رحت للمحكمة العسكرية و رجعت و لكن ؟

[ghezal sofian]

خاوتي رحت للمحكمة العسكرية اصحابي الي معايا هزوهم كامل و انا تاني كانو رايحين يهزوني ديت ملف كفالة مقبلوهش بعد ما حللتهم عطاولي استدعاء بعد 05 اشهر قالولي جيب ملف طبي واش معناها انا منيش ميشي مريض و هل ممكن فيها امل راني حاس يرفدوني خاطر جماعة رفدوهم الي معايا لا ملف طبي لا كفالة

[macbookpro]

أحكيلنا خويا كيفاش المعاملة ؟ من البداية
نحاولك الروشارش ؟

[عصام720]

يا أخي العزيز انطلاقا من خبرتي المكتسبة في المحكمة العسكرية . إذا ذخبت بدون ملف كفالة ولا طبي راح يرفدوك هذه حتمية لكن عندما تأخذ ملف كفالة راح يبعثوك للدرك المختص في دائرة سكناك وتعمل تحقيق وانشالله فيها خير.

[جمال المغاربي]

ملف طيب مش ضروري تكون مريض أخويا روح عند طبيب يديرلك بلي راك مريض مرض من كنت صغير الله يعافيك

مرض نفسي ولا جلدي لا عينين واختار مرض من هادو الثلاث

مع العلم أني 13 جانفي رايح لنفس المصير تاعك لكن تجاوزتك بمرحلة

انت لما تحط الملف الطبي يبعثوك للمستشفي العسكري تعمل فحص مضاد عند طبيب تاع العسكر وهو لي يديرلك آبت ولا إينابت

ويعطوك استدعاء ترجع ليهم بعد حوالي شهرين تروح ليهم يقولولك واش دار ليك الطبيب (مع العلم انو الطبيب ما يقولش ليك في المستشفى واش عمل )

إذا الطبيب عمل مؤهل راح يشدوك ويتم تحويلك إلى ثكنة أخرى تفوت العام ( كاين طبيب آخر في الثكنة لي يبعثوك ليها يعاودلك الفحص وممكن يخرجك بعد ايام)


وإذا عمل ليك الطبيب غير مؤهل نقولولك مبروك عليك

أرجوا أن أكون قد أفدتك

[مواضيع بكالوريا]

enta mach recharche 3liha hazok
lmara ljaya yhezok
qalolek jib milf tebi khater kafala ta3ek maqeblohach

[MrBlaugrana05]

في ماي يجيك لوردابال اللخر نورمال مادام ما داوكش قالولك ملف طبي بش تقدر تخرج اينابت لأنو ملف الكفالة يتهربو منو لاخاطر فيها خدمة ليهم منا ل ماي راك عادي ما تكسرش راسك حاول دير كاش دوسي مرضي و اتكل على ربي