تطبيقي تارت الليمون لام وليد و موديفيتها شوي ادخلو تفهمو

I'm a girl · 2019-07-03, 22:11

سلام كيراكم حباباتي ان شاء الله كااااااامل تكونو ملاح
بون اليوم وحد الخالوطة درتها فلكوزينة والله لي يدخل يشوف حالتي يضحك عليا
ندخلو في الموضوع شفت تارت الليمون لام وليد وعجبتني قلت نسييها مع السخانة هاذي والفييييد بون تلقاوها في هاد الرابط
https://yo utu.be/Y2BAHki4Kv0
نحو الفراغ المهم انا كي درت العجينة فالمول درت فوقها اللوبيا بش ماتطلعليش مي الكريمة مادرتش هاديك بصراحة ماعجبتنيش المهم درت 1لتر حليب و فانيليا يغلو و خلطت 90 غرام مايزينة و 100 غرام سكر و 2بيضات و زدتلهم نكهة الليمون خلطتهم ملييح بالخلاط و كي غلا الحليب بقيت نزيد غير بالشوي ونخلط باش ما يطيبليش البيض رجعت كلش فالنار باش تعقد الكريمة وغطيتها وخليتها تبرد كي بردت مليح كان عندنا شوي كراميل خدمنا بيه القاطو تاع العيد ايا قلت نكمل على جد باباها زدت 2 مغارف صغار تاع كراميل في الكريمة و خلطت مليييح ومبعد زينتها بالكوكاو هههه قلتلكم خالوطة مي جات تهبل الحمد لله اول مرة نسييها ونجحت بون نخليكم مع الصور

ماتنساوش تقيموني وتعطوني رايكم

أم رقية نسرين · 2019-07-04, 15:57

يعطيك الصحة فحلة الله يبارك
قوليلي كيفاه جا ذوق الكراميل مع الليمون

I'm a girl · 2019-07-04, 18:51

يبارك فيك حبيبتي
والله جات تهبل صراحة شكرا على المرور العطر