تشاراك العريان و تشارك المسكر من الواثقة بالله - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الحلويات

قسم الحلويات قسم مخصص للحلويات و المواضيع فيه حصرية للمنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

تشاراك العريان و تشارك المسكر من الواثقة بالله

 
 
أدوات الموضوع انواع عرض الموضوع
قديم 2012-05-16, 11:01   رقم المشاركة : 1
معلومات العضو
الواثقة بالله 23
عضو مميّز
 
الصورة الرمزية الواثقة بالله 23
 

 

 
إحصائية العضو










افتراضي تشاراك العريان و تشارك المسكر من الواثقة بالله

السلام عليكم أخواتي الحبيبات

رح نبدا باسم الله بالتشاراك العريان

العجينة 500 غ فرينة + بيضة +100 غ سكر أرطب +شوية خميرة الحلويات +250 غ زبدة قطع بدرجة حرارة الغرفة +فانيلا و نلموا اما بما زهر" مذوبة فيه قرصة ملح صغيرة" أو بالحليب و ندخلها الثلاجة ترتاح "ليلة كاملة"

الحشوة 3 كيلات لوز "حوالي 300 غ" +كيلة ناقصة سكر أرطب +فاني + ملعقة زبدة +بيضة

الطريقة نحلوا العجينة بالقراص مليييح
و نحكمو ورق مقوى و مقص و مسطرة و قلم و نقصو مثلث متساوي الساقين " هربت من الهندسة أيام الدراسة لقيتها قدامي في المطبخ"

كاين لي يستعملو مثلث تاع الحديد لي يتباع يجي مشرشف لكن صدقوني مش عملي خلاص لانو ميقصش مليح و يفسد الشكل

المهم المثلث هذا نحطوه فوق العجينة تاعنا و نقصوها بواسطة الجرارة يجي مثلث مشرشف رائع

و نزيدو نحكموا هذاك المثلث و نقطع بالجرارة خطوط بالطول مايلة مع أضلع المثلث
نحطوا حربوش من الحشو في قاعدة المثل و نبرمو

و نعمل شكل تشاراك

ندخلهم فرن مسبق التسخين على نار هادية و نشعل عليهم من الفوق يشيحو
كي تخرج من الفرن نخليها تبرد قليلا و نعسلوها بعسل ساخن و مخفف بماء زهر "أنا نعسلهم مرتين"
ثم اما نلسقو فيهم لوز ايفيلي
و اما نمرغوهم في اللوز مرحي "نحطو كمية قليلة من اللوز ونبقاو نزيدو لانو اللوز يلسق في العسل و يولي ميصلحش"


أو ممكن تمرغيهم في بستاش "فستق" مرحي باه يعطيهم لون أخضر جميل

" أنا أول ما جربتهم حشيتهم بالكاوكاو و مرغدتهم بالكاوكاو و تحصلت على نتيجة جميلة و عجبت الجميع


التشاراك المسكر 3 كيلات فرينة+ 1كيلة ناقصة شوية زبدة ذايبة و باردة + فاني تاع الميزان دائما +ماء و ما زهر و شوية ملح نلمو بيهم العجينة نتركها ترتاح في الثلاجة
الحشوة 3 كيلات لوز مرحي +كيلة سكر ارطب ناقصة شوية +مبشور حبة ليمون +شوية زبدة +و نبل بماء زهر

الطريقة نحل العجينة بالقراص "منحلوهاش رقيقة ياسر باه ميتحرقش الحشو و نقصو دوائر

و نضع الحشو على شكل حربوش و نبرمو و نشكلو شكر تشاراك "قرن الغزال في مدينتي"

و

ندخلوهم فرن ساخن على نار متوسطة يطيبو من فوق و من التحت
كي يخرجو ساخنين نمرغدوهم في سكر ارطب مباشرة بلا سيرو و بلا ماء زهر باه مييبسوش
وفي المساء نزيدو نسكروهم مرة ثانية
و المرة الثالثة نرشو السكر ارطب عليهم بواسطة الصفاية
انا زينتهم بالبرييون مثل ما عملت الاخت ام سامي ربي يبارك فيها يعطيهم شكل فاخر



حبيت نشكر الاخت maiar لاني تعلمت من عندها أول مرة طريقة تشكيل التشاراك العريان بارك الله فيها و عسى أن يكون غيابها خير
https://www.djelfa.info/vb/showthread.php?t=860212


الله صل و سلم على سيدنا و حبيبنا محمد









 


رد مع اقتباس
 

الكلمات الدلالية (Tags)
المسكر, العريان, الواثقة, بالله, تشاراك, تشارك


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 09:44

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc