وصفات حراير الكوزينة الجزء الثاني

[حسيبة2010]

صابلي الكابريس
عطرالذهب
تذوبي60 حبة كابريس مع فنجال حليب و250غ زبدة في حمام مائي
بعد مايذوبو خليهم يبردو واضربيهم بالخلاط مليح حتى يولو كريمة ضيفيلهم 2 صفار بيض وكاس نشاء وملعقة صغيرة خميرة الحلوى وشيحي بالفرينة تتحصلي على عجينة ناعمة تشكليها صبيعات خشنيهم شوي على خاطر مش راح تلصقي زوج مع بعض وماتخافيش راه يجي خفييييييف من الداخل
بعد مايطيب اغطسيه من طرف بشوكولا بيضاوالطرف الثاني بشوكولا سوداء وخلي فراغ في النص يعني الحبة على الطول ثلث اسود وثلث بلون العجينة وثلث ابيض واخدمي خطوط بالشوكولا البيضاء واعكسيهم بالشوكولا السوداء
الكمية جابت 45 حبة كبار

[حسيبة2010]

الروز نتاع لاكوكوت
omjoujou
اولا انا نستعمل الارز البسمتي او الارز المفور
تنصبي مرقة حمراء عادي بلحم الخروف او العجل وتقدري ديري الجاج ايضا ترابي حبة بصلة و 2 سنينات ثوم حبة طماطم وداويها كسبر فلفل اسود ملح فلفل سباغ زيت تقلي البرمة تاعك مليح وامبعد امرقي بماء سخون وقفلي الكوكوت وخليها تطيب كي تشوفي اللحم تاعك دخلوا الطياب قطعي حبة بطاطا قطع صغار زيدي حبة زرودية قطعيها قطع صغار و حفنة جلبانة واذا تحبي زيتون مقطع دوائر قرن فلفل حار وضيفيهم المرقة تاعك ضيفي طماطم مصبرة وخلي الخضرة تطيب
كي تطيب الخضرة ضيفي الارز بعدما تكوني غسلتيه عذة مرات باه تتنح منو مادة النشاء وميجيكش معجن
انا كنت فايت ندير كيلة روز ب 2 كيلات مرق بصح ذرك بحكم التجربة المتواضعة عدت ندير عيني ميزاني
كي تلوحي الروز تاعك وتشوفي المرقة بدات تغلي نقصي عليه النار خلاااااااص واقفلي عليه وديري الصفارة تاع لاكوكوت وخليه يطيب و مرة على مرة حركي الكوكوت تاعك باه ميلصقش التحت
انا تقريبا ندير نصف ساعة وساعات خرين اقل من نصف ساعة نطفي عليه حلي الكوكوت تاعك وشوفي اذا طاب حلي عليه و قدميه اذا مطابش اقفلي عليه و ديري الصفارة وخليه يكمل الطياب في البخار تاعو ىيعني مترجعيهش فوق النار باه ميتحرقش

[idron0]

شاراك النواد كوكو المعسل tamimkougi

يطيب في مول السيليكون
نفس شكل تشاراك المعسل للطيبة أم أماني رب يحفضها لكن الوصفة تختلف تمااااااااما
°°المقادير °°
500 غ زبدة
8 صفار بيض
كاس سكر ارطب
كاس نواد كوكو
زاست القارص "كمية ملييحة"
2 خميرة حلوى
فرينة ــــــــــــــ عجينة طرية
لما يطيب ..و هو دافي تشربيه بالعسل الثقيل ـــــــ و الديكور : تزيني نصف التشاراك بالبيستاش مرحي
و بالصحة والراحة
صدقوني رائع المذاق و رائحة زست القارص هايييلة ... و تاني يقطع بزاف ,لاخاطر الحبات يجو ضراف.

[idron0]

بوسو لاتمسو ام امانى

المقادير:
250غ مرقرين،3ملاعق كبار سكر ناعم،3 صفار البيض،قشور3حبات قارس،نصف كأس نشاء،
نصف باكي خميرة كيميائية،فرينة حسب الحاجة.
للتزيين:
عصير القارس،سكر ناعم.
الطريقة:
نخلط المرقرين مع السكر جيدا ثم نضيف البيض،قشور الليمون،النشاء ،الخميرة وتلمي بالفرينة تشكلي حرابش وتقطعيهم مقروضات طيبيهم في فرن متوسط الحرارة تخليهم يبردو.
من جهة حضري عصير الليمون اضيفي له 2ملاعق كبار سكر ناعم حركي اغطسي حبات الحلوى في العصير ثم السكر الناعم خليهم يبسو ثم عاودي لوحيهم في السكر الناعم وحطيهم في ليكيسات.

[tesnim27]

مشكوووورة اختي يعطيك الصحة

[idron0]

وصفة الحلزون اسمهان 79

درت زوج أنواع الوصفة الأولى نتاع العزيزة على قلبي سماح استسمحكي حبيبتي واضع الوصفة
زوج كليات جينا مرحية كيلة مكسرات و لمي بلاكرام ابور تكون فيها نكهة معينة وممكن تحشي بنيسلي ثم في ليمول اللي تكوني حطيتي فيه الشوكولا البيضاء الذائبة وخليها تحكم روحها ثم زيني الملمع وراني درتها يا أخت سماح وجاء روعةةةةةةة
وأيضا طبقت هاذ الوصفة
200 غ زبدة فلوريال 100 سكر رطب فاني 4 صفار البيض 2م ك نتيلا 4م ك عسل 50 غ بيسكوي مرحي 1 خميرة 100غ لوز مرحي والفرينة و حشيتها بالكابريس
الوصفة الثالثة
250 غ زبدة كاس سكر رطب كاس كوكاو مقلي ومرحي فاني نصف باكي خميرة ونشف بالفرينة نوزن 25 غ نحشي لحلوة الترك وحلوة الحلقوم الحشوة نوزنو 5 غ ثم نطيب في مول السيليكون لما يطيب نحيه ونذوب الشكولا ونفرغ في المول نفسو ونحط الحبة ونضغط شوية ونخليها تيبس
ثم نحي بالشوية ونزين بالملمع.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

المخ ام و ابنة

ساهل نعطيك اسهل طريقة في مقلة سخونة حطي مغرف زبدة او زوج مغارف زيت نقصي للنار و حطي معدنوس او حشيش و ثوم و حطي فوقهم المخ مغسول و منقي من العظام و حاولي تنحيلو القشرة الرقيقة
حطيه فوق الثوم و المعدنوس و حطي شوية ملح و فلفل اسود و ممكن شوية كمون و اقعدي تمعسيه يعني تطبزيه او تهرسيه مليح مع الثوم و المعدنوس بمغرف حطب و تحركي حتى يطيب راهو ما يطولش
كاين اللي يدير مع الثوم و المعدنوس حبة طماطم مرابية و كي يطيب سواء بالطماطم او بلاش كاين اللي يزيدلو بيضة او اثنين و يحركو مليح و غير ينشف يطفيو
انا بصراحة نحبو غير بالثوم و المعدنوس و اليوم دارنا الكل عجبهم بهاذ الطريقة البسيطة.

[lahna moka]

خبز للمشاوي سماح 94

كاس لبن او حليب رايب او ياوورت طبيعي محلحل في نص كاس حليب اذا ما لقيتيش هاذو ديري حليب عادي و طبعا لي ديريها فيهم لازم دفيها قبل

ثم زيدي عليهم مغرفة كبيرة خميرة و فنجال زيت و بيضة صغيرة و شوية سكر و خلطيهم مليييح و خليهم حوالي عشر دقائق ثم زيدي الفرينة و الملح و نص باكي خميرة القاطو حتى تتحصلي على عجينة طرية لميها مليح و خليها تخمر ملييح ثم هبطيها و ديريها كريات صغار قرصيهم في سميد او فرينة و خليهم يخمرو ثم طيبيهم في مقلة كبيرة او طاجين تاع التريسيتي او طاجين الحديد العادي

[casanova45]

شكرا على الاضافة

[idron0]

البوتي فور samah

300غ زبدة ستار و 150غ سكر رطب فاني 4صفار بيض 2 باكيات نيسكافي م ص قهوة و عطر القهوة اذا كان موجود او عطر الكرامال و لمي العجينة بالفرينة حتى تولي عجينة متماسكة و نخدمها بالمحقن او لادوي هي عندها رقم خاص نسيتو ان شاء الله كي نروح نصورهالك
تحبي ديري زهرة وحدة او لاثة لاصقين في بعضاهم و حطيهم يطيبو ثم لصقيهم بنيسلي كرامال او كريمة زبدة بنكهة الكرامال و من فوق تزين بكرامال او معجون و حجرات دوري صغاااار
يجي هك بلاث وردات او وردة وحدة كبيرة .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

هاذي هي لادوي لي خدمنا بيها القاطو

إضغط هنا لرؤية الصورة بحجمها الطبيعي.

ملاحظة : فقط كي ديروه خبيوه في علبة محكمة الاغلاق باه يطرى لانو ما فيه لاخميرة لا نشا .

[عاشقة الوفاء]

يعطيكم الصحة

[idron0]

الكتف في الفور oum anas 69

الكتف تبلتو قبل بساعتين .. خلطت 2 ملاعق زبدة طرية و مغرفة أكل موتارد و زدتلهم فلفل أسود و ملح و أعشاب عطرية جافة .. عملت شلطات في الكتف و دهنتو مليح بالخلطة ممبعد حطيت في الشلطات ثوم شرائح وحطيتو ترقد مليح .. قبل ماندخلو الفور زدتلو كاس ماء و ورقات رند غطيتو بالألمنيوم لمدة ساعتين ممبعد في نصف الطياب زدتلو زيتون أخضر مغلي و كنت فورت جزر شرائح زدتو في الأخيرو خليتهم تقريبا ساعة تحمر بلا ألمنيوم مع شمبينيو خرج لذيذ جدا .

[حسيبة2010]

الروطي
أم رحاب
نحيت من السرسور الضهر اللحم نحيتلو كامل العضام وحليتها بشوية وعاودت ادرستها شوية وتبلت اللحم بالملح وفلفل اكحل وراص الحانوت وشوية ثوم وموطارد وخليتها ترتاح شوية وجبت اللحم مرحي درتلو حبة بيض المعدنوس والشومبينو قطعتو وشوية زبدة باه يقعد اللحم طري ودرتلو فلفل اكحل وملح ودرتو زيتون اخضر مقطع صغير باه يدي البنة وحطيتو في الوسط وغلقت مليح واربطتو كيما يربطوه مليح ودرتلو من فوق شوية زبدة وثوم من الفوق ودرتو في لبابي اليمينوم قعد ساعة ونحيتلو وكي حمار طفيت عليه وخليتو في الكوشة واحد 10 دقايق وكي اخرجتو قسمتو مدور واحطيتو مع البطاطا محمرة في الفور

[أم هنيدة]

من فضلك اختي ادرون اذا ممكن تنقلي لنا طريقة أم جوجو كفاش تشعل الفحم بحثت عنها ولم اجدها جزاك الله خيرا

[afeffoufa]

مممممممممم بنينة