى سيادتكم الموقرة بطلبي هذا المتمثل في اعادة ادماجي للسنة الدراسية الجارية في تخصص كذا وكذا سنة كذا واحيطكم علما سيدي اني قد توقفت عن الدراسة السنة كذا وكذا لظروف صحية حالت دون استكمالي للدراسة والوثائق المرفقة تثبت ذلك كما اني ارفقت سيدي مع هذا الطلب الوثائق المطلوبة
في الاخير تقبلو مني سيدي فائق الاحترام والتقدير

الامضاء

[softy]

السلام عليكم
اختي كيف حالك ؟
انا سجلت ماستر في سطيف وقسنطينة
في سطيف قبلوني و الديلي تاع التسجيلات بدا وقسنطينة مزالو محطوش القائمة
راني خايفة نسناهم ويفوتني ديلي وكي تخرج القائمة ميقبلونيش ونبقا ربة بيت هههه
وتاني خايفة كون نسجل في سطيف منبعد يقبلوني في قسنطينة وانا حابة نكمل تما
من فضلك انصحيني طيفاه ندير
شكراااا

[أنور]

أخي اريد ان استفسر عن authentification de relevet de note أو توثيق كشف النقاط من الجامعة الأصلية
لانهم طلبوا من دلك عندما اردت التسجيل في الماستر
يعني اخد معي كشف النقاط وهم يصادقون عليه أم مادا ؟
جزاكم الله خيرا

[سطايفية بكل فخر]

المشاركة الأصلية كتبت بواسطة جوهرة الابداع

الله يوفقكم و بارك الله فيك

شكرا لمرورك العطر ولدعمك غاليتي

المشاركة الأصلية كتبت بواسطة softy

السلام عليكم
اختي كيف حالك ؟
انا سجلت ماستر في سطيف وقسنطينة
في سطيف قبلوني و الديلي تاع التسجيلات بدا وقسنطينة مزالو محطوش القائمة
راني خايفة نسناهم ويفوتني ديلي وكي تخرج القائمة ميقبلونيش ونبقا ربة بيت هههه
وتاني خايفة كون نسجل في سطيف منبعد يقبلوني في قسنطينة وانا حابة نكمل تما
من فضلك انصحيني طيفاه ندير
شكراااا

اهلا سوفتي صافا صديقتي
العفسة هدي صرات العام لي فاتو نوىمالمون سجلو في سطيف وكي تقبلو عادو سحبوودوسياتهم وراحو لولايات اخرى وتعهدو بلي مهما يحدث ميزيدوش سوليو لسطيف
ان لم تخني الداكرة
نقلك سقسي جماعة ماستر تلمسان لي راحو من المعهد هوما يقولولك واش دارو هوما 6 واحد فيهم هو اخي شعيب راهو عضو هنا ايمو the fly boy تلقايه حاط مواضيع في قسم الشعر الانجليزي ومعلاباليش ادا مزالو يكونيكتي هنا
ربي يوفق

[سطايفية بكل فخر]

المشاركة الأصلية كتبت بواسطة أنور

أخي اريد ان استفسر عن authentification de relevet de note أو توثيق كشف النقاط من الجامعة الأصلية
لانهم طلبوا من دلك عندما اردت التسجيل في الماستر
يعني اخد معي كشف النقاط وهم يصادقون عليه أم مادا ؟
جزاكم الله خيرا

تمت الاجابة في الموضوع الاخر

[softy]

شكرا لك اختي الغالية
جزاك الله خيرا ^^
غدوة ان شاء الله نروح للمعهد ونزيد نسقسي تما تاني

[سطايفية بكل فخر]

ربي يوفق اختي

[أسمهان الجزائر]

يوم الاحد ادفع ملف اعادة الادماج

في رايك كم يسترق من الوقت للرد اما بالموافقه او الرفض

[سطايفية بكل فخر]

تمت اجابتك في الموضوع الاخر
وقلت لك حسب كل ادارة غاليتي