الحيوانات في الأمثال الشعبية

[أيمن عبد الله]

المشاركة الأصلية كتبت بواسطة نورة

السلام عليكم

القط يعلم بيو نط
والفت فلانة بصيد روانب

اهلا بك أخت نورة

مرحبا بك

نورتي الصفحة شكرا للمشاركة

[OKBA82]

اولاد الكلبة كل كلاب
ما تخلط روحك مع نخالة ما ينقبك دجاج
الداب دابي وراكب من لورا
جيب خنفوس يزهيك ومتجيبش غزال يجريك
الكلب اذا نبح ماعض ما جرح
الحمام المكسر الجناح ينزل على البر الخالي
لتلقاه راكب فوق خشبة قولو مبروك العود ( الحصان)
وجه الخروف معروف

[جسور المحبة]

احقر الكلب يحقر روحو
الكلب ينبح والصيد عاقب
جبتك يا جريو تونسني وليت تبرق فيا عينيك
كل خنفوس عند امو غزال
لرنب عاد يخبش

[تاج المحبة]

السلام عليكم

أعزكم الله

يقول مثل شعبي ...

الكلب اذا نبح ماعض ما جرح

[نورة]

السلام عليكم

اعزكم الله

لى ما يحبو قلبى ما يوالفو كلبى

[أصالة الفضيلة]

*نوض بعيرك. ولاتنوض صغيرك.
*ضحك الجمل مره في عمره .شق شاربه.
*أرنب وحطبها أمعاها.
*ياكلني صيد وما ياكلني xxx.
*عنز ولو طارت.
*كيف النعجه ترفع راسها يضيع عليها فم.
*لاعندي فالشرق معزه. ولافالغرب انعاج.
*الراجل يكون كبش نطاح.

[أصالة الفضيلة]

يرقد بعين واحدة كي الذيب

عصفور بالإيد ولا عشرة على الشجرة

[جسور المحبة]

الطيور على اشكالها تقع

[جسور المحبة]

كي يشيب لغراب هذا مثل يطلق على استحالة حدوث الشيء

[تواضعي يانفس]

موضوع رائع ...بوركت
الدابة جيفة ومصارنها حلال
الجاجة تولد والسردووك يقاقي
المندبة كبيرة والميت فار

[abdou messi]

كي يتيح الكبش يكثرو الدباحة

[جسور المحبة]

الشين والشرادة عند بنت جرادة
ميات نملة دخلت ذاك الغار ياعمي واستسمح الاخ ايمن عبد الله صاحب الموضوع في شرح هذا المثل يروى انه في يوم من الايام كان عم ينصح ابن اخيه ولما انهى حديثه سال الصبي هل فهمت يا ابن الاخ فرد عليه قائلا : مئتة نملة دخلت داك الغار ياعمي اي انه كان يحصي عدد النمل الذي دخل الغار فهذا مثل يطلق عندما يكون احد مهتم بشيء بينما الاخر لا يبالي

[طيب القلب]

السلام عليكم اخي أشكرك على الموضوع ولك مشاركتي فيه يقولو ناس بكري معريفة الرجال كنوز ومعريفة النساء ..... أصحب كلب ومتصحبش دايرة الدايرة يقصدون بها المسؤول او الحاكم

[رحيق الايمان]

بارك الله فيك على الموضوع
حبيت نمدلكم بعض الامثال من ولاية تبسة الي تهدر على الحيوانات:
شبعنا و شبعت قطوستنا واش قلتي يا عروستنا
كي الحنش ما يحفر ما يبات البرة وهذا يقولوه للي يلقى كلش واجد بلا تعب
كي القط الخوف و الفدعة وهذا يقولوه للي يقول نخاف و نحشم و يدير البدع
صحبتك في قليلة الاصل كي صحبة الطير و الحوته على مدة الدهر لا يتلاقو
والي جرالو كي فرغ الكروان في الحدب اصفر ساقو ملي خلق يرغي بالرفيس للي مات ما ضاقو *****وهذا الي يجري و يكنز وما يكرمش روحو
عود لكلخ عاد قداح و عود الزيتون عاد طافي ولد الضبع عاد نباح وولد الصيد عاد يعوي ********وهذا على الدنيا ودوراتها كي يطلع الي ما يسواش ويذل الي يستاهل
نتمنى يعجبوكم

[أيمن عبد الله]

المشاركة الأصلية كتبت بواسطة رحيق الايمان

بارك الله فيك على الموضوع
حبيت نمدلكم بعض الامثال من ولاية تبسة الي تهدر على الحيوانات:
شبعنا و شبعت قطوستنا واش قلتي يا عروستنا
كي الحنش ما يحفر ما يبات البرة وهذا يقولوه للي يلقى كلش واجد بلا تعب
كي القط الخوف و الفدعة وهذا يقولوه للي يقول نخاف و نحشم و يدير البدع
صحبتك في قليلة الاصل كي صحبة الطير و الحوته على مدة الدهر لا يتلاقو
والي جرالو كي فرغ الكروان في الحدب اصفر ساقو ملي خلق يرغي بالرفيس للي مات ما ضاقو *****وهذا الي يجري و يكنز وما يكرمش روحو
عود لكلخ عاد قداح و عود الزيتون عاد طافي ولد الضبع عاد نباح وولد الصيد عاد يعوي ********وهذا على الدنيا ودوراتها كي يطلع الي ما يسواش ويذل الي يستاهل
نتمنى يعجبوكم

أشكرك كثيرا اختنا الفاضلة

وددت فقط لو تشرحيها ببعض العبارات حتى يفهم الجميع