☺مشاركتي في مسابقة شاف مطبخنا ♥3♥ (☺التحلية☺)

zhor1970 · 2013-05-07, 23:09

☺ وأخيرآآآ وصلنا الى المرحلة الأخيرة من المسابقة واللي كانت فرصة ليّا أنّي من خلالها تعرّفت على صديقاتي♥ أم ماجد ♥ بسملة فرح♥ بيبا♥ والوهرانية♥ اكثر من قبل والحقيقة عرفت نبل أخلاقهم وسعة قلوبهم وأيضا برآآعتهم في كل مجا لات الطبخ.☺
وهدا كان شرف ليّا
والشّكر والامتنان للمشرفات الغاليات اللّي منحونا هاد الفرصة
والان ندخل في الموضوع
حبّيت انقدم تحلية اتكون بسيطة وفي متناول الجميع هي التشيز كيك لكن علي طريقتي :

☺بسم الله نبداو بالمقادير:☺

☺نحتاج الى : 4 علب بسكويت الشاي العادي + علبة قشدة طرية (كريم فخاش) + علبة قشدة سائلة + كميّة من الفراولة الطازجة + كريم شانتي + صفار بيض + جبن أبيض طريّ + علبة أناناس مصبّر + علبة حب الملوك مصبّر + علبتين من جولي بنكهة الخوخ و الفراولة + زبدة .☺
أولا : نبدأ بتحضير التشيز كيك بنكهة الفراولة :
☺نرحي البسكويت + فنجان زبدة ذائبة ثمّ نضيف صفار البيض و نعجن حتّى نتحصّل على عجينة طريّة :

☺ وامبعد انطرحوها في مول كيما هادا و اندخلوها للفرن لمدّة 10 دقائق ☺:

☺وهذا شكلها بعد ما طابت ☺:

☺و دركا انوجدوا الحشوة ، انطلّع لاكريم فخاش بالباتور مع السكّر (كأس) ، ثمّ نضيف عليه الجبن و نخلطوا مليح مليح ☺

☺نرحي كميّة من الفراولة و نضيف عليه ملعقتين من جولي بنكهة الفراولة و نضيفو على الكريمة اللّي وجّدناها و نخلطوا مليح و نفرغوها فوق طارت البسكويت اللّي طيّبناها من قبل و ندخلوها للمجمّد مدّة ساعتين ☺

هده القطع الصغيرة تاع الفرولة بعطي بنة مممممممممممممممممم هايلة

☺نرحي كميّة من الفراولة و نسخّنها و نضيف عليها علبة جولي بنكهة الفراولة و نخلّط مليــح ثمّ نفرّغها فوق الكيكة و ندخلها للثّلاجة ( ليس في المجمّد) ليلة كاملة من الأحسن ☺

☺و هذا شكلها بعد ما بقات ليلة في الثّلاجة☺ :

☺هادي مقادير التشيز كيك بنكهة الأناناس و الحشوة عبارة عن كريم شانتي و جولي ، نوجّدوا عجينة البسكويت بنفس الطريقة الاولى بعد ما نطيبوها نوجدوا الحشوة ☺

☺بالنسبة للحشوة انطلّع 4 ملاعق كريم شانتي انتاع الميزان مع قشدة سائلة ( علبة = كأس و نصف ) ، نخفقهم مع 4 ملاعق سكّر عادي و نذيب علبة جولي بنكهة الأناناس في نصف كأس ماء مغلّى و نخليوه يبرد شوي ثمّ نضيفو على الحشوة و نطرحها فوق طارت البسكويت و نزيّنها بالأناناس و الكرز المصبّر ثمّ نوجّدوا الطبقة الاخير و اللّي هي كأس و نصف عصير الأناناس + علبة جولي بنكهة الاناناس بعد ما نغلّيو العصير نذوبو فيه الجولي ، نخليوه يبرد غيــــــــــر شوي و نفرّغو من فوق☺

☺هذا شكلها من الجهة السفلية بعد ما بقات ليلة كاملة في الثلاجة و هذه الحشوة لا تحتاج للمجمّد ☺

☺حبيت انقدم معاهم كيكة البسكويت الباردة بالشكلاطة : نرحي الشوكولا و نضيف عليها 150 غ زبدة و نذوّبها على حمّام مائي و نضيف عليهم كمية من البسكويت و نفتّتوه فقط مانرحيوهش و شوي فواكه جافة ، نخلطهم و نفرّغهم في بلا مغلّف بالنّايلون و نحطّو في الثلاجة حتى يتماسك ، و امبعد زيّنتو بخطوط من الشوكولا البيضاء و فتات البسكويت ☺

☺♥☼ و هذه أشكال مختلفة للتّقديم كل واحدة و كيما تحب ☼♥☺

☺♥ و كلمتي الأخيرة الشّكر و الاحتراآم للمشرفات و كلّ التقدير لزميلاتي المتسابقات و لكل من ساهم في هذه المسابقة من قريب او من بعيد و لكل عضوات المنتدى ، دمتم في أمآآن الله ☺♥

basmala farah · 2013-05-07, 23:13

ماهذا الجمال يا زهور و يا للهمة ههههه الأزمة تولد الهمة شفتي كي ديري في قلبك واش تخرجي
ما شاء الله فنانة مع حسن الإحترام و التقدييييييير خموس عليك
نتمنالك التوفييييييق

أم ماجد · 2013-05-07, 23:17

ابدعت زهور الله يبارك اكيد بنينة وشكرا على المجهود الكبير

*أم كوثر* · 2013-05-07, 23:22

ماشاء الله تبارك الله

والله الواحد يتمتع وهو يشوف هد التحف
يعطيك الف صحة وتسلم ايدياتك

meriama13 · 2013-05-07, 23:23

امممممممممممممممممممممممممممم
يا مامي على الالوان تفتح النفس يعطيك الصحة

biba04 · 2013-05-07, 23:29

زهوووووووور بنت بلادي ابدعتي ابدعتي ابدعتييييييييييييييييييييييي والله روعة ماشاء الله عليك

zhor1970 · 2013-05-07, 23:40

اقتباس:

المشاركة الأصلية كتبت بواسطة basmala farah

ماهذا الجمال يا زهور و يا للهمة ههههه الأزمة تولد الهمة شفتي كي ديري في قلبك واش تخرجي
ما شاء الله فنانة مع حسن الإحترام و التقدييييييير خموس عليك
نتمنالك التوفييييييق

ووالله كلامك هو الجميل حبيبتي الف شكر ليك وابادلك الاحترام والتقدبر غاليتي