هل هو غش ام نعتبره مساعدة ام هو اعطاء حق لغير المؤهلين

[wahebgsm]

بسم الله الرحمن الرحيم

السلام عليكم و رحمة الله و بركاته لاحظنا في الامتحانات التي قمنا بها في اليومين السابقين حالة من اللامبالات من طرف المراقبين و الممتحنين الا يجوز ان نتذكر الله و رسوله صل الله عليه و سلم و قوله** من غشنا فليس منا** الا نستحي من الله و ندعي انها اعانة افيقو يا ناس انتم تغضبون الله و تدرون ذالك الهاذا وصلت بنا الجرءة و الوقاحة لنكون عكس رسول الله صلى الله عليه و سلم و للاسف هنالك بعض من الاساتذة و المراقبين يخطون خطي الممتحنين فتجد من يصحح نصف الاسئلة و تجد من يصحح لهم الموضوع كاملا و اسفاه على جيل لا يفقه شئ سوا مصالحه حتى و لو كانت تغضب الرب و تسيئ الى الاسلام و المسلمين فحسبنا الله و نعم الوكيل .

اخي الطالب اختي الطالبة ارجو منكم ان تتركو هاذه العادة السيئة و المشينة و المسيئة للاسلام فكونو كما انتم فحظرو و راجعو و ادرسو بجهد كي تنالو ما تحلمون به لا التحلي بطرق غير شرعية و اغضاب الرب على اشياء و لو قسناها بالعقل تجدها لا تساوي شئ مع اغضاب اللله سبحانه و تعالى .

[حميداني عبدالرزاق]

ربي يهديهم

[mona 88]

مع الاسف هذه الظاهرة تتفاقم كل سنة مما ادى بلاساتذة الى فقدان كرامتهم حيث انهم فقدوا مبادئهم بترك المجال للمتحنين بالغش وذلك باعطائهم نسخ عن الاجابات(ربي يهدي هذا النوع من الاساتذة) .مما جعل بعض الاساتذة يعانون اثناء الحراسة من فوضى التاميذ ومحاولتهم الحصول عاى الاجابات بشتى الطرق ,توجيههم لكلام جارح للاساتذة و توجه بشكوى لمدير المركز من اجل تغيير الاساتذة :conf used:

[mer ilham]

الله غالب كون كنتوا في بلاصتنا كون فهمتوا عندك فرصة وحدة للنجاح ما تقدرش تفوتها واش تقول ادا قتلك اني حاولت وحفظت ولخصت معظم المواد لي راح نفوتوها و مباعد ما فهمت والو نشوف الناس كامل ينقلوا و يخدموا بالرغم من اني متأكدة بلي واحد منهم ما حظر حاجة و نبقى أنا حاصلة no no no ما نقدرش و نزيدك حاجة دخلنا باش نفوتوا الفلسفة جاء مدير المركز وقال ما تستعملو ولا شيء خارجي و ممنوع استعمال الهاتف و كي خرج قعدنا ساكتين صح الاغلبية حاصلين نطقت الاستاذة و قلتلنا يا جماعة أهدروا بلعقل ما ديرولناش الفوضى في رايك واش معناتها اذا هي الاستاذة فتحت المجال كيفاش حابني نكون انا طالبة و نحترم القوانين ، انت عندك الحق و احنا ربي يهدينا و علابالنا بلي ما شي حاجة مليحة بصح هادا هوا الحال

[djaloule21]

أعتقد انو السبب الرئيسي هو الجنس اللطيف للأسف كاينا بعض المراقبين راحتلهم الرجولة

[dido2010]

يا خويا سلك راسك باينة بلي نتا ماراك فاهم فيها والو

[الأميرة ميمي]

على الجنس لطيف ونزيدو حاجة علاش تقولو الغش ما الغش شفتو الاساتدة + حنا في تلمسان والله زيار حتى مابقاش فالمتوسطة لي طحت فيها ,,, والاستادة مزيرتنا وفتالي قالتنا علاش راكم توجعو ريسانكم انا ملي نصحو والله مانشوفو فالورقة نعطيو على حساب واسم يقولنا راسنا يعني يعطولكم نقطة كيما يحبو

[sarah sarita *]

---********

[الأميرة ميمي]

فواسم مساعدة خيتو

[بنت النخلة]

السلام عليكم
هو اكثر من ان يكون فقط غش في امتحان بل هو هدم لاسس البلاد ...........................

[الأميرة ميمي]

هدم لاساس البلاد شكون لي راه يهدم لبلاد حنا ولا هوما ،،، كل عام نحفظو غير سكتو ونقتو رواحنا ونخسرو دراهم وهما فتالي يطلعو غير ولاد المعرفة ماتلاوموناش حنا

[adsense]

المشاركات : 1 ممممممم فيها انا
-
اقعدو تبعو غير المساكن ,, و الله متربحو يا وجوه البخس

[الأميرة ميمي]

مافهمتش كلامك يا الاخ

[*عاشق فلسطين*]

هي الاستاذة فتحت المجال كيفاش حابني نكون انا طالبة و نحترم القوانين
+1

[حفصة92]

فالحقيقة البظاهرة عامة والي ما يساعدش يعتبروه اناني ومايحبش الخير للغير بصح نساوا بلي الواحد قرا وتعب مشي على جالهم هوما الي ماحلوش الكتب وماعندهم ولا فكرة على المواضيع....
بصح تاني الصح يبان فالباك....