بين المسابقة و ادماج المتعاقدين و المستخلفين على مناصب شاغرة

[khadidja2008]

السلام عليكم و رحمة الله و بركاته
انا استاذة متعاقدة و لم اتحصل على المنصب بالمعريفة لانو ببساطة في منطقة نائية و لا يوجد بها مواصلات يعني ولا واحد يفكر يروحلها
و لست خائفة من الاختبار بل من المحسوبية و المعريفة اللي راك تهدر عليها لانو المسابقات ديما كيما هاك
لاني انا نجحت في مسابقة 2013/2014 و من ثم خدمت عام و نحاتني المحسوبية اللي راك تهدر عليها
و هاذ العام استاذ من خارج الولاية بعد ما ترسم راح لبلادو كي العادة و من حقوا و خلا اقسام النهائي و المدرسة ككل لانو المدرسة فيها منصب واحد انجليزية و كيما قلت واحد ما يتشجع و يروح للمنطقة النائية
رحت و خدمت و راني خدامة و تخيلوا رجلي حاشاكم مكسورة و نروح باش ما يضيعوش و خصوصا اقسام النهائي و من بعد نولي انا و الزيرو كيف كيف
انا لا اطالب بتجميد المسابقة لان كل المتخرجين يستاهلوا لكن خذو بعين الاعتبار مجهوداتنا و تعبنا
تخيلوا لوكان واحد ما خدم استخلاف و خلاو العجز و استنينا المسابقة رايحين كي حنا كي اللي مش يخدموا هذا حق الخير ما خليناش ولادكم
و في لاخير سواء دمجونا و لا لا انا المهم خدمت على وجه ربي

[هاجر المدانية]

اختي ربي يكون في عونك وربي يفرج عليك وعلينا لي كاتبا تلحق . رنا قع نعانو .

[kadi ala]

اختي ربي يكون في عونك وربي يفرج عليك

[younes_01]

رانا كيف كيف الشدة في ربي و خلاص

[Kamoul]

كفاكم من خطابات التيئيس وشمروا عن سواعدكم ثم طالبوا بحقوقكم فما ضاع حق وراءه طالب

[خوخيتو]

واحد ما حتم عليك!

[ملاك الورد23]

المشاركة الأصلية كتبت بواسطة خوخيتو

واحد ما حتم عليك!

عيب وعار عليك يا الي ماتحشميش تقولي لاستاذتك هذا الكلام الذي يدل على غباء وقلة احترام .....؟ لاحول ولا قوة الا بالله ندرسوا فيكم على وجه ربي ونتعبوا ونبحثوا باه نوصلوكم الى مستويات تكونوا فيها قادرين على مواجهة مصاعب الحياة مهما كانت ......! والله انا ندرس في سنوات الاولى والثالثة متوسط واقسم بالله واحد ما يعرف يركب جملة صحيحة او يقرأ فقرة قراءة صحيحة ومفهومة ، وهذا نتيجة لانهم درسوا في السنوات السابقة عند اساتذة مرسمين وعندهم خبرة لكن ما يخافوش ربي وماتعبوش معاهم الله لا تربحهم هوما الي طيحوا النيفوا تاع التلاميذ وماشي المتعاقدين يا بن جغليط

[جمعي البشاري]

رانا كيف كيف الشدة في ربي و خلاص
وربي ينجح الجميع

[عباس عرفان]

أثار انتباهي تعليقات تنقص من قيمة الاستاذ المتعاقد والمستخلف ...والله الذي لا إله إلا هو بين الاستاذ المستخلف والاستاذ المرسم إلا الصفة البيداغوجية ... أنا أستاذ مستخلف لغة عربية متوسط ... و أدرك ماذا قلت ....نسأل الله العظيم أن يجازينا ويرزقنا يارب
موضوعك مميز ... أرجو أن لا تثبط عزيمتك فقط ضعي شيئا واحدا نصب عينيك من يعمل بنية حسنة كوني على ثقة ربنا لن يخيبه أبدا

[ihouzin]

اختي ربي يكون في عونك وربي يفرج عليك

[سليل العروبة]

المشاركة الأصلية كتبت بواسطة khadidja2008

السلام عليكم و رحمة الله و بركاته
انا استاذة متعاقدة و لم اتحصل على المنصب بالمعريفة لانو ببساطة في منطقة نائية و لا يوجد بها مواصلات يعني ولا واحد يفكر يروحلها
و لست خائفة من الاختبار بل من المحسوبية و المعريفة اللي راك تهدر عليها لانو المسابقات ديما كيما هاك
لاني انا نجحت في مسابقة 2013/2014 و من ثم خدمت عام و نحاتني المحسوبية اللي راك تهدر عليها
و هاذ العام استاذ من خارج الولاية بعد ما ترسم راح لبلادو كي العادة و من حقوا و خلا اقسام النهائي و المدرسة ككل لانو المدرسة فيها منصب واحد انجليزية و كيما قلت واحد ما يتشجع و يروح للمنطقة النائية
رحت و خدمت و راني خدامة و تخيلوا رجلي حاشاكم مكسورة و نروح باش ما يضيعوش و خصوصا اقسام النهائي و من بعد نولي انا و الزيرو كيف كيف
انا لا اطالب بتجميد المسابقة لان كل المتخرجين يستاهلوا لكن خذو بعين الاعتبار مجهوداتنا و تعبنا
تخيلوا لوكان واحد ما خدم استخلاف و خلاو العجز و استنينا المسابقة رايحين كي حنا كي اللي مش يخدموا هذا حق الخير ما خليناش ولادكم
و في لاخير سواء دمجونا و لا لا انا المهم خدمت على وجه ربي

الاحتمال الثالث هو استدعاء الاحتياط