اتحداكم ان لا تضحكوا من هذه النكتة - très fort

~~peace_messenger~~ · 2011-01-09, 13:54

السلام عليكم و رحمة الله

إخواني اخواتي اردت ان اقص عليكم قصة مضحكة و جميلة حدثت معي لانسيكم في بعض من هموم الدنيا ولو ل 5 دقائق .

بعـنوان : تعليمة الوزير VS كلام جدتي

------------------------------------------------------------------

الأمس زارنا شخص عزيز على قلبي ، و هذا الشخص هو : جدتي العزيزة.

و بمجرد دخولها قالت: واين هو الطالب (قصدها المعلم باللهجة تاع ناس بكري) puisqueحكالها عمي بليي نقري في الإبتدائي.
فقالت لها امي :راه خرج من الصباح مازال مارجعش.

وعند رجوعي إلى المنزل و بمجرد دخولي وجدت جدتي في إنتظاري و عند رؤيتها لي قالت لي : واش حوالك يا الطالب؟توحشتك يا ولدي لعزيز.
و قبلتها و سالت عن أحوالها: واش حوالك يا "الحاجة"؟
فقالت : لاباس ربي و نعمتوا.
وبقينا نتحدث حتى قدم طعام الغداء وامام كل افراد العائلة قالت لي جدتي:راك كبرت ضرك و راني لقيتلك طفلة مليحة وجد روحك و نخطبلك.
فإنفجر كل افراد العائلة بالضحك و قلت لها : يا جدتي راني نخدم بصح قادر من غدوا يبطلوني.
قالت و علامة الدهشة في وجهها : علاه يخرجوك هذا ؟
رايهم ولا قريت باطل !!!!
ياخي تخدم يالديبلوم تاعك.

قلت لها :إيه بصح راني خدام Contrat
فقالت لي: المهم تسلك ، انا بغيت نشوف ولادك و نفرحلك في عرسك.
قلت لها: ايه ، نسلك ، بصح العام الجاي على حساب ما سمعت.
قالت لي : علاه هذا ؟
و كيفاش تصرف انت هذ ليام ؟
واش يخليك تصبر حتى للعام الجاي؟

قلت لها :هكذا البلاد تمشي.
قالت لي : مابقاش معيشة فالبلاد هذي.
وقالت " الحاجة " :
"مالا الخدمة بالشهر و السلاك بالزهر"

فضحك كل من افراد العائلة بمن فيهم جدتي وانا وفي الأخير قلت في نفسي :
هذا هو حال المتعاقدين في هذا الزمان و المكان.

في النهاية اطلب من الإخوة و الأخوات الكرام الدعاء لي بالنجاح في المسابقة و لجدتي "الحاجة" بالشفاء،وللنظام بالصلاح .

آمــــــــــــــــــــــيـــــــــــــــــــــــــ ـن

وشكرا

صاحبة القلادة · 2011-01-09, 14:01

ان شاء الله تنجح في المسابقة
وربي يجيب الشفاء لجدتك
اللهم امــــــــــــــــــــــــــــــــــــــين

meriem86 · 2011-01-09, 14:09

ان شاء الله ربي يفتح عليك ويطول في عمر جدتك يارب

~~peace_messenger~~ · 2011-01-09, 14:24

اقتباس:

المشاركة الأصلية كتبت بواسطة أتعــبــني غــروري

ان شاء الله تنجح في المسابقة
وربي يجيب الشفاء لجدتك
اللهم امــــــــــــــــــــــــــــــــــــــين

شكرا اخي على الدعاء

~~peace_messenger~~ · 2011-01-09, 14:25

اقتباس:

المشاركة الأصلية كتبت بواسطة meriem86

ان شاء الله ربي يفتح عليك ويطول في عمر جدتك يارب

شكرا اختي على الدعاء

فارس المسيلي · 2011-01-09, 15:04

"مالا الخدمة بالشهر و السلاك بالزهر"
هذا هو حال المتعاقدين في هذا الزمان و المكان.

elryme · 2011-01-09, 15:28

الخدمة بالشهر و السلاك بالزهر ربي يحفظ اللي قالتها
ان شاء الله ربي يفتح عليك ويطول في عمر جدتك يارب

allmaza · 2011-01-09, 17:52

كاينة منها
السلاك بالزهر هههههههههههههههههههههههههه

hiphopa_nina · 2011-01-09, 17:59

انشاء الله تنجح في المسابقة وربي يحفضلك جداك حتى نهار تفرح في عرسك وتشوف ولادك

nesrine84 · 2011-01-09, 18:13

ان شاء الله تنجح في المسابقة
وربي يجيب الشفاء لجدتك
اللهم امــــــــــــــــــــــــــــــــــــــين

angeliko · 2011-01-09, 20:32

ان شاء الله تنجح في المسابقة... ... وربي يجيب الشفاء لجدتك وربي يحفضهالك حتى نهار تفرح في عرسك وتشوف ولادك... ... ...اللهم امــــــــــــــــــــــــــــــــــــــين.
اتمنى النجاح للجميع في المسابقة بما فيهم انا ... ... ... اللهم امــــــــــــــــــــــــــــــــــــــينا

1980azhar · 2011-01-10, 08:22

ان شاء الله ربي يفتح عليك وعلينا ويطول في عمر جدتك يارب

~~peace_messenger~~ · 2011-01-10, 16:16

اشكركم جميعا يا إخواني و اخواتي

raouf1981 · 2011-01-10, 17:46

يا اخي الحبيب الزواج رزق في حد ذاته و اذا كنت عازما فتزوج ولا تبالي بالاستخلاف فالزواج يأتي بخيره و لا تربك نصف دينك بمقرر الاستخلاف فهذا ظلم لنفسك و انشاء الله ربي يفرج علينا أجمعين

mmm_fadwa · 2011-01-10, 20:43

ربي ينجحك ويوفقك في حياتك يا رب ويشفي جداتك ويجعلها ويجعلنا جميعا من اهل الجنة امين