ما رأيكم بعقلية زوجي

[*حامل المسك*]

السلام عليكم
لقد مررت بنفس ما مررت به عادة السنوات الاولى للزواج بهذا الشكل وما انصحك به عن تجربة لاتتظاهري بالمثالية فهي لا تنفع مع هذا النوع من الرجال اخبري والديك بالامر لا يجب ان تسكتي عما يجري معك كوني قوية الشخصية لان فالرجل كل ما احس ان المراة ضعيفة كلما زاد تسلطا وظلما عامة الرجل الذي يهين زوجته ويضربها بسبب او بدون سبب ضعيف الشخصية.عليك احترامه فهو زوجك لكن من غير ان تشعريه بضعفك ولا تفكري في الطلاق فهو ليس حلا بل حياة اكثر تعقيدا بعده هذه هي الحياة شد ومد ربي يهديه ويفرج عليك

[تاج الوقار16]

أختي الحبيبة
انا لا اريد ان أبوء بذنبك واطلب الطلاق فتفكيك أسرة انت فقط من يقرره رغم انو العقل لا يقبل ما رويت
ولكن الأكيد أن وراء سلوك زوجك خلفيات أخرى وتفاصيل نجهلها وربما تجهلينها حتى انت
ربما دخوله في علاقة أخرى أو او او او
المهم سانصحك بعمومية
عليك بنصائح ناعمة الهاشمي
وشوفي في اليوتوب يحي الاحمدي
واقرءي سورة الزمر فهي المشاكل الزوجية
ربي يحل كربتك بما فيه خير وصلاح
أما الطلاق فاستخيري قبل هذه الخطوة

[محمد جديدي التبسي]

من يصبر مثلك قليل في هذا الوقت
الطلاق ليس حلا خاصة في وجود الأبناء
لكن لابد ان تنتفضي ضد هذه الوضعية هذا ليس زواجا ؟؟
فكري في سنوات عمرك القادمة كيف ستكون ان بقيت ساكته هكذا
استخيري الله وخبري اهلك ان رأيت أنهم يمكن ان يساندوك فكثير من الأهل يزيدون الطين بلة ولا يقدمون حلولا حقيقية.. ربي يفتح عليك

[sam2016]

السلام عليكم
اولا نقول ربي يهديه وهذا التصرف نتاعو ما يقبلش بيه الدين نتاعنا اللي هو دين رحمة و الدين المعاملة و الاسلام كرم المرأة و وصى عليها سيد الخلق عليه الصلاة و السلام

لازم ما تسكتيش خاصة وانو يهينك امام بناتك اللي مش محال رايحين يكبرو بعقدة اتجاه الرجل و يكون ليه أثر سلبي على المدى الطويل و ممكن تتكون عندهم روح الانتقام ادا بقا يضربك و يهينك و هذه الاجواء غير صالحة للتربية و تكوين اسرة يسودها التفهم و التفهم و الحب و الرحمة و المودة

لازم تخبري ناس كبار في عايلتك ناس نتاع حكمة و خبرة و يوقفو في وجهو و يا ريت يكون معاهم امام او انسان متدين ينبهو المهم اذا تصلحت الامور اللهم بارك و تاني لازم تعرفو نواياه بلاك برك كره و مل احيانا الزوج كي تولد زوجتو يبتعد قليلا عنها الخ كاين رجال من هاد النوع و كاين لا ونتي استخيري و ان شاء الله خير اما اذا بعد النصح والصلح وبقا على حالتو و شفتي انو انسان خلاص ماتفيدش معاه لا حلول لا نصائح ما يحترم لا كبير لا صغير انسحبي قبل ما تخسري حياتك و حياة بناتك
موفقة اختي و انا اتكلم عن تجربة مرت بها احدى قريباتي و راني عارف كل حالة و ظروفها

[اياد حياتي]

انفضي غبار على نفسك لا اقول لك تطلقي فهو ربما لا يرضى ابرزي شخصيتك ووقفيه عند حدو لماذا كل ذل وسكوت هدديه بطلاق واش هذا الا باه يوصل لسب والديا مليحة هذه الي خلق ما يضيع هدري على روحك يا اختي وان شاء احوالك تصلح

[wafa50]

شوفي اختي الطلاق خليه اخر ال لكن لازملك ديري موقف ماترضايش بهذا الوضع و على حسب الموضوع شخصيتك ضعيفة ويمكن هذا راجع لتربية لخاطر ناس بكري يربو على الحياء و الخوف هي حاجة مليحة بصح ضعف الشخصية ماهوش حاجة مليحة لازم تقوي شخصيتك و لازم تقنعي نفسك بلي نتي ماتستاهليش هذا الشيء
المهم ديري موقف اغضبي في دار باباك و اهدري مع باباك يمدلو شروط باش يرجعك

[TOFNINE]

كل النساء لسي لديهن ذوق
ببساطة عند ما يتعلق الامر بالزواج فالمهم راجل ذكر وخلاص وقال تزوجت
في حين كل الرجال الغالي والرخيص يتشرطو ويخيرو واذا ما عجبتهمش السلعة النساء بزاف .
هذا هو مجتمعنا فهو ضد المراة وراء مصطلح العنوسة كثرت
ماشفوش بنات الناس كيفاه عايشين
1/ زوجك ناقص تربية بحجة الرجلة وحقرة الوزجة فالكثير من الذكور من هم فاشلون في فرض شخصيتهم في المجتمع يبرزونها في زوجاتهم بناتهم اخواتهم وحتى امهاتهم وهذا راجع الى الافراط في التدليل الذكوري الرجالي الكاذب
2/ لا يصلح ان يكون ابا ولا زوجا ولا صهرا ولا حتى انسان
3/ لا انصحك بالطلاق فللاسف وان كنت عديمة المدخول ومن النساء اللتاي لا تستطيع الاستقلالية عن الرجل ماديا
ارجعي للبيت واجمعي امه واباه هما سبب تربيته وحكي ولا تكرري خطا انك تصالحيه دائما
ارجعي لبيتك وخليه يبات ليالي في الخلاء فهو من اختار
خليه ياكل برا وما ياكلش من يدك هو من اختار اضغطي على قلبك الضعيف
خلي عندك شوية عزة نفس في بيت الزوجية حلي مشاكلك
اذا كان غول او وحش واراد ضربك اهربي عند باباه ويماه وشوفي تصرفهم جميعا .
فاظن ان كانو ناس وعندهم ذرة ايمان مراحش يقبلو بهكذا تصرفات واذا شفتي سكوت وعدم ردود منهم فالافضل ان نتسحبي لانك في بيئة غير بشرية والارزاق بيد الله اللهم الجفاف ولا عيشة الذل .
قلوبنا معك وربي يفرج عليك اما بصلاحه او ان يسهل لك الله امرا من عنده .

[الداعي الى الحق]

اختاه بما انه وقع الفاس في الراس وبما انه المجتمع لا يرحم المطلقات نقولك رد واقعي اكثر يخدمك بزاف
ماتديريش وماتسمعيش الاعضاء لقالولك قولي لاهلك لانه ادا قلتلي لاهلك غادي يكبروها يزاعفوا ويجيو عند زوجك ويديرو شجار وزوجك يطلقك
لانه مثلما اتضح لي زوجك هدا راه يبحث عن الاسباب باه يطلقك انتي حالتك كيما راه يوقف فوق قمة الجبل فاي حاجة تديرها ومدرستيهاش صح يمكن انها تطيحك وتسقطين للهاوية ولدلك احترسي وسقسي الكبار خير لانهم يعرفون الحياة احسن منا.لو كان تقولي لاهلك خصوصا ادا كان عندك اخوة فمراحش تكون على خير ولدلك من الاحسن ان تخبري اهله هو اخبري امه او ابوه بكامل واش يدير معاك وهما اكيد كي يروحه يهدروا معاه مايبدوهاش بالعصبية والغضب وهو غادي يسمعلهم حتى لو كان جاو يعيشو معاك طلبي منهم تدخل . بصح مانصحكش تدخلي اخواته لانه بلاك مايحبوكش ويشتغلوا ضدك فلدلك الاحسن تخبري امه او ابوه
وربي ييسرلك امورك بالتوفيق وسلام عليكم وكتبيلنا جديدك ومادا حصل معاك

[ام احمد اياد]

سلام اختي
قبل كل شيء ربي فرج عليك ،من تجربتي الخاصه ا مكانش زواج لا يخلو من من المشاكل ولكن لازم تعرفي كيفاه تتعاملبن معها والسكات بزاف ماشي مليح لازم ديرمي موقف في حياتك وتخلي زوجك يندم على النهار لي خمم يضربك ويسبك فيه لانو كرامتك فوق كل شيء.
والله يا اختي راني حاسه بيك انا تاني راجلي ضربني ولكن كانت اول مره يضربني ولكن مافوتهالوش غضبت في دارنا وطولت ولرفضت الرجوع لان يعتاذر مني وصل حتى انو رفع عليا دعوة طلاق ويهددني بيها ولكن انا قررت مانرجعش حتى يعتذر واذاسكتلو راح يوالف فيا وستمرت دعوة وماخفتش لانو كان ديما بهدد فيا بالطلاق ولكن دركا ولا يبكي باه نرجعو الخلاصه من من هذا ماتخافيش من الطلاق ديري في بالك واش كتبلك ربي رايح يلحقك ولي خلق مايضيع يا تعيشي معيشه مهنيه يا الفراق احسنا
والله معيشة الذل والحقره ماهي معيشه الزواج مودة ورحمه ماشي سب وذل وضرب

[zokhrofa]

السلام اختي انا نتبهت لجملة قلل من قيمتي امام اهله

صدقيني قيمتك اكبر من قيمته عند اهله و عند الناس كامل ذوي العقل طبعا

اذا كنا احنا تعاطفنا الان و عرفنا انو زوجك قليل العقل فمابالك اهله وان اخفوا هذا صدقيني في قلوبهم راهم يقولو يا حليلها هذه المراة و مش بعيد يحكو عليك في الغيبة و يقولو مرت وليدنا رافدا هبالو

و نزيدك حاجة ربما هذا ابتلاء الله لكي في الدنيا تحمّلي اختي و جزاتك الجنّة

[ammar48]

صلي صلاة استخارة ودعي ربي سبحانو يهدي واذا عاودها ننصح 2 اولاد خير من يولو 3 ولا 4 هذي قلتها ميمتي زوج ولا 4

[wala]

لاانصحك بالطلاق ابدا زوجك ليس وحده في ساحة الحقرة هناك الكثير مثله سلاحك هو الدعاء له بالهداية قولي لوالديك ووالديه ان يدعو معك له باهداية دون سرد المشاكل والتفاصيل ادعي له في السجود وفوضي امرك لله صدقني لو كان زوجك حجرة لتفتت من معاملتك الطيبة وصبرك عليه خاصة بينكم بذرة حب بنتين حنني قلب بناته عليه اطيعي امه ولا تشتكي منهم ابدا حتي تري مالا تتوقعينه واش نقولك الله يهدي جميع الازواج ويطيب العيش كاين لي يتكلم ومايحملش وكاين لي يحتسب والله فيها نتيجة بادن الله

[zokhrofa]

انا مع ولاء في هذا ياما ناس تعدلت غير بالدعاء احنا رانا ندعولك و ربي يوفقك ان شاء الله

[Medrosicada]

الزواج مودة

[mtoussa]

انتي تطلبي المساعدة في منتدى ربي يهديك
كاين لي يقولك اطلبي الطلاق ، يعلم ربي ممكن يزوجك بعد ما تطلقي
كاين لي قولك روحي لدار باباك ممكن ممكن يجي لداركم باش يصلح بيناتكم
كاين لي يقولك حد ما يصبر على هذا الشيئ انا نقولك علاش خطراكش خونا ما هو خاسر والو

كاين لي يقولك ربي يهديك ... خطراكش منتدى الجلفة ماهوش دار الافتاء او جمعية مساعدة المراة راهو ملتقى التقرعيج و لي سوق الكلام

بالنسبة للناس لي راهي توزع الاراء عفوا عفوا اقصد الحلول الاجتماعية او الفتاوى ربي يهديك ما سمعتوش قول الرسول ص لعن الله المخبب

ربي يهدينا و يهدي ما خلق