حساء البصل الراقي من مطبخي - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم المقبلات و السلطات و الشوربات

قسم المقبلات و السلطات و الشوربات وصفات المقبلات و السلطات و الشوربات حصرية من عضواتنا

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

حساء البصل الراقي من مطبخي

إضافة رد
 
أدوات الموضوع انواع عرض الموضوع
قديم 2013-11-09, 13:36   رقم المشاركة : 1
معلومات العضو
إلهام07
متألقة ركن المعجنات
 
الصورة الرمزية إلهام07
 

 

 
الأوسمة
الموضوع المميز لسنة 2013 وسام نجمة التطبيقات 
إحصائية العضو










Mh47 حساء البصل الراقي من مطبخي

البسملة1


الوصفة نتاع اليوم هي الترجمة الحرفية للمثل اللي يقول " علمناهم الصلاة سبقونا للجامع " هههههههههههههههههههههه

عندي مدة مهبلة الأخوات باش يعطيوني وصفة حساء البصل والحق الاخوات مابخلوش عليا بصح بقيت خايفة نجربو مادخليش في راسي وخفت نديرو ونشبع تعليقات من عائلتي خاصة وأنني صاحبة سجل إجرامي من النوع الثقيل .

تفكرت انو الحساء وصفة فرنسية راقية مالا قلت نرجع للأصل ونجيب الوصفة من موطنها الأصلي ( ههههههههههههه زعمة نبتة ولا حشرة خخخخخخ ).

بحثت في مواقع فرنسية وعجبتني هذي الوصفة لأنها مختلفة شوية عن البقية جربتها وبصراحة رووووووووووووووووعة ومايبانش خلاص فيها طعم البصل .

بصراحة ماتوقعتش يجي مليح مالا ماصورتش المراحل بصح كي طلبوه الأخوات عاودتو وصورت المراحل .

ونزولا عند رغبة الأخوات اللي طلبو الوصفة هاهي :

المقادير :

* 2 حبات بصل كبااااااااااااااااااااااااااااااااااااااار
* 1 أو 2 راس فلفل حلو ( نقيه من البذور )
* 2 حبات بطاطا متوسطين او حبة كبيرة مقطعة مكعبات ( بطاطا بيضاء وليس الحمراء )
* 2 ملاعق كبيرة ماشي معمرين مليح فرينة مغربلة او 1 ملعقة تكون معمرة مليح
* ملح
* فلفل أسود
* 1 ملعقة كبيرة زبدة ( تعطي طعم خطير في الوصفة )
* 2 أو 3 ملاعق كبيرة زيت
* 1 مكعب مرق دجاج
* 2 ورقات رند
* جبن أبيض ( انا درت 8 حبات جبن مثلثات لازم تكثرو الجبن باش جي بنينة )
* حوالي 2 او 3 ملاعق كبيرة كرام فراش واللي ماعندهاش ممكن تعوضها بالحليب



الطريقة :

1- نقطع البصل والفلفل شرائح ونحطهم مع الزيت والزبدة ( الزبدة تعطيها اللمسة الراقية نتاع الطعم الفاخر )ونقلي مليح حتى يذبالو مليح .




2- كي يذبالو نزيد الفرينة المغربلة ونقلي فقط 2د .




3- كي تشوفو الفرينة بدات تتحمر نزيد البطاطا ونقلي فقط 2 د أخرى ( تحمار الفرينة سر 2 في الطعم )





4- نمرق بالماء بصح ماكثرش ممكن لأقل من 1 لتر ماء يعني يكون مستوى الماء مع مستوى الخضر يبقاو يبانو مايتغطاوش كليا لأنو الخضر يطيبو بسرعة مايحتاجوش ماء كثير .





5- نضيف التوابل وأوراق الرند ومكعب مرق الدجاج والملح غير شوية برك لأنو مكعب مرق الدجاج راهو فيه الملح وثاني الجبن رايح يزيد في الملوحة نتاع الحساء.

6- كي يغلي الماء نغلق الكوكوط ونخليها طيب حوالي 20-30د ونطفي.

7- نرمي الجبن في الحساء نتاعنا ونرحي الحساء بالبرا ميكسور مليح.

8- نرجع الحساء على النار ونضيف الكرام فراش أو الحليب ( من الأفضل كرام فراش ) ونخليه يهز الغلية 5د ونطفي.




9- نذوق الحساء إذا محتاج ملح نزيدلو .

* ملاحظة :
-إذا جاكم الحساء ثقيل بزاف: أنا ديما نزيد حليب وليس ماء باش يبقى بنين .
- الملح نعدلو على الأخير بعد مانكون زدت الجبن باش مايجيش الحساء مالح.
- ممكن تضيفو فيها جبن مبشور حسب الرغبة .

هاهي واجدة :




جربوه والله العظيم روووووعة ومايبانش خلاص باللي حساء بصل .
أختي كي شافتني نقلي في كمية كبيرة نتاع بصل قاتلي واش رايحة ديريلنا الشربة نتاع الشكشوكة بصراحة كرزت منها وكي ذاقتها هبلت عليها وقاتلي خبيلي صحن نديه معايا غدوة للخدمة قلتلها ماشي مليحة ليك الشربة نتاع الشكشوكة .

عذرا على رداءة الصور ندير في الحساء والبيتزا في نفس الوقت نصور بسرعة ، آسفة .

مع تحيات لهومة اللهلوبة .









 


رد مع اقتباس
قديم 2013-11-09, 13:40   رقم المشاركة : 2
معلومات العضو
oum ibrahim
عضو محترف
 
إحصائية العضو










افتراضي

امممممممممممممممممممم اكيد من ايديك حاجة تانية يسلمو لهلوبة










رد مع اقتباس
قديم 2013-11-09, 13:45   رقم المشاركة : 3
معلومات العضو
ام سهام 02
عضو متألق
 
إحصائية العضو










افتراضي

يعطيك الصحة تباني انسانة طيبة شكرا لك في ميزان الحسنات










رد مع اقتباس
قديم 2013-11-09, 13:53   رقم المشاركة : 4
معلومات العضو
أم ماجد
عضو ماسي
 
الصورة الرمزية أم ماجد
 

 

 
الأوسمة
وسام الوفاء وسام نجمة التطبيقات المرتبة الثانية 
إحصائية العضو










افتراضي

انا نحب الحساء كثير ونموت عليه
رايحة نجربه ماكثر ورخص ربي غير البصل ههههههههههه
لكن يا ويلك كون مايعجبنيش نجيبولك للمكتب تاعك هههههههههه اكي تقولي تتمسخر يخي جربتيني
كي اجيني فكرة جهنمية في راسي نديرها هههههههههههههه










رد مع اقتباس
قديم 2013-11-09, 13:54   رقم المشاركة : 5
معلومات العضو
ام الهضاب
عضو محترف
 
إحصائية العضو










افتراضي

امممممم يهبل يعطيك الصحة و كأنه مسلسل أو قصة كي انخلص مواضيعك اجيني النعسة هههههه










رد مع اقتباس
قديم 2013-11-09, 13:58   رقم المشاركة : 6
معلومات العضو
إلهام07
متألقة ركن المعجنات
 
الصورة الرمزية إلهام07
 

 

 
الأوسمة
الموضوع المميز لسنة 2013 وسام نجمة التطبيقات 
إحصائية العضو










افتراضي

شكرا ام برهوم

هذا من ذوقك ام عبد القادر

ام ماجد ديري الوصفة كيما حطيتها وكون ماجيش مليحة راهي على مسؤوليتي الشخصية والله راجل اختي مايعجبو العجب بصح عجباتو وقال لاختي هزي الوصفة

ام الهضاب ضحكتيني ياخاه وليت نسكم مالا نبركي قصص خلاص منا وجاي غير الصور والمقادير وخلاص ههههههههههههههه










رد مع اقتباس
قديم 2013-11-09, 14:00   رقم المشاركة : 7
معلومات العضو
أم ماجد
عضو ماسي
 
الصورة الرمزية أم ماجد
 

 

 
الأوسمة
وسام الوفاء وسام نجمة التطبيقات المرتبة الثانية 
إحصائية العضو










افتراضي

متفقين جاري التجريب










رد مع اقتباس
قديم 2013-11-09, 14:01   رقم المشاركة : 8
معلومات العضو
nour inasse
عضو مميّز
 
الصورة الرمزية nour inasse
 

 

 
إحصائية العضو










افتراضي

مممممممممممممممم شكراااااااااااااا حبيبتي مواضيعك روووووعة في رووووووووعة










رد مع اقتباس
قديم 2013-11-09, 14:18   رقم المشاركة : 9
معلومات العضو
faryal zahira
عضو مميّز
 
إحصائية العضو










افتراضي

اشكرك على روح الدعابة وخفة ضلك واخيرا شكرا على الوصفة









رد مع اقتباس
قديم 2013-11-09, 14:30   رقم المشاركة : 10
معلومات العضو
.1....2....1.
زائر
 
إحصائية العضو







افتراضي

يعطيك الصحة خرجلك رووووووووووووووووعة يا احلى الهام واغلاهم









رد مع اقتباس
قديم 2013-11-09, 14:55   رقم المشاركة : 11
معلومات العضو
ام ساجد
عضو برونزي
 
الصورة الرمزية ام ساجد
 

 

 
إحصائية العضو










افتراضي

اكيد نجربو ان شاء الله في البرد نطيب ياسر الحساء بكل انواع الخضر

وهذا بصراحة جديد عليا لكن يبان بنين اممممممممممممممممممممممم

حقا ياتيك الصحة على قول ام اناس










رد مع اقتباس
قديم 2013-11-09, 14:59   رقم المشاركة : 12
معلومات العضو
ام بسومة
عضو مميّز
 
الصورة الرمزية ام بسومة
 

 

 
إحصائية العضو










افتراضي

بارك الله فيك لهووووووووومة










رد مع اقتباس
قديم 2013-11-09, 15:01   رقم المشاركة : 13
معلومات العضو
RANIA32
عضو مميّز
 
الصورة الرمزية RANIA32
 

 

 
إحصائية العضو










افتراضي

يعطيك الصحة حنونة










رد مع اقتباس
قديم 2013-11-09, 15:10   رقم المشاركة : 14
معلومات العضو
أم إناس
عضو برونزي
 
الصورة الرمزية أم إناس
 

 

 
إحصائية العضو










افتراضي

اممممممم باين بنيييين وزيد البصل حلو والله صحيتي يلهومه
يأتيك الصحه










رد مع اقتباس
قديم 2013-11-09, 15:30   رقم المشاركة : 15
معلومات العضو
OMKHIRO
عضو مشارك
 
الصورة الرمزية OMKHIRO
 

 

 
إحصائية العضو










افتراضي

Merci hanona 3andi sh7ale w ana n7awes 3ala al wasfa










رد مع اقتباس
إضافة رد

الكلمات الدلالية (Tags)
مطبخي, البصل, الرائع, خصال

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 16:05

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc