عصاة الخدمة الوطنية. و المحكمة العسكرية

[ابو سليمان10]

المشاركة الأصلية كتبت بواسطة hugo1000

يعني لازم يسوريني هكذا

يكفي فقط ان يكتب لك تلك الشهادة....المهم هو رقم سجله التجاري + الراتب

[sarimo10]

ها روح عدى لعام ولا خايف اذ كت راجل ولانت محجوب

[Hugo1000]

ضروري كشف الراتب ايضا
او فقط شهادة وحدها كافية

[ghezal sofian]

خاوتي شكون الي كان روشارشي وراح للمحكمة العسكرية في البليدة يفهنا كيفاه السمانة الجاية ]نروح ماني فاهم والوووو واجركم على الله انا من مواليد 1989 عندي ملف كفالة وشحال الوقت باش نفريها الي عندو خبرة و دخل المحكمة يقلنا و الله يحفظو شكرا

[youss3]

السلام عليكم، من فضلكم أفيدوني،
انا من مواليد 1986 و أنهيت الدراسة سنة 2011 ، انتهى تأجيلي في 31/12/2011.
في جانفي 2013 احتجت الى سورسي لكي أعمل فأعطوني استدعاء لمدة شهر، بدأت أعمل و الى حد الآن لم أرجع اليهم ،
حاولت أن أعرف وضعيتي(روشارشي أم لا) قالولي أني بحث بدون جدوي ، فماذا يعني ذلك؟
مع العلم أني ضعيف البصر و متزوج
بارك الله فيكم

[ghezal sofian]

وين راكم اصحاب الخبرة ولا نسيتو خاوتكم الي يستناو في حل بسيط باش يخرجو من هذي المتاهة؟؟؟؟

[said kako 04]

لي صديق ذهب الى مكتب التجنيد بالولاية ومدولو برية باش يروح الى المحكمة العسكرية بالبليدة ومعل رايح غدوة ولكنه :
-من ضحايا المأساة الوطنية(الارهاب)
-ليس له اي مستوى تعليمي

--------من كان في عون أخيه كان الله في عونه---------------

[achilledz]

السلام عليكم
خاوتي انا زايد في 1990 ملحقني والو يعني منسي وحاب نسوي الوضعية نتاعي كيفاه ندير والا كان نقدر ندير ملف طبي مع العلم اني مداير عملية جراحية في يدي عندها 10 سنين مي مزالت باينا اللي يعرف يجاوبني وبارك الله فيكم

[sidibenadda]

عندي براءة من المحكمة مند شهر وسورسي مند اسبوع و مازلت انسومي روشارشي....لم يعطوني وثيقة الكف عن البحت ....اريد السفر للخارج اشاء الله لكن شرطة الحدود منعوني ..............وين الحل الله يخليكم كي نتهنا من هاد المشكل و مانوليش روشارشي??????

[ghezal sofian]

ارجع لمركز الخدمة الوطنية خويا ينحيولك الروشارش في المحكمة درت ملف كفالة و لا طبي و علاش عطاولك سورسي

[sidibenadda]

انا نقرا ماستر سنة اولا ....رحت لمركز الخدمة الوطنية الناحية 2 بولاية عين تموشنت (ملحقة ta3 oran) قالولي ماراكش روشارشي مافهمت والو كي ندير الله يخليكم

[رفيق اللغة]

السلام عليكم اخوتي..انا اني رايح للمحكمة العسكرية و مدي معايا دوسي مديكال ...فهموني كيفاه يدرسو الدواسا و كيفاه يدزونا للمستشفى العسكري؟و كي تعود مقبول الدوسي و لا مرفوض وين يبعثوك؟الرجاء الاجابة لان الامر ضروري...شكراعلما اني من مواليد 1987

[ghezal sofian]

زلازم الملف الطبي يكون صحيح خاطر كي تدفع الملف الطبي تروح للمستشفى العسكري كونتر فيزيت اذا دارلك غير مؤهل تدي الاعفاء و اذا دارلك مؤهل تجند و اسال اهل الخبرة خويا انا نعاونك واش فهموني جماعة انا راني روشارشي

[akramov]

السلام عليكم ورحمة الله وبركاته خاوتي شكون يقدر يعطيني الرسمي انا في أوت درت 25 سنة و ملي سجلت فالبلدية ف2008 ما زدتش رحت بعثولي تاع الفحص ف2009 و استدعاء مكتوب فيه في اقرب وقت ممكن لتسوية الوضعية طالبين ديبلوم او شهادة دراسية هاذي ف2013 و في اكتوبر لي فات تخرجت ماستر دوك راني عاصي؟لوكان نروح نجيب اوردر دابال باش نروح في جانفي يحسبوني متطوع؟

[عصام720]

اليلام عليكم ورحمة الله وبركاته
اليوم من علي الله بالفرج من عنده بعد صراع دام أكثر من 4 أشهر مع مصالح المحكمة العسكرية
انشالله ربي يوفقكم جميعا وتنالون الإعفاء
سأخصص موضوعا كاملا يتحدث عن تجربتي مع المحكمة العسكرية لتمديد الإستفادة من تجربتي