بخصوص جامعة بجاية و الإقامة إرياحن .

ntech youcef · 2012-08-05, 17:37

السلام عليكم ورحمة الله تعالى وبركاته .

أنا طالب جديد سجلت في جامعة بجاية تخصص مناجم أريد معلومات عن هذه الشعبة في الدراسة و ليس من ناحية العمل .
وصلني أن في بجاية جامعتين (تارقة أوزمور - أبوداو ) ماهي الجامعة التي يدرس فيها أصحاب هذا التخصص .

وأستفسركم عن الإقامة الجامعية إرياحن . (كم من شخص في الغرفة ؟ و هل توجد حافلة النقل الجامعي من الإقامة ؟)

أشكركم جزيل الشكر مسبقاااااا .
تقبل الله منا و منكم .
صحا فطوركم .

ntech youcef · 2012-08-05, 19:38

هل من مجيب ؟؟؟

CRAZY @ GIRL · 2012-08-05, 21:03

السلام عليكم انا نقرا مناجم في بجاية من حيث الدراسة هي مليحة ماشي صعيبة بزاف بصح لازم الاجتهاد باش تبلع العام و انت تقرا في تارقة ماشي في ابوداو

اما من ناحية الاقامة ارياحن هي واقعه في المدينة لكن بعيدة شوية على وسط المدينة و من ناحية النقل الجامعي يوجد اي انه لا تحتاج الى النقل الخاص لانه الاقامة موفرة لك النقل الجامعي طول اليوم و كل غرفة فيها يا 4 او 5 انت و زهرك مي من رايي ماشي شابة هدي الاقامة

و بالتوفيق و اي حاجة راني هنا

sihem yahiaoui 0101 · 2012-08-05, 22:26

السلام عليكم
أنا أعتقد أن مناجمنت في أبوداو وليس في ثارقة، ، والله أعلم
أما في إرياحن في الغرفة 3 أشخاص، وممنوع يجتاز هذا الرقم إلى بطلب من أصحاب الغرفة، وأيضا أغلبية الغرف فيها 2 شخص فقط
وهي جد قريبة لأبوداو، فقط 10 دقاءق بالنقل أو أقل ، ،صحيح هي ليست وسط المدينة ،لكن قريييبة جدا ، وخاصة قريبة لكل شيء، وأحسن إقامة في بجاية هي إقامة إرياحن، وأقول لك أخي يقولون الأحسن في كل الإفامات الجزاءرية، والله أعلم
وأيضا متوفر فيها كل شيء، المطعم، ولفوايي خاص، فيها كل شيء،المهم هناك أشياء عامة مثل المطعم ، وأشياء خاضة ، أيضا مطعم صغير في الداخل، وكل أنواع الرياضة، وأيضا هي إقامة محتلطة، بالتوفيق لك أخي الفاضل
وسوف أسأل إن شاء الله أي بالضبط تخصصك،وهل بإمكانك أن تعطي إختصاصك بالعربية؟

sihem yahiaoui 0101 · 2012-08-05, 22:29

أجمل إقامة هي إقامة أرياحن، وهي جد قريبة للبحر، وكاين ثاني بحر أخر يقربها، بصاح ليس للعوم
المهم أحسن إقامة في رأيي هي إقامة إرياحن وسوف ترى بنفسك إن شاء الله

ntech youcef · 2012-08-05, 22:50

شكرا لكما على المعلومات . جزاكما الله كل خير . أتمنى لكم التوفيق . من ناحية الدروس هل أجد عندكم إمتحانات وفروض . شكرا مسبقا .

mr.berns · 2012-08-05, 23:07

هل فعلا ارياحن هي سيدي على البحر؟ ولا وحدة اخرى قريبة ؟

sihem yahiaoui 0101 · 2012-08-05, 23:39

اقتباس:

المشاركة الأصلية كتبت بواسطة mr.berns

هل فعلا ارياحن هي سيدي على البحر؟ ولا وحدة اخرى قريبة ؟

نعم هي سيدي علي البحر

CRAZY @ GIRL · 2012-08-07, 00:40

اختي انا نقرا مناجم و هي في تارقة ماشي في ابوداو راكي غالطة و اقامة ارياحن انا نقولك عليها هي صح البحر قريب ليها مي شوية ماشي بزاف بصح هداك بحر غير صالح للعوم و زيد تاني كون تدخلي للبلوك نتاع اقامة تهربي ما نقولكش على الوساخة اللي فيها و ايضا مكانش شبرا فيها 2 كاين من 3 حتى 5 و انتي و زهرك و انا من رايي برشيش احسن من اي اقامة جامعية في بجاية رغم انها بعيدة مي من حيث النظافه و النظام هي قاع مليحة هي و بيبينيار و رح تشوف بعينك

achraf.hh · 2012-08-07, 17:51

سلام اولا اريد الاعتذار عن التطفل ودخول موضوع لا يخصني مي نقولكم والله كي قريت الرد وجعني قلبي هاديك قاعدة تقول يقراوو مناجم في ابوداااو وين قريتيها يعيشك ... يخي ابووداو مختصة في الطب وعلوم التمريض وباقي الشعب الاخرى اكل ادبية من لغات وحقوق وووو,,,,
اما بالبنسة للااقامة ارياحن كيفاه تقوووللي مليحة وتعتابريها لاولى وطنيا ولا على حساب هدرتك عالميا نقولك حاجة هي اخمج اقامة لا توجد فيها رائحة النظافة وزيد احنا العام الي فات كنا نعيطولها افواحن ما شي ارياحن يعني تفوحح اكرمكم الله
وانا مسؤول على كلامي انا واحد قرعاج بزااف يعني عندي عام تم شفت كلش علابالي الي يقرا الرد تاعي يقولي علاه راك مقلق والله ماشي راني مقلق برك نوكل في ظفاري على خاطر هادوو طلبة جديدة لازم نقولولهم على كلش وهم يقروو واش يديرووو ما شي نشكروو برك انا نقووول كلش,,, المليح والحاير وراهوو عندي موضووع هنا اللي يحب يدخل ليه ونتحاورووو سلامي

hichame1992 · 2012-08-08, 12:33

السلام عليكم انا طالب جديد في بجاية وجهت رياضيات تطبيقية هناك
الاقامة في علي لبحر هل ممكن ان تفيدوني هل هي جميلة و صالحة للاقامة وهل لديكم معلومات عن الرياضيات التطبيقية

khairoune · 2012-09-21, 10:57

السلام عليكم انا طالب جديد في بجاية وجهت رياضيات تطبيقية ماذا عن الاقامة في علي لبحر من فضلكم

khairoune · 2012-09-22, 13:38

ارجوكي اختي سيهام هل متأكدت من المعلومة لأنه هناك من بعتوه لعلي لبحر و اخر لاريحن ارجو الرد مشكورة

fouadnet120 · 2012-09-25, 17:59

انا فاني نقرا في بجاية مناجم واش القراية مليحة

siham1992 · 2012-09-26, 15:45

السلام عليكم
واش كمل الديلي انتاع التحويل لجامعة بجاية ولا مازال