همزة وصل بين أولياء أمور التّلاميذ و المربّين، تبادل للاستفسارات، وُجهات النظر، و النصائح

[~ حراير ~]

السلام عليكم و رحمة الله تعالى و بركاته
صباحكم بالخير و الهناء جميعا

كنت نشوف في الملف الشخصي للأستاذ بني عباس و مواضيعه
يا ماشاء الله كنز راه حاطه مش عارفة كيفاش ماشتوش من قبل ؟؟؟
انا نقول يليق نوجهولو دعوة يجي معانا هنا نستفاد من خبراته

من فضلكم حبيت نستشيركم في حاجة
افنان السنة الثالثة من الي بداو امتحانات و هي كل ليلة تبكي من الخوف من الامتحان و كي تروح هي اول من يكمل على حسب ماراهي تخبرني "و رغم ذلك الحمدلله نقاطها مليحة من 8 لـ 10" الا المدنية الي جابت فيها 6 هي غلطت في سؤال ماذا يحد الجزائر من الشرق كتبت مالي و النيجر و هو خطأ اكيد

لكن اهم 3 نقاط راحولها في حدد عناصر الهوية الشخصية
كتبت بالضبط ماهو موجود في الكتاب "لأنه الدرس ماكتبوهش في الكراس"
و هو اسم اللقب تاريخ و مكان الميلاد و العنوان

المعلم عطاها 0/3 فيه
و خبرنها انها تتكلم مع المعلم هي و تدافع عن حقها "ماحبيتش نروح للمسيد نجري يا اغيلاس"

المهم انه هاداك النهار رحت مع اريج
و انا خارجة من المدرسة لقيت المعلم و تاعها و دايرين بيه مجموعة كبيرة من الأولياء و عندهم نفس المشكل "انه حسبلهم الجواب غالط" قعد يناقشهم انه المطلوب الوثائق الي تثبت الهوية فتدخلت و قلت انه الوثائق وحدها و العناصر وحدها
فقالنا انه غلط في امتحان و راح يعاودو
لما دخل للقسم و خبر التلاميذ بهذا القرار بنتي مسكينة روحت مريضة و راهي مرعوبة من انه يجي غدوة و يعاودلها الإمتحان
انا راس يقلي نروحلو و نقلو صلحلها و خلاص او خليها تدي 6 و ماتعاودلهاش
راس يقلي نغيبها عن الإمتحان الجديد و ماندوخ راسي و لا راسها
و مش عارفة وش ندير .... اليوم على ماحلت عينيها قاتلي وش هو اليوم قلتلها السبت فرحت و قاتلي الحمدلله مش راهو الحد و مش راح نعاود الإمتحان
وش رايكم وش ندير معاها و مع المعلم لأنه بكل صراحة زياراتي ليه بزاف لأنه هي حشامة و قليلة المشاركة و هو حاسبها ضعيفة

[Minnnaaa]

السلام عليكم اساتدتي الكرام واخواتي
اولا بغيت نقول للاخ اغيلاس والله يلا قلبي وجعني للموقف اللي تعرضتله خولة ونحييك على طول بالك" احنا لما نتعرضو للظلم نسامحو احيانا ونقولو ماعليش احيانا بصح لما يتعلق الامر بولادنا نولو اغوال ناكلو الظالم ماكلة"ولهدا نعاود نقولك ربي يتبتك ويقدرك ويبارك في خولة ويشافيها وينجحها
نتائجها ممتازة رغم المرض والاصابة ماشاء الله

اختي ام اريج بالعقل عليك اختي من رايي قولي لافنان تراجع عادي وماعندها علاه تخاف جابت نقطة مليحة فيها وفالخير ماجابتش قدر الله وما شاء فعل ماعنها علاه ترتعب وخففي عليهم وعندهم الحق يلا ردو اللوم في غياب الاب وابتعادهم على مدرستهم اللي والفوها "احمدي ربي لاريج عاودت والفت هاد المعلم الجديد لوكان جيت في بلاصتها كل ما توالف شخص تبعد عليه لوكان راني تعقدت)ربي يكون معاكم اختي ويفرحكم بلم شمل قريب
اختي ام محمد يحيى ماشاء الله على منى راله مستواها الله يبارك رائع وسابقة وقتها
اختي سيرين مبارك لعادل النتيجة المرضية
ودرك بغيت نقوللكم ولدي تحصل على معدل 9.13 ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,المعدل مليح النتيجة مرضية وهو جا فالمرتبة ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,ال11 نعم 8بنات و2اولاد قدامه واحسن معدل9.78
مشي المستوى نتاع التلاميد هو اللي طالع بل الاختبارات كانت سهلة جدا حتى المعلم قال لولدي ماعجبنيش المعدل كنت قادر تكون مع التلاتة الاوائل ولكم التقييم

[serine alger]

السلام عليكم
الأخت **أريج-**بالعكس لازم تحفزي بنتك باش تعاود الاختبار قوليلها في الأول أديت 6 لأنو الاختبار فيه خطأ والاختبار المقبل مايكونش فيه خطأ دوك تادي فيه أكثر من 6 يعني لازم تلعبيلها على المورال والله لازم نولو أطباء نفسانيين مع أطفالنا ربي يحفظهم جميعا.
الأخت **Minnnaaa**** ما شاء الله على ابنك المعدل رائع.وحتى المرتبة 11معليش المهم المعدلات متقاربة.أنا في قسم ابني عندهم واحد11 أو 12 تلميد هم المتفوقين يعني دايما نقاطهم متقاربة الفرق نقطة أونصف نقطة بين تلميدين مثلا في الفصل الاول تلقاي تلميد في الرتبة الثالثة وفي الفصل الثاني تلقايه في الرتبة 11.يعني لازم تشجعي وليدك ماشي كي شفت الرتبة 11 تزعفيه المسكين.
بالنسبة للغة الفرنسية حتى وماكاش أستاد معنا في هدا الركن والله الأخ **اغيلاس **كان نعم الأستاد والمرشد.وبالنسبة لأستاد اللغة الفرنسية**عباس**أنا أتابع مواضيعه وهي رائعة . وأنا عملت سابقا هدا الاعلان والبحث لكن لم أجد ادانا صاغية للأسف.
https://www.djelfa.info/vb/showthread.php?t=1447362

[~~ أغيلاس ~~]

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته
"ماحبيتش نروح للمسيد نجري يا اغيلاس"

أختي أم أريج؛ الجري إلى المدرسة من طرف الولي دليل الحرص و المتابعة و يسعد المعلم كثيرا ( إذا لم يكن مبالغا فيه )،

أنا أمي في الجري تسبق حسيبة بولمرقة ! و راهي مقلقة جدا هي أيضا و يوم الأحد إن شاء الله راهي ذاهبة لعند المعلمة لتسأل عن خولة،

المشاركة الأصلية كتبت بواسطة serine alger

السلام عليكم
والله الأخ **اغيلاس **كان نعم الأستاد والمرشد.وبالنسبة لأستاد اللغة الفرنسية**عباس**أنا أتابع مواضيعه وهي رائعة . وأنا عملت سابقا هدا الاعلان والبحث لكن لم أجد ادانا صاغية للأسف.

يوجد في النهر ما لا يوجد في البحر !

و نتمنى أنكم تستفادو من تجارب تلاميذ السنة الخامسة هذه السنة خاصة فيما يتعلق بأجواء سير الامتحانات و غير ذلك،

الأخت مينا؛ آمين، مبارك عليكم المعدل الممتاز، يبدو أن القسم به الكثير من المجتهدين، خولة زميلتاها هذه السنة نشيطتان جدا بخلاف السنة الماضية، ربما لأن السنة الخامسة تقريبا تتكرر فيها دروس السنة الرابعة و بالتالي لا يجد التلميذ المجتهد صعوبة كبيرة و بالتالي يحرص كل تلميذ ليكون الأفضل ( طبيعة الصغار )،

ـــــــــــــــــــــــــــ

مذا عن اقتراح أم أريج ( التقويمات الأسبوعية في اللغة العربية و الرياضيات ) ؟

[habiba81]

[~ حراير ~]

السلام عليكم و رحمة الله تعالى و بركاته

مييييييينا سلميلي على عدنان و قوليلو يعطيك الصحة
جاني معدله مليح و التقارب في المعدل ماضنيتش علاجال الإمتحانات سهلة
نضن لأنه قسمهم مستواه عالي و هذا حاجة ايجابية قوليلو المرة الجاية يغلبهم كامل

اختي سيرين انا قلت وعلاش ما يصححلهمش المعلم و خلاص بالمعنى يعطيهم نقاطهم الثلاثة و خلاص وش داه يعاود

بكل صراحة سؤالي موجه للمعلمين
هل في حق المعلم انه يعاودلهم انا الآن نحوس على حقي و على واجب المعلم
لأنه الخطأ من المعلم مش من التلاميذ

[/زهرة عصفور الجنة/]

اختي اريج حاولي تستصغري الموضوع لبنتك فهميها بلي هي راهي فاهمة ومراجعة واذا حب يديرلهم 20اختبار ماشي غير واحد المهم هي راهي مراجعة

[عبد الناصر أمازيغ]

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته

مييييييينا سلميلي على عدنان و قوليلو يعطيك الصحة
جاني معدله مليح و التقارب في المعدل ماضنيتش علاجال الإمتحانات سهلة
نظن لأنه قسمهم مستواه عالي و هذا حاجة ايجابية قوليلو المرة الجاية يغلبهم كامل

[color="rgb(139, 0, 0)"]على الأقل 11 تلميذا في القسم معدلهم فوق 9 من 10 !!!!!!!
هذه مبالغة كبيرة في تسهيل الاختبار ، أو حتى طريقة التقويم ليست مبنية على قواعد صحيحة.
أنا لا أضع مستوى الصغير عدنان محل شك ، أبارك له و أحييه بحرارة .
واش رايك زميلتي عطوفة

اختي سيرين انا قلت وعلاش ما يصححلهمش المعلم و خلاص بالمعنى يعطيهم نقاطهم الثلاثة و خلاص وش داه يعاود
بكل صراحة سؤالي موجه للمعلمين

[color="rgb(139, 0, 0)"][color="rgb(139, 0, 0)"]هذا تقويم أختي أم أريج ، و المعلم إنسان يمكنه أن يخطئ ، و قد اعترف بخطئه ، لكن لا يكون الحل بصب النقاط للتلاميذ صبا . و عندما تحصل ابنتك على 9 بهذه الطريقة ، هل أنت مقتنعة بها ؟
[/color]
[/color]

هل في حق المعلم انه يعاودلهم انا الآن نحوس على حقي و على واجب المعلم
لأنه الخطأ من المعلم مش من التلاميذ[/color]

[color="rgb(139, 0, 0)"][color="rgb(139, 0, 0)"]إذا تأكد المعلم من خطئه في وضع السؤال ما عليه إلا بإعادة تصحيح الأوراق و إرجاع الحق لأصحابه ، و إذا بقي شك في رأسه من الأحسن أن يقوم بإلغاء السؤال محل الجدال ، و يوزع نقاطه على باقي الأسئلة . و إذا رأى إعادة الاختبار فأين المشكل في هذا ؟
أما إعطاء 3 نقاط للجميع غير معقول .[/color]
[/color]

و عليكم السلام و رحمة الله و بركاته

[color="rgb(139, 0, 0)"][color="rgb(139, 0, 0)"]من المفروض إذا قال المعلم للتلاميذ تعيدون اختبار التربية المدنية لأني أخطأت في السؤال ، فإنهم يتحمسون ، و رعب ابنتك من هذه الاختبارات في غير محله ، عليك أن تبعثي الطمأنينة في نفسها ، ركزي معها على المراجعة و تأكدي بنفسك من استيعابها بواسطة التمارين الكتابية و الأسئلة الشفوية ، حتى و إن كنت ترغبين في العلامات المرتفعة فلا تظهري شغفك أمام بناتك .

أنت تعرفين التغيير الحاصل لأسرتك ، و الأثر الذي يمكنه أن يتركه في نفوس بناتك و ما يتبعه من تغيير في السلوك ، و هذا شيئ طبيعي ، ندعو الله ألا يكون له أثر سلبي في دراستهن . هي مرحلة و ستتهي بالسلامة إن شاء الله . [/color]
[/color]

[عطوفة]

وعليكم السلام ورخمة الله وبركاته
ور أيي في موضوع أم أريج هو ما تفضلت به قبلي أخي عبد الناصر ....بارك الله فيك ..

[~ حراير ~]

المشاركة الأصلية كتبت بواسطة **أم محمد يحي**

اختي اريج حاولي تستصغري الموضوع لبنتك فهميها بلي هي راهي فاهمة ومراجعة واذا حب يديرلهم 20اختبار ماشي غير واحد المهم هي راهي مراجعة

السلام عليكم و رحمة الله تعالى و بركاته

عندك الحق ام محمد يمكن نكون كبرت المشكل و هو ماكانش مشكل
لكن لما نشوف في عينين بنتي نحسه فعلا كبير

انا ثان نحس روحي وليت ام اكثر من اللازم "عموما الي تابع همزة وصل الأولى يقدر يحس بلي تغيرت"يمكن لأني انا نفسي و زيادة على بناتي نحس الحرمان
الي مانتمناهش لأي احد
ربي يبدل علينا ساعة بساعة و حال بحال و يفرج علينا اللهم آمين

الشيخ عبد الناصر اختي عطوفة نشكركم على ردكم الي تقبلتو على مضض في الحق

[عطوفة]

السلام عليكم ورحة الله وبركاته.
العفو أختي أم اريج ....والله يا أختي شعرت منذ مدة بأنك أصبحت حساسة زيادة على اللزوم ..!!!!!!!!!!!!
أتركيها على الله وربي يكون في العون ..و عقبات الحياة ما أكثرها..علينا الصبر والدعاء ..

<< حسبنا الله , سيؤتينا الله من فضله .و إنا إلى ربنا راغبون>>.

[/زهرة عصفور الجنة/]

كوني قوية اختي اريج الحمد لله راكي وحدك لا احد ينغص عليك
هي فترة وستمر ان شاء الله ربي يلم شملكم عن قريب ان شاء الله الاولاد حساسون جدا حاولي ان لا تبيني لهم
والاكيد ان زوجك لن ينسى معروفك وصبرك ربي يجمعكم في جنات النعيم

[serine alger]

السلام عليكم
هل صحيح ما سمعت ؟ أن الامتحان النهائي للسنة الخامسة سيمتحنون في جميع المواد وليس في الرياضيات واللغة والفرنسية فقط وهدا ابتداءا من العام المقبل ؟؟؟؟؟؟؟؟؟؟؟؟؟؟؟؟؟؟؟

[عطوفة]

وعليكم السلام
هو كلام يقال لا تأكيد على هذا الخبر لحد الآن.. سمعنا فقط أن الدورة الاستدراكية ألغيت رسميا ...

[~ حراير ~]

السلام عليكم و رحمة الله تعالى و بركاته
استاذتي عطوفة والله حشمتيني العفو منك انت معلمتي الفاضلة انا مش قصدي زعفت على ردكم قصدي اني بالدراع ما تحكمت في روحي باش ما نروحش للمعلم
عموما هي امتحنت في المساء و على حسب ماقاتلي كلش صحيح جاوباتو
غدوة ان شاء الله تجيب النقطة

و اسمحيلي مرة اخرى انا شكون حتى نزعف من معلمين افاضل و محترمين .... انتوما راكم في منزلة النبيين و الشهداء
راح نجي انا و نعترض على كلامكم ..... ماكانش منها
خاصة انت استاذة و اخت
و الشيخ عبد الناصر حتى ولو ما شكرتوش بلساني راني ديما نشكره و نذكره بالخير في كل مجلس
الله يحفظكم و يبارك فيكم و في صحتكم اللهم آمين

الله أكبر كل شئ زانا **** هذا المعلم فضله قد بانا
طوبى له رجلِ المواقف إنه **** نعم الصبور سلوه كم قد عانا
هذا من كناش اريج للإقتباسات

اما من جهة الحساسية انا فعلا صرت اكثر من حساسة خاصة اليوم بالذات
تقدري تقولي انفجرت .... لكن منت نضن انه مني و اليَ فقط لكن على ما يبدو اني اذيت احب الناس لقلبي
و الله يقدر الخير

المهم اني حبيت نقلكم على نتائج اريج في التجريبي جابت 8.75 كاعلى نقطة في الرياضيات و هوما 10 في 3 افواج الي جابوها
و في اللغة 6.5 و اعلى نقطة هي 7.25 عموما انا ماشفتش الورقة لأنه المدير خبرهم فقط بالنقاط و اثنى على اريج على التعبير قالها كون مش التعبير و تنظيم الورقة راكي تحت المعدل
لأنه حسبولهم نصف نقطة على تنظيم الورقة
الفرنسية مازال ماقالهمش

الحمدلله الحمدلله الحمدلله
انا بكل صراحة كنت خايفة من المستوى الي وصلتلو اريج
صح نقاطها مش ملاح لكن كيما نقولو
المصيبة اذا عمت خفت " و هي في الحقيقة طمت مش خفت"
انا وش همني انها بدات تسترجع ثقتها بنفسها و تسترجع حبها للدراسة و الإجتهاد
و الأهم انه ندمت على ما فوتاتو على روحها